Monday, March 14, 2016

രക്ഷകൻ വീണ്ടും

video
ഇത്തവണ വീട്ടിലേക്കുള്ള വഴി ഒന്നു നന്നാക്കിയേക്കാം എന്നു വച്ചു. എല്ലാം കുണ്ടും കുഴിയുമായി കിടക്കുക യായിരുന്നു. നന്നാക്കുന്നത്
 കണ്ട് സന്തോഷിച്ച് രക്ഷകൻ അതിലെ തന്നെ വീണ്ടും എത്തി
കണ്ടു തിരിച്ചുപോയി. അനുഗ്രഹിച്ചുകാണുമായിരിക്കും

ഇത് പണ്ടത്തെ വിസിറ്റ്

Wednesday, September 09, 2015

ചക്രം

ഇനിയൊരാാൾ കൂടിയുണ്ട് . ഇദ്ദേഹം ഇരുന്നിരുന്ന സിംഹാസനം ദ്രവിച്ചു പോയി . അതുകൊണ്ട്  നിലത്താണി രിപ്പ് .

 ചെറുപ്പത്തിൽ ഇതിനെ ചവിട്ടി കറക്കാൻ എന്തുല്സാഹമായിരുന്നെന്നോ  

ആട്ടുകല്ല്



ഇതാ അടുത്ത ആൾ. എത്രയെത്ര ദോശയും ഇഡ്ഡലിയും ഉണ്ടാക്കാനുള്ള മാവ് അരച്ചു തന്ന ആൾ

കല്ലുകൊത്താനുണ്ടൊ എന്ന ചോദിച്ചു വന്നിരുന്ന ആള്ക്കാരെ ഓര്ത്ത് പോകുന്നു അവരൊക്കെ ഇപ്പോൾ എന്ത് ചെയ്ത് ജീവിക്കുന്നോ ആവോ




ഏതായാലും അവർ ഒന്നിച്ച്ചിരുന്നിരുന്നവരല്ലേ?  ഇപ്പോഴത്തെ  അവരുടെ കിടപ്പ്  കണ്ടിട്ട് ഒരു 
 വിഷമം.  രണ്ടു  പേരെയും  ഒന്ന് കൂടി ഒരുമിച്ചു ചേര്ത്ത്  

Sunday, September 06, 2015

ചില കുട്ടിക്കാല ഓർമ്മകൾ




ഈ കിടപ്പു കണ്ടാൽ സഹിക്കുമോ? കിടന്ന് കിടന്ന്  BedSore വരെ  ആയി എന്ന് തോന്നുന്നു  സ്വന്തമായി ഒരു പുരയും സേവിക്കാൻ ആളുകളും വരെ ഉണ്ടായിരുന്നതാണ് .
അത്ര ചെറിയ പുര ഒന്നും അല്ല , ഒരു 15' x 10' വിസ്താരമെങ്കിലും ഉണ്ടായിരുന്നിരിക്കും
തൂത്തു തുടച്ച് വെടിപ്പായിരിക്കും എപ്പോഴും.

ഉരപ്പുര - അതായിരുന്നു ആ വീടിന്റെ പേർ - ഉരലിരിക്കുന്ന പുര

എന്നിട്ടിപ്പോഴോ?
ഉലക്ക കൊണ്ടുള്ള ഇടി കിട്ടിയിരുന്നു എന്നുള്ളത് ഒരു സത്യം തന്നെ,
എന്നാലും ഈ അവഗണന !!!!!!!!!

