Saturday, September 06, 2014

ഒരു വല്ലാത്ത "വിടൽ"  

ഇന്ന് കാലത്ത് മുതൽ വൈകുന്നേരം വരെ ഇരുന്ന് വായിച്ച ഒരു ബ്ലോഗ് ആണ് ഉമയുടെ ബ്ലോഗ് ദാ ഇത് http://a-dream-lover.blogspot.in/ 
പ്രണയം അതിന്റെ എല്ലാ തീവ്രതയോടെയും എങ്ങനെ ഒക്കെ അനുഭവിക്കാമൊ അങ്ങനെ ഒക്കെ നുഭവിക്കാവുന്ന വരികൾ.

വായിച്ച് വായിച്ച് ഇരുന്നപ്പോൾ തോന്നി ദൈവമെ  ഒന്നു കൂടി ചെറുപ്പമാകാമായിരുന്നെങ്കിൽ ഇനി ഒരു വട്ടം പരീക്ഷിക്കാമായിരുന്നു എന്ന്.

അതിനിനി കഴിയിലല്ലൊ. അപ്പോൾ ആണ് നമ്മുടെ പഴയ കാര്യങ്ങൾ   ഓർക്കുന്നത്

പഠിക്കുന്ന കാലത്ത് കുഞ്ഞ് കുഞ്ഞ് അനുഭവങ്ങൾ ധാരാളം ഉണ്ട്പക്ഷെ ധാരാളം സുന്ദരികളെ കണ്ടതു കൊണ്ടായിരിക്കാം അതിൽ ഏതെങ്കിലും ഒന്നിനെ മാത്രം തെരഞ്ഞെടുത്ത്  മണ്ടനാകാൻ തയ്യാറായില്ല.
എല്ലാ സുന്ദരികളെയും ഒരുപോലെ സ്നേഹിക്കാൻ പറ്റുമ്പോൾ അത് ഒന്നിൽ ഒതുക്കുന്നത് മണ്ടത്തരമല്ലെ
അങ്ങനെ എല്ലാവരുടെയും സുഹൃത്തായി നടക്കുന്ന കാലം

ഒരു മണ്ടത്തരമൊക്കെ ഏത് പോലീസുകാരനും പറ്റും  എന്നൊരു പഴഞ്ചൊല്ലില്ലെ?

അത് ശരിയാട്ടൊ.

അക്കഥ കേൾക്കണ്ടെ.

അന്നൊക്കെ സമയം കിട്ടുമ്പോൾ ഇൻഡ്യൻ എക്സ്പ്രസ്സ് പത്രം വായിക്കും. 
ആർ ബി സാപ്രെയുടെ ചെസ്സ്  വിശകലനവും പീറ്റർ വിടൽ ന്റെ വാരഫലവും നിർബ്ബന്ധമായും വായിക്കും. 

 വാരഫലം എഴുതുന്ന പീറ്റർ വിടൽ എന്ന വിദ്വാന്റെ പേർ ഇങ്ങനെ "വിടൽ"  എന്ന് ഇട്ടത് അയാളുടെ അച്ഛൻ അറിഞ്ഞു കൊണ്ടു തന്നെ ചെയ്തതായിരുന്നിരിക്കണം. പക്ഷെ അന്നത് എനിക്കറിയില്ലായിരുന്നു

ഞാൻ അതു കൊണ്ട് അദ്ദേഹത്തിന്റെ വിടലുകളെ രെ വിശ്വസിച്ചിരുന്നു

അങ്ങനെ അങ്ങനെ ആയുർവേദം  ഫൈനൽ ഈയർ കഴിഞ്ഞു.  ഇനി ആറു മാസം ഇന്റേൺഷിപ് ആണ്.  അത് കഴിഞ്ഞാൽ ജീവിതത്തിലേക്ക്.

