Sunday, December 22, 2013

മലയാളിക്ക് വിഷമം



ഇങ്ങനെ ഒരു കമന്റ് കണ്ടപ്പൊ ഞാൻ വിചാരിച്ചു എഴുതിയ വിദ്വാന്റെ സഹോദരനെ ആരാണ്ട് തട്ടി എന്ന്.
അതു കൊണ്ട് വിഷമിച്ചാ ഞാൻ ചോദിച്ചത്  എന്താ നിയമപരമായി പോകാഞ്ഞത് എന്ന്

അപ്പോൾ പറയുന്നു അദ്ദേഹത്തിന്  റൊട്ടി വാങ്ങാൻ പണിയേണ്ടത് കൊണ്ട് സമയമില്ല അത് കൊണ്ടാ എന്ന്

പിന്നെ പറയുന്നത് കേട്ട് കരച്ചിൽ വന്ന് കണ്ണ് കാണാത്തത് കൊണ്ട് ഞാൻ നിർത്തി


എന്ത് സഹോദരൻ ആരുടെ സഹോദരൻ? പാവം

ഇങ്ങേർ ആദ്യം എഴുതിയത് കൂടി കാണണ്ടെ?

വെറൂതെ അല്ല പറയുന്നത് അവനവൻ ഇല്ലാത്തതിലല്ല മലയാളിക്ക് വിഷമം മറ്റുള്ളവനുള്ളതിലാണ്

റൊട്ടി അന്വേഷിക്കാൻ പാടൂപെടുന്നതിനിടയിലും അങ്ങേരുടെ നോട്ടം സുധാമണി എന്ത് ചെയ്യുന്നു എന്നാണ് ഫൂ

ഏതായാലും ഇനി എന്നോട് വർത്തമാനം പറയാനില്ല അത്രെ ഞാൻ പണ്ടെ അഹംകാരിയാ അത് എല്ലാവർക്കും അറിവുള്ളതാണെ

Sunday, December 15, 2013

ആരാ ശരിക്കും വ്യാജൻ?


പാരമ്പര്യവൈദ്യന്മാർക്ക് അവരവരുടെ വീട്ടിൽ നടക്കുന്ന ചികിൽസാരീതികൾ കണ്ടുപഠിക്കാൻ ധാരാളം അവസരം ഉണ്ട്.  അധികം രോഗികളൊന്നും ഉണ്ടാവില്ല. ഉള്ള രോഗിയെ പരിശോധിക്കുന്നതും അവർക്കുള്ള മരുന്ന് തയ്യാർ ചെയ്യുന്നതും വീട്ടിൽ വച്ചു തന്നെ ആയിരിക്കും. അതിൽ സഹായികൾ ആകുന്നത് ചികിൽസകന്റെ മക്കളൊ മറ്റു ബന്ധുക്കളൊ ആയിരിക്കും

ചെറുപ്പം മുതൽ  കണ്ടു വരുന്ന ആ ചികിൽസകൾ മാത്രമാണ് സാധാരണ പാരമ്പര്യക്കാർ ചികിൽസിക്കുന്നതും. അല്ലാതെ ലോകത്തുള്ള സകല രോഗങ്ങളും ചികിൽസിച്ചു മാറ്റാൻ പോകാറില്ല

എന്നാൽ ഇന്ന് പഠിച്ചിറങ്ങുന്ന വൈദ്യന്മാരുടെ കാര്യം അവരുടെ വാക്കുകളിൽ തന്നെ കേള്ക്കൂ

1. പഠിക്കാൻ പോകുന്നതിൻ മുൻപ് അത് ഇത്ര മണ്ടത്തരം ആയിരിക്കും എന്നറിഞ്ഞില്ല -
(പിന്നെ എന്തിനാണാവൊ അങ്ങോട്ട് കെട്ടി എഴുന്നള്ളിയത്? അല്ല, അതു പോലും നേരത്തെ അറിയാൻ ശ്രമിക്കാനുള്ള തലയില്ലാത്തവരാ ഡോക്റ്റർ ആകുന്നത് !!!!!!!!!!!! )
ഹ ഹ അതിനുള്ള ഉത്തരം അല്ലെ ദാ കെ പി സുകുമാരൻ പറഞ്ഞത്

2. പഠിത്തക്കാലത്ത് കളക്റ്ററേറ്റിൽ സമരം ചെയ്യുകയും പരീക്ഷയ്ക്ക് മുൻപ് കുറെ ശ്ലോകം കാണാതെ പഠിക്കലും ആയിരുന്നു ഇവരുടെ "വിദ്യാഭ്യാസം"
(ഭയങ്കരം, സമ്മതിച്ചു തന്നിരിക്കുന്നു - പള്ളിയിൽ ഒരു കുമ്പസാരം കൂടി നടത്തിയാൽ പൂർത്തിയായി)

പിന്നെ അറിവിനു വേണ്ടി ഇവർ വേറെ വൈദ്യന്മാരുടെ കൂടെ പോയി ആണ് നേടിയത്

( അല്ല ഈ പാരമ്പര്യക്കാർ അവരവരുടെ പിതാവിൽ നിന്നും ഇതുപോലെ നേടിയാൽ അത് അറീവാകില്ലെ? )

എഴുതി എഴുതി എനിക്കു തന്നെ ബോറടിച്ചു

ഇനി  ഇവരുടെ വാക്കുകൾ പടങ്ങളിൽ കൂടി കണ്ടോളൂ

എന്നിട്ട് പറയൂ

ആരാ ഈ ശരിക്കും വ്യാജൻ?

ആരെ ഒക്കെയാ ചികിൽസയിൽ നിന്നും നിരോധിക്കേണ്ടത്?



Friday, December 13, 2013

കുറൂന്തോട്ടി പോലും കണ്ടാലറിയാത്ത "ഭിഷഗ്വരന്മാര്‍"

Better is it t swallow snake poison or drink  melted Copper or eat red hot iron balls  than dressing inn the garb of the learned (and pretending to be a doctor , just because someone takes refuge in you or because they are afflicted by a disease and you as a doctor accept FOOD,DRINKS,or MONEY from them 

ആയുര്‍വേദ വിദ്യാഭ്യാസത്തെയും വൈദ്യത്തെയും കുറിച്ച്‌ എന്തെല്ലാം ചര്‍ച്ചകള്‍!!!!

പക്ഷെ ഇന്ന് ഒരിടത്ത്‌ വായിച്ച ഒരു വാചകം കണ്ടപ്പോള്‍ കാര്യം മനസിലായി

"വൈദ്യം" അല്ല വിഷയം - "കച്ചവടം" ആണ്‌

കച്ചവടത്തില്‍ ലാഭം വേണമല്ലൊ അല്ലെ?

മായം കലര്‍ന്നാല്‍ പിടിക്കണം കടിക്കണം.

ചികില്‍സ തെറ്റിയാല്‍ ചികില്‍സകനെ ക്രൂശിക്കണം

രോഗിയില്‍ നിന്ന് ചികില്‍സകന്‌ സംരക്ഷണം.

ഒക്കെ വെളിവായത്‌ ഇന്നല്ലെ

ഞാന്‍ ധരിച്ചത്‌ വൈദ്യത്തെ കുറിച്ചായിരുന്നു തര്‍ക്കം എന്നായിരുന്നു.

ആയുര്‍വേദ വൈദ്യം സേവനത്തിനുള്ള ഒരു സാധനം ആണ്‌. അത്‌ കച്ചവടത്തിനുള്ള ഉപാധി അല്ല. അഥവാ ആകരുത്‌.

ആയുര്‍വേദം പഠിക്കുന്ന ഒരാള്‍ ഒരു രോഗിയെ പരിശോധിക്കുന്നതു മുതല്‍ അവനു വേണ്ട ഔഷധം സ്വയം ഉണ്ടാക്കി അവനു കൊടുക്കാന്‍ വരെ പ്രാപ്തനാക്കാനാണ്‌ ഉദ്ദേശിച്ചിരിക്കുന്നത്‌.

അതായത്‌ ഒരു "വണ്‍ മാന്‍ ആര്‍മി"
ഇന്നത്തെ ആധുനിക വൈദ്യത്തെ പോലെ മരുന്ന് എഴുതി കൊടുത്തിട്ട്‌ കടയില്‍ നിന്നും അയാള്‍ എന്ത്‌ വിഷമാണ്‌ വാങ്ങുന്നത്‌ എന്നറിയാന്‍ പറ്റാത്ത ഒരു സ്ഥിതിവിശേഷം അല്ല

ഇന്ന് ആയുര്‍വേദത്തെയും അങ്ങനെ ആക്കി എടുത്തു

വെള്ളക്കോട്ടും ധരിച്ച്‌ കുറിപ്പടി കുറിക്കാന്‍ മാത്രം അറിയാവുന്ന , കുറൂന്തോട്ടി പോലും കണ്ടാലറിയാത്ത "ഭിഷഗ്വരന്മാര്‍"

മുകളിലത്തെ വാചകം എഴുതിയ ആചാര്യന്‍ അങ്ങ്‌ മുകളില്‍ കാണും

കൂടുതല്‍ എന്ത്‌ പറയാന്‍

Thursday, December 12, 2013

ആയുര്‍വേദകച്ചവടം

ആയുര്‍വേദവൈദ്യന്മാര്‍ ആയുര്‍വേദത്തെ പറ്റി പറയുന്ന ചില കാര്യങ്ങള്‍ കേള്‍ക്കുമ്പോള്‍ എനിക്ക്‌ മറ്റു ചില കാര്യങ്ങള്‍ പറയാന്‍ തോന്നുന്നു.

രോഗിയെ പരിശോധിച്ച ശേഷം ആ രോഗിയുടെ അവസ്ഥയ്ക്ക്‌ പറ്റിയ മരുന്ന്‌/ മരുന്നുകള്‍/ എന്തൊക്കെ ആയിരിക്കണം എന്ന് വൈദ്യന്‍ തീരുമാനിക്കും

അതിനു ശേഷം ഔഷധം തയ്യാറാക്കും - കഷായം ആണെങ്കില്‍ കഷായം, ചൂര്‍ണ്ണം ആണെങ്കില്‍ അത്‌

അരിഷ്ടം ആസവം ലേഹം, ഘൃതം , കുഴമ്പ്‌ എണ്ണ ഇവ നേരത്തെ ഉണ്ടാക്കി വയ്ക്കുന്നതില്‍ തരക്കേടില്ല.

എന്നാല്‍ കഷായം ചൂര്‍ണ്ണം ഇവ പെട്ടെന്ന് കേടായി പോകുന്നവ ആണ്‌

ഇപ്പൊഴോ

കഷായം ഉണ്ടാക്കി അതില്‍ ബെന്‍സോയിക്‌ ആസിഡ്‌ പോലെ ഉള്ള സാധനങ്ങള്‍ ചേര്‍ത്ത്‌ കൂടൂതല്‍ നാള്‍ വച്ചേക്കുന്നു.

ഒരു വസ്തുവിന്റെ യഥാര്‍ത്ഥ പരിണാമം നടക്കുന്നതിനെ തടയുന്ന താണ്‌ - ഈ ചേര്‍ക്കുന്ന വസ്തു. അതു കൊണ്ടാണല്ലൊ കഷായം കേടാകില്ല എന്ന് പറയുന്നത്‌. അങ്ങനെ ആണെങ്കില്‍ ആ കഷായം എന്ത്‌ പ്രവൃത്തി ആകും ചെയ്യുക?

സ്വാഭാവിക പരിണാമം നടക്കാത്ത വസ്തു സ്വാഭാവിക പ്രഭാവം കാണിക്കും എന്ന് വിശ്വസിക്കണം എങ്കില്‍ തലക്കകത്ത്‌ തലച്ചോറിനു പകരം മറ്റുവല്ലതും ആയിരിക്കണം.

മുന്തിരിങ്ങ - ദ്രാക്ഷ മധുര രസമുള്ള വസ്തു - ദ്രാക്ഷാദി കഷായം - ആ യോഗത്തിനെ കഷായരസപ്രധാനമാക്കി ആണ്‌ ഉപയോഗിക്കാന്‍ പറയുന്നത്‌. അതില്‍ പുളി ഉള്ള ആസിഡ്‌ ചെര്‍ത്താല്‍ എന്തായിരിക്കും ഫലം?

ഒരു സ്പൂണ്‍ തെയിലയും രണ്ട്‌ സ്പൂണ്‍ പഞ്ചസാരയും, മുക്കാല്‍ ഗ്ലാസ്‌ വെള്ളവും കാല്‍ ഗ്ലാസ്‌ പാലും ഉപയോഗിച്ച്‌ ഒരു ഗ്ലാസ്‌ ചായ ഉണ്ടാക്കി കുടിക്കൂ.

ഇനി ഇതിനെ 1000 കൊണ്ട്‌ ഗുണീച്ച്‌ വലിയ ഒരു താമ്പാളത്തില്‍ ചായ ഉണ്ടാക്കൂ അതില്‍ നിന്നും ഒരു ഗ്ലാസ്‌ എടുത്ത്‌ കുടിക്കൂ

രണ്ടും ഒരു പോലെ ആയിരിക്കുമൊ ?