മിക്കവാറും ആഴ്ച്ചയിൽ ഒരിക്കൽ ആയിരുന്നു നെല്ലുകുത്ത് . ഒരാഴ്ച്ചത്തേക്കുള്ള അരി ഈ ഉരലിൽ കുത്തിയെടുക്കും. അമ്മയെ സഹായിക്കാൻ  ചിലപ്പോഴൊക്കെ ഞാനും കൂടുമായിരുന്നു. അയല്വക്കത്തെ ഉമ്പോറ്റി അമ്മൂമ്മ ആയിരുന്നു അതിൽ അമ്മയെ സഹായിക്കാൻ പലപ്പോഴും വരിക. നെല്ലുകുത്തുന്നതിനിടയ്ക്കുള്ള ആ മൂളലും ആ താളവും ഒക്കെ അന്നത്തെ ഒരാകർഷണം തന്നെ ആയിരുന്നു .
എന്നാലും അവസാനം അരി  പാറ്റി കൊഴിച്ചു കഴിഞ്ഞ് അതിന്റെ തവിട് , ചക്കരയും  ചീകിയിട്ട്  തിന്നാൻ തരുന്നതിന്റെ രസം ഓർക്കുമ്പോൾ , ഇന്ന് നമ്മുടെ മക്കള്ക്ക് ആ ഭാഗ്യം  ഇല്ലാതെ പോയതിൽ വിഷമം ഉണ്ട്

ഒരു പക്ഷെ ഈ അറുപതാം കാലത്തും, ഇതുവരെ  യും ആശുപത്രി സന്ദർശനം കാര്യമായി ഉണ്ടാകാതിരുന്നതിന്റെ ഒരു കാരണവും അതൊക്കെ ആയിരുന്നിരിക്കാം 

Sunday, August 16, 2015

ഭാരത്‌ മെരാ ദേശ് മഹാൻ

video


ഏകദേശം 20 കൊല്ലം മുന്പ് എഴുതിയുണ്ടാക്കിയ ഗാനം.   പുതിയ സ്ഥലത്ത് എത്തിയപ്പോൾ  അവിടത്തെ കുട്ടികള്ക്കും പാടാൻ ഇഷ്ടം. എന്നാൽ ആയ്ക്കോട്ടെ  വച്ചു  

Wednesday, July 22, 2015

തലയിൽ ആൾതാമസം ഉള്ളവര്ക്ക് കേൾക്കാൻ


For those who have at least a part of their brain working unbiased.

Ethiran Kathiravan റികോംബിനന്റ് ടെ്ക്നോളജി (recombinant DNA technology) വഴി നിർമ്മിച്ചെടുത്ത ഇൻസുലിൻ ഇല്ലാതെ എത്ര മലയാളിക്കുടുംബം ഒരു ദിവ്സമെങ്കിലും തള്ളിനീക്കും? ബൈ പാസ് സരജറിയോ മിനിമം ഒരു സ്റ്റെന്റ് ഇടൽ എങ്കിലും നടക്കാത്ത അധികം കുടുംബങ്ങളില്ല. ആൾ ദൈവങ്ങൾ പോലും ഒരു വയറു വേദന വന്നാൽ ഏറ്റവും മെച്ചമായ ആശുപത്രിയിലേക്ക് ഓടും. അമൃതാനന്ദമയിക്ക് തന്നെ ഒറ്റയ്ക്ക് ആരേയും രക്ഷപെടുത്താൻ പുറ്റുകയില്ലെന്നുള്ളതാണ് അവരുടെ തന്നെ ആശുപത്രിയിലെ ആധുനിക വേലകൾ വിളിച്ചോതുന്നത്.

Seeing this comment for the post below, I remembered this video


Monday, February 09, 2015

ഇന്റർമെഡിക്കൽ യൂത് ഫെസ്റ്റിവൽ

പഠനകാലത്ത് ഒരു ഇന്റർമെഡിക്കൽ യൂത് ഫെസ്റ്റിവൽ രംഗം

Sunday, January 18, 2015

സ്നേഹം

പൂവ് ഇഷ്ടമായത് കൊണ്ടല്ലെ നാം പൂച്ചെടി വളർത്തുന്നത്. അത് ചെടീക്ക് മനസിലായി
രാത്രിയും കണ്ടൊ എന്നു പറഞ്ഞ് ദാ കിട്ടിയ വഴിയിലൂടെ അകത്ത് വന്ന് പൂത്തു :)
അത് പുറത്ത് ഇങ്ങനെ




