എന്റെ ബൂലോഗം

അമളിയല്ലാത്തത്

2012-02-02T04:16:00.000-08:00

മുന്നറിയിപ്പ്
അവസാനം വരെ വായിക്കും എന്നുറപ്പുണ്ടെങ്കിലെ തുടങ്ങാവൂ. അല്ലാത്തപക്ഷം ഉണ്ടാകുന്ന കഷ്ടനഷ്ടങ്ങൾക്കു ഞാൻ ഉത്തരവാദി ആയിരിക്കുന്നതല്ല

1970 കളിൽ ആയിരുന്നു ഇതു നടന്നത്. ഞാൻ ഒരു ബന്ധുവിന്റെ ചികിൽസക്കായി കോട്ടക്കൽ താമസിക്കുന്നു. വൈകുന്നേരം അവിടെ അടുത്തുള്ള ലൈബ്രറിയിൽ പോകാറുണ്ട്. അവിടെ ചില പുസ്തകങ്ങൾ കാണും. ചിലർ ചെസ്, ചിലർ കാരംസ് ഇവ കളിക്കുന്നുണ്ടാകും.

അതൊക്കെ നോക്കി നിന്നും ചില മാസികകൾ വായിച്ചും സമയം പോക്കും.

അങ്ങനെ ഒരു ദിവസം.

അവിടെ രണ്ട് പേർ തമ്മിൽ ചെസ് കളിച്ചു കൊണ്ടിരിക്കുന്നു. പിന്നിൽ ഒരു സ്റ്റൂളിൽ കളി നോക്കിക്കൊണ്ട് ഞാനും ഇരുന്നു. പ്രത്യേകിച്ചു ഒരു നിലവാരവും ഇല്ലാത്ത കളി. ആദ്യമായി പഠിച്ചു വരുന്നതെ ഉള്ളു എന്നു മനസിലായി.
കുറച്ചു നേരം കഴിഞ്ഞപ്പോൾ രണ്ടു പേർ കൂടി ആ മുറിയിലേക്കു വന്നു. അതിൽ ഒരു വിദ്വാന്റെ കക്ഷത്തിൽ ഒരു പുസ്തകം ഉണ്ട്. നോക്കിയപ്പോൾ ചെസ്സിന്റെ ഒരു പുസ്തകം ആണ്.

പെട്ടെന്നു തന്നെ ഈ കളിക്കാരിൽ ഒരാൾ അയാളെ വിളിച്ചു
"എടൊ ഒന്നിങ്ങു വാ എന്നെ രക്ഷിക്ക് ദാ ഇവൻ എന്റെ അണ്ടം പറിച്ചു കളയുന്നു"

അയാൾ അടുത്തെത്തി. കളം ആകെ നോക്കി.
പിന്നെ പറഞ്ഞു "ദാ ഇതു നീക്ക്." ഒരു കോയിൻ കാണിച്ച് പറഞ്ഞു.

കളിയിൽ മറ്റുള്ളവർ ഇടപെടുന്നത് ശരി അല്ല എന്നു വിചാരിച്ചു മിണ്ടാതിരുന്ന ഞാൻ ആലോചിച്ചു. ഏതായാലും ഇടപെടുന്നു എങ്കിൽ നല്ല നീക്കം ആയിക്കൂടെ.

ഞാൻ ചോദിച്ചു "എങ്കിൽ ദാ മറ്റെ കോയിൻ കളിച്ചാൽ പോരെ?"

മറ്റൊരു നല്ല നീക്കം പറഞ്ഞു.

അപ്പോൾ പുതിയതായി വന്ന ആൾ പറഞ്ഞു. "ഹേയ് അതു ശരി ആകില്ല. ഞാൻ പറഞ്ഞതു കളിച്ചാൽ മതി"

ഞാൻ ചോദിച്ചു "അതെന്താ?"

അയാൾ " അതുകൊണ്ട് വേറെ കുഴപ്പം ഉണ്ട്"

ഞാൻ വിചാരിച്ചു ഇനി അയാൾക്ക് എന്നെ കാട്ടിലും നന്നായി കളി അറിയാവുന്ന ആൾ ആയിരിക്കും പുസ്തകം ഒക്കെ കൊണ്ടു നടക്കുന്ന ആൾ അല്ലെ

അതു കൊണ്ട് കളി കഴിയുന്നതു വരെ ഞാൻ മൗനം പാലിച്ചു.

പുതിയ ആളിന്റെ വരവോടെ കളി അയാൾ പറയുന്ന വഴിക്കായി. അയാൾ ജയിപ്പിച്ചു കൊടുത്തു.

കളി കഴിഞ്ഞപ്പോൾ ഞാൻ ചോദിച്ചു "നമുക്കു തമ്മിൽ ഒരു ഗെയിം കളിക്കാം"

അയാൾ സമ്മതിച്ചു.

കളി തുടങ്ങി. ഏകദേശം 15-16 നീക്കങ്ങൾ കഴിഞ്ഞു കാണും. അയാൾ കളി മതിയാക്കി തോല്‌വി സമ്മതിച്ചു. എന്നിട്ടു പറഞ്ഞു. നമുക്ക് ഒരു ഗെയിം കൂടി കളിക്കാം. അപ്പോഴേക്കും അയാൾ നല്ലവണ്ണം വിയർത്തിരുന്നു.

അടുത്ത ഗെയിം അല്പം കൂടി നീണ്ടു. ഒരു 20-21 നീക്കങ്ങൾ കഴിഞ്ഞപ്പോൾ അയാൾ എനിക്കു കൈ തന്നു കളിയിൽ നിന്നും വിരമിച്ചു.

വിയർത്തു കുളിച്ച് കൂട്ടുകാരുടെ ഒക്കെ മുന്നിൽ ചമ്മിയ മുഖവും ആയി അയാൾ പോകുന്നത് കാണെണ്ട ഒരു കാഴ്ച്ച തന്നെ ആയിരുന്നു.

പിങ്കുറിപ്പ് അഥവാ മുൻ കൂർ ജാമ്യം
എച്മുക്കുട്ടി എന്റെ മുൻ പോസ്റ്റിൽ എഴുതിയിരുന്നു അമളി അല്ലാതെ വല്ലതും പറ്റിയിട്ടുണ്ടെങ്കിൽ എഴുതണെ എന്ന്. അതുകാരണം ഇങ്ങനെ എഴുതിപ്പോയതാണ്.(അമളി അല്ലാതെ വല്ലതും ഉണ്ടെങ്കിലല്ലെ എഴുതാൻ പറ്റൂൂൂൂ)

ഇനി സത്യം പറയാം. "അയാൾ" എന്നെഴുതിയിടത്തെല്ലാം "ഞാൻ" എന്നും "ഞാൻ" എന്നെഴുതിയിടത്തെല്ലാം കോയമ്പത്തൂർ നിന്നും അയാളുടെ അച്ഛനെയും കൊണ്ട് ചികിൽസക്കെത്തിയ ഒരു തമിഴ് പയ്യനെയും സങ്കൽപ്പിച്ചാൽ കഥ സത്യം.

പിന്നീടു പക്ഷെ അയാളെ കാണാൻ ഇടയായിട്ടില്ല.

ഒരു വിധം നന്നായി ചെസ് കളിക്കുമായിരുന്ന ഞാൻ "അമ്പട ഞാനെ" എന്നു വിചാരിച്ചു കളിച്ച മൂന്നവസരങ്ങൾ എപ്പോഴും ഓർക്കും. മൂന്നിടത്തും ദയനീയമായി പരാജയപ്പെട്ട കഥ.

പ്രസംഗമത്സരം

2012-02-01T03:45:00.000-08:00

നാലാം ക്ലാസിൽ പഠിക്കുന്ന കാലം

എന്റെ അമ്മയ്ക്ക് വലിയ അഗ്രഹം ആയിരുന്നു ഞാൻ പ്രസംഗിക്കണം എന്നൊക്കെ. അതുകൊണ്ട് മറ്റു മൽസരങ്ങളിൽ ചേർന്നില്ലെങ്കിലും പ്രസംഗമൽസരത്തിനു ചേരണം എന്നു പറയും

അധികപ്രസംഗത്തിനു ഒരു കുറവും ഇല്ലായിരുന്നു എങ്കിലും പ്രസംഗം എന്റെ അടുത്തു കൂടി പോലും പോയിട്ടില്ലാത്ത കാലം.

അങ്ങനെ ഇരിക്കെ മൽസരക്കാലമെത്തി. ഗ്രാമപ്രദേശത്തെ സ്കൂളല്ലെ. സാറന്മാരും കുട്ടികളും അവരുടെ രക്ഷിതാക്കളും എല്ലാം തമ്മിൽ തമ്മിൽ അറിയുന്നവർ

ചെറിയ ക്ലാസിലെ കുട്ടികൾക്കു മൽസരത്തിനു ഒരു പ്രത്യേകത ഉണ്ട് അന്ന്. പ്രസംഗമൽസരത്തിനു കൊടുക്കുന്ന വിഷയം പെട്ടെന്നു കുട്ടികൾക്കു തയ്യാറാക്കാൻ സാധിക്കില്ല എന്നതു കൊണ്ട് നാലു വിഷയങ്ങൾ ആദ്യം - അതായത് നാലു ദിവസം മുൻപ്- തരും അവയിൽ ഏതെങ്കിലും ഒന്നായിരിക്കും മൽസരത്തിന്. അത് മൽസരത്തിന് അഞ്ചു മിനിറ്റ് മുൻപേ പറയൂ.

വിഷയങ്ങൾ കിട്ടി. എന്റെ തന്നെ ഒരു ബന്ധു ആയ വ്യക്തി, അദ്ദേഹം മറ്റൊരു സ്കൂളിൽ സാറായിരുന്നു. അദ്ദേഹത്തെ കൊണ്ട് നാലു വിഷയങ്ങൾക്കും പ്രസംഗം എഴുതിച്ചു.

കൊണ്ടു വച്ച് വായിച്ചു തുടങ്ങി.

എവിടെ? നാലാം ക്ലാസിൽ പഠിക്കുന്ന എനിക്കുണ്ടൊ ഈ വല്ല്യ വിഷയങ്ങൾ പഠിക്കാൻ താല്പര്യം?

അമ്മയെ കാണിക്കാൻ വേണ്ടി കുറെ വായിക്കും . അമ്മ കാണാത്തപ്പോൾ കളിക്കാൻ ഓടും

മൽസരദിവസം എത്തി.

സ്റ്റേജിനടുത്തെത്തിയപ്പോൾ എനിക്കു മൂത്രമൊഴിക്കണം വെള്ളം കുടിക്കണം എന്നു വേണ്ട എന്തൊക്കെയോ പരവേശം

ജാനകിയമ്മ സാർ വെള്ളം കൊണ്ടു തന്നു. "എന്താ മോനു പ്രയാസം?"

എനിക്കതിലെ ഒരു വിഷയം മാത്രമെ അറിയൂ. അതു കിട്ടിയാൽ മലമറിച്ചു കളയും എന്നാണ് എന്റെ വിചാരം
ഞാൻ പറഞ്ഞു "ആ വിഷയം മാത്രമെ ഞാൻ പഠിച്ചിട്ടുള്ളൂ."

ജാനകി അമ്മ സാർ സമ്മതിച്ചു. "മോൻ പേടിക്കണ്ടാ ആ വിഷയം തന്നെ തരാം."
സാറിന്റെ കണ്ണിലുണ്ണിയാണ് ഞാൻ. (അതിന്റെ പേരിൽ ചൂരൽ കഷായം പലപ്പോഴും ബോണസും കൂട്ടിയാണ് കിട്ടാറെന്നു മാത്രം)

അങ്ങനെ സമയം എത്തി.

വിഷയം അനൗൺസ് ചെയ്തു.

ഓരോരുത്തരായി പ്രസംഗിച്ചു തുടങ്ങി. എന്റെ ഊഴം എത്തി.

സ്റ്റേജിൽ കയറി. "ബഹുമാനപ്പെട്ട അദ്ധ്യക്ഷനും സദസ്സിനും --" ഇത്ര വരെ പറഞ്ഞു എന്നാണ് കണ്ടു നിന്നവർ പറയുന്നത്.

എനിക്കാകെ ഓർമ്മയുള്ളത് ഞാൻ സ്റ്റേജിൽ മൈക്കിനു മുന്നിൽ നിൽക്കുന്നതും "ബഹുമാനപ്പെട്ട അദ്ധ്യക്ഷനും" എന്നു പറഞ്ഞതാണ്. പിന്നെ ആകെ ഒരു ഇരുട്ടായിരുന്നു.

പക്ഷെ പിന്നീട് എനിക്കോർമ്മ വരുമ്പോൾ ഞാൻ വിയർത്തുകുളിച്ച് ജാനകിയമ്മ സാറിന്റെ മടിയിൽ കിടപ്പുണ്ട്. അവർ എനിക്കു സ്വല്പം വെള്ളം വായിൽ ഒഴിച്ചു തരുന്നും ഉണ്ട്. മുഖം നനച്ചു തുടച്ചു തരുന്നും ഉണ്ട്

അന്നു വൈകുന്നേരം ജാനകിയമ്മ സാർ അമ്മയോടു പറഞ്ഞത്രെ "ഇവൻ ഒരു വാചകം എങ്കിലും പറഞ്ഞിരുന്നെങ്കിൽ എന്നു ഞാൻ ആശിച്ചു പോയി" ന്ന്

അമളി ഗുരുവായൂരപ്പന്റെ നാട്ടിൽ

2012-01-30T23:01:00.002-08:00

ആകാശത്തും പാളത്തിലും ഉണ്ടായ അമളികൾ പറഞ്ഞപ്പോൾ റോഡിലേതു പറഞ്ഞില്ലെങ്കിൽ കെ എസ് ആർ ടി സി ക്കെന്തു തോന്നും?

അതുകൊണ്ട് ഒരെണ്ണം അതു കൂടി പറയാം

കോട്ടക്കൽ പഠിക്കുന്ന കാലം. ഒരിക്കൽ ഹരിപ്പാടു നിന്നും അവിടേയ്ക്കു പോകുന്നു. ഗുരുവായൂർ വഴി പോകുന്ന തിരുവനന്തപുരം കോഴിക്കോട് ഫാസ്റ്റ്. അന്നും പതിവുപോലെ എന്റെ കയ്യിൽ ഉള്ളത് ഒരു പത്തുരൂപ നോട്ട്.
അതിൽ ടികറ്റ് ചാർജ് രൂപ 9.50. ബാക്കി 50 പൈസ പോകറ്റിൽ ഇട്ടുകൊണ്ട് യാത്ര തുടരുന്നു.

ഗുരുവായൂർ എത്തിയപ്പോൾ രാത്രി ഒന്നര മണി. ദാഹിച്ചിട്ട് ഒരു നിവൃത്തിയും ഇല്ല. ഗുരുവായൂർ ബസ് സ്റ്റാൻഡിൽ നിർത്തുമ്പോൾ അടൂത്തിരുന്ന ഒരു ചേച്ചിയ്ക്കും വെള്ളം കുടിക്കണം. അവർ കണ്ടക്റ്ററോട് കാര്യം പറഞ്ഞു. കണ്ടക്റ്റർ അനുവാദം കൊടുത്തു എന്നിട്ടു പറഞ്ഞു വേഗം വരണം. അവർ പോയ പുറകെ ഞാനും ഇറങ്ങി.

ബസ്സ്റ്റാൻഡിന്റെ മുൻപിൽ ഒരറ്റത്ത് ഇന്നും അതുപോലെ ഒരു ചെറിയ കട ഉണ്ട്.

അവിടെ എത്തി ചേച്ചി ഒരു നാരങ്ങ വെള്ളം പറഞ്ഞു. ഞാനും ഒരു നാരങ്ങ വെള്ളം പറഞ്ഞു. അന്ന് 15 പൈസ ആണ് അതിന്റെ വില. കടക്കാരൻ എന്റെ വലിപ്പ ക്കൂടുതൽ കൊണ്ട് എന്നെ കണ്ടില്ലായിരിക്കും, ആദ്യം ചേച്ചിയ്ക്കു വെള്ളം ഉണ്ടാക്കി കൊടുത്തു. ചേച്ചി അതു വാങ്ങി കുടിച്ചു കാശും കൊടുത്തു.

അതു കഴിഞ്ഞ് കടക്കാരൻ എനിക്കുള്ളതുണ്ടാക്കിതുടങ്ങി.

എന്റെ ഗ്ലാസ് എനിക്കു നേരെ നീട്ടി. ഞാൻ അതു കയ്യിൽ വാങ്ങിക്കുമ്പോൾ പിന്നിൽ ഒരു ബസ് സ്റ്റാർട്ടാക്കി വിടൂന്ന ശബ്ദം. അതു കേട്ടു തിരിഞ്ഞു നോക്കുമ്പോൾ ഞാൻ വന്ന ബസ് ആണ് പോകുന്നത്.
റിവേഴ്സ് എടുത്ത് പിന്നെ നേരെ ആക്കി വേണമല്ലൊ പോകാൻ.

ഒരു തുള്ളി വെള്ളം പോലും നുണയാൻ നിൽക്കാതെ ഞാൻ ആ ഗ്ലാസ് അവിടെ വച്ചിട്ടു ബസിനു പിന്നാലെ ഓടി ബഹളം വച്ചു കൊണ്ട്.

ബസ് സ്റ്റാന്ഡിനു പുറമേയ്ക്കു പോകുന്ന വളവ് എത്തിയപ്പോഴേക്കും ഞാൻ ബസിന്റെ വാതിലിൽ ഇടിച്ചു ബഹളം ഉണ്ടാക്കി കൊണ്ട് കണ്ടക്റ്ററുടെ ശ്രദ്ധ പിടിച്ചു പറ്റി.
പക്ഷെ അതിനൊപ്പം കടക്കാരനും എത്തി എന്റെ കോളറിൽ പിടികൂടി, കാശു താടൊ എന്നും പറഞ്ഞ്.

ഏതായാലും ഭാഗ്യത്തിനു കണ്ടക്റ്റർ ബെല്ലടിച്ചു ബസ് നിർത്തി - പൂരപ്പാട്ടു തുടങ്ങി.

കടക്കാരനു പൈസയും കൊടുത്ത് ഞാൻ തിരികെ വണ്ടിയിൽ കയറി - ആ കുടിക്കാത്ത നാരങ്ങവെള്ളത്തിന് എന്തു സ്വാദായിരുന്നിരിക്കും എന്നോർത്തു കൊണ്ട് മുൻപത്തെ പോലെ അണ്ടി കളഞ്ഞ അണ്ണാനെ പോലെ ഇരുന്നു.

അമളി ആകാശത്തും

2012-01-30T04:32:00.001-08:00

അമളി പറ്റാൻ തീവണ്ടിയിൽ മാത്രമല്ല ആകാശത്തും പറ്റാം.

അതാകട്ടെ അടുത്തത്.

ആദ്യമായി വിമാനയാത്ര നടത്തിയപ്പോൾ വിൻഡൊ സീറ്റ് തരമായി. മൂന്നു പേർക്കിരിക്കാവുന്നതിൽ നടുക്കത്തെത് കാലി.

കൂട്ടുകാരൻ പറഞ്ഞിരുന്നു വിമാനത്തിൽ ഭക്ഷണം ഒക്കെ ഫ്രീ ആണെന്ന്.

അതും കാത്തിരുന്നിട്ട് ഒന്നും വരുന്ന മട്ടില്ല.

സീറ്റ് ബെൽറ്റ് ഏതായാലും അഴിക്കണ്ടാ എന്നു വച്ചു.

എങ്ങാനും പൊട്ടി താഴെ വീണാൽ "മിറക്കിൾസ് സ്റ്റിൽ ഹാപ്പെൻ" എന്ന പടത്തിലെ പെണ്ണ് രക്ഷപെട്ടതു പോലെ സീറ്റോടു കൂടി പോരാമല്ലൊ എന്നു വിചാരിച്ചു.

അങ്ങനെ ഇരിക്കുമ്പോൾ ഒരുത്തി ഒരു വണ്ടിയും ഉന്തി വന്നു.

ഫ്രീ ആണൊ അല്ലിയോ എന്നറിയാത്തതു കൊണ്ട് വലിയതൊന്നും ആദ്യം എടുക്കണ്ടാ എന്നു തീരുമാനിച്ചു.

ഒരു ചായ പറഞ്ഞു.

നാം പ്രതീക്ഷിക്കുന്നത് തയ്യാറാക്കിയ ചായ കയ്യിലേക്കു കിട്ടും എന്നല്ലെ?

പക്ഷെ സംഭവിച്ചതോ?

അവൾ ഒരു ഡിസ്പോസബിൾ ഗ്ലാസ് എടുത്തു അതിൽ ചൂടുവെള്ളം നിറച്ച് എന്റെ കയ്യിൽ തന്നു . പിന്നാലെ പഞ്ചസാര ക്യൂബുകൾ, ചായ ഡിപ്സ്റ്റിക് അങ്ങനെ ഓരോന്ന് ഓരോന്നായി വരുന്നു.