ഇതുപോലെ ആയുര്‍വേദത്തില്‍ മരുന്നുകള്‍ ഉണ്ടാക്കുന്നതിനും അളവുകള്‍ പറഞ്ഞിട്ടുണ്ട്‌. ചില മരുന്നുകള്‍ ഇത്ര ഇത്ര അളവ്‌ - (ഒന്നുകില്‍ കഴഞ്ച്‌ കണക്ക്‌ അല്ലെങ്കില്‍ എണ്ണം , അല്ലെങ്കില്‍ നാഴി ഇടങ്ങഴി തുടങ്ങി) വസ്തു എടുത്ത്‌ ഉണ്ടാക്കണം എന്ന് പറയും

മറ്റു ചിലവയ്ക്ക്‌ ആപേക്ഷികമായ അളവുകള്‍ പറയും - അങ്ങനെ ഉള്ളവ കുറഞ്ഞ അളവിലൊ , കൂടിയ അളവിലൊ ഉണ്ടാക്കാം.

എന്നാല്‍ ഇന്നുണ്ടാക്കുന്നതില്‍ ഇങ്ങനെ വല്ലതും നോക്കുന്നുണ്ടൊ?

ട്രക്ക്‌ നിറയെ സാധനം വരുത്തും മില്ലില്‍ പൊടീക്കും

വന്നത്‌ കുറൂന്തോട്ടി ആണൊ ലങ്കോട്ടിയാണൊ എന്ന് ആര്‍ക്കറിയും?

ചികില്‍സക്ക്‌ വേണ്ടി ആധുനികര്‍ ഉണ്ടാക്കുന്ന രീതിയില്‍ ഒരു ഫാര്‍മക്കോപ്പിയ പുസ്തകവും കൂടി ആയപ്പോള്‍ പൂര്‍ണ്ണം

രോഗത്തിന്‌ പേരും മരുന്നായി കഷായാദികളും - എല്ലാം കൂട്ടി പുസ്തകം അടിച്ച്‌ വച്ചിട്ടുണ്ട്‌.

ഇനി ഒരു കമ്പനിയുടെ ഏജന്‍സി എടുത്താലൊ?

സാധാരണക്കാര്‍ക്കൊക്കെ അറിയാവുന്ന ചില സാധനങ്ങള്‍ ദശമൂലാരിഷ്ടം, ച്യവനപ്രാശം, വായുഗുളിക -

ധാരാളം ആളുകള്‍ വെറുതെ വന്ന് ഇവ ഒക്കെ വാങ്ങിക്കൊണ്ട്‌ പോകും.

അപ്പോള്‍ കച്ചവടം നടക്കാന്‍ ഇവ അത്യാവശ്യം

എന്നാല്‍ കമ്പനിക്കാര്‍ ബുദ്ധി ഉള്ളവരാണ്‌

ദശമൂലാരിഷ്ടം 10 കുപ്പി ഓര്‍ഡര്‍ ചെയ്താല്‍ അതിനൊപ്പം വേറെ ചില മരുന്നുകള്‍ - ഏതായാലും മതി - ചെലവില്ലാത്തവ ഒരു 50 കുപ്പി എങ്കിലും ഓര്‍ഡര്‍ ചെയ്താലെ ദശമൂലാരിഷ്ടം വരൂ

പക്ഷെ പലപ്പോഴും ദശമൂലാരിഷ്ടം ഒഴികെ ബാക്കി മാത്രമാകും വരിക

പിന്നെ ആ വൈദ്യന്റെ ജോലിയാണ്‌ വരുന്ന ആര്‍ക്കെങ്കിലും ഒക്കെ അവ അടിച്ചേല്‍പ്പിക്കേണ്ടത്‌.

മോഹനന്‍ വൈദ്യര്‍ പറയുന്നതില്‍ കാര്യമില്ല എന്ന് ഇപ്പോള്‍ തോന്നുന്നുണ്ടൊ?

ശൂദ്രന്റെ ചെവിയിൽ ഈയം ഉരുക്കി ഒഴിക്കണം



ശ്ശെടാ ഈ കമ്പ്യൂട്ടറിന്റെ ഒരു കാര്യമെ

കാണരുതെന്ന് വിചാരിക്കുന്ന കാര്യങ്ങൾ തന്നെ മുന്നിൽ കൊണ്ട് തരും

ജോലി ജീവിതം ഇതൊക്കെ തന്നെ ആവശ്യത്തിലധികം പ്രശ്നം  ഉണ്ടാക്കുന്നുണ്ട്
അതിനൊപ്പം ഇതും കൂടി ആയാലൊ?

പേരെടുത്ത് ഓരോരുത്തർ പറയുമ്പോൾ - അതൊന്നും കാണണ്ടാ എന്ന് കരുതി ഗ്രൂപ്പിൽ നിന്നും പുറത്ത് പോയാലും - !!! സ്നേഹത്തോടെ ചിലർ വച്ച് നീട്ടും ദാ കണ്ടോ ന്ന്

എടൊ അഭിജിത്തെ
താൻ ഇത് പറഞ്ഞത് നല്ല അർത്ഥത്തിലായാലും ചീത്ത അർത്ഥത്തിലായാലും എനിക്കൊന്നും ഇല്ല
പക്ഷെ ആ ത്രെഡ് മുഴുവൻ വായിക്കുന്ന ആളുകൾ ഉണ്ട്. അത് മാത്രം മനസിലാക്കിയാൽ തനിക്ക് നന്ന് - തന്നെക്കാളൊക്കെ വലരെ ഉയർന്ന നിലവാരത്തിലുള്ള ഡോ സൂരജ് - ഒരു മാർക്കല്ല അനേകം മാർക്ക് വാങ്ങി വളരെ ഉയർന്ന വിദ്യാഭ്യാസം കരസ്ഥം ആക്കിയ  ആളുടെ കമന്റുകളും അവിടെ കാണാം.

അതൊക്കെ വായിച്ചവർ ഉണ്ട് ലോകത്ത്
ഒന്ന് കൂടി

പണ്ട് ചിലർ പറഞ്ഞിരുന്നു പോലും വേദം കേൾക്കുന്ന ശൂദ്രന്റെ ചെവിയിൽ ഈയം ഉരുക്കി ഒഴിക്കണം എന്ന്

ഞാൻ അത് തെറ്റാണെന്ന് വിചാരിച്ചിരുന്ന ആൾ ആയിരുന്നു
പക്ഷെ ഇപ്പോൾ ഒരു സംശയം
ഒഴിക്കണോ
അഥവാ ഈയം മതിയൊ

അതോ അതിലും കൂടൂതൽ വല്ലതും വേണോ എന്ന്

മുൻപത്തെ പോസ്റ്റും കൂട്ടി വായിക്കണെ

Wednesday, December 11, 2013

കഞ്ഞികുടി മുട്ടും


പണ്ട് ഇന്നത്തെ പോലെ ആശുപത്രികൾ ഇല്ല

കോട്ടും സൂട്ടും ഇട്ട ഡോക്റ്റർമാർ ഇല്ല

മരുന്നു കടകൾ ഇല്ല

കാലം പഴയകാലം

ഇപ്പോൾ ആലോചിച്ചാൽ പേടിയാകും അല്ലെ?

ഇന്ന്  ഒരു ചുമ വന്നാൽ - ഓടി അടുത്ത കടയിലേക്ക് - ചുമയുടെ സിറപ്പ് രൂപ 80 പോയാൽ എന്താ മധുരമുള്ള സൂത്രം കുടിക്കാൻ കിട്ടുമല്ലൊ

എന്നാൽ പണ്ടൊ?

അമ്മൂമ്മമാരോട് ചോദിച്ചാൽ അറിയാം

ആടലോടകം  എന്ന് കേട്ടിട്ടുണ്ടാകും- അതിന്റെ രണ്ടിലകൾ പറിച്ച് അല്പം എണ്ണ ഒന്ന് പുരട്ടി ചൂടാക്കി വാട്ടി പിഴിഞ്ഞ് രണ്ട് തുള്ളി നീർ എടുക്കും. രണ്ട് തുള്ളി തേനും ചേർത്ത് നക്കിക്കഴിക്കും

ഇപ്പോൾ ആയുർവേദ ഡോക്റ്റർമാർക്ക് അറിയില്ലത്രെ ആയുർ വേദമരുന്നുകൾ എങ്ങനെയാണ് പ്രവർത്തിക്കുന്നത് എന്ന് . അത് അവർക്ക് ആധുനികരീതിയിൽ പഠിപ്പിച്ചു കൊടൂക്കണം അത്രെ

ആമ്പിള്ളേർ അത് ചെയ്യുന്നുണ്ട് ദാ ഇങ്ങനെ



ഇങ്ങനെ ചെയ്താൽ രോഗിയുടെ പോക്കറ്റിലുള്ള പൈസ ഇങ്ങു പോരും

അല്ല പൈസ ആണല്ലൊ ഇപ്പൊ ദൈവം അല്ലെ?

വെറുതെ ഇലയുടെ നീരെടുത്ത് കുടീക്കാൻ പറഞ്ഞാൽ കഞ്ഞികുടി മുട്ടും

Monday, December 09, 2013

ഞാൻ അണ്ണന്റെ ഫാൻ ആയി


ഫേസ്ബുക്കിൽ പല പല ഉഗ്രൻ തർക്കങ്ങൾ നടക്കും
സമയം കൊല്ലാൻപറ്റിയ ഒരു സാധനം ആണ്.

നമ്മുടെ ഇന്നത്തെ വിദ്യാഭ്യാസസമ്പ്രദായത്തിന്റെ ഉല്പന്നങ്ങൾ വിളമ്പുന്ന മനോഹരങ്ങളായ വാദമുഖങ്ങൾ
കേട്ടാല് കോരിത്തരിച്ചു പോകും

ഒരു തർക്കം മൂത്ര ചികിൽസയെ കുറിച്ചാണ്

അതിന്റെ കമന്റുകൾ വായിച്ചു വന്നപ്പോൽ കണ്ട ഒരു സാധനം ദാ

മൂത്രം മാലിന്യമാണ്

പക്ഷെ അത് തെളിയിക്കാൻ അദ്ദേഹം നിർദ്ദേശിക്കുന്ന പരീക്ഷണം !!!!!!!!!

മൂത്രം നേരിട്ട് രക്തത്തിലേക്ക് കുത്തിവച്ച് നോക്കാൻ

നമിച്ചു അണ്ണാ നമിച്ചു

മാലിന്യം അല്ലാത്ത കുറച്ച് ചിക്കൻ ബിരിയാണി ഒന്ന് നേരിട്ട് രക്തത്തിലേക്ക് കുത്തിവച്ചു കാണിച്ചെ

അല്ലെങ്കിൽ അണ്ണൻ മരുന്നായി കുടിക്കുന്ന - മാലിന്യം അല്ലാത്ത - ചുമയുടെ ഒരു സിറപ്പ് ഒന്ന് കുത്തിവച്ചേ

ഇഞ്ജക്റ്റബിൾ ആയി ഉണ്ടാക്കാത്ത വേറെ ഏതെങ്കിലും ഒരു സാധനം ഒന്ന് കുത്തി വച്ച് കാണിച്ചെ

ഏതായാലും ഞാൻ അണ്ണന്റെ ഫാൻ ആയി

Thursday, December 05, 2013

ആനന്ദലബ്ധിക്കിനി എന്ത് വേണം


കാലത്ത് ചാരുകസാലയിൽ അങ്ങനെ കിടന്ന് താംബൂലം ചവച്ചു കൊണ്ട് സവർണ്ണചിന്താഗതികൾ ഒക്കെ അയവിറക്കി അങ്ങനെ മൂസിനെ ധ്യാനിച്ചിരുന്നപ്പോൾ

അയ്യയ്യെ എന്താ ഇങ്ങനെ എന്നാണൊ ചിന്തിച്ചത്?

ങാ ഈയിടെയായി ഫേസ് ബുക്കിലൊക്കെ കയറിക്കയറിയിറങ്ങിയപ്പോഴല്ലേ എനിക്ക് മനസിലായത് ഞാൻ അങ്ങനെ വെറും കസേരയിലൊന്നും ഇരിക്കേണ്ടവനല്ല ചാരുകസാലയിൽ വിരാജിക്കേണ്ടവൻ ആണെന്ന്

ഇരുന്നാൽ മാത്രം പോരാ മൂസ് നമ്പൂരി തുടങ്ങിയ സവർണ്ണ ത്രിവർണ്ണ ഇനി എന്തൊക്കെ ഉണ്ടൊ അവർണ്ണ ഒക്കെ ഇങ്ങനെ ആലോചിക്കണം എന്നും

അങ്ങനെ ആലോചിച്ചു തുടങ്ങിയതാ

അപ്പൊഴാ ഒരു തോന്നൽ

ആയുർവേദം പഠിച്ച - മഹാവിദ്വാന്മാരായ - മഹാവിദ്വാന്മാർ എന്ന് പറഞ്ഞാൽ പോരാ - അതിമഹാ വിദ്വാന്മാരായ ചിലർ  ആയുർവേദവിദ്യാഭ്യാസത്തിന്റെ പോരാഴികകളെ കുറിച്ച് ഭയങ്കരമായി - അതിഭയങ്കരമായി ചർച്ച ചെയ്യുന്നില്ലെ? അവർക്ക് ചില സജഷൻ കൊടുത്താലോ എന്ന്

അത്രയും വിദ്വാന്മാരായത് കൊണ്ട് അവർ പരഞ്ഞതൊക്കെ ഞാൻ അങ്ങ് സമ്മതിക്കുന്നു

എന്തൊക്കെയാണ് അവർ പറഞ്ഞത്?