അങ്ങനെ ഇരിക്കുന്ന സമയം പീറ്ററിന്റെ ഒരു വിടൽ വന്നു - എന്റെ സമയം തെളിഞ്ഞു. എന്നെ ഏതൊ ഒരു സുന്ദരി അകമഴിഞ്ഞു സ്നേഹിക്കുന്നു. ഇപ്പോൾ പറ്റിയ സമയം . മുട്ടുവിൻ തുറക്കപ്പെടും 

വായിച്ചിരുന്ന ഞാൻ കുളിരു കോരിപ്പോയി. ഹൊ എന്നെ ആരാണ്ട് സ്നേഹിക്കുന്നു. അതും അകമഴിഞ്ഞ്. ഇപ്പോൽ മുട്ടിയാൽ കിട്ടും. പോരെ 22 വയസുള്ള ഒരു ചെറുപ്പക്കാരൻ വീഴാൻ.

ഞാൻ കോളേജിലെ പരിചയക്കാരികളെ ഓരോരുത്തരെയും അളന്നു നോക്കി. അവൾ ആയിരിക്കുമൊഅല്ല ഇനി മറ്റവൾ ആയിരിക്കുമൊ?

പീറ്ററിന്റെ വിടലിൽ എനിക്ക് യാതൊരു സംശയവും ഇല്ല. അത് അച്ചട്ടാണ്.

ഓരോ സുന്ദരിയേയും കുറിച്ച് ഉള്ള അറിവുകൾ കൂട്ടിയും കുറച്ചും നോക്കി. പലർക്കും സ്വന്തം ലൈൻ ഉണ്ട്. അവരെ ഒക്കെ ഒഴിവാക്കി. 

അങ്ങനെ ഒഴിവാക്കി ഒഴിവാക്കി അവസാനം രണ്ടുപേരിൽ എത്തി.

 രണ്ടുപേരിൽ ഒരാൾക്ക് ലൈൻ ഉണ്ടെന്ന് സംശയം ഉണ്ട്. അത് കൊണ്ട് അവളെ ഒഴിവാക്കി.
 മറ്റെ ആളിനെ ലൈൻ  ഉണ്ടെന്ന് സംശയിച്ച് ഞാൻ ഒരിക്കൽ കളിയാക്കി നോക്കിയതായിരുന്നു. അന്നവൾ തീർത്തു പറഞ്ഞു അങ്ങനെ ഒന്നില്ല എന്ന്.

എങ്കില് അവൾ തന്നെ ആയിരിക്കും. എനിക്കുറപ്പായി.  അവൾ കോളേജിലെ ടാബ്ലോ പോലെ ഉള്ള പരിപാടികളിൽ പങ്കെടുക്കുമ്പോൾ ഞാൻ പാട്ടു പാടി കൊടുത്തിട്ടുണ്ട്അവൾ തയ്യാറാക്കിയ നൃത്തസംഗീത പരിപാടികളിൽ വളരെയധികം സഹായിച്ചിട്ടുണ്ട്. അവളുടെ മാത്രമല്ല  എല്ലാവരുടെയും പരിപാടികളിൽ ഒരു പോലെ സഹകരിക്കും എങ്കിലുംഇപ്പോൾ അതൊക്കെ ഓർത്ത് ഞാനും ഒരു തീരുമാനത്തിലെത്തി

അത്രക്ക് അങ്ങ് അകമഴിഞ്ഞു സ്നേഹിക്കുന്നെങ്കിൽ നമ്മൾ ഒഴിവാക്കാൻ പാടുണ്ടൊ?  അറിഞ്ഞ് കാര്യങ്ങൾ ചെയ്യേണ്ടത് ആണുങ്ങളുടെ കടമയല്ലെ?