പെട്ടെന്ന് എന്റെ ബുദ്ധി ഉണർന്നു. മുൻസീറ്റിന്റെ പിന്നിലായി ഉള്ള ആ സാധനം തൂക്കി ഇട്ടാൽ ടേബിളായി. അതിൽ വച്ച് പതിയെ തയ്യാറാക്കാം.

ഇടതു കയ്യിൽ ചൂടുവെള്ളം നിറച്ച ഗ്ലാസ്. വലതു കയ്യിൽ പഞ്ചസാര ക്യൂബും ചായ്പാകറ്റും എല്ലാം കൂടി.
ഇടതു കയ്യുടെയും വലതു കയ്യുടെയും ചെറുവിരലുകൾ മാത്രമേ ഒഴിവുള്ളു. അതിൽ ഇടത്തെ ചെറുവിരൽ കൊണ്ട് തള്ളിപ്പിടിച്ചിട്ടു വലത്തെ ചെറുവിരൽ കൊണ്ട് അതിന്റെ ലോക്ക് മാറ്റി.

സ്ലോ മോഷനിൽ വീഴണം എന്ന് അതിനറിയില്ലല്ലൊ. അതു ദാ ഠപ്പേന്നൊരു വീഴ്ച്ച. ഇടതു കയ്യിലിരുന്ന ചൂടുവെള്ള ഗ്ലാസിൽ ഉണ്ടായിരുന്ന പകുതി വെള്ളവും എന്റെ മടിയിലേക്കു തന്നെ വീണു

ചൂടുവെള്ളം എന്റെ മടിയിൽ തന്നെ വീണു. അതു പതുക്കെ പതുക്കെ താഴേക്കിറങ്ങുന്നു.

എന്റെ ബെൽറ്റിട്ടു മുറുക്കിയ അരഭാഗം അനക്കാനും വയ്യ
കയ്യിലിരിക്കുന്ന സാധനങ്ങൾ എവിടെ എങ്കിലും വയ്ക്കാനും വയ്യ. പലകയിൽ വച്ചാൽ, ഇനി ബെൽറ്റ് അഴിച്ചാലും എണീക്കാനും സാധിക്കില്ല.

അടുത്തിരുന്ന ആളിനു എന്റെ മുഖഭാവം കണ്ടപ്പോൾ എവിടെ ആണു പൊള്ളുന്നത് എന്നു മനസിലായി. അയാൾ പെട്ടെന്നു തന്നെ എന്റെ കയ്യിലിരുന്ന സാധനങ്ങൾ വാങ്ങിയിട്ട് ബെൽറ്റ് ഊരി തന്നു .

കൂടുതൽ വിശദീകരിക്കാതെ തന്നെ നിങ്ങളും മനസിൽ അനുഭവിച്ചു കാണുമല്ലൊ അല്ലെ :)

പിന് കുറിപ്പ്

ആ ചായക്ക് അവൾ 50 ഓ 70 ഓ മറ്റൊ രൂപ വാങ്ങിച്ചു.

അതിന്റെ പേടി കാരണം അടുത്ത യാത്രയിൽ നീട്ടിത്തന്ന ബ്രേക്‌ഫാസ്റ്റ് വേണ്ടെന്നു പറഞ്ഞു. ഭൈമിയോടും വേണ്ടെന്നു പറയാൻ പറഞ്ഞു. പിന്നല്ലെ കാണുന്നത് എല്ലാവരും വാരിവലിച്ചു തിന്നുന്നു.
അഭിമാനക്ഷതം വിചാരിച്ച് അത് പിന്നീട് ആവശ്യപ്പെട്ടുമില്ല - ഫ്രീ ആണെന്നറിഞ്ഞിട്ടും

അല്ല ഇങ്ങനെ ഒക്കെ അല്ലെ ഓരോന്നു പഠിക്കുന്നത് അല്ലെ?

യാത്രക്കിടയിലെ രണ്ടു യുവ മിഥുനങ്ങൾ(?)

2012-01-29T20:26:00.000-08:00

യാത്രക്കിടയിലെ കാര്യങ്ങൾ പറഞ്ഞാൽ തീരുകയില്ല. എല്ലാവർക്കും കാണുമായിരിക്കും ഇതുപോലെ ഓരോന്ന് അല്ലെ. ഇടയ്ക്കിടക്ക് ഓർക്കുമ്പോൾ രസം ആയിരിക്കും - അനുഭവിക്കുമ്പോൾ അത്ര രസം ഇല്ലായിരുന്നു എങ്കിലും

ഒരിക്കൽ ഞങ്ങൾ നാട്ടിൽ വന്നിട്ടു തിരികെ പോകുന്ന യാത്ര. തിരുവനന്തപുരം കോർബ വണ്ടി. ആലുവയിൽ നിന്നും ഞങ്ങൾ കയറുമ്പോൾ ഞങ്ങളുടെ കൂപ്പയിൽ നാലുപേർ ഉണ്ട്. രണ്ടു യുവ മിഥുനങ്ങൾ(?). 3 എ സി യിലാണ്. വടക്കെ ഇന്ത്യക്കാരാണ് കന്യാകുമാരി വരെ പോയി ആഘോഷിച്ചിട്ടു വരികയാണ്.

മിഥുനങ്ങൾ എന്നെഴുതിയിട്ടു ചോദ്യചിഹ്നം ഇട്ടത് അവരുടെ ചില പെരുമാറ്റങ്ങൾ കണ്ടപ്പോൾ ഇനി വല്ല വേശ്യപ്പെണ്ണുങ്ങളെയും കാശുകൊടുത്ത് കൂടെ കൂട്ടിയതായിരിക്കുമോ എന്നും തഓന്നിയതു കൊണ്ടാണ്.

അവരുടെ വിലാസങ്ങൾ കണ്ടപ്പോൾ ഞങ്ങൾ വിചാരിച്ചു ശല്ല്യപ്പെടുത്തേണ്ട ബാക്കി ധാരാളം സീറ്റുകൾ കാലി ഉള്ളതു കൊണ്ട് അവിടെ ഇരിക്കാം. എല്ലായിടവും നിറയുമ്പോൾ ഞങ്ങളുടെ സീറ്റിലേക്ക് പോയാൽ മതി എന്ന്.

യാത്ര തുടർന്ന് ആന്ധ്രയിൽ എത്തിയപ്പോഴേക്കും സീറ്റുകൾ എല്ലാം നിറഞ്ഞു. ഞങ്ങൾക്കു ഞങ്ങളുടെ സീറ്റിൽ ഇരിക്കേണ്ട അവസ്ഥ ആയി.

അപ്പോഴും വിലാസങ്ങൾ തുടർന്നു കൊണ്ട് ഇരിക്കുന്നു. രണ്ട് അപ്പർ ബെർത്തും ഞങ്ങളുടെതാണ്. ഇവർ
മിഡിൽ ബെർത്തും കൂടി പൊക്കി വച്ച ശേഷം
രണ്ടു താഴത്തെ ബെർത്തുകളിലും വിരി വിരിച്ചു കിടക്കുകയാണ്. ആണുങ്ങൾ കിടക്കുന്നു പെണ്ണുങ്ങൾ അവരെ താലോലിക്കുകയും മറ്റും മറ്റും ചെയ്യുന്നു. തിരിച്ചും ഉണ്ട്.
ഇടയ്ക്കു പെണ്ണുങ്ങൾ കിടക്കും ചുറ്റുമുള്ളവർ ഇതെന്തു ലോകം എന്നന്തം വിട്ടു വായിൽ നോക്കിയിരിക്കുന്നു.

സ്ഥലം കിട്ടാത്തതിനാൽ അവസാനം ഞാൻ പറഞ്ഞു ഞങ്ങൾക്ക് ഇരിക്കണമല്ലൊ. ഒന്നൊതുങ്ങി ഇരിക്കുക.

പക്ഷെ ആണുങ്ങൾക്ക് അതിഷ്ടപ്പെട്ടില്ല. അതിൽ ഒരാൾ പറഞ്ഞു "ഈ ബെർത്ത് ഞങ്ങളുടെതാണ്. നിങ്ങളുടെ ബെർത് മുകളിൽ ആണെങ്കിൽ അതിൽ കയറി ഇരുന്നോളൂ"

ഞാൻ പറഞ്ഞു നോക്കി " ബെർത്ത് രാത്രി ഒൻപതിനു ശേഷം. ഇപ്പോൾ ഇതു സീറ്റുകൾ ആണ്. ഞങ്ങൾ ഇതു വരെ നിങ്ങളെ ശല്യപ്പെടുത്താൻ വന്നില്ലല്ലൊ. ഇപ്പോൾ ബാക്കി എല്ലായിടവും നിറഞ്ഞതുകൊണ്ട് ഞങ്ങളുടെ സീറ്റ് കിട്ടിയല്ലെ പറ്റൂ"

എവിടെ?
വടക്കെ ഇന്ത്യക്കാർക്കു മുഷ്ക് അല്പം കൂടുതൽ ആണല്ലൊ. അവർ എന്നോടു പോയി പണി നോക്കാൻ പറഞ്ഞു.

അവസാനം ഞാൻ പോയി റ്റിറ്റിഇ യെ വിളിച്ചു കൊണ്ടു വരേണ്ടി വന്നു.

റ്റി റ്റി കാര്യം മനസിലാക്കി കൊടുത്തപ്പോൾ ഇവർ പറഞ്ഞ ഉത്തരം ആയിരുന്നു അതിലേറെ തമാശ "ഞങ്ങൾ അങ്ങോട്ടു പോകുമ്പോൾ ഇതുപോലെ ഇരുന്നിരുന്നവർ ഞങ്ങൾക്കു സ്ഥലം തന്നില്ല"

ഏതായാലും കാശുമുടക്കില്ലാതെ കുറച്ചു നല്ല സീനുകൾ ഭാര്യയും ഒന്നിച്ചിരുന്നു കാണുവാൻ പറ്റി. സാധാരന സിനിമ ആണെങ്കിൽ ഒരു മൂന്നു മണിക്കൂർ മാക്സിമം. ഇതോ ഒരു ദിവസം കാലത്ത് ഒൻപതു മണി മുതൽ പിറ്റെ ദിവസം രാത്രി ഒൻപതര വരെ. എന്താ മോശമുണ്ടൊ?

പറ്റിക്കൽ മറ്റൊരു തരം

2012-01-28T03:42:00.000-08:00

യാത്രക്കിടയിൽ അബദ്ധം പറ്റുന്നത് എനിക്കു പുത്തരിയല്ല. അതു മുൻപിലത്തെ പോസ്റ്റുകൾ വായിച്ചപ്പോൾ തന്നെ മനസിലായിരിക്കുമല്ലൊ അല്ലെ?

ഇത്തവണ തീവണ്ടിക്കകത്തല്ല, അതിൽ നിന്നും പുറത്തിറങ്ങി കഴിഞ്ഞ് പറ്റിയത് ഒരെണ്ണം. 2008 ല്

ഇതെഴുതാൻ ഒരു പ്രത്യേക കാര്യവും ഉണ്ട്. യാത്ര പോകുന്നവർ ഇതുപോലെ ചതിയിൽ പെടാതിരിക്കുവാൻ ശ്രദ്ധിക്കണം. ഇത്തരമൊരു രീതി ഞാൻ സ്വപ്നത്തിൽ പോലും പ്രതീക്ഷിച്ചിരുന്നില്ല. അതുതന്നെ കാരണം.

ബോംബെയ്ക്കു പോകണം. അവിടെ എത്തിയാൽ താമസം ഗസ്റ്റ് ഹൗസിൽ. വണ്ടി ബോംബെ ദാദറിൽ എത്തുന്നത് കാലത്ത് നാലു മണിയ്ക്ക്. ഗസ്റ്റ് ഹൗസ് ബാന്ദ്രയിൽ. അവിടെ പോയിട്ട്, കാലത്ത് 9 മണിയ്ക്ക് സയണിൽ എത്തണം.

ദാദറിൽ ഇറങ്ങിയിട്ട് പുറമേയ്ക്കു നടക്കുമ്പോൽ ആലോചിച്ചു.

ആദ്യമായാണു ബോംബെയ്ക്കു വരുന്നത്. ഇതിനു പുറമേയ്ക്കിറങ്ങിയാൽ എങ്ങോട്ടാണു പോകെണ്ട ദിശ എന്നൊരു പിടിയും ഇല്ല.

എതിർദിശയിൽ വരുന്ന റ്റാക്സിക്കാരനോടാണ് ആദ്യം ബാന്ദ്രയ്ക്കു പോകണം എന്നു പരയുന്നത് എങ്കിൽ അവന് അപ്പോൾ തന്നെ മനസിലാകും പരിചയം ഇല്ലാത്ത് ആളാണ് എന്ന്.

കൂടെ നടന്ന് റ്റാക്സി റ്റാക്സി ന്നു പറയുന്ന ഇവനോടു തന്നെ ബാന്ദ്രയിൽ കൊണ്ടു വിടാൻ പറയുന്നതായിരിക്കും ബുദ്ധി.
അങ്ങനെ അതീവ ബുദ്ധിപരം ആയ തീരുമാനം എടുത്തു.

അവനോടു ചോദിച്ചു ബാന്ദ്രവരെ എത്ര രൂപ മേടിക്കും?

അവൻ ആളു ശുദ്ധ മര്യാദക്കാരൻ. അവനെ സൃഷ്ടിച്ചു കഴിഞ്ഞായിരിക്കണം ബ്രഹ്മാവ് മറ്റു മര്യാദക്കാരെ സൃഷ്ടിച്ചത് പോലും

മീറ്റർ കാശു തന്നാൽ മതി.

ഹൊ സന്തോഷമായി ഞാൻ സമ്മതിച്ചു.

സമ്മതം മൂളിയതും അവൻ ബലമായി തന്നെ എന്റെ ബാഗ് കയ്യിൽ വാങ്ങി നടന്നു തൂടങ്ങി. അവന്റെ ഒപ്പം ആ തെരക്കിനിടയിൽ കൂടി എത്തിപ്പെടാൻ ഞാൻ പെട്ട പാട്.

അവസാനം സ്റ്റേഷന്റെ വശത്തു പിന്നിൽ ഒരിടത്തു പാർക്ക് ചെയ്തിരുന്ന ഒരു പാട്ട ഫിയറ്റിന്റെ ഡിക്കിൽ എന്റെ ബാഗു സ്ഥാപിച്ചു. അതു തുറന്ന് എന്നെയും കയറ്റി അവൻ വണ്ടി എടുത്തു.

പക്ഷെ, ആ സ്ഥലത്തു കൂടി ആ വണ്ടി പുറത്തെടുത്തത് ഒരു കാണെണ്ട കാഴ്ച്ച തന്നെ അവനു നല്ല ഡ്രൈവർക്കുള്ള ഒരു മെഡൽ ഞാൻ സങ്കൽപ്പിച്ചു.

അങ്ങനെ തിരക്കിനിടയിൽ നിന്നും വണ്ടി പുറത്തെടുത്ത ശേഷം അവൻ ഡോർ തുറന്നു പുറത്തിറങ്ങി. അപ്പോഴേക്കും അവന്റെ രണ്ടു ശിങ്കിടികൾ അടൂത്തെത്തി. അവൻ അതിൽ ഒരാളോട് എന്റെ വിലാസം പറഞ്ഞു. അവിടെ കൊണ്ടു വിടാൻ ഏൽപ്പിച്ചു.

ശിങ്കിടികളിൽ ഒരാൾ ഡ്രൈവർ സീറ്റിലും മറ്റയാൾ അതിനിടത്തു വശത്തും ഇരിപ്പായി.

ഞാൻ തിരിഞ്ഞു തിരിഞ്ഞു ഡിക്കി തുറന്ന് മറ്റവൻ പെട്ടി അടിച്ചു കൊണ്ടു പോകുന്നുണ്ടൊ എന്നു നോക്കിക്കൊണ്ടിരുന്നു.

വലരെ നന്നായി സംസാരിച്ചു കൊണ്ടും വഴിയിൽ കാണുന്ന ചില സ്ഥലങ്ങളെ പരിചയപ്പെടുത്തിക്കൊണ്ടും ഞങ്ങൾ യാത്ര തുടർന്നു.

അല്പസമയം കഴിഞ്ഞു റോഡിൽ തന്നെ ഞങ്ങളുടെ ഗസ്റ്റ് ഹൗസ് ഗേറ്റിനു അല്പം മുന്നിലേക്കു മാറ്റി അവൻ വണ്ടി നിർത്തി. നാലര മണി നേരത്ത് ആ റോഡ് കാലി

ഞാൻ എത്ര രൂപ ആയി എന്നു ചോദിച്ചു.

അവൻ കുറെ നേരം കണക്കുകൾ കൂട്ടി ചാർട്ടെടുക്കുന്നു തിരിച്ചും മറിച്ചും കൂട്ടുന്നു കുറയ്ക്കുന്നു. അവസാനം മൊഴിഞ്ഞു. 480 രൂപ

എന്റെ കണ്ണു പുറമെ വന്നില്ല എന്നെ ഉള്ളു പക്ഷെ തള്ളി
അത്രയും രൂപ എങ്ങനെ ആയി എന്നു അവൻ എനിക്കു പലരീതിയിൽ വിശദീകരിച്ചു തന്നു. രാത്രി ഇരട്ടി ചാർജും ഉണ്ടത്രെ.

ഏതായാലും തർക്കിക്കുന്നതിൽ കാര്യമില്ലെന്നറിയാമായിരുന്നതു കൊണ്ട് ഞാൻ അതു കൊടുക്കാൻ തീരുമാനിച്ചു.

ഡിക്കിൽ ഇരിക്കുന്ന പെട്ടി എടുക്കാൻ ഒരുത്തൻ പോയി.

എന്റെ കയ്യിൽ പത്തിന്റെ മൂന്നു നോട്ടുകൾ കഴിഞ്ഞാൽ ആകെ ഉള്ളത് കമ്പനി തന്ന 500 ന്റെ പത്തു നോട്ടുകൾ ആണ്.

ബാക്കി ആവശ്യത്തിനുള്ളത് എ റ്റി എം ഇൽ നിന്നും വേണ്ടപ്പോൾ എടുക്കാം.

ഞാൻ അതിൽ നിന്നും ഒരു നോട്ട് എടുത്ത് അവന്റെ കയ്യിൽ കൊടുത്തിട്ട് ബാക്കി പോകറ്റിലേക്ക് ഇട്ടു. അതിനു വേണ്ടി എന്റെ പോകറ്റിലേക്കു നോക്കാനുള്ള അത്ര സമയം എന്റെ നോട്ടം അവനിൽ നിന്നും വിട്ടിരുന്നു.

ബാക്കിക്കു വേണ്ടി ഞാൻ അവനോടു ചോദിക്കുമ്പോൾ അവൻ എന്നോടു ബാക്കി ചോദിക്കുന്നു.

ഞാൻ പറഞ്ഞു "ബാക്കി 20 രൂപ താ".

അവൻ പറയുന്നു "ബാക്കി 380 രൂപ താ".

ഞാൻ പറഞ്ഞു "എടൊ ഞാൻ 500 രൂപയുടെ നോട്ടാണ് തന്നത്".

അവൻ എന്നെ നൂറിന്റെ ഒരു നോട്ട് കാണിച്ചിട്ടു പറയുന്നു "സാർ തന്നത് ഇതാണ്".

അവൻ അത്ര വിദഗ്ദ്ധമായി ഞാൻ കൊടുത്ത നോട്ട് മാറ്റി മറ്റൊരു നോട്ട് കയ്യിൽ എടുത്തത് ഇപ്പണി സാധാരണ ചെയ്യുന്നതായതു കൊണ്ടായിരിക്കണം.

അഥവാ എന്റെ കയ്യിൽ ഒരു നോട്ടെങ്കിലും നൂറിന്റെ ഉണ്ടെങ്കിൽ ഞാൻ വിശ്വസിച്ചു പോയെനെ.

പക്ഷെ ആ അസമയത്ത്, അപരിചിതമായ സ്ഥലത്ത്കൂടുതൽ വേലകൾ കാണിക്കുന്നതിനെക്കാളും ബുദ്ധി ഉള്ളതു കൊടുത്ത് തടി രക്ഷിക്കുക ആയിരിക്കും എന്നെനിക്കു തോന്നി. സിനിമ ഒന്നും അല്ലല്ലൊ ആ രണ്ടു പേരെ ഒറ്റയ്ക്ക് അടിച്ചു മലർത്താൻ.