1. ആയുർവേദത്തിന്റെ മൂലസിദ്ധാന്തങ്ങൾ വെറും കാലഹരണപ്പെട്ടവ. അവ ഉപയോഗിച്ച് രോഗം ഒന്നും മനസിലാക്കാനൊ ചികിൽസിക്കാനൊ പറ്റുകയില്ല. 

2. ആയുർവേദമരുന്നുകൾ കൊണ്ട് രോഗം മാറൂന്നത് എങ്ങനെ ആണ് എന്ന് ഇങ്ങനെ പഠിച്ചിറങ്ങിയ വൈദ്യൻ - അയ്യൊ ഡൊക്റ്റർ- മാർക്ക് അറിയില്ല

3. ആയുർവേദം എന്ന 2000 കൊല്ലം പഴക്കമുള്ള കാലഹരണപ്പെട്ട കുന്തം പഠിക്കേണ്ടി വന്നത് ഈ മിടുക്കന്മാർക്ക് എണ്ട്രൻസ് പരീക്ഷയിൽ ഒരു മാർക്ക് കുറഞ്ഞു പോയതു കൊണ്ടാണ്.

4. ആയുർവേദകോളേജുകളിൽ ആയുർവേദത്തിനു പകരം ആധുനികരീതിയിൽ രോഗം കണ്ടു പിടിക്കുന്നതും ആയുർവേദമരുന്നുകൾ ആധുനികരീതിയ്ല് എങ്ങനെ രോഗം മാറ്റുന്നു   എന്നും ആണ് പഠിപ്പിക്കേണ്ടത്

5. കളക്റ്ററെറ്റിൽ സമരം ചെയ്യുകയായിരുന്നു ഇവരിൽ പലരും . പരീക്ഷ വരുമ്പോൾ കുറേ ശ്ലോകം കാണാതെ പഠിക്കൽ ആണ് ആയുർവേദ വിദ്യാഭ്യാസം.

6. ആധുനികവൈദ്യം പഠിക്കുക എന്നതാണ് ഇവരുടെ ആത്യന്തിക ലക്ഷ്യം, പക്ഷെ അഞ്ചര കൊല്ലം ആയുർവേദം പഠിച്ചു കഴിഞ്ഞ് വീണ്ടും അഞ്ചര കൊല്ലം ആധുനികവും പഠിച്ചാൽ - ഫലത്തിൽ 12 കൊല്ലം വിദ്യാഭ്യാസത്തിന് ചെലവാകും - (പക്ഷെ ഇവർ കണക്കാക്കി അത് 10 കൊല്ലം കൊണ്ട് തീർക്കും കേട്ടൊ- ഞാൻ പറഞ്ഞതല്ല അവിടെ കണ്ടതാ) അത് കൊണ്ട് ആധുനികം കൂടി ആയുർവേദകോളേജിൽ അങ്ങു പഠിപിച്ച് വിടണം

7. ആധുനിക വൈദ്യം പഠിച്ച് ഇറങ്ങി വരുന്നവരെ പിന്നീട് ഇങ്ങനെ വരുന്ന വൈദ്യന്മാർ ആയുർവേദം പഠിപ്പിക്കും


ഇതൊക്കെ വായിച്ച് എനിക്കങ്ങ് കുളിരു കോരുന്നു

ഹൊ ഇത്ര പുരോഗമന ചിന്താഗതി ഉള്ള മിടൂമിടുക്കന്മാർ ഉള്ളപ്പോൾ ആയുർവേദമെ നീ സന്തോഷിച്ചോളൂ. നിന്റെ കാര്യം ശുംഭം

ഒരു മാർക്ക് കുറഞ്ഞ "മിടുക്കന്മാർ" - ഒരു മാർക്ക് കൂടൂതൽ വാങ്ങി പഠിച്ച "മണ്ടന്മാരെ"  കാലഹരണപ്പെട്ട ആയുർവേദം പഠിപ്പിക്കും

ഹൊ ആനന്ദലബ്ധിക്കിനി എന്ത് വേണം?

ഇനി വേറെ കുറെ കാര്യങ്ങൾ കൂടി ചെയ്യാം

സമരത്തിനിടയിൽ  ഓടി വന്ന് നാല് ശ്ലോകം പഠിക്കാൻ വേണ്ടി എന്തിനാ സർക്കാർ ഈ അഞ്ചര കൊല്ലം മെനക്കെടുത്തുന്നത്?

പിന്നെ കാലഹരണപ്പെട്ട കുന്തം വെറുതെ തല പുകച്ച് പഠിക്കേണ്ട കാര്യവും ഇല്ലല്ലൊ

അതു കൊണ്ട് നമ്മൾ മിടൂക്കന്മാർക്ക് ആയുർവേദം പഠിക്കാൻ ഒരു കൊല്ലം മതി. ബാക്കി നാലുകൊല്ലം സമരം ചെയ്യാമല്ലൊ. അതു കൊണ്ട് ബി എ എം എസിന്റെ കാലാവധി ഒരു കൊല്ലമാക്കുക. 

 മുൻപ് പറഞ്ഞതു പോലെ ഇനി രണ്ടാമത് ആധുനികം പഠിക്കണം എങ്കിൽ ആ 10 കൊല്ലം ല്ലെ പറഞ്ഞത്?
 12 അല്ലല്ലൊ അല്ലെ? അഞ്ചര കൊല്ലം തെകച്ച് അങ്ങ് ആധുനികം പഠിച്ചാലും അഞ്ചരയും ഒന്നും കൂടി ആറര കൊല്ലം കൊണ്ട് അതു എടൂക്കാം

Sunday, November 24, 2013

അമളിപുരാണം കോളെജിൽ തുടർച്ച


അമളികൾ ഇങ്ങനെ പറ്റിക്കൊണ്ടെ ഇരിക്കും. അത് ഒരതിശയം ഒന്നും അല്ല. ആണൊ?

ഞാൻ മുൻപ് ഒരിക്കൽഒരു ബംഗാളി സഹപാഠിയുടെ അടുത്ത് ബംഗാളി ഭാഷയിൽ  "ഗുഡ് മോണിംഗ്" പറഞ്ഞത് അറിയാമല്ലൊ അല്ലെ?

കേരളത്തിലെ മെഡിക്കൽ കോളെജുകളിൽ  ലോകത്തു നിന്നു തന്നെ ഉള്ള പല പ്രദേശങ്ങളിലെയും വിദ്യാർത്ഥികൾ പഠിക്കാനെത്തും

ഇവന്മാരുടെ ഒന്നും ഭാഷ നമുക്കറിയാതെ പോയത് നമ്മുടെ കുറ്റം ആണോ?

അല്ല വെറുതെ വലിച്ച് നീട്ടുന്നില്ല

ഹ ഹ എനിക്കറിയാം  നിങ്ങൾ ഇപ്പോൾ ചിന്തിക്കുന്നത് "എന്തിനാ പൊട്ടാ വലിച്ചു നീട്ടുന്നത് പറ്റുന്നത് ഏതായാലും അമളി അല്ലെ ഉള്ളൂ. അതിങ്ങ് നേരെ പറഞ്ഞാൽ പോരെ?"

സൊ അതിങ്ങ് ദാ നേരെ വരുന്നു

എന്റെ ഒരു സഹപാഠി "ആൻധ്ധ്ര" ( ഹൊ ഈ സാധനം ഒന്നെഴുതാൻ എന്ത് പ്രയാസം !!!) "ആംധ്ധ്ര" ഒന്നും സമ്മതിക്കുന്നില്ല "ആന്ധ്ര" ഹൊ ഇപ്പൊ ശരി ആയി

ങ്ഹാ അവിടത്ത്കാരൻ ഉത്തപ്പറാവു- തെലുങ്കൻ

ഞങ്ങൾ നല്ലസുഹൃത്തുക്കൾ

പക്ഷെ അപകടം അവിടെ അല്ല

ഞങ്ങൾക്ക് സീനിയർ ആയ പലരും ഇതുപോലെ പല ദേശക്കാർ ആണ്

ഉച്ചയ്ക്ക് ലഞ്ചിന് വരുന്ന സമയത്ത്  പലരെയും നേരിടെണ്ടി വരും

അതുകൊണ്ട് ഞാൻ ഉത്തപ്പയോട് ചോദിച്ചു "എടെ നിങ്ങൾ തെലുങ്കിൽ എങ്ങനെ ആണ് വിഷ് ചെയ്യുന്നത്"

ഞാൻ ദിവസവും വീട്ടിൽ നിന്നും  പോക്കുവരവായത് കൊണ്ട് ലഞ്ചിനു മാത്രമെ ഇവരുമായി സഹവാസം ഉള്ളു

ഉത്തപ്പ എനിക്ക് ലഞ്ചിനു വരുന്ന തെലുങ്കനെ അഭിവാദ്യം ചെയ്യേണ്ട വാചകം പഠിപ്പിച്ചു തന്നു

ഞാൻ അത് ഉരുവിട്ട് കാണാപ്പാഠം ആക്കി


റാഗിംഗ് ഒക്കെ ഉള്ള കാലം അല്ലെ - മൂത്തവരെ സന്തോഷിപ്പിച്ചു നിർത്തേണ്ടത് നമ്മുടെ ആവശ്യം

അങ്ങനെ അടുത്ത ദിവസം ഉച്ചക്ക് ഊണിൻ ഹോസ്റ്റലിലെ മെസ്സിൽ ഇരിക്കുന്നു

image courtesy google

അടുത്തേക്ക് സീനിയർ ആയ ഗോവിന്ദറാവു വരുന്നു - പഹയൻ വല്ലാത്ത ശല്യക്കാരൻ  ഒന്ന് പ്രീതിപ്പെടൂത്തിയേക്കാം എന്ന് കരുതി ഞാൻ തലേന്ന് പഠിച്ച പാഠം ഉരുവിട്ടു

"ഏന്റ്രേ ലഞ്ജ കൊഡക്കാ"

 ലഞ്ച് എന്ന് വച്ചാൽ ഉച്ചയൂണാണെന്ന് ആർക്കാ അറിയാത്തത് ? അപ്പൊ ലഞ്ജ് കൊഡക്കാ ന്ന് വച്ചാൽ ലഞ്ചിനു വന്നതാ അല്ലെ എന്നായിരിക്കും - അതല്ലെ അവൻ പറഞ്ഞുതന്നത്

പക്ഷെ ആ വാചകത്തിനർത്ഥം അവന് അറിയാമായിരുന്നു - ലഞ്ജ് എന്ന് വച്ചാൽ വേശ്യ എന്നും ലഞ്ജ് കൊഡക്ക എന്നു വച്ചാൽ വേശ്യയുടെ മോനെ " എന്നും ആണെന്ന്


Thursday, November 21, 2013

ഒരു ഭാരതരത്നം ഇവർക്കു കൂടി










ഹൊ ഇപ്പൊ സമാധാനമായി





  എത്രയും വേഗം ആ ചുവന്ന വരകൾ കൊണ്ട് കാണിച്ചത് ഒന്നങ്ങു നടപ്പായിക്കിട്ടിയാൽ മതി



ഇനി പ്രവേശനപരീക്ഷയിൽ "ഒരു മാർക്ക്" കുറഞ്ഞ പാവങ്ങൾക്ക്  ഇതുപോലെ കഷ്ടപ്പെട്ട് ബുദ്ധിമുട്ടി ആയുർവേദം പഠിച്ചിട്ട് ഇതുപോലെ അയ്യൊപാവേന്ന് നിലവിളിക്കേണ്ടി വരില്ലല്ലൊ. ലോകവും രക്ഷപ്പെടൂം
അല്ല എനിക്കൊരു സംശയം

ഈ എന്റ്രൻസ് ആകെ ഒരു തവണയെ എഴുതാൻ പറ്റുകയുള്ളോ?

അല്ല ഒരു മാർക്ക് കുറഞ്ഞാൽ അടുത്ത തവണ ഒന്നു കൂടി എഴുതി നോക്കാമല്ലൊ അല്ലെ?

അതോ ഇനി എത്ര എഴുതിയാലും നമ്മൾ ആ ഒരു മാർക്ക് പിന്നിലെ നിൽക്കൂ എന്ന് നേരത്തെ അറിയാമൊ?