അതു കൊണ്ട് ഏതായാലും സമയം കളയാതെ - പീറ്റർ വിടൽ പറഞ്ഞിരിക്കുന്നത് പെട്ടെന്ന് പിടിച്ചോളാനാണ്. ഇനി ഞാനായിട്ടു താമസിപ്പിച്ചെന്നു വേണ്ടാ

കാര്യം തീരുമാനത്തിൽ എത്തിക്കാൻ തന്നെ തീരുമാനിച്ചു. അന്ന് കുട്ടികൾ ഒക്കെ പഠിക്കാൻ ഒത്തുകൂടുന്ന ഒരു സ്ഥലം ഉണ്ട്. ഞങ്ങൾ പഠിത്തം കഴിഞ്ഞവർ ആണെങ്കിലും അവർ രിക്കുന്ന സ്ഥലം ഒക്കെ നല്ല നിശ്ചയം. അല്ല അണ്ണാൻ കുഞ്ഞിനെ മരം കേറ്റം പഠിപ്പിക്കണ്ടാ എന്ന് പറയില്ലെ. 

അങ്ങനെ ണ്ണാ കുഞ്ഞ് അവിടെ എത്തി. അവരുടെ ഒക്കെ പേരുകൾ ഇപ്പോൾ പറയാൻ പാടില്ലല്ലൊ കാരണം ഇതൊക്കെ അങ്ങനെ ഫ്ലാഷ് ആക്കാൻ പാടുണ്ടൊ?

അതു കൊണ്ട് ഞാൻ പതിയെ  കുട്ടിയുടെ അടൂത്തെത്തി. പലരീതിയിൽ ദൂരെ നിന്നും അടൂത്തു നിന്നും ഒക്കെ ശ്രദ്ധിച്ചു നോക്കി. പീറ്റർ വിടൽ പറഞ്ഞ  അകമഴിഞ്ഞത് വല്ലതും  മുഖത്തെങ്ങാനും കാണാനുണ്ടോ?

എനിക്ക് അകമഴിഞ്ഞും പുറമഴിഞ്ഞും ഒന്നും കാണാൻ കിട്ടിയില്ല  

അടുത്ത് ചെന്ന് അല്പം കുശലപ്രശ്നം നടത്തിയിട്ട് നേരെ കാര്യത്തിലേക്ക് കടന്നു.
മുൻപരിചയം ഒന്നും ഇല്ലല്ലൊ ഇതൊക്കെ എങ്ങനെയാണ് കൈകാര്യം ചെയ്യേണ്ടത് എന്ന്.

നേരെ ഒറ്റ ചോദ്യം എന്റെ പഠിത്തം ഒക്കെ കഴിഞ്ഞു . ഞാൻ ആറു മാസം കഴിയുമ്പോൾ വൈദ്യനായി പുറത്ത് വരും. നിന്റെ വീട്ടിൽ വിവാഹം ആലോചിച്ചു വരട്ടെ?

വേണ്ടാ

എളുപ്പം തന്നെ ഉത്തരവും കിട്ടി. ഒട്ടും താമസം ഉണ്ടായില്ല.

ഹൊ എന്തൊരു സമാധാനം.  ഇനി അകമഴിഞ്ഞു സ്നേഹിച്ച പെണ്ണിനെ പറ്റിച്ചു എന്നൊരു പരാതി വരില്ലല്ലൊ.

എന്നാലും എന്റെ പീറ്റർ വിടലെ നീ എന്നെ പറ്റിച്ചല്ലൊ എന്നൊരു ചമ്മൽ അകത്ത് ഒളിപ്പിച്ച് കൊണ്ട് ഞാൻ അവളോട് പറഞ്ഞു

അല്ല ഇങ്ങനെ ചോദിച്ചത് കൊണ്ട് നിനക്കും നീ ഇങ്ങനെ പറഞ്ഞത് കൊണ്ട് എനിക്കും പ്രശ്നം ഒന്നും ഇല്ല കേട്ടൊ നമ്മൾ പഴയത് പോലെ ഇനിയും നല്ല സുഹൃത്തുക്കൾ ആയിരിക്കും.
അങ്ങനെ തന്നെ എന്ന് പറഞ്ഞ് ചിരിച്ച് കൊണ്ട് ഞങ്ങൾ പിരിഞ്ഞു

ഹോസ്റ്റലിലെത്തിയിട്ടുള്ള കഥ പിന്നീടെഴുതാം 

അതും ഉണ്ടെ ഒരു കഥ  

12 comments:

  1. ആ പീറ്റര്‍ വിടലിനെ അന്നെങ്ങാനും കയ്യില്‍ കിട്ടീരുന്നെങ്കില്‍......!