എനെറ്റ് ബാഗും കൂടി അവർ കൊണ്ടു പോകാതിരിക്കാൻ വേണ്ടി 500 ന്റെ മറ്റൊരു നോട്ടും കൂടി അവനു കൊടുത്തു. അവൻ അതും കൂടി വാങ്ങിയിട്ട് 120 രൂപ തിരികെ തന്നു. ഒരു താങ്ക്സ് പറഞ്ഞ് വണ്ടി വിട്ട് പോയി

ബാന്ദ്ര ദാദർ യാത്രക്കൂലി എത്രയാണെന്ന് ഇപ്പൊ ഓർമ്മയില്ല ഏതായാലും 100 രൂപയിൽ താഴെയെ വരൂ
അതിന്റെ സ്ഥാനത്ത് 880 രൂപ കൊടുത്തിട്ട്
ഞാൻ അണ്ടി കളഞ്ഞ അണ്ണാനെ പോലെ ഗസ്റ്റ് ഹൗസിലേക്കും പോയി

അപ്പോൾ ഇനി നിങ്ങൾ എങ്ങാനും ഇതുപോലെ യാത്ര ചെയ്യാൻ ഉദ്ദേശിക്കുന്നു എങ്കിൽ കയ്യിൽ ആവശ്യത്തിനു ചില്ലറ രൂപയും കരുതുക. ഇതുപോലെ കൂടെ വന്നു റ്റാക്സി തരാം എന്നു പറയുന്ന ചെറ്റകളുടെ പിടിയിൽ അകപ്പെടാതിരിക്കുക

ബഹൂത് ഗർമി ലഗ്താ ഹേ

2012-01-27T21:35:00.000-08:00

തീവണ്ടിയാത്രകൾക്കിടയിൽ ഉണ്ടാകുന്ന രസകരമായ അനുഭവങ്ങൾ അനവധിയാണ്

ഇത്തവണ ഒരു കളിപ്പീരു പറ്റിയത് പറയാം

1996 ലാണ് സംഭവം. വടക്കെ ഇന്ത്യയിൽ ബീന എന്നു പേരുള്ള ഒരു സ്റ്റേഷൻ ഉണ്ട്. ഞങ്ങൾക്ക് ദമുവിൽ നിന്നും വന്ന് കേരള എക്സ്പ്രസ് പിടിക്കാനുള്ള സ്ഥലം ആണത്.

ഞങ്ങളുടെ വണ്ടി ഏകദേശം ആറര മണിക്കു ബീനയിൽ എത്തും

ഏഴര മണിയ്ക്കൊ മറ്റൊ ആണ് കേരള വരുന്ന സമയം

ഞാൻ ഒഴിഞ്ഞ ഒരു സ്ഥലം നോക്കി ഒരു കസേരയിൽ ഇരുന്നു.

കുറച്ചു നേരം കഴിഞ്ഞപ്പോൾ ഒരാൾ പതിയെ എന്റടുത്തേക്കു നടന്നു വന്നു "ബഹൂത് ഗർമി ലഗ്താ ഹേ" ഒരു തനി മല്ലു ശൈലിയിൽ ഹിന്ദി പറയുന്നു ഭയങ്കര ചൂടാണെന്ന്.

ഇവന്മാർക്കൊക്കെ കളിപ്പിക്കാൻ പറ്റിയ ആളെ മനസിലാക്കാൻ എങ്ങനെ സാധിക്കുന്നു എന്നതാണ് അത്ഭുതം.

എന്റെ അടുത്തെത്തി അടുത്തുള്ള കസേരയിൽ അയാൾ ഇരിപ്പുറപ്പിച്ചു.

ആ ഗ്രൂപ്പിൽ ചുറ്റുമുള്ള ഒറ്റ കസേരയിലും ആളില്ല. പലപല ഗ്രൂപ്പുകളായാണ് കസേരകൾ.

അയാൾ പതുക്കെ പതുക്കെ എന്നെ കൊണ്ട് വർത്തമാനം പറയിപ്പിച്ചു

തുടങ്ങിക്കഴിഞ്ഞപ്പോൾ അയാൽ തന്റെ കദനകഥ എടുത്തു വിളമ്പാൻ തുടങ്ങി.

അയൽപക്കത്തുള്ള ഒരു പെൺകുട്ടിക്കു രാജസ്ഥാനിൽ പഠിക്കാൻ അഡ്മിഷൻ കിട്ടി.

പണ്ടു പട്ടാളത്തിൽ ആയിരുന്നതു കൊണ്ട് ഹിന്ദി അറിയാവുന്ന ആൾ എന്ന നിലയിലും കുട്ടിയുടെ അയൽക്കാരൻ എന്ന നിലയിലും ആ കുട്ടിയെ അവിടെ കൊണ്ടെത്തിക്കുവാൻ നാട്ടിൽ നിന്നും വന്നതാണ്. കുട്ടിയെ ഹോസ്റ്റലിലാക്കി മടങ്ങി ഇവിടെ വന്നതും പോകറ്റടിച്ചു. ഇനി എന്തു ചെയ്യും? നാണമുണ്ട് എന്നാലും മറ്റു നിവൃത്തിയില്ലാത്തതു കൊണ്ട് എന്നോടു ചോദിക്കുന്നു. നാട്ടിൽ എത്താനുള്ള കാശ്. എത്തിയാൽ അപ്പോൾ തന്നെ മണിഓർഡറായി അയച്ചു തരും

പലതവണ വായിച്ചിട്ടും കേട്ടിട്ടും ഉള്ള കഥ ആയതു കൊണ്ട് ഇയാൾ കളിപ്പീരുകാരൻ തന്നെ എന്നുറപ്പിച്ച് ഞാൻ മിണ്ടാതിരുന്നു.

പക്ഷെ അയാൾക്കുറപ്പുണ്ടായിരുന്നു ഞാൻ വീഴും എന്ന്. അവർ എക്സ്പീരിയൻസ്ഡ് അല്ലെ ഹ ഹ ഹ

കുറെ നേരം കഴിഞ്ഞപ്പോള് എന്റെ മനസിൽ വേരെ ഒരു ചിന്ത ഉദിച്ചു. ദൈവമെ ഇനി ഇയാൾ പറയുന്നത് എങ്ങാനും സത്യം ആണെങ്കിലൊ?

എങ്കിൽ

അപ്പോൾ ഒരു കാര്യം ചെയ്യാം ഞാൻ പറഞ്ഞു ആട്ടെ ചേട്ടനു എറണാകുളം വരെ ഉള്ള ടികറ്റ് ഞാൻ എടുത്തു തരാം. കൂടെ പോരെ.

അയാൾ തയ്യാറായി.

പക്ഷെ ഇനി സമയം കുറച്ചെ ഉള്ളു. ടികറ്റ് എടുക്കണം എങ്കിൽ സ്റ്റേഷനു വെളിയിൽ പോകണം. ബീന ഒന്നും അത്ര നല്ല സ്ഥലം അല്ല കറങ്ങി നടക്കാൻ. അതിനിടയിൽ എന്റെ വണ്ടി എങ്ങാനും വന്നു പോയാൽ പിന്നെ എന്റെ കാര്യം കട്ടപ്പൊഹ.

കൂടെ വന്നു ടികറ്റ് എടിക്കാൻ തയ്യാറായതു കണ്ടപ്പോൾ ഞാൻ അയാളെ കൂടുതൽ വിശ്വസിച്ചു.

ഞാൻ തുടർന്നു പറഞ്ഞു "എന്നാൽ ഒരു കാര്യം ചെയ്യ് ചേട്ടൻ പോയി ടികറ്റ് എടുത്തു വാ. ഞാൻ ഇവിടെ തന്നെ ഇരിക്കാം. ഏതായാലും ഒരു കമ്പനിയും ആയല്ലൊ."

പൈസ കൊടുത്തു വിട്ടു.

"സാറിനെ ദൈവം രക്ഷിക്കും. ഞാൻ ദാ വന്നു" എന്നു പറഞ്ഞു അയാൾ ടികറ്റ് എടുക്കാൻ പോയി

ശേഷം ചിന്ത്യം

അല്ല വണ്ടി വരുമ്പോൾ ഞാൻ കയറിപോകാതെ അയാളെ കാത്തിരുന്നാൽ പോരല്ലൊ

സാറും പട്ടാളത്തിലാണൊ?

2012-01-20T21:59:00.002-08:00

തീവണ്ടിയാത്രകൾ പലപ്പോഴും രസകരമായ അനുഭവങ്ങൾ സമ്മാനിക്കാറുണ്ട്. എനിക്കു രസകരമായത് മറ്റുളവർക്കു രസകരം ആയിരിക്കുമൊ? എന്നു ചോദിച്ചാൽ കുടുങ്ങി പോകും
തൽക്കാലം എനിക്കു രസകരമായി തോന്നിയ ഒരു യാത്റ ഇവിടെ

ഒരിക്കൽ ഞാൻ ബാംഗളൂരിനു പോകാൻ തയ്യാറെടുത്ത് എറണാകുളം സ്റ്റേഷനിലെത്തി.

അന്നൊക്കെ ഇന്നത്തെതു പോലെ റിസർവ് ചെയ്തൊന്നുമല്ല പോക്ക്. പോകണം എന്നു തീരുമാനിച്ചാൽ പുറപ്പെടുന്നു . ഒരു ജനറൽ ടികറ്റ് എടുക്കുന്നു ജനറൽ ബോഗിയിൽ ഇടിച്ചു കയറി അങ്ങു പോകുന്നു അത്ര തന്നെ.

കാത്തു നിൽപ്പിനിടയിൽ ഒരു ചെറുപ്പക്കാരനെ കണ്ടു അടുത്തു നിൽക്കുന്ന ആളല്ലെ അല്പനേരം ആയപ്പോള് അന്യോന്യം കുശലം ചോദിച്ചു. പരിചയപ്പെട്ടു.

ആളുടെ പേർ മനോജ്. തൊടുപുഴക്കാരൻ. പട്ടാളത്തിലാണ്. ഞങ്ങൾ അങ്ങനെ കൂട്ടുകാരായി.

അയാൾ ഇടയ്ക്കിടയ്ക്കു യാത്ര ചെയ്യുന്ന കൂട്ടത്തിലായതു കൊണ്ട് എനിക്കു അല്പം ചില ഉപദേശങ്ങൾ തന്നു

തെരക്കുണ്ടാകും. അതുകൊണ്ട് ഇടിച്ചു കയറിക്കോണം. എവിടെ എങ്കിലും ചന്തി ഉറപ്പിക്കുക. അതു കഴിഞ്ഞ് രാത്രി കിടക്കാനുള്ള സൗകര്യം ഒപ്പിക്കാൻ നോക്കാം.

മുൻപിലത്തെ പോസ്റ്റിൽ എഴുതിയതു വായിച്ചിരിക്കുമല്ലൊ അല്ലെ എന്റെ സ്വഭാവം. അതു ഞാൻ പതിയെ മാറ്റി എടുത്തിരുന്നു. ഇടിച്ചു കയറാൻ മിടുക്കനായി.

വണ്ടി വന്നു. ഞങ്ങൾ രണ്ടാളും ഇടിച്ചു കയറി. ആദ്യംകണ്ട കൂപ്പയിൽ തന്നെ ഓരോ ചന്തിയുറപ്പിച്ചു.

ഞാൻ ഇരിക്കുന്ന സീറ്റിന്റെ വിൻഡൊ വശത്ത് മൂന്നു പേർ. ഒരാൾ വിലങ്ങു ധരിച്ച ഒരു പുള്ളി. അയാളുടെ അപ്പുറവും ഇപ്പുറവും ആയി ഓരോ പോലീസുകാർ. നാലാമൻ ഞാൻ. ഞാൻ അവിടെ ഇരുന്നത് പോലീസുകാരന് ഒട്ടും ഇഷ്ടപ്പെട്ടില്ല എന്ന് അയാളുടെ മുഖം വ്യക്തമാക്കുന്നു. നീരസത്തോടു കൂടി എന്നെ ആവുന്നത്ര തള്ളിക്കൊണ്ടാണ് അയാൾ ഇരിക്കുന്നത്. ഒന്നൊതുങ്ങിയാൽ ഒരാൾക്കു കൂടി ഇരിക്കാൻ അതിൽ സ്ഥലം ഉണ്ടു താനും എന്നാൽ അയാൾ അതിനൊരുക്കമല്ല

അതിനു കുറച്ചു നാൾ മുൻപായിരുന്നു തിരുവനന്തപുരത്തിനടുത്ത് ഒരു പട്ടാളക്കാരനെ പോലീസുകാർ ഉൽസവസ്ഥലത്തു നിന്നൊ മറ്റൊ പിടിച്ചു കൊണ്ടു പോയതും അടുത്ത പട്ടാള ക്യാമ്പിൽ നിന്നും പട്ടാളക്കാർ അയാളെ സ്റ്റേഷൻ അക്രമിച്ചു മോചിപ്പിച്ചതും, അവിടെ ഉണ്ടായിരുന്ന പോലീസുകാർ ജീവനും കൊണ്ടോടിയതും ഒക്കെ.
അതോടു കൂടി എന്റെ മനസിൽ പോലീസിനുണ്ടായിരുന്ന ഇമേജ് ഇടിഞ്ഞു പോയി.
ഇയ്യാളുടെ ഈ തള്ളലും കൂടി ആയപ്പോൾ അനിഷ്ടം ഒന്നു കൂടി കൂടി. പക്ഷെ പോലീസല്ലെ വെറുതെ ഞാൻ എന്തിനാ തടി കേടാക്കുന്നത് എന്നു വിചാരിച്ച് ഉള്ള സ്ഥലത്ത് ഞെരുങ്ങി ഇരിക്കുന്നു.

അപ്പോഴാണ് മനോജ് പറയുന്നത്. "സാർ മുകളിലത്തെ ബർത് കാലിയാണല്ലൊ. അപ്പൊ ഒരു കാര്യം ചെയ്യാം
നമുക്കു മാറി മാറി ഉറങ്ങാം ആദ്യം സാർ ഉറങ്ങുന്നെങ്കിൽ ഉറങ്ങിക്കൊ. ഞാൻ ഇവിടെ ഇരിക്കാം , അല്ലെങ്കിൽ ആദ്യം ഞാൻ ഉറങ്ങാം സാർ പിന്നീടുറങ്ങിക്കൊ"

രാത്രിയുടെ രണ്ടാം പകുതിയിലാണ് ഉറക്കത്തിനു കൂടുതൽ സുഖം അല്ലെ? അതറിയാമായിരുന്നതു കൊണ്ട് ഞാൻ വേഗം തന്നെ പറഞ്ഞു ആദ്യം മനോജ് ഉറങ്ങിക്കോ രാത്രി ഒരു മണി ആകുമ്പോൾ ഞാൻ വിളിക്കാം.

അതു സമ്മതിച്ച് മനോജ് ബർത്തിൽ കയറാൻ ഉള്ള തയ്യാറെടുപ്പായി.

ഏകദേശം അഞ്ചര അടിയോളം പൊക്കം കാണും. അത്രെ ഉള്ളു. പതിയെ എണീറ്റ് രണ്ടു കയ്യും പൊക്കി എതിർവശങ്ങളിൽ ഉള്ള ബർത്തുകളെ തൂക്കുന്ന ചെയിനിൽ പിടിച്ചു. നേരെ മുകളിലേക്കു പൊങ്ങി കാലുകൾ നീട്ടി അരഭാഗത്ത് 90 ഡിഗ്രിആക്കി പൊക്കി, ഒരു വശത്തേക്കു ചരിച്ച് തന്റെ ബർത്തിലേക്കു എടുത്തു വച്ചു ഒപ്പം നടുഭാഗവും ആ ബർത്തിലേക്കു കയറ്റി വച്ചു. അത് ഒന്നു കാണേണ്ട കാഴ്ച്ച തന്നെ ആയിരുന്നു. ചെയിനിൽ പിടിച്ചിരിക്കുന്നകയ്യുടെ മസിലുകൾ നല്ല പാറ പോലെ ഉരുണ്ട് നിൽക്കുന്നു. ശരീരം വാഴത്തടപോലെ ആ മസിലുകളെ അനുസരിക്കുന്നു.
കയറി ഇരുന്ന മനോജ് പെട്ടി തുറന്നപ്പോഴാണ് അതിനകത്തുള്ള പട്ടാളക്കാരുടെതായ വേഷം പുറമെ ഉള്ളവർ കണ്ടത്. അതിൽ നിന്നും ഒരു തുണി എടുത്ത് വിരിയാക്കി ഇട്ടു അയാൾ കിടന്നു.

പക്ഷെ ഇതോടൊപ്പം തന്നെ എന്റെ അടുത്ത് മറ്റൊരു സംഭവം നടന്നു. അതുവരെ എന്നെ തള്ളിവച്ചിരുന്ന പോലീസുകാരൻ അയഞ്ഞയഞ്ഞ് വിലങ്ങിട്ട പുള്ളിയെ തള്ളി ഒരറ്റത്തോട്ടു മാറ്റി. എനിക്കിരിക്കാൻ ഇപ്പോൾ രണ്ടാൾക്കാരുടെ സ്ഥലം. ഭവ്യമായ ഭാഷയിൽ അയാൾ എന്നോടു ചോദിക്കുന്നു "സാറും പട്ടാളത്തിലാണൊ"?

ഒരു തീവണ്ടി യാത്ര

2012-01-20T19:18:00.000-08:00

ഡൽഹിയിൽ വച്ച് ഒരു യാത്രയിൽ അന്തരീക്ഷമലിനീകരണം കാരണം ശ്വാസം മുട്ടൽ അനുഭവപ്പെട്ട ഒരു സംഭവം കമന്റിയിടത്ത് അത് തിരക്കു കൊണ്ടാണൊ എന്നൊരു ചോദ്യം കിട്ടി
അപ്പൊഴാണ് ചെറുപ്പത്തിലെ മറ്റൊരു സംഭവം ഓർമ്മ വന്നത്

കോട്ടക്കൽ പഠിക്കുന്ന കാലം. അന്നൊക്കെ മാസത്തിലൊരിക്കൽ വീട്ടിൽ പോകും. പോകുന്നത് ബസ്സിൽ ആയിരുന്നു. എട്ടു മണിക്കൂറിൽ കൂടുതൽ ബസ്സിൽ ഇരിക്കണം. പക്ഷെ ചെറുപ്പത്തിൽ എന്തു പ്രശ്നം എട്ടല്ല എൺപതു മണിക്കൂർ വേണമെങ്കിൽ ഇരിക്കും അല്ലെ?

ഞങ്ങൾ ആലപ്പുഴ ജില്ലകാരയതുകൊണ്ട് അധികം ട്രയിൻ യാത്ര ചെയ്തിട്ടില്ല അന്നൊന്നും.
എന്നാൽ ഒരിക്കൽ ഒരു ഓണസമയം. ഓണസമയമാണല്ലൊ സമരങ്ങളുടെ കാലം. ആളുകൾക്കു ബുദ്ധിമുട്ടാകും എന്നു കരുതി ചോദിക്കുന്നതിൽ മിക്കവയും സർക്കാർ കൊടുക്കും എന്നറിയാവുന്നതു കൊണ്ട് സമരക്കാർ ആ സമയം തന്നെ തെരഞ്ഞെടുക്കും.

അങ്ങനെ ഞങ്ങൾക്ക് ഓണാവധി വന്നപ്പോഴാണ് ബസ് സമരം. സർക്കാർ ബസ്സുകൾ ഓടുകയില്ല.
പിന്നെ എങ്ങനെ വീട്ടിൽ പോകും?

തിരൂർ ആണ് അടുത്ത റെയിൽ വേ സ്റ്റേഷൻ. അന്നത്തെ കാലത്ത് മീറ്റർ ഗേജ് ആണ് എറണാകുളം മുതൽ തെക്കോട്ട്. എറണാകുളത്തിനു വടക്ക് ബ്രോഡ് ഗേജും

ഞങ്ങൾ കൂട്ടുകാരെല്ലാവരും കൂടി തിരൂരെത്തി.
എന്റെ കയ്യിൽ 10 രൂപ ഉണ്ട്. അത് എല്ലാതവണയും അങ്ങനെ ആണ്. 60 രൂപ മെസ്, 20 രൂപ ഫീസ് ഏട്ടൻ 90 രൂപ അയച്ചു തരും. സാധാരണ, ഈ ശേഷിക്കുന്ന പത്തു രൂപയിൽ 8.50 രൂപ ബസ് കൂലി. ബാക്കി ഒന്നര രൂപ എന്റെ പോക്കറ്റിൽ കാണും വീട്ടിലെത്തുമ്പോൾ

എന്നാൽ ഇത്തവണ 9 രൂപ ടികറ്റ് മാവേലിക്കര വരെ. അവിടെ നിന്നും പ്രൈവറ്റ് ബസ് ഹരിപാടിന്.

അപ്പോൾ പൈസ കിറുകൃത്യം.

റ്റിക്കറ്റെടുത്തു.

കാത്തുകാത്ത് വണ്ടി വന്നു. ഞങ്ങൾ പറയുന്ന ഭാഷയിൽ പറഞ്ഞാൽ ഒരു ഒൻപതാം ഉൽസവത്തിന്റെ തിരക്ക്(ഹരിപ്പാട്ടമ്പലത്തിലെ ഒൻപതാം ഉല്സവം അന്നു വളരെ പ്രസിദ്ധമായിരുന്നു)

എനിക്കാണെങ്കിൽ ഇടിച്ചു കയറുന്ന സ്വഭാവം പണ്ടെ ഇല്ല - എല്ലാം വളരെ സാവധാനത്തിലെ ചെയ്യൂ - അതുകാരണം "പഞ്ചവൽസരപദ്ധതി" എന്നൊരു ഓമനപ്പേരും വീണു കിട്ടിയിരുന്നു.