അത് നല്ലതാ അവനവനെ പറ്റി ഒരു ധാരണ നേരത്തെ ഉള്ളത് നല്ലതാ

പിന്നൊരു കാര്യം നമ്മളെക്കാൾ മിടുക്കന്മാർ അഞ്ച് കൊല്ലാം ആധുനികവും പഠിച്ചിട്ട് , പിന്നീട് അവർ പഠിക്കേണ്ട സാധനമാ
ഇപ്പൊ ഈ ഒരു മാർക്ക് കുറഞ്ഞ നമ്മൾ എടൂത്ത് പിടിച്ച് വച്ചിരിക്കുന്നത്

നാട്ടിൽ ഒരു ചൊല്ലുണ്ടല്ലൊ എന്തോന്ന് "പട്ടിക്ക് പൊതിയാ തേങ്ങ കിട്ടിയ പോലെ" അല്ലെ?

അതായിരിക്കും പലരും അവിടെ ചോദിക്കുന്നത് എങ്കിൽ പിന്നെ ഇപ്പണീ നിർത്തി പൊയ്ക്കൂടെ എന്ന്

പക്ഷെ ഒന്ന് എടുത്തു പറഞ്ഞെ തീരൂ

അവസാനം ഒരാഗ്രഹം ഉണ്ട്

നമ്മളെക്കാൾ മിടുക്കന്മാരായ പിള്ളേർ അഞ്ചു കൊല്ലം പഠിച്ച ആ സാധനം ഒരു ചെപ്പിലാക്കി ഞങ്ങൾക്കു കൂടി ഇങ്ങ് തന്നാൽ

ഞങ്ങൾ പിന്നെ വല്ല ഹൃദയം മാറ്റിവച്ചൊ തല മാറ്റി വച്ചൊ ഒക്കെ അങ്ങു സുഖിച്ചോളാം

പക്ഷെ മൊത്തം വായിച്ചിട്ട് ആകെ കൺഫ്യൂഷൻ

"രണ്ടായിരം കൊല്ലം പഴക്കമുള്ള ആരോഗ്യവിജ്ഞാനം പഠിക്കുന്ന ദുരവസ്ഥ"

ഇത് നല്ല വിജ്ഞാനം  അല്ലെങ്കിൽ പിന്നെ എന്തിനാണ് ആധുനികവൈദ്യപഠനത്തിൻ ശേഷം വേണം എന്നു പറയുന്നത്?

ഇനി അങ്ങനെ അവർ അവസാനമായി പഠിക്കേണ്ട സാധനം ഇപ്പോഴെ പഠിക്കാൻ കിട്ടുന്ന അവസരം എനഗ്നെ ആണ് ദുരവസ്ഥ ആകുന്നത്?

പിന്നൊന്ന് എന്തിനാണ് ആധുനികർ അവസാനമയി പഠിക്കേണ്ട സാധനത്തിനു മുൻപ് പഠിച്ചത് ഉരുട്ടി തരാൻ പറയുന്നത് നിങ്ങൾ പറഞ്ഞ 'ബ്രിട്ജ്' ആക്കി

ഏതായാലും ഒരു ഭാരതരത്നം  ഇവർക്കു കൂടി കൊടുത്തേക്കണെ

Tuesday, November 19, 2013

ചരകാൻ എന്ന പണ്ടിതാൻ


ആയുർവേദ കോളെജുകളിൽ പഠിപ്പിക്കുന്നത് ഒക്കെ മാറ്റേണ്ട സമയമായി എന്ന് തോന്നുന്നു.

അഷ്ടാംഗഹൃദയം ആരെഴുതിയതാണെന്ന അവിടെ പഠിപ്പിക്കുന്നത്?

വാഗ്‌ഭടനൊ? ആരു പറഞ്ഞു?

 "ഹൃദയമിവ ഹൃദയമേതത് " എന്ന ശ്ലോകത്തിൽ അഷ്ടാംഗചികിൽസയുടെ - അഷ്ടാംഗസംഗ്രഹത്തിന്റെ ഹൃദയമായ ഭാഗം സംഗ്രഹിച്ചതാണെന്ന് പറഞ്ഞെന്നൊ

ഒന്ന് പോടെ

അതൊക്കെ തെറ്റ്

നിങ്ങൾ പോയി ഫേസ് ബുക്കിലെ ഗ്രൂപിൽ ചെന്ന് പഠിക്ക്

നാട്ടറിവും നുറുങ്ങു വൈദ്യവും എന്ന പണ്ഡിതന്മാരുടെ ഗ്രൂപ്പിൽ പോ അവിടെ പോയാൽ കാണാം "ചരകാൻ" പോലെ ഉള്ള "പണ്ടിതാൻ" മാരെ

"അഷ്ടാംഗഹൃദ്യം" - അതാണ് സാധനം മനസിലായൊ?

അത് സാക്ഷാൽ യോഗ ആണ് എട്ട് അംഗങ്ങൾ ഉള്ള യോഗം

വെവരം വേണം വെവരം, മനസിലായൊ
മുഴുവൻ ദാ ഇത്
ധാന്യം എന്ന് പറഞ്ഞാൽ യോഗം - ദ് വല്ലതും ങ്ങക്കറിയൊ. നടക്കുന്നു ഡിഗ്രീം വാങ്ങി വൈദ്യന്മാരാണെന്ന് പറഞ്ഞ്

Monday, November 18, 2013

പാരമ്പര്യക്കാർക്ക് ചികിൽസാ അനുവാദം

ആയുർവേദം പഠിച്ച ഡിഗ്രിക്കാർ പണ്ട് ബഹളം ഉണ്ടാക്കിയിരുന്നു - പാരമ്പര്യവൈദ്യന്മാരെ ചികിൽസിക്കാൻ സമ്മതിക്കരുത് എന്നു പറഞ്ഞ്

പരമ്പരാഗതമായി ചികിൽസ ചെയ്തു വരുന്നവർ ചികിൽസിക്കുന്നതിൽ കുഴപ്പമില്ല എന്ന അഭിപ്രായക്കാരൻ ആയിരുന്നു ഞാൻ.

ആരോ ഒരാൾ എന്നെ കഴിഞ്ഞ കൊല്ലം നാട്ടറിവുകളും നുറുങ്ങുവൈദ്യവും എന്ന ഗ്രൂപ്പിൽ ചേർത്ത് വച്ചിരുന്നു. ഇടക്കൊക്കെ ഒന്നു കാണും എന്നല്ലാതെ അങ്ങോട്ട് അധികം ശ്രദ്ധിച്ചിരുന്നില്ല.

എന്നാൽ ഗതികേടിൻ കഴിഞ്ഞ കുറച്ച് ദിവസം അവിടെ ആയിരുന്നു.

അവിടെ http://indiaheritage1.blogspot.in/2013/11/blog-post_12.html ഒരാൾ പറയുന്നു മഞ്ഞപ്പിത്തത്തിൻ "പ്രെഡ്നിസോളോൺ" കൊടൂക്കണം
എന്ന്
വേറൊരാൾ പറയുന്നു അടീവസ്ത്രം ധരിച്ചില്ലെങ്കിൽ വൃഷണങ്ങൾക്ക് അതിഗംഭീരമായ  ദോഷഫലങ്ങൾ ഉണ്ടാകും എന്ന്

ദൈവമെ ആടും കാളയും ഒക്കെ എന്തു ചെയുമൊ ആവൊ?

ഇപ്പോൾ അവസാനം ചരകസംഹിത എഴുതിയത് ചരകനാണത്രെ. അങ്ങനെ ചരകം സൂത്രസ്ഥാനത്തിൽ എഴുതിയിട്ടുണ്ടത്രെ

"ഇത്യഗ്നിവേശകൃതെ തന്ത്രെ ചരകപ്രതിസംസ്കൃതേ ദൃഢബലപൂരിതെ-" ഇപ്രകാരം അഗ്നിവേശനാൽ എഴുതപ്പെട്ടതും ചരകനാൽ പ്രതിസംസ്കരണം ചെയ്യപ്പെട്ടതും ദൃഢബലനാൽ പൂർത്തിയാക്ക്പ്പെട്ടതും ആയ തന്ത്രത്തിലെ --"

ഇതാണ്  ചരകസംഹിതയിൽ ഉള്ളത്.


ഇനി ഇതിനു വല്ലതും നമ്മൾ ഒരു കുറിപ്പിട്ടാലൊ ആ കമന്റ് നിമിഷങ്ങൾക്കുള്ളിൽ അപ്രത്യക്ഷം ആകും.

 "കാകകോലഹലത്തിങ്കൽ കുയിൽനാദം വിളങ്ങുമോ"

നമ്മൾ കുയിൽ ഒന്നും അല്ലെങ്കിലും അത് കോലാഹലം ആണെന്നറിയാവുന്നത് കൊണ്ട് ഇങ്ങ് പുറത്ത് പോന്നു അകത്തുള്ളവർ സൂക്ഷിക്കണെ



പാരമ്പര്യക്കാർക്ക് ചികിൽസാ അനുവാദം കൊടുത്താൽ ഇനി എന്തൊക്കെ സംഹിതകൾ വച്ചായിരിക്കുമൊ ചികിൽസിക്കുന്നത്?

Friday, November 15, 2013

പ്രാകൃതചികിൽസ

പണ്ട് ഞാൻ മദ്ധ്യപ്രദേശിലെ വില്ലേജുകളിൽ  വൈദ്യസഹായം എത്തിക്കുന്ന പ്രവൃത്തിയിൽ ആയിരുന്നു. കാലത്ത് എത്തിയാൽ വൈകുന്നേരം വരെ ഏതെങ്കിലും ഒരു ഗ്രാമത്തിൽ തന്നെ ആയിരിക്കും.
 അന്ന് അവിടത്തെ ഒരു ഗ്രാമത്തിൽ ഉച്ചഭക്ഷണം കഴിഞ്ഞ് വിശ്രമ സമയത്ത് ഒരു കാഴ്ച്ച കണ്ടു. ഒരു വല്യമ്മ - നല്ലപ്രായമുള്ള ഒരു മുത്തശ്ശീ അവരുടെ കാളക്കിടാവിനടൂത്ത് നിന്നും അത് ഒഴിക്കുന്ന മൂത്രം കയ്യിൽ ശേഖരിച്ച് അവരുടെ കണ്ണിൽ ഇറ്റിക്കുന്നു. രണ്ടു കണ്ണിലും ഇറ്റിച്ച ശേഷം കുറച്ച് നേറം മുകളിലേക്ക് നോക്കി നിന്ന് കണ്ണടക്കുകയും തുറക്കുകയും ചെയ്തു. എന്നിട്ടത് കഴുകിക്കളഞ്ഞു.
   
എന്നിലെ ആധുനിക  വൈദ്യധുരന്ധരൻ ഉണർന്നു - പ്രാകൃതമായ ഈ വൃത്തികേടിനെതിരെ  ഇവരെ ബോധവൽക്കരിക്കേണ്ടതല്ലെ?

ഞാനവരെ ഉപദേശിക്കുന്നതിനായി  ചെന്നു.

ആദ്യം ചോദിച്ചു "നിങ്ങൾ എന്ത് വൃത്തികേടാണ് ഇക്കാണികുന്നത്? മൂത്രം വിസർജ്ജ്യവസ്തു ആണെന്നറിയില്ലെ ? എന്തൊക്കെ ഇൻഫെക്ഷൻ ആണ് ഇനി നിങ്ങളുടെ കണ്ണിന് വരിക കഷ്ടം"

പക്ഷെ മുത്തശ്ശി ഒന്ന് ചിരിച്ചിട്ട് പറഞ്ഞു

"മോനെ നിന്റെ ആ കണ്ണട ഒന്നെടുത്തിട്ട് നീ ഈ പത്രം ഒന്ന് വായിച്ചെ"

എനിക്കെവിടെ അത് പറ്റിലല്ലൊ "അത് പറ്റില്ല"

എന്നാലെ എന്റെ മോനെ എനിക്ക് ഇപ്പൊഴും അത് സുഖമായി വായിക്കാം.

അന്ന് ഞാൻ മൂത്രത്തിനെ കുറിച്ച് കൂടൂതൽ പഠിക്കണം എന്ന് തീരുമാനിച്ചു.
കുറെ നാൾ കഴിഞ്ഞു. പല പല അസുഖങ്ങളിലും മൂത്രത്തിൻ അത്ഭുതകരമായ ആശ്വാസം കൊടുക്കാൻ കഴിയും എന്ന് മനസിലായി.

അങ്ങനെ ഇരിക്കെ എന്റെ ചെറിയ മകന്റെ വലത് കണ്ണിൽ ചുവന്ന ഒരു പൊട്ട് ഒരു മൂന്ന് മില്ലിമീറ്റർ വ്യാസം കാണും.

അവൻ എന്റടുത്ത് വിവരം പറഞ്ഞു. ഞാൻ നോക്കിയിട്ട് അവനോട് പറഞ്ഞു മോൻ ബാത് റൂമിൽ പോയി മൂത്രമൊഴിച്ചിട്ട് അത് കണ്ണിൽ ഇറ്റിക്ക് ( ഞാൻ അത് നേരത്തെ പരിശോധിച്ച് ബോദ്ധ്യം വന്നിരുന്നു കേട്ടൊ)

മോൻ - "അയ്യെ അച്ഛനെന്താ ഞാനൊന്നും ചെയ്യില്ല"

ഞാൻ "എന്നാൽ വേണ്ടാ" ഞാൻ പക്ഷെ വേറെ മരുന്നൊന്നും കൊടൂക്കാൻ പോയില്ല

പിറ്റേ ദിവസം അതിന്റെ വലിപ്പം ഏകദേശം ഒരു സെന്റിമീറ്റർ - നല്ല ചുവപ്പ് - അവൻ ശരിക്കും പേടിച്ചു പോയി

വേഗം തന്നെ പോയി ഞാൻ പറഞ്ഞത് പോലെ ചെയ്തു.