കിട്ടിയ ഒരു വഴിയിൽ കൂടി അങ്ങു കയറി അത് തന്നെ

Thursday, January 15, 2015

മകരവിളക്കിന്റെ ഭജന

video

മകരവിളക്കിന്റെ  ഭജനയ്ക്കിത്തവണയും കൂടീ. ഇത്തവ്ണ പഴയത് പോലെ അല്ലായിരുന്നു  ഇക്കാണുന്ന സ്ഥലത്ത്. അവിടെ പൂജാരിമാർ പറയുന്ന സമയത്ത്  പാടിയാൽ മതി. ഭജന ക്രമത്തിലൊന്നും അല്ല. എന്തായാലും ആകട്ടെ - രണ്ടു പാട്ടിനെ സമയം ഉണ്ടായിരുന്നുള്ളു. ഏതായാലും ശ്രീയുടെ പാട്ടു തന്നെ ആകട്ടെ അയ്യപ്പന്റെ പേരിൽ എന്ന് വച്ചു

Friday, January 09, 2015

ഗർബ, ദാണ്ഡിയ

video
നമ്മുടെ നാട്ടിൽ പരിചയം ഇല്ലാത്ത നൃത്തരൂപം ആണല്ലൊ ഗർബ, ദാണ്ഡിയ  എന്ന പേരിൽ അറിയപ്പെടുന്നവ
സ്കൂളിലെ കുട്ടികൾ റെകോർഡ് ഡാൻസ് ആയി കളിച്ചത് ദാ കണ്ടോളൂ

സ്കൂളിലെ ആനുവൽ പരിപാടി

video
സ്കൂളിലെ ആനുവൽ പരിപാടിക്ക് പിള്ളേരുടെ പാട്ടിൻ അകമ്പടി സേവിക്കാൻ ക്ഷണം കിട്ടി അതിന്റെ ത്രില്ലിലാ

രാത്രി 8.30 ന് ഫോണിൽ വിളിച്ച് പറയുന്നു മറ്റന്നാൾ പ്രോഗ്രാം വരാമെന്നേറ്റവർക്ക് വരാൻ പറ്റില്ലത്രെ. സഹായിക്കണം. എന്ന്
അതിന്റെവ് വെപ്രാളമായിരുന്നു. ഭഗവാൻ കടാക്ഷിച്ചു

പരിപാടി എല്ലാം കഴിഞ്ഞപ്പോൾ നന്ദി പറഞ്ഞ അവർ ഒരു കാര്യം കൂടി പറഞ്ഞു. ഡോക്റ്ററായ എനിക്ക് ഇത്രയും സമയം ചെലവാക്കാൻ ഉണ്ടാകുമോ എന്നറിയിയാഞ്ഞത് കൊണ്ടാണ് അത്രെ അവർ നേരത്തെ എന്നെ വിളിക്കാതെ മറ്റുള്ളവരെ നോക്കി പോയത് എന്ന്


ഏകദേശം അതു പോലെ ഒരനുഭവം മുൻപ് ഉണ്ടായിട്ടുണ്ട്- ദാ ഇവിടെ പറഞ്ഞിരുന്നു

Wednesday, December 24, 2014

പട്ടിക്കുട്ടി


യാത്രക്കിടയിൽ സുഹൃത്തിന്റെ വീട്ടിൽ കണ്ടതാണ്. ഒരു മാസം പ്രായം. ആരെങ്കിലും കൊണ്ടുപൊക്കോളും എന്ന് പറഞ്ഞു അവർ. എനിക്കാണെങ്കിൽ കണ്ടിട്ട് വിട്ടു പോരാനും തോന്നുന്നില്ല. പക്ഷെ ഒരു വീട്ടിൽ രണ്ടു എണ്ണം വേണ്ട എന്ന് പറഞ്ഞ് ഭൈമി വിലക്കി. എന്റെ വീട്ടിൽ പട്ടിയൊന്നും ഇല്ല കേട്ടൊ :) 

Tuesday, December 23, 2014

ബാൻസ്വാഡ ഒരു ഊരുചുറ്റൽ

കുറച്ചു ദിവസമായി ഊരു ചുറ്റൽ ആയിരുന്നു. മകൻ താമസിക്കുന്ന സ്ഥലമൊക്കെ ഒന്നു കാണാം അവരുടെ സുഖവിവരവും അന്വേഷിക്കാം എന്ന് വച്ച് പോയതാണ്.  പോയ വിവരം കൂട്ടുകാരും അറിയണ്ടെ?