പതുക്കെ കയറാം എന്നു കരുതി നിന്നു നിന്നു കൂട്ടുകാരെല്ലാം കയറിക്കഴിഞ്ഞിട്ടും ഞാൻ വെളിയിൽ തന്നെ. അല്പനേരം, കൂടി കഴിഞ്ഞപ്പോഴേക്കും വിസിൽ മുഴങ്ങി. വണ്ടി പതിയെ നീങ്ങിത്തുടങ്ങി.

അടൂത്തു നിന്ന ഒരാൾ പറഞ്ഞു മോനെ വേഗം പിടിച്ചു തൂങ്ങിക്കൊ അല്ലെങ്കിൽ പോകാനൊക്കില്ല.

വാതിലിനു വെളിയിൽ ഒറ്റക്കയ്യിൽ തൂങ്ങുന്ന അനേകം ആളുകൾ ഒരു അർദ്ധവൃത്തം ഉണ്ടാക്കിയിട്ടുണ്ട്.
എനിക്കു പെട്ടെന്നു ഭയമായി. സമയം രാത്രി ഒൻപതു മണി. എന്റെ കയ്യിൽ ഉണ്ടായിരുന്ന പത്തുരൂപയിൽ ഒൻപതു രൂപ ട്രയിൻ റ്റിക്കറ്റ് ആയി കയ്യിൽ ഇരിക്കുന്നു.

ഈ വണ്ടിയിൽ പോയില്ലെങ്കിൽ പിന്നെ ഭിക്ഷ എടുക്കേണ്ടി വന്നേക്കാം.
എന്തോ ഒരു ധൈര്യം വന്നു ചാടി ഒരു കമ്പിയിൽ പിടുത്തം ഇട്ടു. ഒരു കാൽ വയ്ക്കാൻ അല്പം സ്ഥലവും കിട്ടി. അവിടെ നിന്നവർ അതിനുള്ള സൗകര്യം ചെയ്തു തന്നു.

ബാഗും തൂക്കി ഒരു കയ്യും ഒരു കാലും പുറമെ. ഒരു കാൽ ചവിട്ടിയിട്ടുണ്ട് ഒരു കൈ തൂണിൽ പിടിച്ചിട്ടും ഉണ്ട്.

വണ്ടി പതിയെ വേഗത കൂട്ടി തുടങ്ങി.
ബാഗു പിടിച്ചിരിക്കുന്ന കൈ കഴച്ചു തുടങ്ങി.

പക്ഷെ എന്തു രക്ഷ.
ഞാൻ ആലോചിച്ചു

കുറച്ചു കഴിയുമ്പോൾ ഈ ബാഗ് എന്റെ കയ്യിൽ നിന്നു വീണുപോകും. പക്ഷെ അതു കഴിഞ്ഞാൽ?
കുറച്ചു കൂടി കഴിയുമ്പോൾ എന്റെ തൂണിൽ പിടിച്ചിരിക്കുന്ന കയ്യും വിട്ടുപോകും
അപ്പോൾ ഇത് എന്റെ അവസാനത്തെ യാത്ര ആയിരിക്കും അല്ലെ?
ഇനി ഒന്നും ചെയ്യാനും ഇല്ല. വരുന്നതു വരട്ടെ എന്നൊക്കെ വിചാരിച്ചു കൊണ്ടു നിൽക്കുമ്പോൾ ആളുകൾ എല്ലാവരും കൂടി ഒരു ബഹളം

ഓവർ ബ്രിഡ്ജ് വരുന്നു കയറിക്കൊ അകത്തു കയറിക്കൊ.

ഓവർബ്രിഡ്ജ് വീതി കുറഞ്ഞ ഒരെണ്ണം.
ചിലപ്പോൾ വാതിലിനു വെളിയിൽ തൂങ്ങിക്കിടക്കുന്നവരെ എല്ലാം വടിച്ചു നീക്കും എന്ന പേടി. സ്ഥിരമായി യാത്ര ചെയ്യുന്നവർക്കു സ്ഥലം അറിയാവുന്നതിനാൽ അവർ ആയിരിക്കണം ഒച്ച കൂട്ടിയത്.
ഏതായാലും അതിനു ഫലം ഉണ്ടായി
അകത്തു നിന്നവരും ഒക്കെ സഹായിച്ചു എല്ലാവരെയും പിടിച്ചു വലിച്ചും തള്ളിയും ഒക്കെ എങ്ങനെയോ എല്ലാവരും അകത്തായി. എന്റെ രണ്ടു കാലും നിലത്തു മുട്ടിയിട്ടില്ല. ആകെ ഞെങ്ങി ഞരുങ്ങി നിൽക്കുന്നു.പൊക്കം അശേഷം ഇല്ലാത്തഞ്ഞാൻ പക്ഷെ ആളുകളുടെ ശരീരങ്ങൾക്കിടയിൽ ഞെങ്ങി പൊങ്ങി നിന്നതു കൊണ്ട് ഒരു ഗുണം ഉണ്ടായി. ആ മുറിയുടെ മറുവശത്തു ഇതേ പോസിൽ നിൽക്കുന്ന എന്റെ സുഹൃത്തിനെ കാണാനായി. ഞാൻ തല ഇളക്കി അവന്റെ ശ്രദ്ധ പിടിച്ചു പറ്റി അവനും സന്തോഷമായി ഏതായാലും ഞാനും കയറിയല്ലൊ.
അല്പസമയം കൊണ്ട് വെള്ളത്തിൽ താഴ്ന്നു പോകുന്നതുപോലെ ഊർന്നൂർന്ന് എന്റെ കാലുകൾ നിലം തൊട്ടു.

ഇപ്പോൾ സമയം ഓർമ്മയില്ല എന്നാലും രാത്രി ഒന്നിനും രണ്ടിനും ഇടയിലാണെന്നു തോന്നുന്നു ഞങ്ങൾ എർണാകുളത്തെത്തി.

അവിടെ നിന്നും വണ്ടി മാറി കയറണം. ഇനി അങ്ങോട്ട് മീറ്റർ ഗേജ് വണ്ടി.ബോഗികളുടെ എണ്ണവും കുറവ്.

യാത്രക്കാരിൽ കുറേ ഏറെ പേർ അവിടെ യാത്ര അവസാനിക്കുന്നവരായിരുന്നു. ബാക്കി എല്ലാവരും അടുത്ത വണ്ടിയ്ക്കു നേരെ യാത്ര ആയി. ആദ്യത്തെ അനുഭവം ഉണ്ടായിരുന്നതു കൊണ്ട് ഇത്തവണ ഞാനും ഉഷാറായി തന്നെ വണ്ടിക്കടൂത്തെത്തി.

അവിടെ ചെന്നപ്പൊഴോ?

അവിടെ വച്ചു തന്നെ സീറ്റുകളെല്ലാം ഫുൾ ആണ്. മീറ്റർ ഗേജ് വണ്ടിയുടെ ഇടനാഴിയുടെ അവിടെ വച്ചു തന്നെ എനിക്കു മുന്നോട്ടു പോകാൻ പറ്റാതായി. പിന്നിൽ നിന്നും ആളുകൾ വീണ്ടും കയറുന്നും ഉണ്ട്.

സമയം ആയി വണ്ടി വിട്ടു. അല്പമായപ്പോഴേക്കും രണ്ടു വശത്തു നിന്നും ഉള്ള തള്ളലിൽ എനിക്കു ശ്വാസം കഴിക്കാൻ പ്രയാസം ആകുന്നതു പോലെ തോന്നി.
എനിക്കു രണ്ടു വശവും ഉള്ളവർ നല്ല തടിയുള്ളവർ.
തടി മുകളിൽ അല്ലെ ഉള്ളത്
താഴെ ഇല്ലല്ലൊ. ഞാൻ നോക്കിയപ്പോൾ എന്റെ അരവരെ ജനാല ഉണ്ട്. അപ്പോള് അവിടെ തന്നെ അങ്ങ് ഇരുന്നാൽ കൂടുതൽ സ്ഥലവും ഉണ്ട് ശ്വസിക്കാൻ വായുവും കിട്ടും. ഞാൻ പതിയെ ഊർന്ന് അവരുടെ കാലുകൾക്കിടയിലായി ഇരുന്നു.

എന്റെ ദൈവമേ ആ ഇരിപ്പു കോട്ടയം വരെ ഇരുന്നത് എങ്ങനെ ആയിരിക്കും എന്ന് ഒന്നാലോചിച്ചു നോക്കൂ. പറ്റിയ പറ്റു വലുതായി പോയെങ്കിലും പിന്നീട് പൊങ്ങാൻ ഒരു നിവൃത്തിയും ഇല്ലാതിരുന്നതു കൊണ്ട് അങ്ങനെ തന്നെ യാത്ര ചെയ്യേണ്ടി വന്നു.

കോട്ടയത്തെത്തിയപ്പോൾ കുറെ പേർ ഇറങ്ങി, കയറാനും ഉണ്ടായിരുന്നു കുറെ പേർ.
മുൻപു പറ്റിയ അബദ്ധം തിരുത്താൻ വെണ്ടി ഞാൻ കിട്ടിയ അവസരം ഉപയോഗിച്ച് വീണ്ടും എഴുനേറ്റ് നിന്നു

അവിടെ നിന്നും യാത്ര തുടർന്നു. തിരുവല്ലയിൽ ഇറങ്ങാനുള്ളവർ തിക്കു കൂട്ടി വാതിലിനെ ലക്ഷ്യമാക്കി വരുന്നു. ഇടനാഴിയ്ക്കുള്ളിൽ അല്പം പോലും സ്ഥലം ഇല്ല.
ഞെങ്ങി ഞെരുങ്ങി വന്നവരിൽ ഒരു ചേച്ചിയും ഉണ്ടായിരുന്നു. ആ ചേച്ചി എന്റെ അടുത്തെത്തിയിടത്തു വച്ച്
മൊത്തം ബ്ലോക്ക് ആയി. ആൾക്കൂട്ടത്തിനിടയിൽ കുട്ടി ആയി ഞാൻ മാത്രം. അത്ര കുട്ടിയൊന്നും അല്ല 18 കഴിഞ്ഞതാണ്.
ഇടനാഴിയുടെ അകത്തെ ഭിത്തിയിൽ ചാരി ചേച്ചി. ആ ചേച്ചിയുടെ എതിർവശത്തു ജനലിൽ ചാരി മറ്റൊരു ചേട്ടൻ. ഇവരുടെ രണ്ടു പേരുടെയും ഇടയിൽ ബ്രെഡ് പീസുകൾക്കിടയിൽ തേച്ച ജാം പോലെ ഞാൻ.

നാരായണ ജപിച്ചു കൊണ്ട് തിരുവല്ല വരെ ആ നിൽപ്പ്

ഇനി മേലിൽ ബസിലെ യാത്ര ചെയ്യൂ എന്നു തീരുമാനിച്ചെങ്കിലും ഇപ്പോഴും ദാ തുടരുന്നു തീവണ്ടീ തീവണ്ടീ

മറ്റൊരു കഥ - കഥയല്ല യഥാര്ഥ കഥ

ചോദ്യങ്ങൾക്കുത്തരം

2012-01-19T21:40:00.000-08:00

ചോദ്യങ്ങൾക്കുത്തരം എഴുതുന്നതിനെ കുറിച്ച് ഒരു പോസ്റ്റ് കണ്ടപ്പോൾ പഴയ ഓർമ്മകൾ ഒന്നയവിറക്കി

രംഗം ഒന്ന്

ഫസ്റ്റ് എം ബി സെഷനൽ പരീക്ഷയുടെ ഫിസിയോളജി പരീക്ഷയുടെ റിസൽറ്റ് വന്നു

ഉത്തരക്കടലാസുകൾ ഡിപ്പാർട്ട്മെന്റിലുണ്ട് പോയി നോക്കിക്കൊള്ളാൻ അനുവാദം കിട്ടി.

മാർക്ക് നോക്കിയപ്പോൾ ഞാൻ ഉദ്ദേശിച്ചതിൽ കുറവ്.

മാർക്ക് നോക്കിക്കൊണ്ടിരിക്കുന്നിടത്തു നിന്ന് പ്രൊഫസർ വിളിച്ചു.

എങ്ങനെ ഉണ്ടെഡൊ?

സാർ മാർക്കുകൾ കുറവായിപോയി

കാരണം?

അതെനിക്കറിയില്ല

താൻ എല്ലാം എഴുതിയോ?

എല്ലാം എഴുതി

എല്ലാം എന്നു പറഞ്ഞാൽ?

സാർ ക്ലാസിൽ പറഞ്ഞ പോയിന്റുകൾ എല്ലാം എഴുതിയിട്ടുണ്ട്.
എന്റെ ലെക്ചർ നോട്ട്സ് കാട്ടി വിശദീകരിച്ചു.

സാർ പറഞ്ഞു താൻ ഒരു കാര്യം ചെയ്യ് ആ കൂട്ടത്തിൽ നിന്നും ശോഭയുടെയും സ്ലീബിയുടെയും ഉത്തരക്കടലാസുകൾ എടുത്തു കൊണ്ടു വാ

ഞാൻ പോയി അവ എടുത്തു.

ഓരോ ചോദ്യത്തിനും തന്റെ ഉത്തരവും അവരുടെ ഉത്തരവും ഒത്തു നോക്ക്

ഒത്തു നോക്കി

എന്റമ്മോ

റെഫറൻസായി പറഞ്ഞ അഞ്ചോളം പുസ്തകങ്ങളിൽ ഉള്ള വസ്തുതകളും ഓരോ ഉത്തരത്തിനും കൊടുത്തിട്ടുണ്ട്

സാർ തുടർന്നു
എടൊ താൻ ടെക്സ്റ്റിൽ ഉള്ള സർവതും എഴുതിയിട്ടുണ്ട് സമ്മതിച്ചു.
അപ്പോള് തനിക്കു ഞാൻ പത്തിൽ പത്തു തന്നാൽ റെഫറൻസിലുള്ളതും കൂടി മുഴുവനും എഴുതിയ ഇവർക്കു ഞാൻ എത്ര കൊടുക്കും?
ആകെ മാർക്ക് പത്തല്ലെ ഉള്ളു?
അപ്പോൾ എനിക്കു ആകെ ചെയ്യാൻ സാധിക്കുന്നത് തന്റെ മാർക്കു കുറയ്ക്കുക അല്ലെ ഉള്ളൂ?
അതുകൊണ്ട് മോൻ പോയി റെഫറൻസ് ഗ്രന്ഥങ്ങൾ കൂടി പഠിച്ചെഴുതാൻ ശീലിക്ക്

രംഗം രണ്ട്

ഫസ്റ്റ് എം ബി സെഷനൽ പരീക്ഷയുടെ ബയൊ കെമിസ്റ്റ്രി പരീക്ഷയുടെ റിസൽറ്റ് വന്നു

മുൻപിലത്തെതു പോലെ തന്നെ ഉത്തരക്കടലാസുകൾ നോക്കാൻ അനുവാദം കിട്ടി

എനിക്കുറപ്പാണ് എങ്ങനെ പോയാലും 100 ല് 80 മാർക്ക് കിട്ടും. കെമിസ്റ്റ്രി ആണ് വിഷയം. ചോദ്യങ്ങൾക്കെല്ലാം വിശദമായി ഫോർമുല അടക്കം ഉത്തർമ് കൊടുത്തിട്ടുണ്ട്. ആകെ അഞ്ചു ചോദ്യങ്ങൾ. 20 മാർക്ക് വീതം.
ഒരെണ്ണം തലേദിവസം പഠിപ്പിച്ച വിഷയം. അന്നു ഞാൻ അവധി ആയിരുന്നു. അത് തൊട്ടിട്ടില്ല. എന്നാലെന്താ 20 ഗുണം 4 സമം 80 അല്ലെ അതു മതി

സന്തോഷത്തോടു കൂടി ഉത്തരക്കടലാസ് തപ്പി

ആകെ മാർക്ക് 49
ജയിക്കാൻ 50 വേണം

അങ്ങനെ ചമ്മി നിൽക്കുമ്പോൾ പ്രൊഫസർ വിളിച്ചു.

താനിങ്ങു വന്നെ

എങ്ങനെ ഉണ്ട്?
എനിക്ക് ഉത്തരമില്ല
എത്ര മാർക്കുണ്ട്?
49
അതെന്താ 49 ആയിപ്പോയത്?
അറിയില്ല
താൻ എല്ലാം എഴുതിയൊ?
നാലു ചോദ്യങ്ങൾക്കു മുഴുവൻ ശരിയായ ഉത്തരം എഴുതിയിട്ടുണ്ട്
അഞ്ചാമത്തെ ചോദ്യം?
അതെഴുതിയില്ല
കാരണം
ഞാൻ ഇന്നലെ അവധി ആയിരുന്നു.

ഓഹോ അതു ശരി. അപ്പോൾ താൻ ആശുപത്രിയിൽ ജോലി ചെയ്യുമ്പോൾ തലപൊട്ടി ഒരാളെ കൊണ്ടു വന്നാൽ അതു പഠിപ്പിച്ച ദിവസം ഞാൻ അവധി ആയിരുന്നു അതുകൊണ്ട് തല ഒഴികെ ബാക്കി ചികിൽസിക്കാം എന്നു പറയുമോ?

മോനെ എല്ലാ ചോദ്യങ്ങൾക്കും ഉത്തരം എഴുതി ഇല്ലെങ്കിൽ മാർക്ക് ഒരിക്കലും 50 തികയില്ല

-----------------------------------------------------------------------

വൃത്തിയായി കാര്യങ്ങൾ പഠിപ്പിച്ചു തന്നിരുന്ന ആ ഗുരുനാഥന്മാരുടെ ഓർമ്മയ്ക്കു മുന്നിൽ പ്രണാമത്തോടെ

ലേകെ ഭി ആയേ ഹെ

2012-01-13T22:14:00.000-08:00

മദ്ധ്യപ്രദേശിൽ ദമു എന്ന ഒരു സ്ഥലം ഉണ്ട്. അവിടെ ജോലി ചെയ്തിരുന്ന കാലം. അടുത്തുള്ള സിറ്റിയിൽ പോകണം എങ്കിൽ ജബല്പുരാണ് ശരണം.

ഇടയ്ക്കൊക്കെ ഒന്നു പോയി അവിടത്തെ ചൈനീസ് ഫുഡും കഴിച്ച് ഒന്നു കറങ്ങി അല്പം പർചേസിങ്ങും നടത്തി തിരികെ പോരാം.

എന്റെ രണ്ടു സുഹൃത്തുക്കൾ ഒരിക്കൽ നടത്തിയ യാത്ര കേൾക്കണ്ടെ?

രണ്ടുപേരും കൂടി കാലത്തെ യാത്ര തിരിച്ചു. അവിടത്തെ പരിപാടികൾ എല്ലാം കഴിഞ്ഞു മടക്കയാത്ര ആയി.

വഴിക്ക് ഒരു സ്ഥലം ഉണ്ട് കട്ടംഗി. അവിടത്തെ പ്രത്യേകത എന്താണ് എന്നു വച്ചാൽ നല്ല ഒന്നാം തരം രസഗുള കിട്ടും. വളരെ പ്രസിദ്ധമാണ്. വഴിയാത്രക്കാരെല്ലാം അതൊന്നാസ്വദിച്ചേ പോകൂ.

ഒരു തരം ചെറിയ മൺകുടത്തിൽ ആക്കി വാങ്ങിക്കൊണ്ടു പോരുകയും ചെയ്യാം.

ദമുവിൽ നിന്നു പോയിവരുന്നവരിൽ നിന്നും പ്രതീക്ഷിക്കുന്നതും ഇതായിരിക്കും

അങ്ങനെ അവർ തിരികെ വരുന്ന വഴി ബസ് കട്ടംഗിയിൽ നിർത്തി.
രണ്ടു പേരും ഏകദേശം ആറടിക്കു മുകളിൽ ഉയരവും അതിനൊത്ത തടിയും ഉള്ളവരും.
സുഹൃത്തുക്കളിൽ ഒരാൾ ഇറങ്ങി രസഗുള വാങ്ങാൻ. മറ്റയാൾ അവിടെ തന്നെ ഇരുന്നു.

എന്നാൽ ബസ് ആദ്യം നിർത്തിയ ഭാഗത്തു നിന്നും മാറ്റി പാർക്കിങ്ങ് നു കൂടുതൽ സ്ഥലം ഉള്ള മറ്റൊരിടത്ത് നിർത്തി.

രസഗുള വാങ്ങി വന്ന ആൾ ആദ്യഭാഗത്തു നോക്കിയിട്ടു വണ്ടി കാണാനില്ല. രാത്രി ആണ്. അയാൾ അതന്വേഷിച്ചു നടപ്പു തുടങ്ങി.

ആളിറക്കവും കയറ്റവും കഴിഞ്ഞു വണ്ടിവിടാൻ തുറ്റങ്ങിയപ്പോൾ അകത്തിരുന്ന ആൾ പറഞ്ഞു ഒരാൾ കൂടി വരാനുണ്ട് അല്പം കൂടി കാക്കണം എന്ന്

നേരം പോകുംതോറും ആളുകൾ അസ്വസ്ഥരായി ബഹളം കൂട്ടാൻ തുടങ്ങി.