    ReplyDelete
    Replies
    1. ഹ ഹ ഹ സത്യം അന്നവനെ എങ്ങാനും കയ്യിൽ കിട്ടിയിരുന്നെങ്കിൽ !!!

      Delete
  2. സാരമില്ലന്നേ.... ഒരു ചമ്മലൊക്കെ ഏതു പോലീസ്സുകാരനും പറ്റും.....!!

    ReplyDelete
    Replies
    1. ഹ ഹ ഹ പറയുമ്പോൾ ഒന്നും ഇല്ല. പക്ഷെ പ്രതീക്ഷിച്ചു ചെന്ന് ചോദിച്ച പെണ്ണ് വേണ്ട എന്ന് [പറയുന്നത് കേൾക്കുന്നത് അത്ര ചെരിയ കാര്യമൊന്നും അല്ലെ.
      ഞാനായത് കൊണ്ട് ക്ഷമിച്ചു അല്ലപിന്നെ

      Delete
  3. ഈ പീറ്റര്‍ വിടലിനെ ഞാനും കുറെക്കാലം ഫോളോ ചെയ്തിരുന്നു. ഇടയ്ക്കു ആശാനെ കാണാതായി.

    ReplyDelete
    Replies
    1. ഹ ഹ വെട്ടത്താൻ ചേട്ടാ ഇതോടു കൂടി ഞാൻ അങ്ങേരെ വിട്ടു. വെറുതെ എന്തിനാ വല്ലയിടത്തും ഇരിക്കുന്ന ചുണ്ണാമ്പെടൂത്ത് വേണ്ടാത്തിടത്ത് തേക്കുന്നത് എന്ന് വിചാരിച്ച് :)

      Delete
  4. ഹ ഹ, അപ്പോൾ ആളു ചില്ലറയൊന്നുമല്ലല്ലോ? പോരട്ടെ ഓരോന്നായി വേഗം!

    ReplyDelete
    Replies
    1. ഞാൻ ചില്ലറ അല്ലാതിരുന്നിട്ട് എന്ത് കാര്യം? ചമ്മിപ്പോയില്ലെ !!! 

      Delete
  5. നന്മനിറഞ്ഞ ഓണാശംസകള്‍

    ReplyDelete
    Replies
    1. തങ്കപ്പൻ ചേട്ടാ ഓണാശംസകൾ പ്ലസിൽ ഇട്ടിരുന്നു എന്നാലും ഇവിടെയും നേരുന്നു :)

      Delete
  6. ചമ്മലിന്റെ ആശാനാന്ന് എനിക്ക് മനസ്സിലായിട്ടുണ്ട്.. നമ്മൾ കുറെ ആയില്ലേ ഈ ബ്ലോഗ് വായിക്കുന്നു...
    ഈ പീറ്റർ വിഡാൽ എവിടെ ഒക്കെയോ ഇപ്പോഴും ഉണ്ട്.. ഇന്നാളും എവിടെയോ കണ്ടിരുന്നു..

    ReplyDelete
    Replies
    1. ഹ ഹ എച്മൂ ഇങ്ങനെ അന്ന് ചമ്മിയിട്ടില്ലായിരുന്നെങ്കിൽ ഞാനൊക്കെ എന്തെഴുതിയേനെ? എഴുതാനൊന്നുമില്ലാതെ മേലോട്ടും നോക്കിയിരിക്കുന്ന ഒരവസ്ഥ ആലോചിച്ചു നോക്കിയെ!!!  
      ഹൊ ചിന്തിക്കാൻ പറ്റുമൊ? 

      Delete