രാജസ്ഥാനിലെ ബാൻസ്വാഡ എന്ന സ്ഥലമാണ് അത്.  ഹിന്ദിയിൽ ബാസ് (ബാംസ്, ബാൻസ്) ഇവയ്ക്കിടയിലുള്ള ഒരു ശബ്ദം നമ്മുടെ ബാസുരി കേട്ടിട്ടില്ലെ ഓടക്കുഴൽ? അതിന്റെ ഉല്പത്തിക്ക് നിദാനമായ ശബ്ദം. പച്ചമലയാളത്തിൽ മുള എന്ന് പറഞ്ഞാൽ മതി. അത് കൂടുതലുള്ളതു കൊണ്ടാണത്രെ ആ പേർ ലഭിച്ചത്

അവിടെ എത്തിപ്പെടാൻ അത്ര എളുപ്പമല്ല, കാരണം അവിടെ റെയിൽ വന്നിട്ടില്ല. അത് കൊണ്ട് ആദ്യം ബറോഡയിൽ പോയി. അവിടെ മകൻ വന്ന് ഞങ്ങളെയും കൂട്ടി കൊണ്ടുപോയി. ബറോഡയിൽ നിന്നും 260 കിലൊമീറ്റർ

ഗുജറാത്തിലെ റോഡൊക്കെ ഫോട്ടൊഷോപ്പാണെന്ന് പല ഫേസ്ബുക്ക് പോസ്റ്റുകളിലും കണ്ടിരുന്നു. പക്ഷെ അത് ഫോട്ടൊഷോപ്പല്ല എന്ന് യാത്ര ചെയതപ്പൊ മനസിലായി 100-120 കിലോമീറ്റർ സ്പീഡിൽ  സുഖമായി പോകാം.

ഇത് പറഞ്ഞപ്പൊഴാ ഓർത്തത്- ഗുജറാത്തിലെ ഒരു മാളിലും കയറി. അവിടെ വണ്ടി പാർക്ക് ചെയ്യാൻ കാശ് കൊടൂക്കാൻ നീട്ടിയപ്പോഴാ മനസിലായത്- ഗുജറാത്തിൽ ആ പാർക്കിങ്ങ് ഫീ പരിപാടി ഇല്ലത്രെ. എന്തൊരു വൃത്തികെട്ട ദേശം അല്ലെ?

വഴിയൊക്കെ നല്ല ഭംഗിയാണ് കാണാൻ.


മൊട്ടക്കുന്നുകളും കാടുകളും വയലുകളും ഒക്കെ സുലഭം. മയിലുകൾ ധാരാളം മേഞ്ഞു നടക്കുന്നത് കാണാം.  ഒരിടത്ത് നിർത്തി പടം എടുത്തു എങ്കിലും ഒരു സീൻ മിസ് ആയത് ഇപ്പോഴും വിഷമം ഉണ്ടാക്കുന്നു. ഒരു ഒറ്റ മരം, അതിന്റെ അഞ്ചാറു ശിഖരങ്ങൾ ഉള്ളതിൽ നിറയെ മയിലുകൾ.  പക്ഷെ അവിടെ ഒരു ഹെയർ പിൻ വളവും കയറ്റിറക്കവും ആയതിനാൽ വണ്ടി നിർത്താൻ സാധിച്ചില്ല. പടം മനസിൽ സൂക്ഷിച്ചും കൊണ്ട് ഇങ്ങു പോന്നു


അങ്ങനെ വൈകുന്നേരത്തോടു കൂടി ബാൻസ്വാഡയിൽ എത്തി.