രക്ഷപെടാൻ വേണ്ടി അകത്തിരുന്ന സുഹൃത്ത് കണ്ടക്റ്ററോട് പറഞ്ഞു "അതേ സുഹൃത്തിനു വയറിനു സ്വല്പം പ്രശ്നമാണ് അപ്പി ഇടാൻ പോയതാണ് രാത്രി അല്ലെ ക്ഷമിക്കണം അല്പം കൂടി കാക്കണം"

തികച്ചും ന്യായമായ ഒരു കാര്യം ആയതു കൊണ്ട് കണ്ടക്റ്റർ വിവരം മറ്റുള്ളവരോടും പറഞ്ഞു സമാധാനിപ്പിച്ചു.

അങ്ങനെ അവർ ഇരിക്കുമ്പോഴേക്കും പുറമെ പോയ അ ആൾ വണ്ടി കണ്ടുപിടിച്ചു

രണ്ടു കൈകളിലും ഉയർത്തിപ്പിടിച്ച മൺകുടവുമായി ആയി വാതിലിൽ കൂടി അകത്തേക്ക് പ്രവേശിക്കുന്നു. പുള്ളിക്കാരന് ഒരു പ്രത്യേകത ഉണ്ട് വളരെ ഉച്ചത്തിൽ അട്ടഹസിക്കുന്നതു പോലെ ചിരിക്കുക
തനിക്കു വണ്ടി കണ്ടുപിടിക്കാനുണ്ടായ താമസവും അതു കണ്ടുപിടിച്ചതിലുള്ള സന്തോഷവും എല്ലാം ചേർന്നുള്ള ഉച്ചത്തിലുള്ള ചിരിയും ആയിട്ടാണ് പ്രവേശം

അകത്തിരുന്ന യാത്രക്കാർ കണ്ടതോ അപ്പിയിടാൻ പോയ ആൾ രണ്ടു കൈകളിലും കുടവുമായി ചിരിച്ചു കൊണ്ട് വരുന്നു
ഒരാൾ ഉറക്കെ ആത്മഗതം ചെയ്തു "ലഗ്താ ഹേ വോ കർനേ കെ ബാദ് ലേകെ ഭി ആയേ ഹെ" (കാര്യം സാധിച്ചു കഴിഞ്ഞ് അത് കയ്യിൽ എടുത്തും കൊണ്ടാ വരവെന്നു തോന്നുന്നു)

ആന

2012-01-10T03:48:00.000-08:00

ഹരീഷിന്റെ ആനക്കഥ കണ്ടപ്പോള് ചെറുപ്പത്തിൽ ആനയെ വരച്ചു തരാൻ പറഞ്ഞു കരഞ്ഞതോർത്തു.
ബഹളം കൂടുമ്പോൾ ചേട്ടൻ വരച്ചു തന്ന ആന മതിലിനപ്പുറത്തു നിൽക്കുന്ന ആന ആഹാ

ആ സ്ലേറ്റ് പലതവണ തിരിച്ചു പിടിച്ചു നോക്കിയിട്ടുണ്ട് മറുവശത്ത് ആനയെ മുഴുവൻ കാണാൻ പറ്റുമോന്നറിയാൻ

കണ്ടാൽ ഇങ്ങനിരിക്കുമായിരിക്കും അല്ലെ?

എന്നെ കൊണ്ട് ഇത്രയെ ഒക്കു സജ്ജീവേട്ടൻ വിചാരിച്ചാലോ?

forwarded mail

2011-12-03T02:55:00.000-08:00

JOKE FOR THE WEEK END..

Brilliant Answers by Banta but the teacher gave him '0' marks only

Q- In which battle did Tipu Sultan die?

A- His last battle !

Q- Where was the declaration of independence signed?
A- At the bottom of the page !

Q- What's the main reason for Divorce?
A- Marriage!

Q- river Ganges flows in which state?
A- Liquid state !

Q- When was Mahatma Gandhi born?
A- On his birthday !

Q- How will u distribute 8 mangoes among 6 people?
A- By preparing mango shake....

Thanks & Regards V?

ദീപശിഖാ കാളിദാസന്

2011-10-26T20:57:00.000-07:00

മഹാകവി കാളിദാസന്‌ "ദീപശിഖാ കാളിദാസന്‍" എന്ന ഒരു വിശേഷ പേരുണ്ട്‌. അത്‌ എങ്ങനെ ഉണ്ടായി എന്ന് അറിയാമായിരിക്കും അല്ലെ?

പക്ഷെ അറിയാത്ത ആരെങ്കിലും ഉണ്ടെങ്കിലോ?

അതുകൊണ്ട്‌ അത്‌ ഇവിടെ കുറിക്കാം

കാവ്യങ്ങളില്‍ പലയിടത്തും കാണുന്ന പല പല ഉപമകള്‍ ഉണ്ട്‌. പക്ഷെ ഉപമകളില്‍ ഏറ്റവും നല്ലത്‌ കാളിദാസന്റെതാണ്‌ എന്നാണ്‌ പണ്ടുള്ളവര്‍ പറയുന്നത്‌

"ഉപമാ കാളിദാസസ്യ" ഉപമയാണൊ അത്‌ കാളിദാസന്റെ ആയിരിക്കണം

ഇതിനു കാരണം

രഘുവംശ കാവ്യത്തില്‍ ഇന്ദുമതിയുടെ സ്വയംവരം വര്‍ണ്ണിക്കുന്ന ഒരു രംഗം ഉണ്ട്‌.
ധാരാളം പ്രസിദ്ധരായ രാജാക്കന്മാര്‍ നിരനിരയായി ഇരിക്കുന്നു.

അതിനു നടുവിലൂടെ സ്വയംവരമാല്യവുമായി ഇന്ദുമതി സാവകാശം നടന്നു പോകുന്നു.

ഓരോരോ രാജാവും ഇരിക്കുന്ന ഭാഗത്തെത്തുന്നതിനു മുന്‍പും എത്തുമ്പോഴും അവിടം കടന്നു പോകുമ്പോഴും അതാതു രാജാവിന്റെ മുഖത്തുണ്ടാകുന്ന ഭാവമാറ്റത്തെ കാളിദാസന്‍ ഉപമിച്ചത്‌ ഇപ്രകാരം -
രാജവീഥിയിലൂടെ ഒരാള്‍ ഒരു ദീപശിഖയും പിടിച്ചു കൊണ്ട്‌ നടന്നു പോകുമ്പോള്‍ രണ്ടു വശത്തും ഉള്ള കെട്ടിടങ്ങളെ പോലെ എന്ന്

"സഞ്ചാരിണീ ദീപശിഖേവ രാത്രൗ
യം യം വ്യതീയായ പതിംവരാ സാ
നരേന്ദ്രമാര്‍ഗ്ഗാട്ട ഇവ പ്രപേദേ
വിവര്‍ണ്ണഭാവം സ സ ഭൂമിപാലഃ"

സ്വയംവരോദ്യുതയായ അവള്‍ യാതൊരു രാജാവിനെ ഒക്കെ കടന്നു പോയൊ അവര്‍,
രാത്രികാലത്ത്‌ സഞ്ചരിക്കുന്ന ഒരു ദീപശിഖയാല്‍ രാജമാര്‍ഗ്ഗത്തിനു ഇരുവശത്തും ഉള്ള ഗോപുരങ്ങളെ പോലെ വിവര്‍ണ്ണഭാവത്തെ പ്രാപിച്ചു

അടുത്തെത്തുമ്പോഴുള്ള തെളിച്ചവും കടന്നു പോകുമ്പോഴുള്ള ചമ്മലും ഇതില്‍ കൂടൂതല്‍ ഭംഗിയായി എഴുതാന്‍ പറ്റുമോ? കാളിദാസനോടു ചോദിച്ചാല്‍ ചിലപ്പോള്‍ ഇതിലും നല്ലത്‌ ഇനിയും ഉണ്ടായിരിക്കും അല്ലെ?

ഇതിപ്പോള്‍ ഇവിടെ എഴുതാന്‍ കാരണം ഞാന്‍ മറ്റൊരു ബ്ലോഗില്‍ കണ്ട ഒരു ഉപമ ആണ്‌

നിലവിലുള്ള ജീവികളില്‍ ഓരോരുത്തരുടെയും അവസ്ഥ വ്യത്യസ്ഥമായതും ചിലര്‍ സുഖമുള്ളവരും മറ്റു ചിലര്‍ ദുഃഖമുള്ളവരും ഒക്കെ ആകുന്നത്‌, അവരവരുടെ മുജ്ജന്മകര്‍മ്മഫലം ആണ്‌ എന്ന് പറഞ്ഞു കേള്‍ക്കുന്നു.

അതിന്‌ വഴിയില്‍ കാണാവുന്ന ഒരു ഉദാഹരണം ഇതിലും ഭംഗിയായി പറയാന്‍ പറ്റുമോ?
"
രണ്ട്‌ പേരും ഒരേ സ്ഥലത്തേക്കാണ്‌ പോകുന്നത്‌.എന്നിട്ടും അതില്‍ ഒരാള്‍ക്കുമാത്രം പണം കൊടുത്തത്‌ ശരിയായില്ല. മറ്റ്‌ എത്രയോ വഴിയാത്രക്കാര്‍ പോകുന്നു അവര്‍ക്കാര്‍ക്കും പണം നല്‍കാതെ ഈ ആള്‍ക്കു മാത്രം എന്തിനാണ്‌ പണം നല്‍കിയത്‌ ? അതു വിവേചനമല്ലെ?

"

ബാക്കി ഇവിടെ വായിക്കുക

സര്‍വതോഭദ്രം

2011-10-11T22:56:00.000-07:00

സംസ്കൃതത്തിലെ മഹാകാവ്യങ്ങളില്‍ ഏറ്റവും ശ്രേഷ്ഠം എന്നു പ്രസിദ്ധമായ മാഘന്റെ ശിശുപാലവധത്തിലെ ചില ശ്ലോകങ്ങള്‍ പരിചയപ്പെടുത്തിയിരുന്നു. http://magham.blogspot.com ല്‍

അതില്‍ ഒന്ന് ഇവിടെ repost

സര്‍വതോഭദ്രം
സകാരനാനാരകാസ
കായസാദദസായകാ
രസാഹവാവാഹസാര
നാദവാദദവാദനാ

the peculiarity of this sloka is better explained in this table below- typing the sloka in the table starting from the forth line second time, read it in any way the same sloka is got

"

ലക്ഷണം "തദിഷ്ടം സര്‍വതോഭദ്രം ഭ്രമണം യദി സര്‍വതഃ"

{Note :All these slokas are from maaghaa's Sisupaalavadham 19thchapter where he is proving his command over the language. Thischapter is dealing with the yuddha between sisupaala sainayam andbalabhadrasainyam when Sisupaala sainyam is going to attackpradyumna when pradymna gets the edge-and here it says,}-

ഉത്സാഹികളായ അനേകവിധം , ശത്രുസൈന്യത്തിണ്റ്റെ ഗതിവിശെഷത്തേയും ശരീരത്തേയും നശിപ്പിക്കുന്ന ബാണങ്ങളുള്ളതും, യുദ്ധാനുരാഗിണികളായ ശ്രേഷ്ഠങ്ങളായ കുതിരകളുടെ ചിനപ്പു പൊലെ തോന്നുന്ന ഭേരീനാദത്തോടും കൂടിയ (--ആ സൈന്യം)

തീവണ്ടിപുരാണം

2011-10-11T03:54:00.000-07:00

തീവണ്ടിപുരാണം പലതു വന്നപ്പോള്‍ പഴയത്‌ ഒന്നുകൂടി ഓര്‍ത്തു

ചെറുപ്പത്തില്‍ ആകാശവാണിയില്‍ നിന്നും കേട്ട ഒരു നിരുപദ്രവമായ തമാശ വ്യാഖ്യാനം .
Repost from http://indiaheritage.blogspot.com/2007/03/blog-post.html
വള്ളത്തോളിന്റെ തീവണ്ടിപുരാണം എന കാവ്യത്തിലെ ഒരു ശ്ലോകം ഒരു വിവരമില്ലാത്ത അദ്ധ്യാപകന്‍ പഠിപിക്കുന്നതായിട്ടോ മറ്റോ ആയിരുന്നു അവതരണം.

ശ്ലോകം -

തീവണ്ടി വന്നു പുരുഷാരമതില്‍ കരേറി
ദ്യോവിങ്കല്‍ വീണ്ടുമൊരുവാരയുയര്‍ന്നു സൂര്യന്‍
പാവങ്ങള്‍ ചത്തിടുകിലെന്തു ജനിക്കിലെന്തു
പാഴ്‌വാക്കിതിന്നരുള്‍ക മാപ്പു മനീഷിമാരെ.

അദ്ദേഹം പഠിപ്പിക്കുകയാണ്‌-തീവണ്ടി എല്ലാവര്‍ക്കുമറിയാമല്ലൊ അതു തന്നെ തീവണ്ടി ട്രെയിന്‍, അത്‌ വന്നു.

പുരുഷാരം എന്നാല്‍ ആളുകളുടെ കൂട്ടം; അതില്‍ അതായത്‌ പുരുഷാരത്തില്‍ - ആളുകളുടെ കൂട്ടത്തില്‍ കയറി.അതായത്‌ കൂട്ടം കൂടി നിന്നിരുന്ന ആളുകളുടെ മുകളിലെക്ക്‌ തീവണ്ടി വന്നു കയറി എന്നര്‍ത്ഥം.

എന്നിട്ടോ, ദ്യോവിങ്കല്‍ - ദ്യോവ്‌ = ആകാശം ദ്യോവിങ്കല്‍ =ആകാശത്തില്‍വീണ്ടും - ഒരു വാര ഉയര്‍ന്നു - അതെ തീവണ്ടി ആകാശത്തില്‍ ഒരു വാര കൂടി ഉയര്‍ന്നു. ആളുകളുടെ മുകളില്‍ കയറിയതു കൊണ്ട്‌തീവണ്ടി സാധാരണയില്‍ നിന്നും ഒരു വാര ഏകദേശം മൂന്നടി ഉയര്‍ന്നു എന്നര്‍ത്ഥം.

സൂര്യന്‍ - എന്തോ ഈ വാക്കിവിടെ എന്തിനാണ്‌ എഴുതിയിരിക്കുന്നത്‌ എന്നു മനസിലായില്ല അതവിടെ നില്‍ക്കട്ടെ, നമുക്ക്‌ ബാകി നോക്കാം.

പാവങ്ങള്‍ ചത്തിടുകിലെന്തു ജനിക്കിലെന്തു -കണ്ടില്ലേ തീവണ്ടിയുടെ അടിയില്‍ പെട്ടു ആ പാവം ജനങ്ങള്‍ ചത്തു പോകുന്നെങ്കിലോ അല്ല അഥവാ ഇനി പുതിയതായി ജനിക്കുന്നെങ്കിലോ നമുക്കെന്ത്‌ഉ?

പാഴ്‌വാക്കിതിന്നരുള്‍ക മാപ്പ്‌ - അതേ പാഴായി ഒരു വാക്ക്‌ ഞാന്‍ പറഞ്ഞു പോയി - ഏതാണ്‌? മുമ്പു പറഞ്ഞില്ലേ 'സൂര്യന്‍ ' ഞാനപ്പൊഴേ പറഞ്ഞു ഇതെന്തിനാണിവിടെ പറഞ്ഞത്‌ എന്നു മനസ്സിലായില്ല എന്ന്‌.അതേ ആ വാക്ക്‌ ഉപയോഗിച്ചതിന്‌ മനീഷിമാര്‍ - ബുദ്ധിയുള്ളവര്‍ മാപ്പു തരണേ

എന്തേ കേമമായില്ലേ അര്‍ഥം?

(
NB -----

"തീവണ്ടിയാപ്പീസിലനേകമട്ടായ്‌
തിങ്ങുന്നു യാത്രോദ്യുതരാം ജനങ്ങള്‍
ഒറ്റയ്ക്കൊരാളങ്ങൊരഴുക്കുമുക്കില്‍
മലര്‍ന്നു മെയ്‌ നീണ്ടു കിടന്നിടുന്നു

ഞരമ്പെലുമ്പെന്നിവചേര്‍ത്തുവച്ച്‌
ചുളിഞ്ഞ തോല്‍ കൊണ്ടതു മൂടിയിട്ടാല്‍
ആളെന്ന പേരായതിനൊക്കുമെങ്കില്‍
ഒരാളുതന്നിഗ്ഗളിതാംഗചേഷ്ടന്‍

ഒരു തീവണ്ടി ആപ്പീസില്‍ കിടക്കുന്ന ഈ മനുഷ്യന്‍ ആരോരും നോക്കാതെ അവിടെ കിടന്നു മരിച്ചു. എന്നാല്‍ ഇത്ര തിരക്കുള്ള സ്ഥലമായിട്ടും ഇതു പോലെയുള്ള കാര്യങ്ങള്‍ ശ്രദ്ധിക്കാന്‍ ആര്‍ക്കും നേറമില്ല, തീവണ്ടി വരുന്നു പോകുന്നു, ആളുകള്‍ മരിക്കുന്നു ജനിക്ക്‌ഉന്നു, സൂര്യന്‍ തന്റെ ചക്രം മുടങ്ങാതെ നടത്തുന്നു എന്നു തുടങ്ങി ചിന്തോദ്ദീപകമായ ഒരു കാവ്യമാണ്‌ തീവണ്ടിപുരാണം. അതിന്റെ അവസാനശ്ലൊകമാണ്‌ ഈ അര്‍ഥം മുഴുവന്‍ ദ്യോതിപ്പിക്കുന്ന - പോസ്റ്റിലേ ശ്ലൊകം
--- )

മലയാളി പിള്ളേര്‍ക്ക്‌ റിറ്റേണ്‍ യാത്ര ഫ്രീ

2011-10-04T04:27:00.000-07:00

പഥികന്‍ ജി തീവണ്ടിയാത്ര രണ്ടു ഘട്ടങ്ങളായി എഴുതി. രണ്ടിലും റ്റിറ്റി യുടെ അക്രമം

ഈ റ്റിറ്റി അക്രമത്തെ കുറിച്ച്‌ ഒരു തമാശ കഥയുണ്ട്‌ അതു മിക്കവര്‍ക്കും അറിയാമായിരിക്കും
അല്ലെ
എന്നാല്‍ അറിയാത്തവര്‍ക്കു വേണ്ടി ദാ ഇവിടെ

ഒരിക്കല്‍ രണ്ടു മലയാളി കുട്ടികള്‍ പഞ്ചാബില്‍ പഠിക്കാന്‍ പോയി

രണ്ടും രണ്ട്‌ അശു പിള്ളേര്‍

പഞ്ചാബികളൊ കാളകൂറ്റന്മാരെ പോലെ ഉള്ള കുട്ടികള്‍.

ഈ അശുക്കളെ അവര്‍ നല്ലവണ്ണം റാഗു ചെയ്തു രസിച്ചു.

പാവം പിള്ളേര്‍ എന്തു ചെയ്യാന്‍. അനുഭവിക്കുക തന്നെ.
അങ്ങനെ അങ്ങനെ ഒരു അവധിദിവസം വന്നു.

അവധിദിവസങ്ങളില്‍ ഹോസ്റ്റലില്‍ നിന്നാല്‍ അപക്കടം ആണെന്നു തോന്നിയിട്ട്‌ പിള്ളേര്‍ കാശ്മീരിലേക്കു ടൂറു പോകാന്‍ തീരുമാനിച്ചു.

ഈ വിവരം രണ്ടു പഞ്ചാബികള്‍ എങ്ങനെയോ മണത്തറിഞ്ഞു.
റെയില്‌വെ സ്റ്റേഷനില്‍ പിള്ളേര്‍ എത്തി ടിക്കറ്റിനു ക്യു നില്‍ക്കുമ്പോള്‍ രണ്ടു പഞ്ചാബികളും പിന്നില്‍

പിള്ളേറില്‍ ഒരാള്‍ കാശ്മീരിനു ഒരു ടികറ്റ്‌ എടുത്തു
മറ്റവന്‍ ചുമ്മാ നിന്നു

പഞ്ചാബികള്‍ രണ്ടു പേര്‍ക്കും കൂടി ചേര്‍ന്ന് ഒരു ടിക്കറ്റ്‌ എടുത്തു.

ട്രെയിന്‍ വരാന്‍ കാത്തു നിന്നപ്പോള്‍ പഞ്ചാബികള്‍ക്കു സംശയം ഇനി ഒരുത്തനെ പോകുന്നുള്ളാരിക്കും. ഒരുത്തന്‍ എങ്കില്‍ ഒരുത്തന്‍. ഏതായാലും അവനെ പൊരിക്കാം. അവര്‍ ചോദിച്ചു
"എന്താ രണ്ടുപേരും പോകാതെ ഒരാള്‍ മാത്രം പോകുന്നത്‌?"