എന്തിന്? ഒറ്റ ദിവസം കൊണ്ടു മാറുമായിരുന്നത് അഞ്ചു ദിവസം കൊണ്ട് മാറി.

പക്ഷെ ഇത് സാധാരണ കണ്ണിൽ മരുന്നൊഴിച്ച് ചികിൽസിക്കുമ്പോൾ 14- 18 ദിവസങ്ങള് എടൂക്കും  സാധാരണ നിറം ആകാൻ

Tuesday, November 12, 2013

ചക്രപാണിയും മഞ്ഞപ്പിത്തവും



ചക്രപാണി നാട്ടറിവുകളും നുറുങ്ങുവൈദ്യവും എന്ന ഗ്രൂപ്പിൽ മഞ്ഞപ്പിത്തം വന്നവർക്ക് പ്രേഡ്നിസൊളൊൺ കൊടുക്കാൻ ആഹ്വാനം ചെയ്യുന്ന ഒരു കമന്റ് കണ്ടു. അത് ശരിയല്ല എന്ന് പറഞ്ഞപ്പോൾ വീണ്ടും വീണ്ടും അതിനു വേണ്ടി വാദിക്കുന്നു

തന്നെയുമല്ല ആധുനിക ഡൊക്റ്റർമാർ അത് ചെയ്ത് രോഗിയെ രക്ഷപ്പെടുത്തണം എന്ന് ഉപദേശവും

പ്രെഡ്നിസൊളോൺ കഴിച്ചാൽ മഞ്ഞപ്പിത്തം ഭേദമാകും ഉറപ്പ് എന്നാണ് അദ്ദേഹത്തിന്റെ വാദം.

അത് വായിച്ച് അകപ്പെട്ടു പോകാതിരിക്കാൻ ശാസ്ത്രലോകം എന്താണു പറയുന്നത് എന്നു കാണണ്ടേ?

മുകളിലത്തെ പടത്തിൽ കണ്ടോളൂ

ഇത്തരം വിഡ്ഢിത്തങ്ങൾ കേട്ട് ആരും സ്വയം ചികിൽസിച്ച് അപകട്പ്പെടരുത് എന്നു കരുതി ദാ ഇത് അങ്ങ് പോസ്റ്റ് ചെയ്യുവാ

Friday, November 08, 2013

ഒക്കെ പാര്‍ഷ്യാലിറ്റി ആന്നെ

വിധിപറച്ചിലിന്റെ ആദ്യ എപിസോഡ്‌ വായിച്ചല്ലൊ അല്ലെ?

യഥാര്‍ത്ഥത്തില്‍ കഴിവുണ്ടായിട്ടും അല്‍പം ഒന്ന് തെറ്റിപോയതിന്റെ പേരില്‍ രണ്ടാം സ്ഥാനക്കാരി ആയിപ്പോയി ആ കുട്ടി.

എന്നാല്‍ ഇനി പറയാന്‍ പോകുന്നത്‌ വേരൊരു ആംഗിള്‍. ഇതിലെ കഥാപാത്രം ഞാന്‍ തന്നെ.

ആലപ്പുഴ മെഡിക്കല്‍ കോളേജില്‍ ഇന്റര്‍ കോളെജിയറ്റ്‌ ഫെസ്റ്റിവല്‍ - മെഡി ഫെസ്റ്റിയ നടക്കുന്നു.

ഞാന്‍ ഈ പാട്ടും കൂത്തും ഹാര്‍മോണിയവും ഒക്കെ ആയി നടക്കുന്നത്‌ കൊണ്ട്‌ പലരുടെയും വിചാരം എനിക്ക്‌ സംഗീതം അറിയാം എന്നാണ്‌ (യഥാര്‍ത്ഥത്തില്‍ സംഗീതം അറിയാവുന്നവരുടെ അല്ല - ബാക്കി ഉള്ളവരുടെ, കേട്ടൊ).

ഞങ്ങളുടെ ക്ലാസില്‍ ആലപ്പുഴക്കാരി ഒരു ലക്ഷ്മി ഉണ്ട്‌ - അമ്പലങ്ങളില്‍ കച്ചേരി ഒക്കെ നടത്തിയിട്ടുള്ള കുട്ടി

അതു കൊണ്ട്‌ ക്ലാസിക്കല്‍ സംഗീതത്തില്‍ ഒന്നാം സ്ഥാനം ഞങ്ങള്‍ക്ക്‌ ഉറപ്പ്‌.

രാമചന്ദ്രന്‍ സാര്‍ എന്നോട്‌ പറഞ്ഞു ക്ലാസിക്കലിന്റെ രണ്ടു സമ്മാനവും നമുക്ക്‌ വേണം. താന്‍ ശരിക്ക്‌ പ്രിപ്പയര്‍ ചെയ്യ്‌.

"ഉള്ളത്‌ പറഞ്ഞാല്‍ ഉമ്മയ്ക്ക്‌ തല്ല് കിട്ടും
 കള്ളം പറഞ്ഞാല്‍ വാപ്പ പട്ടിയിറച്ചി തിന്നും"

  എന്ന ചൊല്ല് കേട്ടിട്ടില്ലെ

എനിക്ക്‌ അറിയാന്‍ വയ്യ എന്ന് പറയാന്‍ ഒരു ചമ്മല്‍. പക്ഷെ ഏല്‍ക്കാന്‍ പറ്റുമൊ? ശാസ്ത്രീയ സംഗീതം പാടൂന്നത്‌ എന്നെ പോലുള്ള പോങ്ങന്മാര്‍ക്ക്‌ പറഞ്ഞിട്ടുള്ള കാര്യമാണോ?

പക്ഷെ ഏല്‍ക്കാതിരിക്കാന്‍ പറ്റുമൊ? ഇമേജ്‌ പോകുന്ന കാര്യമല്ലെ?

രണ്ടും കല്‍പിച്ച്‌ പറഞ്ഞു   "സാര്‍ കുറെ ഏറെ നാളായി ടച്‌ വിട്ടിട്ട്‌ . ഒരു കാര്യം ചെയ്യാം, പാട്ടുസാറിനടൂത്ത്‌ പോയി ഒരെണ്ണം തയ്യാറാക്കം. പക്ഷെ അവധി വേണം"

ചുളുവില്‍ കുറച്ചു ദിവസത്തെ അവധിയും കിട്ടി

എന്റെ നാലാം ക്ലാസ്‌ വരെ ഉള്ള പഠനകാലത്ത്‌ സ്കൂളില്‍ പാട്ടുസാര്‍ സരിഗമ പഠിപ്പിച്ചിരുന്നു. മീനാക്ഷിയമ്മ സാര്‍

അന്ന്
"സരിഗമപധനി ഉറികെട്ടിത്തൂക്കീ
അതിലൊരു വല്യമ്മ കലം കെട്ടിത്തൂക്കീ"

എന്ന് പാടി നടന്നതാണ്‌ എന്റെ ആകെ ശാസ്ത്രീയസംഗീത പാഠം.

ഏതായാലും മീനാക്ഷിയമ്മ സാറിന്റെ അടൂത്ത്‌ പോയി.

സാറിന്‌ എന്നെ വലിയ വാല്‍സല്യമായത്‌ കൊണ്ട്‌ ഒഴിവാക്കാനും വയ്യ.

എന്റെ ആവശ്യം എന്താണെന്നല്ലെ? സ്വരം ഉള്‍പ്പടെ കീര്‍ത്തനം പാടണം.

സാര്‍ മര്യാദയ്ക്ക്‌ ചോദിച്ചു മോനെ ആ ഹിമിഗിരിതനയെ പോലെ വല്ലതും പാടീയാല്‍ പോരെ?

ഹെയ്‌ ഞാന്‍ അത്ര കുഞ്ഞൊന്നും അല്ലല്ലൊ - (അഹംകാരത്തില്‍ ) എനിക്ക്‌ ചെമ്പൈ പാടൂന്നത്‌ പോലെ താകിരിപീക്കിരിപീകിരി എന്ന രീതിയില്‍ സ്വരം പാടണം

തലയില്‍ മൂള ഇല്ലെങ്കില്‍ പിന്നെ പറഞ്ഞിട്ടെന്ത്‌ കാര്യം എന്ന് സാര്‍ വിചാരിച്ചു കാണും

പന്തുവരാളിയിലുള്ള സാരസാക്ഷ പരിപാലയ മാം
സ്വരങ്ങള്‍ ഞാന്‍ പറഞ്ഞതു പോലെ ഉള്ള രീതിയിലും

സാറിനെ കൊണ്ട്‌ ആവുന്ന വിധത്തില്‍ എന്റെ തലയില്‍ കേറ്റാന്‍ ശ്രമിച്ചു

അന്നൊന്നും പാടിയിട്ട്‌ അത്‌ തിരികെ റെക്കോഡ്‌ ചെയ്ത്‌ കേള്‍ക്കാനുള്ള സംവിധാനം എനിക്കില്ലാതിരുന്നതു കൊണ്ട്‌ മിക്കവാറും ചെമ്പൈ പാടുന്നതിനെക്കാള്‍ ഒരു പടി എങ്കിലും നന്നായിട്ടാണ്‌ ഞാന്‍ പാടുന്നത്‌ എന്നെനിക്ക്‌ തോന്നിയതില്‍ കുറ്റം പറയാന്‍ പറ്റുമൊ?

പിന്നെ എനിക്കുള്ള പ്രശ്നം താളം അടീക്കുന്നതാണ്‌. അദിതാളം തന്നെ അടീച്ച്‌ പകുതി എത്തിക്കഴിയുമ്പോള്‍ മറന്നുപോകും ഇനി വീച്ചാണൊ വിരലാണൊ എന്ന്. അതുകാരണം ചിലപ്പോള്‍ വിരലുകള്‍ അങ്ങനെ എണ്ണിക്കൊണ്ടെ ഇരിക്കും, മറ്റു ചിലപ്പോള്‍ വീശ്‌ തുടര്‍ന്നു കൊണ്ടെ ഇരിക്കും

പക്ഷെ ഇതൊന്നും എനിക്ക്‌ മാത്രം ഒരു പ്രശ്നവും ഇല്ല

അങ്ങനെ മല്‍സരദിവസം എത്തി.

എന്റെ വിചാരം-- മല്‍സരം ആലപ്പുഴയിലാണ്‌. ഹോസ്റ്റ്‌ ചെയ്യുന്നത്‌ ഞങ്ങള്‍ ആയതു കൊണ്ട്‌ അതിന്റെ ഒരു ഇത്‌. പിന്നെ വിവരം ഉള്ള ജഡ്ജസ്‌ ഒന്നും ആയിരിക്കില്ല. വല്ല ചിത്രം വരക്കാരനെയും പിടിച്ച്‌ ശാസ്ത്രീയ സംഗീതത്തിനും ജഡ്ജ്‌ ആക്കും

പക്ഷെ പിന്നീടല്ലെ അറിയുന്നത്‌. ദേശീയതലത്തില്‍ പ്രഗല്‍ഭരായ മൂന്ന് പേര്‍ മുന്നില്‍ ജഡ്ജ്‌ ആയിട്ട്‌

അതോടു കൂടി ഞാന്‍ ഒരു കാര്യം തീരുമാനിച്ചു.

അവരുടെ നേരെ നോക്കില്ല. അവരുടെ മുഖം കണ്ടാലല്ലെ കുഴപ്പം ഉള്ളു. അതു കൊണ്ട്‌ കണ്ണടച്ച്‌ പിടിച്ച്‌ പാടും.

എന്നിട്ടും പാടാന്‍ തുടങ്ങിയപ്പോള്‍ ഏറു കണ്ണിട്ട്‌ നോക്കിപ്പോയി. ആദ്യ താളവട്ടം വരെ അദ്ദേഹവും കൂടെ കൈ കൊണ്ട്‌ താളം ഇട്ടു. രണ്ടാം താളവട്ടം ആയപ്പോള്‍ അദ്ദേഹം താളം പിടി നിര്‍ത്തി കൂട്ട്‌ ജഡ്ജിയുടെ നേരെ നോക്കി. അല്ല എങ്ങനെ നോക്കാതിരിക്കും!!