ഉറങ്ങി എഴുനേറ്റ് വന്നപ്പോൾ നല്ല തണുപ്പ്, മൂടൽ മഞ്ഞും. പക്ഷെ സൂര്യൻ ഉദിച്ചു വരുന്ന ഒരു സീൻ കണ്ടു എനിക്കിഷ്ടപ്പെട്ടു അത് കൊണ്ടത് പടം പിടിച്ചു. നേരെ കാണുന്ന ഭംഗി പടത്തിൽ വരില്ലല്ലൊ. എന്നാലും ഇത് കണ്ടോളൂ


അവിടത്തെ സ്ഥലം കറങ്ങിക്കാണാൻ ഒരു ദിവസം മകൻ അവധി ആക്കി. അവരുടെ പ്രൊജക്റ്റ് ആണ് ജലം ശുദ്ധീകരിച്ച് വിതരണം ചെയ്യൽ അതിന്റെ തടാകത്തിൽ ആണ് ആദ്യം പോയത്. റോഡിൽ നിന്നും വിട്ട് കാട്ടുപ്രദേശത്തിൽ കൂടി കുറേ പോയി.







 ആ വഴിക്ക് ആകെ ഒന്നൊ രണ്ടൊ മനുഷ്യരെ മാത്രമെ കാണാൻ കിട്ടിയുള്ളൂ. ഏതായാലും പ്രശാന്ത സുന്ദരമായ പ്രദേശം. അവിടെ അങ്ങനെ ആസ്വദിച്ചു നിന്നപ്പോഴാണ് മകന്റെ പ്രസ്താവന

രാത്രിയിൽ ഇവിടെ വെള്ളം കുടിക്കാൻ കടൂവകൾ വരാറുണ്ടത്രെ

അതു കേട്ടതോടു കൂടി അവിടം കൂടുതൽ കാണാനുള്ള വ്യഗ്രത ഇല്ലാതായി. വേഗം പിള്ളേരോട് വണ്ടിയിൽ കയറാൻ പറഞ്ഞു.



പിന്നിൽ കാണുന്ന ബാക് ഗ്രൗണ്ട് ഉൾപ്പടെ അവരുടെ പടം കിട്ടണം എന്ന് വച്ച് മകൻ ക്യാമറ കയ്യിൽ തന്നെ. മോനും മരുമോളും അല്ലെ ക്ലോസ് അപ് ആകട്ടെ എന്ന് ഞാനും വച്ചു. പിന്നിലത്തെ സീൻ ഇല്ലാത്തതിൻ പിള്ളേരുടെ വായിൽ നിന്നും ചീത്ത കേൾക്കാനും ഒരു രസമാ അല്ലെ?



ഒരുപാട് നല്ല നല്ല കാഴ്ച്ചസ്ഥലങ്ങൾ ഉണ്ട്
എന്നാലും അവിടെ ഒക്കെ പോകാൻ സമയക്കുറവും സൗകര്യക്കുറവും ഉള്ളതിനാൽ ഒന്ന് രണ്ടെണ്ണം മാത്രം കണ്ട് തിരികെ പോന്നു

അതിൽ ഒന്നാണ്  രാംകുണ്ഡ്


ശ്രീരാമൻ വനവാസക്കാലത്ത് താമസിച്ച സ്ഥലമാണത്രെ. ഒരു വലിയ പാറപ്പുറത്ത് ഒരു ഇടിഞ്ഞു പൊളിഞ്ഞ ക്ഷേത്രം.
ഒരു മണ്ഡപം പണിത് രണ്ടു പ്രതിമകൾ കാവലായി വച്ചിട്ടും ഉണ്ട്.

 ആ പാറയ്ക്കടിയിൽ  വലിയ ഒരു ഗുഹ. ആ ഗുഹ 80 കിലൊമീറ്ററോളം നീളമുള്ളതാണത്രെ.