പിള്ളേര്‍ പറഞ്ഞു " അയ്യൊ ഞങ്ങള്‍ രണ്ടുപേരും പോകുന്നുണ്ട്‌"

"അതിനു നീ ഒരു റ്റിക്കറ്റേ എടുത്തുള്ളല്ലൊ" പഞ്ചാബി

പിള്ളേര്‍ പറഞ്ഞു " അതു ഞങ്ങള്‍ മലയാളികള്‍ രണ്ടു പിള്ളേര്‍ക്ക്‌ ഓണ്‌വേര്‍ഡ്‌ ജേണി രണ്ടുപേര്‍ക്ക്‌ ഒരു ടിക്കറ്റ്‌ മതി"

അങ്ങനെ ട്രെയിന്‍ വന്നു

രണ്ടു കൂട്ടരും കയറി. ഉള്ളിലും പിള്ളേര്‍ക്ക്‌ അവശത തന്നെ. നിവൃത്തിയില്ലാതെ ഇരിക്കുമ്പോള്‍ ഒരറ്റത്ത്‌ റ്റി റ്റി കയറുന്നതു കണ്ടു. പെട്ടെന്ന് രണ്ടു പിള്ളേരും കൂടി എഴുനേറ്റ്‌ എതിര്‍വശത്തെ കക്കൂസില്‍ പോയി കതകടച്ചു.

റ്റി റ്റി പരിശോധന നടത്തി നടത്തി ആ അറ്റത്തെത്തി. ആരോ അങ്ങോട്ടു പോകുന്നതു നേരത്തെ കണ്ട റ്റി റ്റി കക്കൂസിന്റെ വാതിലില്‍ മുട്ടി. അകത്തു നിന്നും ചോദ്യം " ആരാ"

റ്റി റ്റി " റ്റികറ്റ്‌ ചെക്‌'
കതകിന്റെ ഒരു വശം അല്‍പം തുറന്ന് ഒരു കയ്‌ മാത്രം വെളിയില്‍ വന്നു ടികറ്റ്‌ നീട്ടിക്കൊണ്ട്‌.

അതു മേടിച്ചു വരച്ചു തിരികെ നല്‍കിയിട്ട്‌ റ്റി റ്റി പോയി. കുറച്ചു കഴിഞ്ഞപ്പോള്‍ പിള്ളേര്‍ രണ്ടും അവരവരുടെ സ്ഥലത്തു വന്നിരുന്നു.

പഞ്ചാബികള്‍ക്ക്‌ അസൂയ ഉണ്ടായി എങ്കിലും സന്തോഷമായി ഒരു വേല പഠിച്ചല്ലൊ ആഹാ ഇനി മുതല്‍ യാത്രയ്ക്ക്‌ രണ്ടു പേര്‍ക്ക്‌ ഒരു ടിക്കറ്റ്‌ എന്തു സുഖം

അങ്ങനെ കാശ്മീരില്‍ എത്തി

അവിടെയും പിള്ളേരുടെ പിന്നാലെ നടനു ശല്യം ചെയ്ത്‌ അവസാനം തിരികെ പോരേണ്ട സമയം ആയി.

നാലു പേരും സ്റ്റേഷനില്‍ എത്തി

പഞ്ചാബികള്‍ ക്യൂവില്‍ നിന്നു. പുതിയ ബുദ്ധി ഉപയോഗിച്ച്‌ ഒരു ടിക്കറ്റ്‌ എടുത്തു.

മലയാളി പിള്ളേര്‍ അവിടെ ഇരിക്കുന്നതെ ഉള്ളു ടികറ്റ്‌ എടുക്കുന്നില്ല.

പഞ്ചാബികള്‍ ചോദിച്ചു " എന്താ നിങ്ങള്‍ വരുന്നില്ലെ?"

പിള്ളേര്‍ "ഉണ്ട്‌"

പഞ്ചാബി " പിന്നെ എന്താ ടിക്കറ്റ്‌ എടുക്കാത്തത്‌?"

പിള്ളേര്‍ " അതു ഞങ്ങള്‍ മലയാളി പിള്ളേര്‍ക്ക്‌ റിറ്റേണ്‍ യാത്ര ഫ്രീ യാ"

ശെടാ ഇനി അതെങ്ങനെയാണൊ പോലും. പഞ്ചാബികള്‍ അസ്വസ്ഥരായി.

ട്രെയിന്‍ വന്നു

പഴയതു പോലെ ശല്യപ്പെടുത്തലും മറ്റുമായി യാത്ര തുടങ്ങി. കുറച്ചു കഴിഞ്ഞപ്പോള്‍ മലയാളി പിള്ളേര്‍ എഴുന്നേറ്റു പറഞ്ഞു "ദാ റ്റി റ്റി വരുന്നു "

ഇതു പറയലും അവര്‍ ചൂണ്ടിയതിനു എതിര്‍വശത്തുള്ള കക്കൂസിനു നേരെ യാത്ര ആയി. ഒപ്പം തന്നെ ആദ്യമായതിന്റെ വെപ്രാളത്തോടു കൂടി പഞ്ചാബികളും എത്തി ഒരു വശത്തെ കക്കൂസില്‍ കയറി കതകടച്ചു.

മലയാളി പീള്ളേര്‍ കുറെ നേറം കാത്തു നിന്നതിനു ശേഷം പതിയെ തങ്ങളുടെ കയ്യിലെ പഴയ ടിക്കറ്റ്‌ അടുത്തു. പിന്നീട്‌ പഞ്ചാബികള്‍ ഒളിച്ച കക്കൂസിന്റെ കതകില്‍ മുട്ടി "ടിക്കറ്റ്‌ ചെക്‌"

ഒട്ടും താമസിച്ചില്ല ടിക്കറ്റോടു കൂടി പഞ്ചാബികളില്‍ ഒരുത്തന്റെ കൈ വെളിയില്‍ വന്നു. ആ ടിക്കറ്റ്‌ വാങ്ങി പോകറ്റില്‍ ഇട്ടിട്ട്‌ പഴയ ടികറ്റ്‌ പിള്ളേര്‍ തിരികെ നല്‍കിയിട്ട്‌ അവരുടെ സീറ്റില്‍ വന്നിരുന്നു

ശേഷം ചിന്ത്യം

ചിത്രപ്രശ്നം

2011-10-01T20:30:00.000-07:00

കുറച്ചു പടങ്ങള്‍
ഇത്‌ എന്തൊക്കെ ആണെന്നു പറയാമോ?

ക്ലു ഒന്നും ആവശ്യം വരും എന്നു തോന്നുന്നില്ല അഥവാ വേണം എങ്കില്‍ പിന്നീട്‌

എന്നോടെന്തിനീ പിണക്കം?

2011-09-02T00:37:00.000-07:00

ഞങ്ങളുടെ ചെറിയ ബാല്‍കണിയില്‍ ഉള്ള സ്ഥലത്ത്‌ വച്ച ചെടികള്‍ എല്ലാം നിറയെ പൂത്തു.

പുറത്ത്‌ വെളിസ്ഥലമായി കിടക്കുന്നടത്തെല്ലാം പൂക്കള്‍

പക്ഷെ ഈ ബാള്‍സത്തിനു മാത്രം പൂവില്ല. ഇതിനെന്നല്ല ഇതിനോടൊപ്പം പാകി കിളിച്ച ഒരു ഇരുപത്തഞ്ചു ചെടികള്‍ ഒന്നിനും പൂവില്ല

ആരോഗ്യമില്ലാഞ്ഞല്ല.

പൂക്കാനറിയാഞ്ഞിട്ടുമാകില്ല. കാരണം ഇതിന്റെ അമ്മച്ചെടി അതോ അച്ഛന്‍ ചെടിയോ ദാ കഴിഞ്ഞ നവംബറില്‍ പൂത്തുനിക്കുന്നതാണ്‌ മുകളില്‍.

ഇതിനെ ചിരൈയ്യ ഫൂല്‍ എന്നാണ്‌ ഇവിടത്തുകാര്‍ വിളിക്കുന്നത്‌

സമാധാനമായി ഇപ്പൊ പിണക്കമൊക്കെ മാറി ഓരോരുത്തരായി പൂത്തു തുടങ്ങി

ആയുര്‍വേദം വികസിക്കണം ?

2011-08-26T21:17:00.000-07:00

ആയുര്‍വേദം പഠിക്കുന്നതിനിടയിലാധുനികവും പഠിക്കുന്നതിനെ കുറിച്ച്‌ ചിലര്‍.

ആയുര്‍വേദം വളരണം വികസിക്കണം എന്നു ഒരു വാദം.

ആയുര്‍വേദം വികസിക്കണം എന്നതു കൊണ്ട്‌ എന്താണുദ്ദേശിക്കുന്നത്‌?

ആയുര്‍വേദത്തിലെ കഷായങ്ങള്‍ മധുരമുള്ള സിറപ്പാക്കണം എന്നാണോ?

ആയുര്‍വേദഗുളികകള്‍ കാപ്സൂളാകണം എന്നാണൊ?

ആയുര്‍വേദമരുന്നുകള്‍ കുത്തിവയ്ക്കണം എന്നാണോ?

ആയുര്‍വേദഡോക്റ്റര്‍മാര്‍ പഴയ ഉപകരണങ്ങള്‍ എല്ലാം പുതുക്കിപ്പണിത്‌ ശസ്ത്രക്രിയ ചെയ്യണം എന്നാണൊ?

ആയുര്‍വേദവിദഗ്ദ്ധര്‍ രോഗങ്ങളെ ഒക്കെ ഇംഗ്ലീഷില്‍ പേരിട്ടു വിളിക്കണം എന്നാണൊ?

റിസര്‍ച്‌ ചെയ്ത്‌ ആയുര്‍വേദം വളര്‍ത്താന്‍ ആവശ്യപ്പെടുന്നവരും എന്തൊക്കെ ആണ്‌ ഉദ്ദേശിക്കുന്നത്‌ എന്നു ഒന്നു വ്യക്തമാക്കിയാല്‍ നന്നായിരുന്നു.

ഇനി ഞാന്‍ എന്റെ ഒരു അനുഭവം വിശദീകരിക്കാം.

ഇത്‌ ഒരു മഹാകാര്യം ഒന്നും അല്ല പക്ഷെ ആയുര്‍വേദചികില്‍സ എന്താണ്‌ എന്ന് സൂചിപ്പിക്കാന്‍ ആണ്‌.

ഞാന്‍ ബി എ എം മൂന്നാം വര്‍ഷം പഠിക്കുന്ന കാലം . എന്റെ അയല്‍ വാസിയായ ഒരു അധ്യാപകന്‍ ഒരിക്കല്‍ എന്നെ കാണാന്‍ വന്നു. അദ്ദേഹത്തിന്റെ പ്രശനം കുറെ നാളുകളായി അദ്ദേഹത്തിന്റെ തലയില്‍ മുഴുവന്‍ ചിരങ്ങു പോലെ വട്ടം വട്ടം അളിഞ്ഞളിഞ്ഞ്‌ മുടി ഒക്കെ പോയി. നാറ്റവും ഉണ്ട്‌. കുറെ ചികില്‍സകള്‍ ഒക്കെ ചെയ്തു - ഹരിപ്പാട്ടും ചുറ്റുവട്ടത്തും ഉള്ള ആയുര്‍വേദ, അലോപതി, ഹോമിയൊപതികള്‍ എല്ലാം പക്ഷെ ഫലം നാസ്തി. ജോലിക്കുപോകാന്‍ പറ്റാത്ത അവസ്ഥ - കുട്ടികളുടെ മുന്നില്‍ ഈ നാറ്റവും കൊണ്ട്‌ പോകാന്‍ വയ്യ. എന്റെ സാറന്മാരോടാരോടെങ്കിലും ചോദിച്ച്‌ ഒരു പരിഹാരം നിര്‍ദ്ദേശിക്കണം.

ഇതെല്ലാം ഒരു കടലാസില്‍ എഴുതി മേടിച്ച്‌ തിരികെ കോളേജില്‍ എത്തി അന്നത്തെ ഞങ്ങളുടെ അദ്ധ്യാപകനായ ശ്രീ കൃഷ്ണന്‍ മൂസ്സ്‌ മാഷിനെ കണ്ടു. രോഗവിവരം എല്ലാം അറിഞ്ഞ ശേഷം അദ്ദേഹം ഒരു കുറിപ്പടി എഴുതാന്‍ എനിക്കു പറഞ്ഞു തന്നു. രോഗിയെ കാണാത്തതുകൊണ്ട്‌ ഈ മരുന്നു കഴിച്ചിട്ട്‌ വിവരം അറിയിക്കുവാന്‍ പറഞ്ഞു.

രണ്ടാഴ്ച കഴിഞ്ഞപ്പോള്‍ അദ്ദേഹത്തിന്റെ കത്തു വന്നു. വെള്ളം ഒലിക്കല്‍ കൂടി തുടങ്ങി അപ്പോഴത്തെ അവസ്ഥ. രോഗം അല്‍പം മോശമായി.

അന്ന് മൂസ്‌ മാഷ്‌ അവധി. ഇനി ആരെ കാണും? അവിടെ തന്നെ ഡോ ഭരതരാജന്‍ എന്ന ഒരു സാറുണ്ടായിരുന്നു. അദ്ദേഹത്തിനെ കണ്ടു പഴയ വിവരങ്ങള്‍ എല്ലാം പറഞ്ഞു. കൊടുത്ത മരുന്നുകള്‍ പറഞ്ഞു. പുതിയ കത്തും കാണിച്ചു. അതെല്ലാം വിശദമായി പരിശോധിച്ച അദ്ദേഹം പറഞ്ഞു.

അപ്പോള്‍ കൊടുത്ത കഷായം മാറ്റണം.
രോഗിയെ രണ്ടു പേരും കണ്ടിട്ടില്ല. ഉപശയം എന്ന രീതിവച്ച്‌ അനുമാനിക്കുകയാണ്‌.

എടൊ എങ്കില്‍ ഈ കഷായം കൊടുക്കൂ., ബാക്കി മരുന്നുകളെല്ലാം പഴയതു തന്നെ മതി. ആറു ദിവസം കൊടുത്താല്‍; അതെല്ലാം ഉണങ്ങി പൊടിപോലെ ആകും.
പിന്നെ മാറണം എങ്കില്‍ തക്രധാര ചെയ്യണം അതിനിവിടെ വരാന്‍ പറഞ്ഞാല്‍ മതി.

പുതിയ കഷായ കുറിപ്പടിയും എന്നെ കൊണ്ട്‌ എഴുതിച്ചു.

അദ്ദേഹം പറഞ്ഞതുപോലെ തന്നെ സംഭൈച്ചു. കഷായം ആറു ദിവസം കഴിച്ചശേഷമുള്ള എഴുത്തും വന്നു. തലയിലെ പൊറ്റകള്‍ എല്ലാം ഉണങ്ങി വെളുത്ത പൊടി പോലെ ആയി. പഴുപ്പും നാറ്റവും എല്ലാം പോയി. ഇനി എപ്പൊഴാ ധാരയ്ക്കു വരേണ്ടത്‌? പക്ഷെ അതോടൊപ്പം തന്നെ അദ്ദേഹത്തെ അലട്ടുന്ന മറ്റൊരു പ്രശ്നം കൂടി പറഞ്ഞു.

വിവാഹം കഴിഞ്ഞ്‌ ആറു കൊല്ലങ്ങള്‍ ആയി. രണ്ടു പേരും സ്കൂള്‍ അദ്ധ്യാപകര്‍. ഇതു വരെ ഭാര്യ ഗര്‍ഭിണി ആയിട്ടില്ല അതിന്റെയും പരിശോധനകളും ചികില്‍സകളും എല്ലാം മുറ പോലെ നടക്കുന്നു. അതിനു കൂടി എന്തെങ്കിലും പരിഹാരം ഉണ്ടാകുമൊ?

അവിടെ തന്നെ ഉള്ള ഒരു ആയുര്‍വേദ റിസെര്‍ച്‌ വിംഗ്‌ ഉണ്ട്‌ അവിടെ ഒരു പിള്ള മാഷ്‌ ഉണ്ട്‌ ഡൊ മാധവന്‍ പിള്ള. അദ്ദേഹം ഇക്കാര്യത്തില്‍ പഠനം നടത്തുന്നു സ്വന്തമായി. അദ്ദേഹത്തിനോടു വിവരം പറഞ്ഞു. അദ്ദേഹം, പറഞ്ഞു ഏതായാലും ധാരയ്ക്കു വരുമ്പോള്‍ രണ്ടു പേരോടും കൂടി വരാന്‍ പറയൂ.

പറഞ്ഞ പ്രകാരം രണ്ടു പേരും വന്നു.
ഇരുവരെയും പിള്ളമാഷുടെ മുന്നില്‍ എത്തിച്ചു. അദ്ദേഹം ഒരു മുക്കാല്‍ മണിക്കൂര്‍ ഇരുവരുമായി കുശലപ്രശ്നങ്ങള്‍ നടത്തി.

ഞങ്ങള്‍ മൂന്നാം കൊല്ലക്കാര്‍ രോഗികളൊടു ചോദിക്കുന്ന ചോദ്യങ്ങളില്‍ കൂടുതലായി ഒന്നും തന്നെ ചോദിച്ചുകേട്ടില്ല. ചോദ്യോത്തരങ്ങള്‍ അല്ലാതെ രോഗികളെ സ്പര്‍ശികുക പോലും ചെയ്തില്ല.

അതെല്ലാം കഴിഞ്ഞ്‌ അദ്ദേഹം എന്നോടു പറഞ്ഞു.
എടൊ ഒരു കുറിപ്പടി എഴുത്‌. മരുന്നു പറഞ്ഞു ഇതങ്ങു കഴിക്കാന്‍ പറ. ഞാന്‍ കുറിപ്പടി എഴുതി. അവരുടെ കയില്‍ കൊടുത്തു

എത്ര നാള്‍ കഴിക്കണം? രോഗിയുടെ ചോദ്യം,

ഗര്‍ഭം ഉണ്ടാകുന്നതു വരെ സാറിന്റെ മറുപടി.

എണീറ്റു പോകാന്‍ തുടങ്ങുന്ന രോഗി ഒരു കവര്‍ മേശപ്പുറത്തു വയ്ക്കാന്‍ നോക്കുന്നു.

എടുക്കടൊ അത്‌ സാറിന്റെ അലര്‍ച്ച. എനിക്കു ജീവിക്കാന്‍ ഉള്ള ശമ്പളം കിട്ടുന്നുണ്ട്‌. ഇതിന്റെ ഒന്നും ആവശ്യം ഇല്ല. നിങ്ങള്‍ക്കു പോകാം

(ഒരു പൈസ പോലും ചെലവുണ്ടായില്ല രണ്ടു കൂട്ടര്‍ക്കും

ഇന്ന് ഒരാശുപത്രിയില്‍ ചെന്നാലൊ ഡൊക്റ്റര്‍ക്കു ചെലവ്‌, ലാബ്‌ കാര്‍ക്കു ചെലവ്‌ രോഗിക്കു ചെലവ്‌ ചെലവോടു ചെലവ്‌)

രോഗികളെ പുറത്താക്കിയിട്ട്‌ ഞാന്‍ തിരികെ സാറിനടുത്തെത്തി.

അവര്‍ക്കു കുറിക്കുന്നമരുന്ന്‌ പ്രസൂതിതന്ത്രത്തിലൊ വന്ധ്യാചികില്‍സിതത്തിലൊ ഉള്ള ഏതെങ്കിലും മരുന്ന് ആയിരിക്കും എന്നായിരുന്നു ഞാന്‍ കരുതിയത്‌. പക്ഷെ കുറിച്ചതോ വാതവ്യാധിചികില്‍സിതത്തില്‍ നിന്നും

അതിന്റെ യുക്തി എന്താണ്‌ എന്നറിയണം. അതിനായിരുന്നു തിരികെ പോയത്‌.

അതു ചോദിച്ചതും ആ മരുന്നിന്റെ ഫലശ്രുതി ചൊല്ലാന്‍ എന്നോടു പറഞ്ഞു. ഞാന്‍ മൂന്നാം വര്‍ഷമല്ലെ ആയുള്ളു എന്നു പറഞ്ഞപ്പോള്‍ അഷ്ടാംഗഹൃദയം എടുത്ത്‌ കയ്യില്‍ തന്നു

പിന്നെ ഒരു മണിക്കൂര്‍ ക്ലാസ്‌.

മൂന്നുമാസമായപ്പോഴേക്കും അവര്‍ ഗര്‍ഭിണി ആയി --
(ഇനി ചരിത്രം തുടരുനില്ല ഒരു നീണ്ട കഥ പോലെ കുറേ ഉണ്ട്‌ അതുകാരണം)

മൂന്നു മക്കളുമായി അവര്‍ ഇപ്പോഴും സന്തോഷമായി ജീവിക്കുന്നു.

എന്നാല്‍ അനുബന്ധവും കൂടി പറയാം.

ഇവര്‍ ഗര്‍ഭിണി ആയതറിഞ്ഞശെഷം പലരും എന്നോടു ചോദിച്ചു എടൊ അവര്‍ക്ക്‌ എന്തു മരുന്നായിരുന്നു കൊടൂത്തത്‌?