പിന്നീട്‌ ഞാന്‍ കണ്ണ്‌ തുറന്നത്‌ എന്റെ പാട്ടു മുഴുവന്‍ കഴിഞ്ഞ്‌

പക്ഷെ പുറത്തിറങ്ങി ചായ കുടിക്കാന്‍ ഇരുന്നപ്പോള്‍ ഹോട്ടലിന്റെ മുതലാളി പറയുന്നു
 "എന്നാലും പണിക്കര്‍ സാര്‍ ഇത്ര ഉഗ്രമായി പാടിയിട്ടൂം പ്രൈസ്‌ ഒന്നും കിട്ടാത്തത്‌ കഷ്ടമായിപ്പോയി. അതെങ്ങനാ ഈ ജഡ്ജസിന്‌ വല്ല വിവരവും വേണ്ടെ ഒക്കെ പാര്‍ഷ്യാലിറ്റി ആന്നെ"

Thursday, November 07, 2013

വിധി നിര്‍ണ്ണയം

ജീവിതത്തില്‍ ഒരുപാട്‌ ഒരുപാട്‌ വേദികളിലെ വിധി നിര്‍ണ്ണയങ്ങള്‍ കണ്ട എനിക്ക്‌ രണ്ടു സ്ഥലങ്ങളില്‍ ശരിയായ നിര്‍ണ്ണയം നടന്നു എന്നുറപ്പുണ്ട്‌.

അങ്ങനെ വേണം വിധികര്‍ത്താക്കള്‍. മല്‍സരഫലവും അങ്ങനെ തന്നെ വേണം. അല്ലാതെ ഇന്നു കാണുന്നത്‌ പോലെ മല്‍സരകോലാഹലം, രക്ഷകര്‍ത്താക്കളുടെ പരാതി , നിയമയുദ്ധം, തുടങ്ങിയ അലവലാതി ഇടപാടുകള്‍ അവസാനിക്കണം.

ഞാന്‍ കണ്ട രണ്ടെണ്ണങ്ങളില്‍ ഒന്ന് -

1970 കളിലാണ്‌ -കോട്ടക്കല്‍ രാജാസ്‌ ഹൈ സ്കൂളിന്റെ ടീമിന്റെ കൂടെ വാദ്യവൃന്ദ അകമ്പടിക്കായി ഞാനും ഉണ്ട്‌.

ഞങ്ങളുടെ റ്റീമിലെ ഒരു നൃത്തക്കാരി - പേര്‍ ഇപ്പോള്‍ എഴുതുന്നില്ല- പക്ഷെ ധാരാളം മല്‍സരങ്ങളില്‍ ജയിച്ചിട്ടുള്ള കുട്ടി. ഭരതനാട്യത്തിന് ഒന്നാം സ്ഥാനം അതിനു തന്നെ കിട്ടും എന്ന് ഞങ്ങള്‍ക്കെല്ലാം ഉറപ്പ്‌

എനിക്ക്‌ ഈ ഭരതനാട്യം എന്താണെന്നറിയില്ല കേട്ടൊ - പക്ഷെ ബാക്കി ഉള്ളവര്‍ക്കെല്ലാം ഉറപ്പായത്‌ കൊണ്ട്‌ എനിക്കും ഉറപ്പ്‌.

അങ്ങനെ മല്‍സരം നടന്നു
ഫലപ്രഖ്യാപനം വന്നപ്പോള്‍ ഞങ്ങളുടെ കുട്ടിക്ക്‌ രണ്ടാം സ്ഥാനം

ഹേ അതങ്ങിനെ വിടാന്‍ പറ്റുമൊ?

ചോദിക്കണം

ഞങ്ങള്‍ എല്ലാവരും കൂടി ജഡ്ജിയുടെ അടുത്ത്‌ ചെന്നു

വളരെ പ്രായം ചെന്ന ഒരു ആള്‍.

എന്താ കാര്യം?

ഞങ്ങളുടെ കൂടെ ഉള്ള ഇക്കുട്ടിയ്ക്ക്‌ എന്താണ്‌ രണ്ടാം സ്ഥാനം ആയിപ്പോയത്‌?

എവിടെ കുട്ടി?

ദാ ഇത്‌

കുട്ടി ഇങ്ങോട്ട്‌ മാറി നില്‍ക്കൂ

കുട്ടി മാറി നിന്നു

ഏത്‌ പാട്ടായിരുന്നു കളിച്ചത്‌?

ഇന്ന പാട്ട്‌

പതിയെ അദ്ദേഹം ആ പാട്ടിന്റെ ചരണം പാടിയിട്ട്‌ ആ കുട്ടിയോട്‌ അവിടെ കളിക്കാന്‍ പറഞ്ഞു

കുട്ടി കളിച്ചു

അദ്ദേഹം തുടര്‍ന്നു ഭേഷ്‌. കുട്ടി ഇങ്ങനെ ആയിരുന്നൊ സ്റ്റേജില്‍ കളിച്ചത്‌?

കുട്ടി "അല്ല"

ബാക്കി കേള്‍ക്കാന്‍ ഞങ്ങള്‍ ആരും അവിടെ ഉണ്ടായിരുന്നില്ല എന്ന് ഇനി പ്രത്യേകം പറയണോ ? പോയെ എല്ലാരും
Picture Courtesy Google

Monday, November 04, 2013

കാക്കപുരാണം

നമുക്കൊക്കെ ഒരു തോന്നലുണ്ട്‌ നമുക്കെ ബുദ്ധി ഉള്ളു എന്ന്

പക്ഷിമൃഗാദികള്‍ നമ്മളെക്കാള്‍ ബുദ്ധി കുറഞ്ഞവര്‍ ആണെന്ന്.

ചുമ്മാതാ കേട്ടൊ. നമുക്ക്‌ ബുദ്ധി ഉള്ളതിനെക്കാള്‍ കൂടൂതല്‍ അവര്‍ക്കും ഉണ്ടായിരിക്കും. മാത്രമല്ല ഒറ്റയ്ക്ക്‌- ഒരു പുലി വേണ്ടാ, എലി കടിക്കാന്‍ വന്നാല്‍ നമുക്ക്‌ ഒടാനല്ലാതെ എന്ത്‌ ചെയ്യാന്‍ പറ്റും?

അത്‌ നമ്മളെ കണ്ട്‌ പേടിച്ച്‌ ഓടാതെ ഇങ്ങോട്ടാ വരുന്നത്‌ എങ്കില്‍ നമ്മള്‍ ഓടും അല്ലെ?

ഇതൊക്കെ ഇപ്പൊ എന്തിനാ പറഞ്ഞത്‌ എന്നാ നിങ്ങള്‍ ആലോചിക്കുന്നത്‌ അല്ലെ?

എന്റെ ഒരു പഴയ അനുഭവം പറയാം

കോട്ടക്കല്‍ ആയുര്‍വേദ കോളേജില്‍ പഠിക്കുന്ന കാലം. ശ്ലോകം പഠിക്കാന്‍ ഉരുവിട്ടു പഠിക്കണം എങ്കില്‍ ശാന്തമായ ഒരു സ്ഥലം വേണം. അതിന്‍ ഞങ്ങള്‍ തെരഞ്ഞെടുത്തത്‌ അന്നത്തെ ഞങ്ങളുടെ കോളേജ്‌ തന്നെ.

ചങ്കുവെട്ടി ജങ്ക്ഷനില്‍ ഉള്ള ആ കെട്ടിടം ആയിരുന്നു അന്ന് കോളേജ്‌

ക്ലാസില്ലാത്ത സമയത്ത്‌ അവിടെ ഒരു സെക്യൂരിറ്റി മാത്രമെ കാണൂ.

അവിടത്തെ കന്റീന്‍ നടത്തിയിരുന്ന ആള്‍ അതില്‍ തന്നെ താമസം ആയിരുന്നത്‌ കൊണ്ട്‌ അയാളും കാണും

ഹോസ്റ്റല്‍ ധര്‍മ്മാശുപത്രിയുടെ എതിര്‍വശത്ത്‌. ഏകദേശം ഒരു കിലോമീറ്റര്‍ ദൂരം കാണും ഇവയ്ക്കിടയില്‍

പഠിക്കുവാന്‍ വേണ്ടി അവധി ദിവസങ്ങളില്‍ ഞങ്ങള്‍ - എന്ന് വച്ചാല്‍ ഞാന്‍, ശങ്കരന്‍, സദാനന്ദന്‍ ഇവര്‍ ഒന്നിച്ച്‌ കാലത്തെ കോളേജില്‍ എത്തും

കോളേജ്‌ വരാന്തയില്‍ അങ്ങോട്ടും ഇങ്ങോട്ടും നടന്ന് ശ്ലോകം ഉരുവിട്ട്‌ പഠിക്കും. വരാന്തയുടെ മുകള്‍ഭാഗം ആസ്ബെസ്റ്റോസ്‌ ഷീറ്റ്‌ ഇട്ടതാണ്‌. കോളേജ്‌ കെട്ടിടത്തിന്‍ മൂന്നു വശങ്ങളിലും ഇപ്രകാരം വരാന്ത ഉണ്ട്‌.

ഞങ്ങള്‍ ഉപയോഗിക്കുന്ന വരാന്തയില്‍ നിന്നും ഏകദേശം പതിനഞ്ച്‌ അടി ദൂരത്തില്‍ ഒരു മാവ്‌ നില്‍പ്പുണ്ട്‌.

ശ്ലോകം വായിച്ച്‌ നടക്കുന്നതിനിടയില്‍ ചിലപ്പോള്‍ പുറത്ത്‌ നിന്നും ചെറുകല്ലുകള്‍ ശേഖരിച്ച്‌ കയ്യില്‍ വച്ചിരിക്കും. അത്‌ വെറുതെ എറിയുകയും ഒക്കെ ഓരോ വിനോദം.

ഹ ഹ ഈ ശ്ലോകം മനഃപാഠമാക്കല്‍ ഒരു ചില്ലറപ്പണിയല്ലെ. ഇടയ്ക്ക്‌ ബോറടിക്കാതിരിക്കാന്‍ കല്ല് പെറുക്കി എറിയുക അല്ലാതെ എന്ത്‌ ചെയ്യും

അപ്രകാരം സദാനന്ദന്‍ വരാന്തയില്‍ നടന്നു കൊണ്ട്‌ തന്നെ ഒരു കല്ല് ആ മാവിലേക്ക്‌ എറിഞ്ഞു.

കല്ല് മാവിലയില്‍ കൊണ്ടതും എവിടെ നിന്നൊ രണ്ട്‌ കാക്കകള്‍ താണുപറന്ന് വന്ന് സദാനന്ദനെ കണ്ടിട്ട്‌ പോയി.

പിന്നീട്‌ വെള്ളം കുടിക്കാന്‍ വേണ്ടി സദാനന്ദന്‍ പുറത്തിറങ്ങിയതും കാക്കകള്‍ സദാനന്ദന്റെ തലയില്‍ ഞൊട്ടാനെത്തി.
പുസ്തകം കൊണ്ട്‌ തല മറച്ച്‌ സദാനന്ദന്‍ ഓടി വരാന്തയില്‍ കയറി.

കാര്യം എന്താണെന്നറിയാന്‍ ഞങ്ങള്‍ പുറത്തിറങ്ങി നോക്കി. പക്ഷെ കാക്കകള്‍ ഞങ്ങളെ വെറുതെ വിട്ടിരിക്കുന്നു. നോക്കിയപ്പോള്‍ ആ മാവില്‍ ഒരു കാക്കക്കൂട്‌.

അപ്പൊ അതാണ്‌ കാരണം

കാക്കകളുടെ അല്ല കുറ്റം , കുറ്റം ഞങ്ങളുടെത്‌ തന്നെ.

സദാനന്ദന്‍ എറിഞ്ഞത്‌ കാക്കകളുടെ കൂട്ടിലേക്കാണെന്ന് അവ തെറ്റിദ്ധരിച്ചു.

അവയോട്‌ മാപ്പു പറയാന്‍ അറിയാത്തതു കൊണ്ട്‌ തല്‍ക്കാലം സദാനന്ദന്‍ പുറത്തിറങ്ങണ്ടാ എന്ന് തീരുമാനിച്ചു.

ഉച്ചയ്ക്ക്‌ ഞങ്ങളുടെ നടൂവില്‍ നടത്തി ആഹാരം കഴിക്കാന്‍ കൊണ്ടുപോയി.

അങ്ങനെ അന്നത്തെ ദിവസം കഴിഞ്ഞു.

അടുത്ത ദിവസം സദാനന്ദന്റെ ഉടൂപ്പ്‌ ഞാന്‍ ഇട്ടു.
വെറുതെ ഒരു അക്കഡമിക്‌ ഇന്ററസ്റ്റ്‌.

പക്ഷെ കാക്കകള്‍ സദാനന്ദനു നേരെ മാത്രം - എന്നോട്‌ ഒരു കുഴപ്പവും ഇല്ല.

അതോടു കൂടി ഞങ്ങളിലെ റിസര്‍ച്‌ താല്‍പര്യം ഉണര്‍ന്നു.

ഒരാള്‍ കുഴപ്പക്കാരനാണെന്ന് കണ്ടാല്‍ കാക്കകള്‍ ഇങ്ങനെ . അപ്പോല്‍ കൂടുതല്‍ പേര്‍ ഉണ്ടെങ്കില്‍?