അവിടെയും മനുഷ്യരെ ഒന്നും കാണാൻ കിട്ടിയില്ല. ഗുഹയുടെ പ്രവേശകവാടങ്ങൾ കമ്പിവേലി കെട്ടി  വച്ചിട്ടുണ്ട്. ഒരു ഭാഗത്ത് ഒരു ഇരിമ്പു വാതിലും പിടിപ്പിച്ചിട്ടുണ്ട്.


മനുഷ്യർ ആരും ഇല്ലാത്തതിനാലും, കൂട്ടത്തിൽ ഭാര്യയും മരുമകളും ഉള്ളതിനാലും കൂടുതൽ അതിനകം പരിശോധിക്കാൻ മുതിർന്നില്ല. പോരെങ്കിൽ മുൻപു പറഞ്ഞ  കടുവക്കഥ ഉള്ളിൽ തികട്ടുന്നും ഉണ്ട് അത് കൊണ്ട് കുറച്ച് പടം എടുത്ത് തിരികെ പോന്നു.

പിന്നീട് പോയത് ത്രിപുരസുന്ദരി ക്ഷേത്രം.




അത് വളരെ വലിയ ഒരു ക്ഷേത്ര സമുച്ചയം. അകത്ത് പടം പിടിക്കാൻ അനുവാദം ഇല്ലാത്തത് കൊണ്ട് പുറത്ത് നിന്നുള്ള കുറച്ച് പടം എടുത്തു. അകത്ത് വെണ്ണക്കല്ലിൽ കൊത്തുപണീകളുള്ള നല്ല ഒരു അമ്പലം. ഇപ്പോൾ അതിന്റെ കല്ലുകൾ എല്ലാം വീണ്ടും പോളിഷ് ചെയ്ത് കൊണ്ടിരിക്കുന്നു.  പടം പിടിക്കാൻ ആഗ്രഹം ഉണ്ടായിരുന്നെങ്കിലും പോലീസുകാരനെ കണ്ടത് കൊണ്ട് വേണ്ടെന്ന് വച്ചു

അത് കഴിഞ്ഞ് പോയത് ബ്രഹ്മാവിന്റെ അമ്പലം.






 ബ്രഹ്മാവിന്റെ അമ്പലങ്ങൾ വലരെ കുറച്ചെ ഉള്ളു എന്നാണ് അറിവ്. ഏതായാലും അവയിൽ ഒന്ന് ഇതാണ്.

ഒരു ദേവീക്ഷേത്രം ഉണ്ട് അവിടെ നമ്മുടെ ഹനുമാന്മാരുടെ സങ്കേതം ആണ് ആളുകളെ ഉപദ്രവിക്കുകയില്ല.



നാളികേരം കൊണ്ട് കൊടുത്ത ഒരു ഭക്തന്റെ അടൂത്ത് ഒരു ഹനുമാൻ എത്തി.

കാണേണ്ട കാഴ്ച്ച ആയിരുന്നു. അദ്ദേഹം അതിനോട് പറഞ്ഞു."രുക്കൊ തൊ. ദേ രഹാ ഹു"  അല്പം നിൽക്ക് തരാം എന്ന്. ഹനുമാൻ കാത്ത് നിന്നു അദ്ദേഹം അത് പൊട്ടിച്ച് കുറച്ച് കൊടുത്തു , അതും വാങ്ങി ഹനുമാൻ സന്തോഷമായി പോയി.

പിന്നെയും കണ്ടു പല അമ്പലങ്ങൾ

അങ്ങനെ ഒരു ഓട്ടപ്രദക്ഷിണം. കണ്ടാൽ മതിയാകാത്ത  അത്ര സുന്ദരമായ പ്രദേശം

ഇനി റെയിൽ കൂടി വന്ന് കള്ളന്മാാാരും കാട്ടുകള്ളന്മാരും ഒക്കെ ഒന്ന് വിലസിയിട്ടു വേണം അതൊക്കെ ഒരു വഴിക്കാക്കാൻ