പിന്നെ വരുന്ന എല്ല വന്ധ്യതയ്ക്കും മരുന്ന്‌ അതായിരിക്കും അല്ലെ? അതല്ലെ ആധുനിക ഫാര്‍മൊകോപിയ

അതു തന്നെ ആയിരുന്നോ അനില്‍ ആ കമന്റില്‍ എന്നോടു ചോദിച്ച specificity?

ആയുര്‍വേദം അത്തരം ഒരു സാധനം അല്ല

അതു വളരെ അധികം കണ്ടറിഞ്ഞ എന്നെ പോലെ ഉള്ളവര്‍ക്ക്‌ അതു ദഹിക്കുകയും ഇല്ല

ഇനി മറ്റൊരനുബന്ധം ഡൊ സൂരജിനു പറയാന്‍ സാധിക്കുന്നത്‌
ഇത്‌ അത്ര വലിയ കാര്യം ഒന്നും അല്ല ചിലര്‍ക്ക്‌ താമസിച്ചെ കുട്ടികളുണ്ടാകൂ അവര്‍ ചികില്‍സിച്ചില്ലായിരുന്നു എങ്കിലും കുട്ടികള്‍ ഉണ്ടായെണെ

തൃപ്തിയായല്ലൊ

The Great Migration

2011-08-11T02:51:00.000-07:00

പടം കണ്ടാല്‍ ഓണത്തിനു ഉണ്ടാക്കിയ മുറുക്ക്‌ ഒടിച്ചിട്ടിരിക്കുകയാണെന്നു തോന്നും അല്ലെ ?

ഇവരെല്ലാവരും കൂടി എങ്ങോട്ടാണു പോകുന്നത്‌ എന്നറിയില്ല

ഏതായാലും അത്യാവശ്യമായി പോകുകയാണ്‌

മൊബെയില്‍ കൊണ്ട്‌ എടൂത്തതാ അതുകൊണ്ട്‌ ഇത്രയൊക്കെയെ ഉള്ളു

എന്റെ കേരളം എത്ര സുന്ദരം

2011-08-07T08:11:00.001-07:00

രാത്രി ഊണു കഴിക്കുന്നതിനു വേണ്ടി ചെന്നപ്പോള്‍ ടി വിയില്‍ ഒരു സിനിമ നടക്കുന്നു ' മിമിക്സ്‌ പരേഡ്‌" എന്നൊ മറ്റൊ ആണെന്നു തോന്നുന്നു പേര്‌
എന്താ നല്ല സീന്‍

ഒരുത്തന്‍ ഒരു പെണ്ണിന്റെ വീട്ടിലേക്കു വിളിച്ച്‌ പാട്ടു പാടി സുഖിപ്പിക്കുന്നു . പിന്നെ പ്രേമിക്കുന്നു എന്നു പറയുന്നു .
അവള്‍ അതിഷ്ടമല്ലെന്നു പറഞ്ഞിട്ടു പിന്മാറിയില്ലെങ്കില്‍ അവന്റെ ഷേപ്പു മാറ്റുമെന്നു പറയുന്നു.

അപ്പോള്‍ അവന്‍ പറയുന്നു അവളുടെ ഷേപ്പു മാറ്റും എന്ന്

അടുത്ത ദിവസം കഥാനായകന്‍ റോഡിന്റെ നടുക്ക്‌ നിര്‍ത്തിയിട്ട മോടൊര്‍ ബൈകിന്റെ മുകളില്‍ ചാരിക്കിടന്നു പെണ്ണിനെ നോക്കുന്നു.
പിന്നീട്‌
പെണ്ണിന്റെ ആങ്ങളമാര്‍ കാറിനകത്ത്‌ അവനെ വിളിച്ചു കയറ്റി പൂശുന്നു

അതിനടുത്ത ദിവസം ഇവന്റെ കൂട്ടുകാര്‍ എല്ലാവരും കൂടി പെണ്ണിന്റെ ആങ്ങളമാരെ വഴിയില്‍ തടഞ്ഞു നിര്‍ത്തി ഇടിക്കുന്നു

മിനിറ്റീച്ചറുടെ നാട്ടിലെ കല്ല്യാണത്തിന്റെ റാഗിങ്ങും എല്ലാം കൂടി കേട്ടപ്പോള്‍ ആഹാ എന്റെ കേരളം എത്ര സുന്ദരം
കൊതിയാകുന്നു

എന്റെ സംഗീതാന്വേഷണ പരീക്ഷണങ്ങള്‍ - എട്ട്‌

2011-08-01T23:49:00.000-07:00

എന്റെ സംഗീതാന്വേഷണ പരീക്ഷണങ്ങള്‍ -ഏഴ്‌ ഇവിടെ

നാടകത്തിനുള്ള രണ്ടു പാട്ടുകളും പലതവണ വായിച്ചും മൂളിയും ഒക്കെ നോക്കി. നോ രക്ഷ. ഈണം ഒന്നും വരുന്നില്ല. എല്ലാ ദിവസവും ഓര്‍മ്മ വരുമ്പോഴൊക്കെ എടുത്തു നോക്കും ഒരു രക്ഷയും ഇല്ല.
അങ്ങനെ അങ്ങനെ ഗാനമേളയുടെ പരിശീലനവും തുടരെ നടക്കുന്നു.

നാടകത്തിന്റെ പശ്ചാത്തലസംഗീതവും ഞങ്ങള്‍ തന്നെ ചെയ്യണം. അതു പിന്നെ പ്രശ്നമുള്ള കാര്യമല്ലല്ലൊ

ഞാന്‍ പറഞ്ഞു അതു നമുക്ക്‌ പിന്നീടു നോക്കം നാടകത്തിന്റെ കഥ പറഞ്ഞു തരണം അതിന്റെ റിഹേഴ്‌സല്‍ ഞങ്ങള്‍ വന്നു കാണാം. പിന്നെ പരിപാടിയുടെ രണ്ടു ദിവസം മുന്‍പു നോക്കിയാല്‍ മതി.

എന്റെ ഒപ്പം നല്ല കലക്കന്‍ രണ്ട്‌ ഗിറ്റാറിസ്റ്റും, നല്ല തബലിസ്റ്റും, ഒരു സാമാന്യം വയലിനിസ്റ്റും ഉണ്ട്‌. പിന്നെ എനിക്കെന്തു പേടിക്കാന്‍.

അങ്ങനെ അവര്‍ നാടക റിഹേഴ്‌സല്‍ തുടങ്ങി. പാട്ടിന്റെ സ്ഥാനം അന്ന് ഒഴിച്ചിട്ടു.

പക്ഷെ പരിപാടി അടൂക്കുംതോറും നാടക സംവിധായകന്‍ വാശിപിടിച്ചു - ഒപ്പം പശ്ചാത്തലക്കാര്‍ കൂടി വേണം.

ഞങ്ങള്‍ക്കെവിടെ സമയം? ഞാന്‍ പറഞ്ഞു നാടകത്തിന്റെ പശ്ചാത്തലം പ്രശ്നമുള്ള കാര്യമല്ല എന്നാല്‍ ഗാനമേള അങ്ങനെ അല്ല അതുകൊണ്ട്‌ നിങ്ങളുടെ കൂടെ മൂന്നു മണിക്കൂര്‍ ചെലവാക്കാന്‍ എല്ലാ ദിവസവും സാധ്യമല്ല. അത്‌ അവസാനത്തെ രണ്ടു ദിവസം ചെയ്യാം

അദ്ദേഹത്തിന്‌ അതു തൃപ്തിയായില്ല.

അദ്ദേഹം ആലപ്പുഴയില്‍ നിന്നും മറ്റൊരു ടീമിനെ വരുത്തി. പാട്ടിന്റെ കാര്യം എന്തായി എന്നു ചോദിച്ചപ്പോള്‍ സന്തൊഷത്തോടുകൂടി ഞാന്‍ ആ രണ്ടു കടലാസുകളും അദ്ദേഹത്തെ ഏല്‍പ്പിച്ചു. പുതിയ ടീം ആ കര്‍മ്മം നിര്‍വഹിക്കട്ടെ

എന്റെ ഒരു വലിയ തലവേദന ഒഴിവായതിലുള്ള ആശ്വാസത്തോടെ.

ഇഷ്ടമുള്ള കാര്യം ആണെങ്കിലും ഗാനമേള എന്ന അതീവ ഗുരുതരമായ പ്രശ്നം ആയിരുന്നു അതിലും വലുത്‌.

അങ്ങനെ പരിപാടിയ്ക്ക്‌ ഇനി ഒരാഴ്ച്ച.

വിശ്വകുമാര്‍ സാര്‍ (ഞങ്ങളുടെ സര്‍ജറി അസി. പ്രൊഫസര്‍) നിരീക്ഷണത്തിനെത്തി. നാടകറിഹേഴ്‌സല്‍ കണ്ടു അപ്പോഴാണ്‌ പാട്ടിന്റെ സമയം വെറുതെ ഇട്ടത്‌ ശ്രദ്ധിച്ചത്‌.

ഇനി പാട്ടിനനുസരിച്ചു ചുണ്ടനക്കാന്‍ എന്നു പരിശീലിക്കും?

അദ്ദേഹം അതിനെ പറ്റി അന്വേഷിച്ചു.

സംവിധായകനെ വരുത്തി. സംവിധായകന്‍ അവരുടെ പശ്ചാത്തലടീമിനെ വരുത്തി

പാട്ടെന്തായി?

അതു ഞങ്ങളെ കൊണ്ട്‌ സാധിക്കില്ല എന്നവര്‍ കയ്യൊഴിഞ്ഞു.

സാര്‍ എന്നെ വിളിപ്പിച്ചു.

പാട്ടിന്റെ കടലാസ്‌ വീണ്ടും എന്റെ കയ്യിലെത്തി

പണിക്കരെ ഇന്ന്‌ വൈകിട്ട്‌ നാലുമണിയ്ക്ക്‌ പരിശീലനത്തിനുള്ള പാട്ട്‌ തയ്യാറായിരിക്കണം.
എന്റെ കയ്യില്‍ അഞ്ചു ട്രാക്ക്‌ റെക്കോര്‍ഡ്‌ ചെയ്യാവുന്ന ഒരു സെറ്റ്‌ ഉണ്ട്‌. അതു എടുപ്പിക്കണം. നാലു മണിയ്ക്കു ഞാന്‍ അവിടെ വരും.

പരീക്ഷ വരുന്ന സമയം. അസി പ്രൊഫസര്‍ ആണ്‌ ആജ്ഞാപിക്കുന്നത്‌.

"പാടാത്ത വീണയും പാടും --" എന്നു കേട്ടിട്ടില്ലെ
അതുപോലെ

"ഇല്ലാത്ത ഈണവും തോന്നും--"

ഉച്ചയ്ക്കു ഹോസ്റ്റലില്‍ പോയി ഊണും കഴിച്ച്‌ തിരികെ 3 മണിയോടു കൂടി പരിശീലനകളരിയില്‍ എത്തി.

ഹാര്‍മോണിയം ശ്രുതി മീട്ടി അങ്ങ്‌ ഇരുന്നു.

എവിടെ നിന്നെന്നറിയില്ല വാണീ ദേവി കനിഞ്ഞനുഗ്രഹിച്ചു.

ഗോപിയോടു പറഞ്ഞു ഗോപി പിടിച്ചോ ദാ കിടക്കുന്നു

( ഈ ഗോപി ഇന്നു വലിയ ENT splst ആണു കേട്ടൊ
തബല വായന ഒക്കെ എങ്ങനെ ഉണ്ട്‌ എന്നു ഇപ്പൊ ഫോണില്‍ ചോദിച്ചു. എല്ലാം പോയി തബല കൈ കൊണ്ട്‌ തൊട്ട കാലം മറന്നു അത്രെ ജീവിതം അത്‌ അങ്ങനെയാ അല്ലെ, ഞാന്‍ എന്തു ഭാഗ്യവാന്‍
)

"ഒരു പാതിക്കരളുമായ്‌ വന്നവള്‍ ഞാനെന്റെ
മറുപാതിക്കരള്‍ നിന്നില്‍ കണ്ടു ദേവാ
ഇരുപാതിക്കരളുകള്‍ തങ്ങളില്‍ സന്ധിച്ച
ശുഭമുഹൂര്‍ത്തത്തിനു നന്ദി ഈ ജന്മ
ശുഭമുഹൂര്‍ത്തത്തിനു നന്ദി

നിഴല്‍ പോലുമെന്‍ മെയ്യില്‍
വീഴാതകന്നു നീ
അനുരാഗ പൂജ നടത്തി
ഹൃദയം കൊണ്ടനുരാഗപൂജ നടത്തി
നിനവിലും നനവോലും
നിറങ്ങളാല്‍ ഞാന്‍ നിന്റെ
മുഴുകായ ചിത്രം
എഴുതിവച്ചു - എഴുതിവച്ചു
"

തബലയില്‍ ഗോപി താളം രചിച്ചു

പാടാന്‍ വന്നിരിക്കുന്നത്‌ അന്ന് കേരള യൂണിവെഴ്‌സിറ്റി വിജയി ആയ ഒരു മിസ്‌ ശാന്തി ആലപ്പുഴക്കാരി ആണ്‌ അന്ന്‌ St Joseph's College വിദ്യാര്‍ത്ഥിനി.

എന്താ ഒരു മിടുക്കി. ഞാന്‍ അതിന്റെ രൂപം ഒന്നു ചിട്ടയാക്കി വന്നതെ ഉള്ളു പുള്ളികാരിയും കേട്ടിരിക്കുകയല്ലെ. പിന്നെ പഠിപ്പിക്കേണ്ട ആവശ്യം ഒന്നും വന്നില്ല.

അപ്പൊഴേക്കും വിശ്വകുമാര്‍ സാറെത്തി. എന്തായെടോ?

ഞാന്‍ പറഞ്ഞു സാര്‍ ഇപ്പൊ ഒരു ഏകദേശരൂപം തരാം അതു വച്ചു ചുണ്ടനക്കട്ടെ. ഈണവും സമയവും എല്ലാം ഇതു തന്നെ പക്ഷെ Interlude ഞാന്‍ ഒന്നു കൂടി മെച്ചമായി ഗിറ്റാറും ഒക്കെ ചേര്‍ത്ത്‌ വേറെ ഇടും. സ്ടേജില്‍ അതു വയ്ക്കാം . എന്നു പറഞ്ഞു ഹാര്‍മോണിയവും തബലയും മാത്രം വച്ച്‌ ഒരു ട്രയല്‍ റെകോര്‍ഡിംഗ്‌ നടത്തി.

പാട്ട്‌ ഈണം ഇങ്ങനെ. പക്ഷെ അതു ശാന്തിയുടെ കണ്ഠത്തില്‍ നിന്നും വന്നപ്പോള്‍ എത്ര സുന്ദരമായിരുന്നു എന്നതിനു വേറെ തെളിവൊന്നും വേണ്ട
അവസാനം സ്റ്റേജിലും ഇതു തന്നെ മതി ഇനി വേറെ ഒന്നും മാറ്റം വരുത്തേണ്ടാ എന്നു തീരുമാനിച്ചിട്ടാണ്‌ സാര്‍ പോയത്‌.

അങ്ങനെ ആ പാട്ട്‌ തന്നെ സ്റ്റേജില്‍ അവതരിപ്പിക്കപ്പെട്ടു

പിന്നീട്‌ ഒരു ദിവസം ഞാന്‍ എവിടെയോ പോയിട്ട്‌ ബസില്‍ കോളെജിനു മുന്നില്‍ വന്നിറങ്ങുമ്പോള്‍ എന്റെ ഒരു കൂട്ടുകാരന്‍ അവിടെ നില്‍പ്പുണ്ടായിരുന്നു അവന്‍ എന്നെ വിളിച്ചു
"എടോ തന്നെ തെരക്കി ആരാണ്ടു ആലപ്പുഴയില്‍ നിന്നു വന്നിരുന്നു"

ഞാന്‍ ചോദിച്ചു "ആരാ"?

അവന്‍ പറയുന്നു " ആ ആരാണ്ട്‌ ഏതോ നാടകസമിതിയുടെ നാടകത്തിനു പാട്ട്‌ ചെയ്യാന്നിന്നെ അന്വേഷിച്ചു വന്നതാ. അന്നത്തെ HERC ന്റെ പാട്ടു ചെയ്ത ആളെ അന്വേഷിച്ച്‌"

എനിക്കിതില്‍ പരം ഒരു സന്തോഷം ഉണ്ടൊ
പൂത്തു കയറിയ വികാരങ്ങളും ആയി ഞാന്‍ ചോദിച്ചു "എന്നിട്ട്‌ അവര്‍ എവിടെ?"

അവന്‍ പറഞ്ഞു " ഓടിച്ചു ഞാന്‍
പിന്നെ ഡോക്ടര്‍ മാരോടല്ലെ കളി എന്താ അവന്റെ ഒക്കെ വിചാരം"

ഞാന്‍ ചോദിച്ചു "അളിയാ തമാശ കള അവര്‍ എവിടെയാ ആരാ ഏതു ട്രൂപ്പാ"

അവന്‍ പറഞ്ഞു"
അതൊന്നും ഞാന്‍ ചോദിച്ചില്ല ഞാന്‍ ഓടിച്ചു വിട്ടു ഇനി അവര്‍ ഈ പരിസരഹ്തു വരത്തില്ല"

അങ്ങനെ അവന്‍ എന്നെ "രക്ഷപെടുത്തി"

ഞാനോ ഏതാണ്ടു പോയ അണ്ണാനെ പോലെ ആയി. എന്തു ചെയ്യാന്‍

അല്ല ഇനി അവര്‍ എന്നെ കണ്ടിരുന്നെങ്കിലോ
ആ അറിയില്ല

സംഗീതാന്വേഷണ പരീക്ഷണങ്ങള്‍ -7

2011-07-31T21:24:00.000-07:00

കാലത്ത്‌ ടിവിയില്‍ നിന്നും "ലീലാതിലകം ചാര്‍ത്തീ"
എന്ന ഗാനം കേട്ടപ്പോള്‍ ഓര്‍മ്മകള്‍ പഴയ കാലത്തേക്കു പറന്നു.

ഇടയ്ക്കു മുടക്കം വന്ന സംഗീതാന്വേഷണ പരീക്ഷണങ്ങള്‍ ഓര്‍മ്മ വന്നു. അതിലെ അടുത്ത എപിസോഡില്‍ വരുന്ന വിഷയം ഈ പാട്ടുമായി ബന്ധപ്പെട്ടിരിക്കുന്നു.
എങ്ങനെ എന്നല്ലെ?
പറയാം

ആലപ്പുഴ മെഡിക്കല്‍ കോളേജില്‍ അന്നു ഞാന്‍ ഫൈനല്‍ ഈയര്‍ ആണ്‌

ആശുപത്രിയില്‍ ജോലിക്കാരുടെ ഒരു ക്ലബ്‌ ഉണ്ട്‌ HERC Hospital Employees Recreation Club
ആ വര്‍ഷം അതിന്റെ വാര്‍ഷിക പരിപാടിയ്ക്ക്‌ ഒരു നാടകം ഒരു ഗാനമേള പിന്നെ വേറെ ചില പരിപാടികള്‍ ഇവ ഉണ്ട്‌

ഗാനമേളയ്ക്ക്‌ അകമ്പടി വാദ്യസംഗീതം ഞങ്ങള്‍ വിദ്യാര്‍ത്ഥികള്‍ തന്നെ.

കൂട്ടത്തില്‍ നാടകത്തിനു രണ്ടു പാട്ടുകള്‍ വേണം അതിന്റെ വരികള്‍ എന്നെ ഏല്‍പ്പിച്ചു. ചിട്ടപ്പെടൂത്തി കൊടുക്കണം

ഫൈനല്‍ ഈയര്‍ അറിയാമല്ലൊ. പഠിക്കാന്‍ തന്നെ സമയം തികയാത്ത അവസ്ഥ.

പക്ഷെ എനിക്കാണെങ്കില്‍ ഇതൊഴിവാക്കാനും സാധിക്കില്ല - എന്റെ ജീവിതം അത്രമേല്‍ സംഗീതവുമായി ഇണങ്ങിയിരിക്കുന്നു.

ഗാനങ്ങള്‍ രണ്ടും പോക്കറ്റില്‍ ഇട്ടു കൊണ്ടു തന്നെ നടന്നു
ഈണം എപ്പൊഴാ വരുന്നത്‌ എന്നറിയില്ലല്ലൊ

ഗാനമേളയ്ക്ക്‌ ആരൊക്കെ ഏതൊക്കെ പാട്ടുകള്‍ ആണു പാടുന്നത്‌ എന്ന്‌ നേരത്തെ പറയണം പാട്ടുകളുടെ കാസറ്റും തരണം എന്ന് അറിയിപ്പു കൊടുത്തു.
ഏകദേശം രണ്ടു മാസം മുന്‍പു തന്നെ.
കാരണം എല്ലാ ദിവസവും കുറച്ചു സമയം മാത്രം ചെലവാക്കിയാല്‍ മതിയല്ലൊ. ജോലിയിലുള്ളവര്‍ക്കും എല്ലാവര്‍ക്കും ഒന്നിച്ചു റിഹേഴ്സലിനു വരാനും സാധിക്കില്ല അപ്പോള്‍ ഓരോരുത്തരുടെ ഭാഗം ഓരോ ദിവസം നടത്താം

അങ്ങനെ ആദ്യസമാഗമം ഉണ്ടായി. അന്നു ഒരു വിധം എല്ലാവരും ഒത്തുകൂടി

ഞാന്‍ ഈ വിഷയം അവതരിപ്പിച്ചു.