അതു കൊണ്ട്‌ ഞങ്ങള്‍ ബാക്കി ഉള്ളവര്‍ കൂടി കല്ലുകള്‍ പെറുക്കി എടൂത്ത്‌ മാവിലേക്ക്‌ എറിഞ്ഞു.- കൂടിനെ ലക്ഷ്യമാക്കി അല്ല കേട്ടൊ - കൂടിനെ മനഃപൂര്‍വം ഒഴിവാക്കി തന്നെ

കല്ല് മാവിലയില്‍ കൊള്ളുമ്പോഴേക്കും കാക്കകള്‍ താഴ്‌ന്ന് പറന്ന് വന്ന് ആരാണ്‌ എറിഞ്ഞത്‌ എന്ന് കണ്ടു പിടിക്കും.
പിന്നീട്‌ അയാള്‍ക്കും പുറത്തിറങ്ങാന്‍ വയ്യ.

രസം കൂടി കൂടി കൂടുതല്‍ കൂട്ടുകാര്‍ വന്നു.

ഇപ്പോള്‍ കല്ലെടൂക്കാന്‍ ഞങ്ങള്‍ക്ക്‌ പുറത്തിറങ്ങാന്‍ വയ്യ.

അതു കൊണ്ട്‌ ഞങ്ങള്‍ കോളേജിന്റെ എതിര്‍വശത്ത്‌ പോയി കല്ല് ശേഖരിച്ചു.

ഏറിന്റെ അളവ്‌ കൂട്ടി.

അല്‍പം കഴിഞ്ഞപ്പോള്‍ കാക്കകളെ കാണാനെ ഇല്ല.

അല്ല പിന്നെ ഇങ്ങനിരിക്കും മനുഷ്യരോട്‌ കളിച്ചാല്‍ പീറക്കാക്കകള്‍.

ഞങ്ങള്‍ വിജയശ്രീലാളിതരായി കല്ലേറ്‌ നിര്‍ത്തി.

ശ്ലോകം പഠിച്ചു നടന്നു തുടങ്ങി

കുറച്ചു നേരം കഴിഞ്ഞു

വീണ്ടും കാക്കകള്‍ രണ്ടും എത്തി. ഞങ്ങള്‍ കാണുന്ന തരത്തില്‍ വന്നിരുന്നു.

ഹൊ തിരികെ എത്തിയൊ.

ഞങ്ങള്‍ പുറത്തിരങ്ങി

കാക്കകള്‍ ഞോണ്ടാന്‍ വരുന്നില്ല

ഏതായാലും തോല്വി സമ്മതിച്ചല്ലൊ അതു കൊണ്ട്‌ വെറുതെ വിട്ടിരിക്കുന്നു എന്നു ഞങ്ങളും.

പക്ഷെ അത്‌ കഴിഞ്ഞ്‌ വെറുതെ ചുറ്റും ഒന്ന് കണ്ണോടിച്ചതെ ഉള്ളു

സദാനന്ദന്‍ പറഞ്ഞു "എടാ ദാ നോക്കിയെ"

"എന്തോന്ന്?"

കോളേജിനു ചുറ്റുമുള്ള മതിലിനകത്ത്‌ നിരയായി കാറ്റാടി മരം പോലെ ഉയര്‍ന്നു പോകുന്ന മരങ്ങള്‍ വച്ചു പിടിപ്പിച്ചിട്ടുണ്ട്‌.

അവയുടെ ഒന്നിന്റെ പോലും ഒരു ഇല പോലും കാണാന്‍ പറ്റാത്ത അത്ര കാക്കകള്‍.

പക്ഷെ ഒരെണ്ണം പോലും ഒച്ചയുണ്ടാക്കുന്നില്ല. ശാന്തം.

ഇത്രയും കാക്കകള്‍ നിശ്ശബ്ദരായി ഇരിക്കുന്നത്‌ ജീവിതത്തില്‍ ആദ്യത്തെ കാഴ്ച്ച.

ഞങ്ങള്‍ വീണ്ടും വരാന്തയില്‍ കയറി പഠനം ഒക്കെ കഴിഞ്ഞ്‌ പോകാന്‍ ഇറങ്ങി.

ഞങ്ങള്‍ ഗേറ്റിലേക്ക്‌ നടക്കാന്‍ തുടങ്ങിയപ്പോള്‍ ദൂരെ ദൂരെ ഇരുന്ന കാക്കകള്‍ എല്ലാം ഞങ്ങള്‍ക്കടുത്തുള്ള മരങ്ങളിലേക്ക്‌ എത്തി.

പക്ഷെ വീണ്ടും ശബ്ദമില്ല കേട്ടൊ.

ഞങ്ങളുടെ മേലാസകലം വിറയ്ക്കാന്‍ തുടങ്ങി. ഇതിന്റെ ഒരു പകുതി എണ്ണം കാക്കകള്‍ക്ക്‌ ഒന്ന് ഞോണ്ടാനുള്ള വകുപ്പില്ല ഞങ്ങളുടെ ശരീരം.

വളരെ മര്യാദരാമന്മാരായി ഗേറ്റ്‌ കടന്ന്  റോഡിലെത്തി.

കാക്കകള്‍ നിരനിരയായി റോഡിലെ ഇലക്ട്രിക്‌ കമ്പിയില്‍ വന്നിരുന്നു.

ഞങ്ങള്‍ ഹോസ്റ്റല്‍ ലക്ഷ്യമാക്കി നടക്കുന്നതിനനുസരിച്ച്‌, പിന്നിലുള്ള കാക്കകള്‍ മുന്നിലേക്ക്‌ വന്ന് സ്ഥാനം പിടിക്കും.

അന്ന് ഏകദേശം രണ്ട്‌ ഫര്‍ലോങ്ങ്‌ കഴിഞ്ഞാല്‍ ഒരു തടി ഈര്‍ച്ചമില്‍ ഉണ്ട്‌. അവിടെ എത്തുന്നതു വരെ ഇക്കളി തുടര്‍ന്നു. അതു കഴിഞ്ഞ്‌ ആ കാക്കകളുടെ അത്രയും നേരം അടക്കി വച്ച കോലാഹലം എല്ലാം കൂടി എടുത്ത്‌ കൊണ്ട്‌ പറന്ന് പൊങ്ങി വട്ടത്തില്‍ രണ്ട്‌ കറക്കം കറങ്ങിയിട്ട്‌ ഒരു പോക്ക്‌


"പോടാ പുല്ലന്മാരെ " എന്നൊ വല്ലതും ആയിരിക്കും അവര്‍ പറഞ്ഞത്‌
അല്ലാതെ ഹേ അവര്‍ തെറി ഒന്നും പറഞ്ഞു കാണില്ല ഹ ഹ

ചിത്രങ്ങള്‍ക്ക്‌ കടപ്പാട്‌ ഗൂഗിള്‍
Pictures Courtesy  Google 

Wednesday, October 30, 2013

രണ്ട് പേർക്കും ഹെല്‌മെറ്റ്

ദാ ഇവിടെ ഒരു പോസ്റ്റ് കണ്ടു. ഹെല്മെറ്റ് സർക്കാർ മുന്നിലിരിക്കുന്നവർക്ക് മാത്രമല്ല പിന്നിലിരിക്കുന്നവർക്കും വേണം എന്ന് ശഠിക്കുന്നതിനെ പറ്റി

അപ്പോൾ ഇവിടെ ദാ ഇങ്ങനെ ഒരു പോസ്റ്റ്  വേണ്ടരീതിയിൽ ഹെല്മെറ്റ് വക്കാത്തതിന്റെ അനുഭവം

ദാ ഇവരെ നോക്കൂ



മിടൂക്കന്മാർ രണ്ട് പേർ യാത്ര ചെയ്യുന്നു രണ്ട് പേർക്കും ഹെല്‌മെറ്റ് ഉണ്ട്

ഇത്ര പോരെ? പെട്ടെന്ന് കണ്ടപ്പോൾ മൊബൈൽ ഉപയോഗിച്ച് വണ്ടിക്കകത്ത് നിന്ന് എടുത്ത പടം ആണ്  അതിന്റെ കുറവ് ക്ഷമിക്കുക

Sunday, October 27, 2013

മറിമായം

മറിമായം എന്ന പരിപാടികണ്ടു ഇപ്പോൾ കെ എസ് ആർ ടി സി യിൽ കണ്സെഷന് ചെന്ന ഒരു ബാലികയുടേ അവസ്ഥ
ഇതൊന്നും ഒട്ടും അതിശയോക്തി അല്ല

സത്യത്തിൽ കസേര കിട്ടിക്കഴിഞ്ഞാൽ അതില് ഇരുന്ന ശേഷം ജോലി ഒരു ശരാശരി നിലവാരത്തിൽ ചെയ്യുന്നവർ എത്ര ശതമാനം കാണും?

ഇക്കഴിഞ്ഞ തവണ നാട്ടിൽ പോയി അധികം ദിവസങ്ങൾ ഒന്നും ആയില്ല

ആലുവ  റെയില്വേ സ്റ്റേഷനിൽ നിന്നും ഹരിപ്പാട് വരെ പോകണം. ഉച്ച്യ്ക്ക് ഒരു കുർള വണ്ടി ഉണ്ട് ബോംബേയിൽ നിന്നും വരുന്നത്

അത് സാധാരണ 1.20 ന് എത്തും

ആലുവയിൽ ആ കുറെ ദിവസങ്ങൾ ഡിസ്പ്ലേ ഒന്നും ഇല്ലായിരുന്നു

മൂവാറ്റുപുഴ നിന്നും വരുന്ന വഴിക്ക് ഭൈഒമി പറഞ്ഞു നമുക്ക് ആഹാരം ഹോട്ടലിൽ നിന്നും കഴിച്ചിട്ട് സ്റ്റേഷനിലേക്ക് പോകാം

ഞാൻ ചോദിച്ചു എന്തിൻ ട്രെയിനിൽ കിട്ടുമല്ലൊ. അധികം നേരം കളയണ്ടാ നേരെ സ്റ്റേഷനിലേക്ക് പോകാം

നേരെ എന്‌ക്വയറിയിൽ ചെന്നു. സമയം 1.10

എപ്പോഴാണ് തിരുവനന്തപുരത്തെക്കുള്ള കുർള വരുന്നത്?

ഉത്തരം ഒരു നിമിഷം പോലും വൈകിയില്ല

1.20

ഇരുന്നു

 ആ ഇരിപ്പ് 3.25 വരെ

അവസാനം ഹരിപ്പാട്ടെത്തിയപ്പോൾ കുടലും കരിഞ്ഞ് കാണും

പോട്ടെ സാരമില്ല. അവിടത്തെ ഹോട്ടലിൽ നിന്നും കിട്ടിയത് കഴിച്ചു

അവധി അവസാനിച്ച് തിരികെ വരുന്നുയ്
വീണ്ടും ആലുവയിൽ നിന്നും കയറണം - എർണാകുള ബിലാസ്പൂർ വണ്ടിയിൽ അതിന്റെ സമയം 9-10 കാലത്ത്

7-45 ന് എത്തി

ഡിസ്പ്ലേ ഇല്ല ഒന്നും

വീണ്ടും എന്‌ക്വയറിയിൽ - അതേ വ്യക്തി

എർണാകുളം ബിലാസ്പൂരിന്റെ സെക്കൻഡ് എ സി ഏത് കോച്ച് ആണ്?

17 ല് പോയി നിന്നോളൂ

ലുഗ്ഗേജ് കുറച്ച് ഉണ്ട്. ഞങ്ങൾ രണ്ടുപേർക്കും കൂടി എടൂത്ത് ഓവർബ്രിഡ്ജ് കയറാൻ പറ്റില്ല.

കൂലിയെ വിളിച്ചു. സാധാരണ ഞങ്ങളുടെ സഹായി ആയ ആൾ തന്നെ

അയുആൾ പറഞ്ഞു സാർ ഞങ്ങൾക്ക് കയറ്റി തരാൻ പറ്റില്ല കാരണം ഞങ്ങളുടെ സമയം കഴിയാറായി. വേണ,എങ്കിൽ അവിടെ വച്ചു തരാം . സ്വയം കയറ്റേണ്ടി വരും

അത് സാരമില്ല സെകൻഡ് എ സി. അയാളും  പോയി എന്ക്വയറിയിൽ അന്വേഷിച്ചു - സാർ 17ലാണ് അങ്ങോട്ട് പോരൂ

സാധനങ്ങൾ അയാൾ കൊണ്ടു പോയി അവിടെ വച്ചു ഞങ്ങൾ ഓവർബ്രിഡ്ജ് വഴി അവിടെ എത്തി

അവസാനം വണ്ടി വന്നപ്പൊഴൊ

കോച്ച് എഞ്ജിനിൽ നിന്നും നാലാമത്തേത്

ഒരു തരത്തിൽ ആദ്യം കണ്ട കോച്ചിൽ കയറി

അവിടെ നിന്നും ആ ലഗേജ് ഓരോന്നായി അത്രയും ദൂരം അകത്തു കൂടി എത്തിച്ചത്  തലവര അല്ലാതെ എന്ത്?

ഞങ്ങൾക്ക് കിട്ടിയ സീറ്റുകളൊ രണ്ടും രണ്ടിടത്ത്

എ സി നാല് ബോഗികൾ നാലിലും കൂടി ആകെ ഏതാണ്ട് അഞ്ച് പത്ത് പേർ

ഞാൻ റ്റി റ്റി വന്നപ്പോൾ ചോദിച്ചു സാർ ഞങ്ങൾക്ക് അടൂത്തടൂത്ത രണ്ട് സീറ്റുകൾ തരാൻ വഴി ഉണ്ടൊ?

അദ്ദേഹത്തിന്റെ ഭാവം ഒന്ന് കാണേണ്ടത് തന്നെ ആയിരുനു

"ആറു ബോഗികൾ നോക്കേണ്ടതാ. തൽക്കാലം ഇങ്ങനെ കിട്ടിയല്ലൊ- കിട്ടിയടത്ത് ഇരിക്ക്"

ഞങ്ങൾ ഇറങ്ങുന്നത് വരെ  ഞാൻ ഇരുന്ന കൂപ്പയിൽ ഞങ്ങൾ രണ്ട് പേർ ദുർഗിൽ ഇറങ്ങേണ്ട ഒരു സ്ത്രീയും ഞാനും

എന്റെ ഭാര്യ മറ്റൊരിടത്തും

പക്ഷെ ഇറങ്ങാൻ നേരം കോച്ച് അറ്റൻഡന്റ്  അടൂത്ത് വന്ന് സ്നേഹത്തോടെ " സാബ് കുച്ഛ് ദിജിയെ?"

ക്യാ

ബക്ഷീഷ്

ക്യോം

ഹം ലോഗ് ആപ് കാ മദദ് കര് രഹെ ഹേ നാ?

ഛത്തീസ് ഗഢിൽ നക്സല്വാദികൾ കുറെ എണ്ണത്തീ നിരത്തി നിർത്തി കാച്ചിയത് വെറുതെ ആയിർറ്റിക്കില്ല അല്ലെ?

ഇക്കഴിഞ്ഞ 21 ആം തീയതി അതെ പോലെ ആലപ്പുഴ ധൻബാദിൽ പാലക്കാട്ട് നിന്നും കയറിയ ഏതൊ  "വി ഐ പികൾ-  കഷ്ടകാലത്തിൻ അതെ ബോഗിയിൽ എന്റെ ഒരു ബന്ധുവും ഉണ്ടായിരുന്നു ഒരു സ്ത്രീ

വി ഐ പി മന്ത്രിയും ശിങ്കിടികളും ആയിരുന്നിരിക്കണം

വെള്ളമടി മാത്രം,അല്ല   പെണ്ണുങ്ങൾ ഇരിക്കുന്നിടത്തെ കർറ്റൻ മാറ്റി ശല്യപ്പെടൂത്തലും

പരാതിപ്പെടാൻ പറഞ്ഞു

അപ്പോൾ റ്റി റ്റി യും അവരുടെ കൂടെ വെള്ളം അടി  ആണത്ത്രെ

Thursday, October 24, 2013

ഇത് പാമ്പിന്റെ സീസൺ


ഇത് പാമ്പിന്റെ സീസൺ ആണെന്ന് തോന്നുന്നു. കാർ പാർക് ചെയ്ത്  ഇറങ്ങിയത് ഇവന്റെ  ഇത്ര ടുത്തേക്ക്. പുള്ളിക്കാരന്റെ തല ഏതോ ചികയുകയാണ് ആ കരിയിലക്കടിയിൽ
ഏതായാലും മറ്റെ കൊച്ചു വിദ്വാന്റെ അടൂത്ത് പോയപോലെ അടൂത്ത് ചെന്ന് മുഖം കാണാൻ പോയില്ല പേടിച്ചിട്ടൊന്നും അല്ലകേട്ടൊ ഒരു ഭയം

കയ്യിലിരുന്ന മൊബൈൽ കൊണ്ട് ഒരു പടം എടൂത്തിട്ട്  ഇങ്ങ് പോന്നു വെറുതെ അതിൻ ജോലി ഉണ്ടാക്കുന്നത് എന്തിനാ അല്ലെ?  

Wednesday, October 23, 2013

പെട്ടി തുറന്നപ്പോൾ


പെട്ടീ പെട്ടീ ഫസ്റ്റ് എയ്ഡ് പെട്ടീ
പെട്ടി തുറന്നപ്പോൾ പാമ്പിനെ കിട്ടീ

പക്ഷെ ശരിക്കും ഫസ്റ്റ്  എയ്ഡ് പെട്ടിയിലല്ല കേട്ടൊ
 അത് അതിന്റെ വശത്ത് സുരക്ഷിതമായി ഇരിപ്പുണ്ട്

ഏതായാലും ആരായാലും സൂക്ഷിക്കണെ ഇങ്ങനെ ഒക്കെ ആരെങ്കിലും ഒക്കെ എവിടെ എങ്കിലും ഒക്കെ കാണും


Tuesday, October 22, 2013

ചൂട് കായൽ


ഹ ഹ ഹ തണുപ്പു കാലം തുടങ്ങിയതെ ഉള്ളു പല്ലിക്ക്  ചൂട് വേണം. അതിൻ ഉപായമൊ ദാ ഇത് തന്നെ ആശാന്റെ ഒരു കണ്ണ് അടീച്ചു പോയതാ  അത് കൊണ്ട്  ഞാൻ ആ വശത്ത് ഇരുന്ന് പടം പിടിച്ചാൽ പുള്ളീ അറീയത്തില്ല

നമ്മടെ നാട്ടിലെ പാവം പല്ലി ഒരെണ്ണം മുഴുവൻ കൂടി ഇവന്റെ വായിൽ കയറിയാലും ആനവായിൽ അമ്പഴങ്ങാ


Monday, October 21, 2013

ഹിന്ദി നഹി മാലൂം



ആദ്യമായി മദ്ധ്യപ്രദേശിൽ ജോലിക്കു ചേർന്ന സമയം. "കലം മേ സ്യാഹി ഹെ" മേരാ നാം ഹെ ഹൂം ഹൈ എന്നൊക്കെ ഉള്ള ഹിന്ദി മാത്രമെ കയ്യിൽ ഉള്ളു

എന്നാലും ജോലി ചെയ്യാതെ പറ്റുമൊ?

അങ്ങനെ കുറച്ച് നാളായപ്പോൾ തണുപ്പുകാലമായി. അവിടത്തെ തണുപ്പ് ഭയങ്കരം. കമ്പിളി പുതച്ചാലൊന്നും പോരാ
രജായി പുതക്കണം പറ്റുമെങ്കിൽ റൂം ഹീറ്ററും വേണം

എന്റെ കയ്യിലാണെങ്കിൽ ഇത് രണ്ടും ഇല്ല.

ഒരു രജായി ഉണ്ടാക്കിച്ചു കളയാം

ഡ്രൈവറെയും കൂട്ടി മാർകറ്റിൽ പോയി

അത്യാവശ്യം കൈക്രിയയും, ചില ചില വാക്കുകളും ഒക്കെ ഉപയോഗിച്ച് കടക്കാരനെ കാര്യം മനസിലാക്കിച്ചു.

അയാൾ രജായിക്കുള്ള തൈച്ച തുണീകവർ തന്നു.
ഇനി അതിൽ പഞ്ഞി നിറക്കണം

എത്ര പഞ്ഞി വേണം എന്നറിയില്ല. പഞ്ഞിയുടെ വില ഏതായാലും അന്ന് കിലോക്ക് ഏകദേശം 85 രൂപയ്ക്കടുത്ത്.
എന്റെ കയ്യിൽ ആകെ ഉള്ളത് 800 രൂപ


പൈസ തികയുമോ എന്നറിയാൻ  ഞാൻ കടക്കാരനോട് ചോദിച്ചു  "ഒരു രജായിക്ക് എത്ര കിലൊ പഞ്ഞി വേണ്ടിവരും"  ഹിന്ദിയിലാട്ടൊ ചോദിച്ചത്

അയാൾ പറഞ്ഞു "അഠായി"

ഞാൻ അങ്ങനെ ഒരു അക്കം ഹിന്ദിയിൽ കേട്ടിട്ടില്ല

ഏക് ദോ തീൻ നൂറു വരെ  ചൊല്ലി നോക്കിയിട്ടും ഇങ്ങനെ ഒരു സാധനം ഇല്ല

ഇനി അഠായീസ് ന്റെ അവസാനത്തെ "സ്" ഞാൻ കേൾക്കാത്തതാണോ

അഠായീസ് ആണെങ്കിൽ 28
85 ഗുണം 28 = 2380
എന്റെ കയ്യിലുള്ള മുഴുവൻ പൈസ കൊടുത്താലും തികയില്ല.

ഞാൻ ആകെ വിഷണ്ണനായി ഒന്നു കൂടി ചോദിച്ചു

അപ്പോഴും ഉത്തരം അത് തന്നെ "അഠായി കിലൊ"

അപ്പോഴല്ലെ എനിക് സാക്ഷാൽ ബുദ്ധി ഉദിച്ചത്

ഞാൻ ചോദിച്ചു
" യേ അഠായി ദസ് സെ കം ഹെ യാ ജ്യാദാ ഹെ?"

ഈ അഠായി പത്തിനെക്കാൾ കൂടുതലൊ കുറവൊ എന്ന്


പാന്റും കോട്ടും ഒക്കെ ധരിച്ച, കാറിൽ വന്നിറങ്ങിയ വിദ്വാന്റെ ഈ ചോദ്യംകേട്ട് കടക്കാരൻ എന്നെ തറപ്പിച്ചൊന്ന് നോക്കി

അതിന്റെ അർത്ഥം എനിക്ക് മനസിലായെങ്കിലും മനസിലായി എന്ന് ഭാവിക്കാൻ വയ്യല്ലൊ

ഞാൻ ഡ്രൈവറെ വിളിച്ചു വരുത്തി

അയാളോട് എന്റെ ചോദ്യം ആവർത്തിച്ചു

പുതിയതായി വന്ന ആളാണെന്നറിയാവുന്നത് കൊണ്ട് ഡ്രൈവർ അഠായി - രണ്ടര എന്നും ഡേഢ് - ഒന്നര എന്നും ഒക്കെ പഠിപ്പിച്ചു തന്നു

പക്ഷെ ആ പഠിപ്പിക്കൽ കഴിഞ്ഞപ്പോൾ കടക്കാരന്റെ മുഖം ആ തേൾ കുത്തിയ ഭാവത്തിൽ നിന്നും മാറി പ്രസന്നമായി


 

Sunday, October 20, 2013

രക്ഷകൻ

ഞങ്ങളുടെ പറമ്പ് സർപ്പത്തിന്റെ സേവനപരിധിയിൽ ആണെന്ന് നേരത്തെ കേട്ടിട്ടുണ്ട്
ഇത്തവണ വീട്ടിൽ പോയപ്പോൾ രണ്ട് തെങ്ങും മാവും ഒക്കെ നടുവാൻ കുഴി എടുത്തു.
റിട്ടയർ ആയി വരുമ്പോൾ എന്തെങ്കിലും പണീ വേണ്ടെ?
മാവ് തെങ്ങ് പപ്പായ സപ്പോട്ട ഇതൊക്കെ നട്ടും വച്ചു







അപ്പോഴല്ലെ ഇദ്ദേഹത്തിന്റെ വരവ് --
video

വന്ന് നോക്കി തൃപ്തിപ്പെട്ട് പോയി
സന്തോഷം.
നോക്കാൻ ഒരാളുണ്ടെന്നറിഞ്ഞാലത്തെ ഒരു സന്തോഷമെ

Tuesday, October 15, 2013

ഇത് എന്ത് മൃഗം?


കാലം പോയ പോക്ക്

ഇപ്പോൾ പിള്ളേർക്ക് കടലാസിനൊ പേനയ്ക്കൊ ഒക്കെ എന്തെങ്കിലും വില ഉണ്ടൊ?

എനിക്കാണെങ്കിൽ ഇപ്പൊഴും എഴുതാത്ത കടലാസ് കാണുന്നത് ഒരു ഹരം ആണ്.

എടുത്ത് എവിടെ എങ്കിലും സൂക്ഷിച്ച് വക്കും. കടലാസ് മാത്രമല്ല എഴുതി തീർന്ന പേന പെൻസിൽ ഇവ ഒന്നും കളയാൻ മനസ് അനുവദിക്കില്ല.

കാരണം അഗ്രഹിച്ചിരുന്ന കാലത്ത് കിട്ടാതിരുന്ന സാധനങ്ങൾ ആണ് അവ.

അതു തന്നെ.

ആയുർവേദം പഠിച്ചു കൊണ്ടിരുന്ന കാലം-  നാലാം വർഷത്തെ ഒരു നോട്ട് ബുക്കിന്റെ  പേജ് കാണൂ. മാർജിൻ പോലും കളഞ്ഞിരുന്നില്ല. എഴുതിക്കൊണ്ടിരിക്കുമ്പോൾ പേനയിലെ മഷി തീർന്നു. അല്പം നേരം കുടഞ്ഞും മറ്റും പരിശ്രമിച്ച ശേഷം പിന്നെ പെൻസിൽ കൊണ്ടായി എഴുത്ത്

ഹ ഹ ഹ ഏതായാലും ഇത്രയും കത്തി സഹിച്ചില്ലെ?

ഇനി ഈ മൃഗം ഏതാണെന്നു കൂടി പറഞ്ഞിട്ട് പോയാൽ മതി