പാട്ടുകാര്‍ ഏതു പാട്ടാണ്‌ പാടൂന്നത്‌ എന്നു നേരത്തെ പറഞ്ഞാല്‍ ഞങ്ങള്‍ക്ക്‌ അതിന്റെ BGM പഠിച്ചെടുക്കാന്‍ പറ്റും അതുകൊണ്ട്‌ നേരത്തെ എല്ലാവരും, അവരവരുടെ പാട്ടുകള്‍ ഞങ്ങള്‍ക്കു തരിക. ഞങ്ങള്‍ professionals അല്ല ഞങ്ങള്‍ക്ക്‌ അതു പഠിച്ചെടുക്കാന്‍ സമയം വേണം എന്നൊക്കെ.

കൂട്ടത്തില്‍ ഒരു നെഴ്സിന്റെ ഭര്‍ത്താവുണ്ട്‌ അദ്ദേഹം ഒരു മൃഗഡോക്റ്ററാണ്‌. നല്ല ഗായകന്‍ ആണ്‌. അദ്ദേഹത്തിനു ഞങ്ങള്‍ ആണ്‌ വാദ്യസംഗീതം നടത്തുന്നത്‌ എന്നതും പിടിച്ചില്ല എന്നു തോന്നുന്നു.

അദ്ദേഹം പറഞ്ഞു. ഞങ്ങള്‍ ഏതു പാട്ടും പാടും അതുകൊണ്ട്‌ നിങ്ങള്‍ക്ക്‌ അറിയാവുന്നത്‌ അങ്ങു വായിച്ചാല്‍ മതി അതു ഞങ്ങള്‍ പാടിക്കോളാം.

ഒന്നു രണ്ടു തവണ കാര്യം വിശദീകരിച്ചിട്ടും അദ്ദേഹം അടുക്കുന്നില്ല അദ്ദേഹത്തിന്റെ വിചാരം അദ്ദേഹം യേശുദാസിനെക്കാളൊക്കെ വളരെ ഉയരത്തില്‍ ഉള്ള ആളാണെന്നൊ മറ്റൊ ആയിരുന്നിരിക്കണം.

ഇനി നിങ്ങള്‍ പഠിച്ചെടുക്കുന്നതിനെക്കാള്‍ നല്ലത്‌ നിങ്ങള്‍ക്ക്‌ ഏറ്റവും നന്നായി അറിയാവുന്നത്‌ അങ്ങു മാറ്റിവച്ചൊ എനിക്ക്‌ എന്ന അര്‍ത്ഥതില്‍ ആണ്‌ അദ്ദേഹത്തിന്റെ സംസാരം.

അങ്ങനെ അദ്ദേഹത്തിന്റെ (ഇനി കഥാനായകന്‍ എന്നു വിളിക്കാം) പാട്ട്‌ ഞങ്ങള്‍ തീരുമാനിക്കണം ബാക്കി ഉള്ളവര്‍ അവരവരുടെ പാട്ടുകള്‍ തന്നു.

തിരികെ ഹോസ്റ്റലില്‍ എത്തി. ഞങ്ങളെ സംബന്ധിച്ചിടത്തോളം ഒരു പാട്ടിന്റെയും BGM അറിയില്ല എല്ലാം ഒന്നെ എന്നു പഠിക്കനം.

എന്നാല്‍ പിന്നെ കഥാനായകനിട്ട്‌ ഒരു പണി കൊടുത്തില്ലെങ്കില്‍ പിന്നെ ഞങ്ങള്‍ എന്തു വിദ്യാര്‍ത്ഥികള്‍?

ആയിടയ്ക്കു പുറത്തു വന്ന പല കാസറ്റുകളും വച്ചു കേട്ടു കേട്ട്‌ രണ്ടു പാട്ടുകള്‍ തെരഞ്ഞെടുത്തു

അവയില്‍ ഒന്നായിരുന്നു ഇത്‌. കഥാനായകന്‍ തോല്‌വി സമ്മതിച്ചാല്‍ കൊടുക്കാന്‍ ഉള്ളത്‌.
മറ്റവന്‍

"ആകാശനീലിമ മിഴികളിലുണരും അനുപമ സൗന്ദര്യമെ" എന്നു തുടങ്ങുന്ന ഒരു ഗാനം.

ആ ഗാനം തെരഞ്ഞെടുക്കാന്‍ ഉള്ള കാരണം അതില്‍ ഒരു വരി ഉണ്ട്‌ "വിശ്വം തരിച്ചു നില്‍ക്കും" എന്ന്‌

യേശുദാസിന്റെ അനുഗൃഹീത കണ്ഠത്തില്‍ നിന്നും തരിച്ചു എന്ന വാക്ക്‌ മൂന്നു കഷണങ്ങളായി ത -രി - ച്ചു എന്നു കേള്‍ക്കുന്നത്‌ ഒരു സുഖം തന്നെ പക്ഷെ നമ്മളെ പോലെ ഒരു തുക്കടാ പാട്ടുകാരന്‍ ആ വാക്ക്‌ അങ്ങനെ പറഞ്ഞാല്‍ കൂവല്‍ കിട്ടും എന്ന് ഉറപ്പ്‌

അതുകൊണ്ട്‌ ആ പാട്ടിന്റെ BGM ഞങ്ങള്‍ ഹൃദിസ്ഥമാക്കി

അങ്ങനെ റിഹേഴ്സല്‍

കഥാനായകനെ തന്നെ ആദ്യം വിളിച്ചു. പാട്ട്‌ ഇതാണ്‌ എന്നു പറഞ്ഞപ്പോള്‍ അദ്ദേഹം അതു കേട്ടിട്ടില്ല എന്നു പറഞ്ഞു. ഞങ്ങള്‍ കാസറ്റിട്ടു കേള്‍പ്പിച്ചു കൊടൂത്തു.

ഒന്നു രണ്ടു തവണ കേട്ടു കഴിഞ്ഞപ്പോള്‍ ഞങ്ങള്‍ എരി കേറ്റി. സാറൊക്കെ വലിയ പാട്ടുകാരല്ലെ ഇതൊക്കെ ഇത്ര കേള്‍ക്കാനെന്താ നമുക്കൊന്നു പാടിനോക്കാം
പറഞ്ഞതും ഞങ്ങള്‍ BGM തുടങ്ങിക്കൊടൂത്തു. അദ്ദേഹം ആപ്പിലായി എന്നാലും തോല്‍ക്കാന്‍ പാടില്ലല്ലൊ . ചെറുതായി പാടിത്തുടങ്ങി.
ത -- രി -- ച്ചു

ചിരിച്ചു
ഞങ്ങള്‍ അല്ല ഞങ്ങള്‍ ചിരിക്കാന്‍ പാടില്ലല്ലൊ. ചുറ്റും ഇരുന്നവര്‍ ചിരിച്ചു. കഥാനായകനും മനസിലായി.

കഥാനായകന്‍ പറഞ്ഞു ഒരു കാര്യം ചെയ്യ്‌ ആ കാസറ്റിങ്ങു താ ഞാന്‍ അതു വീട്ടില്‍ കൊണ്ടു പോയി ഒന്നു കേള്‍ക്കട്ടെ

ഞങ്ങള്‍ വിടുമോ "ഹ സാറിനൊക്കെ ഇതിനും മാത്രം കേള്‍ക്കാനെന്ത്‌ സാറൊക്കെ വല്യ പാട്ടുകാരല്ലെ. നമുക്ക്‌ ഒന്നു കൂടി നോക്കാം "

പൊക്കിയാല്‍ പൊങ്ങാത്ത --ഉണ്ടോ"

സാറു വീണ്ടും പാടി ചുറ്റുമുള്ളവര്‍ വീണ്ടും ചിരിച്ചു

അതോടു കൂടി കഥാനായകന്‍ തീരുമാനിച്ചു ഇനി വീട്ടില്‍ കൊണ്ടുപോയി പഠിച്ചിട്ടെ പാടൂ.

എന്നാല്‍ ഒരു ഡോസ്‌ കൂടി ഇരിക്കട്ടെ എന്നു ഞങ്ങള്‍

"അല്ല സാറിനു ഇതു പറ്റില്ലെങ്കില്‍ നമുക്കു വേറെ നോക്കാം ഏതാണെന്നു പറഞ്ഞാല്‍ മതി"

ആദ്യത്തെ ദിവസം ഞങ്ങളോടു പറഞ്ഞതു നല്ല ഓര്‍മ്മയുള്ളതു കൊണ്ട്‌ അദ്ദേഹം അതിന്‌ സമ്മതിച്ചില്ല. ഇതു തന്നെ പാടും

അങ്ങനെ മൂന്നു നാലു ദിവസം ശ്രമിച്ചിട്ടും ശരിയാകില്ല എന്ന് അദ്ദേത്തിനു മനസ്സിലായില്ല. ബാക്കി എല്ലാവര്‍ക്കും മനസിലായി താനും.

അപ്പോള്‍ ഞങ്ങള്‍ പതിയെ പറഞ്ഞു "സാര്‍, സാര്‍ ഏതായാലും ഈ പാട്ടു കൂടി ഒന്നു നോക്കിയേ ലീലാതിലകം ചാര്‍ത്തീ" ഒരാള്‍ക്കു രണ്ടു പാട്ടു വേണമെങ്കിലും പാടാമല്ലൊ
ആകാശനീലിമ ഒഴിവാക്കാന്‍ സമ്മതിക്കുന്നില്ലെങ്കില്‍ അതിനു കൂവല്‍ കിട്ടിയാലും ഒരെണ്ണം നന്നായിരിക്കുമല്ലൊ, എന്നു കരുതി.

വാശി കളയാന്‍ തയ്യാറല്ലാതിരുന്നതു കൊണ്ട്‌ നല്ല കൂവല്‍ വാങ്ങി അദ്ദേഹം ആകാശനീലിമയും കയ്യടി വാങ്ങിക്കൊണ്ട്‌ ലീലാതിലകവും അന്നു പാടി.

നാടക പാട്ടിന്റെ കഥ അടുത്തതില്‍

വണ്ടിപുരാണം മൂന്ന്

2011-07-30T19:16:00.000-07:00

അങ്ങനെ വണ്ടി ഏലൂര്‍ ഇരുന്ന്‌ എനിക്കു വേണ്ടി പ്രാര്‍ത്ഥിച്ചു. ഞാന്‍ വണ്ടാനത്തിരുന്നു വണ്ടിയ്ക്കു വേണ്ടിയും ചേട്ടനു വേണ്ടിയും പ്രാര്‍ത്ഥിച്ചു.

ചേട്ടന്‍ അനാവശ്യമായി വണ്ടിയോട്‌ അടൂക്കാഞ്ഞതിനാല്‍ അത്‌ അവിടെ സ്വസ്ഥമായീരുന്നെ ഉള്ളു. കൊല്ലങ്ങള്‍ കഴിഞ്ഞു.
ഞാന്‍ എര്‍ണാകുളം ജനറലാശുപത്രിയില്‍ ഹൗസ്‌ സര്‍ജന്‍സി ചെയ്യാന്‍ തീരുമാനിച്ചു
താമസം കാക്കനാട്ട്‌ ക്വാര്‍ട്ടേര്‍സില്‍
പ്രതിമാസ വരവു രൂപ 500

ഭാര്യയും ഒരു കുട്ടിയും അടക്കം ഞങ്ങള്‍ മൂന്നു അംഗങ്ങള്‍
വീണ്ടും പ്രശ്നങ്ങള്‍

ജീവിച്ചു പോകണം എങ്കില്‍ പൈസ വേണം അപ്പോള്‍ അടൂത്തെവിടെ എങ്കിലും ഉള്ള ആശുപത്രിയില്‍ പാര്‍ട്ട്‌ ടൈം പണി ചെയ്യണം

മറ്റു വാഹനങ്ങളെ ആശ്രയിച്ചു അപ്പണി നടക്കില്ല . കാരണം സമയ ക്ലിപ്തത ഇല്ലെങ്കില്‍ രണ്ടും കൂടി നടക്കില്ല അതു തന്നെ

അങ്ങനെ ഒരു തീരുമാനത്തിലെത്തി . ബൈക്‌ വീണ്ടും പുനരുജ്ജീവിപ്പിക്കുക.

ഒരു തരത്തില്‍ അതു മുവാറ്റുപുഴ എത്തിച്ചു.

എന്റെ ഭാര്യവീടും അവിടെ തന്നെ.

പരിചയ്ക്കാരോട്‌ ചോദിച്ച്‌ ഏറ്റവും നല്ല വര്‍ക്‌ഷോപ്പ്‌ (!!!!) കണ്ടു പിടിച്ചു.
കാലക്കേടിന്റെ ആശാന്‍ അവിടെ ആയിരുന്നു അന്ന് താമസം.

അദ്ദേഹം പറഞ്ഞു ഞാന്‍ ജാവയുടെ മര്‍മ്മം അറിഞ്ഞവന്‍ ആണ്‌. ഇതിനെ കുട്ടപ്പനാക്കി തരുന്നതായിരിക്കും .
അപ്പൊ ചെലവോ?

ഒരു 1000 രൂപ വരും

സന്തോഷം

1000 രൂപ കടം വാങ്ങി കയ്യോടെ കൊടൂത്തു . വണ്ടി എത്രയും പെട്ടെന്നു വേണം

അദ്ദേഹം വണ്ടി അഴിച്ചു.

ഓരോ അവധിയ്ക്കു ചെല്ലുമ്പോഴും ഓരോ പുതിയ കാരണങ്ങള്‍ പറഞ്ഞു പറഞ്ഞ്‌ എന്തിന്‌ 3500 രൂപ എന്നെ കൊണ്ട്‌ ചെലവാക്കിച്ചു . വണ്ടി തന്നു .

ഇത്‌ അവന്മാരുടെ ഒരു പ്രത്യേക്ക ടെക്നിക്‌ -- ആദ്യമെ കൂടൂതല്‍ കാശു പറഞ്ഞാല്‍ വണ്ടി പണീയാന്‍ കൊടൂത്തില്ലെങ്കിലൊ? അതുകൊണ്ട്‌ കുറച്ചു പറഞ്ഞ്‌ ആളെ വീഴ്തും പിന്നെ അഴിച്ചിട്ട വണ്ടി ഇറക്കുക എന്നുള്ളത്‌ ഉടമസ്ഥന്റെ ആവശ്യമല്ലെ അത്‌ അവന്‍ എങ്ങനെ എങ്കിലും നടത്തും എന്നവര്‍ക്കരിയാം
Note the point ഇനി വണ്ടി പണിയാന്‍ കൊടുക്കുന്നവര്‍ സൂക്ഷിക്കുക

"കണ്ടാലോ സുന്ദരന്‍ എന്റെ മാരന്‍" എന്നു പറഞ്ഞതു പോലെ

കണ്ടാലോ സുന്ദരന്‍ എന്റെ വണ്ടി.

അന്ന് അത്‌ ഭാര്യ വീട്ടില്‍ കൊണ്ടു വച്ച്‌ വര്‍ത്തമാനം പറഞ്ഞിരിക്കുന്ന കൂട്ടത്തിലാണ്‌ ഞാന്‍ ആദ്യം പറഞ്ഞ ആള്‍ ഭാര്യയുടെ ചിറ്റപ്പന്‍ - ജാവ ഉണ്ടായിരുന്ന കക്ഷി- അവിടെ വരുന്നത്‌

ഈ വണ്ടിയുടെ ഒരു - ആ ഇരിപ്പും ആ ശാലീനതയും ആ കുലീനതയും ഒക്കെ കൂടീ കണ്ടപ്പോള്‍ ചിട്ടപ്പന്‍ വീണു പോയി. അദ്ദേഹം പറഞ്ഞു

"പണിക്കരെ ഇന്നു ഞാന്‍ ഈ വണ്ടി കൊണ്ടു പോകുകയാ"

അദ്ദേഹം രാമപുരത്താണ്‌ താമസം

വണ്ടിയുമായി അദ്ദേഹം പോയി അണ്ടി കളഞ്ഞ അണ്ണാനെ പോലെ ഞാന്‍ അവിടെ ഇരുന്നു സാരമില്ല നാളെ കാലത്തു കൊണ്ടു തരുമല്ലൊ എനിക്കു നാളെ മതി വണ്ടി.

പിറ്റേ ദിവസം കാലത്തു കാണാത്തതിനാല്‍ ഫോണ്‍ ചെയ്തു.

അപ്പോള്‍ ചിറ്റപ്പന്‍ പറഞ്ഞു വഴിയില്‍ വണ്ടി കേടായി ഞാന്‍ ഒന്നു വീണു വണ്ടി വര്‍ക്‌ ഷോപ്പില്‍ ആണ്‌

ദാ കിടക്കുന്നു

ആ വണ്ടി വീണ്ടും ഒരു മാസം ആ വര്‍ക്‌ഷോപ്പില്‍ കിടന്നു.

കടം വാങ്ങിയ 3500 രൂപയും കൂടി പോയി കിട്ടി, വണ്ടി ഇല്ല താനും. എനിക്കൊരു മാതിരി ഭ്രാന്തു പിടിക്കുന്നതുപോലെ

വണ്ടിപുരാണം തുടര്‍ച്ച 2

2011-07-25T04:50:00.001-07:00

അങ്ങനെ കാലത്തു നാലു മണിയ്ക്കു ഞങ്ങള്‍ ഹരിപ്പാടു നിന്നും പുറപ്പെട്ടു. അന്നു തോട്ടപ്പള്ളി മുതല്‍ കരുവാറ്റ വഴിയമ്പലം വരെ ഉള്ള റോഡ്‌ നന്നാക്കുന്നതു കാരണം ആകെ ചളിപുളി ആയി കിടക്കുന്നു. കുണ്ടും കുഴിയും തന്നെ.

അവിടമെല്ലാം കഴിഞ്ഞ്‌ ഞങ്ങളുടെ വണ്ടാനം അടുത്തപ്പോള്‍ വീണ്ടും ദാ വണ്ടി പാളുന്നു ശീ ശീ നിന്നു. പിന്നിലത്തെ ടയറില്‍ കാറ്റു ശുംഭം

സമയം നാലര കഴിഞ്ഞെ ഉള്ളു. അവിടം എനിക്കറിയാവുന്ന സ്ഥലം ആയതു കൊണ്ട്‌ വണ്ടിയും ഉരുട്ടി അടുത്തുള്ള ഒരു ഐസ്‌ ഫാക്റ്ററിയില്‍ എത്തി. ഒരരികില്‍ വച്ച്‌ പതിയെ വീല്‍ അഴിച്ചു.

ഇനി അതും കൊണ്ട്‌ അമ്പലപ്പുഴ എത്തണം. അതിന്‍ ഒരു സൈക്കിള്‍ വേണം

ഐസ്‌ ഫാക്റ്ററികാരന്‍ അതിനടുത്തുള്ള ഒരു മാടക്കട പറഞ്ഞു തന്നു. അദ്ദേഹം ഇപ്പോള്‍ ഉണര്‍ന്നിട്ടുണ്ടാകും, കടപ്പുറമല്ലെ ഐസ്‌ എടുക്കാന്‍ വരുന്നവര്‍ക്കു വേണ്ട സാധനങ്ങള്‍ അപ്പൊഴെ കച്ചവടം തുടങ്ങിയിരിക്കും. അദ്ദേഹത്തിന്റെ പക്കല്‍ വാടകയ്ക്കു കൊടുക്കുന്ന സൈക്കിള്‍ കിട്ടും

അദ്ദേഹത്തിനടുത്തെത്തി. സൈക്കിള്‍ കിട്ടി അതില്‍ വീലും പിടിച്ചു ഞങ്ങള്‍ രണ്ടു പേരും കൂടി അമ്പലപ്പുഴ എത്തി അവിടെ ഉള്ള ഒരു ചെറിയ കടയില്‍ പഞ്ചര്‍ ഒട്ടിച്ചു.

അപ്പൊഴാണ്‌ ഒരു ഐഡിയ

an idea can change your life എന്നല്ലെ

ഒട്ടിച്ച ട്യൂബ്‌ മാറ്റി പകരം പുതിയ ഒരെണ്ണം വാങ്ങി ഇട്ടാലൊ. ഇവനും വഴിയില്‍ ചതിച്ചാല്‍?

അതു തന്നെ ആ കടക്കാരനോടു അന്വേഷിച്ചു പുതിയ ട്യൂബ്‌ എവിടെ കിട്ടും?

അടൂത്തുള്ള പെട്രോള്‍ ബങ്കില്‍ കിട്ടും , അവിടെക്കു പോയി

പുതിയ റ്റ്യൂബ്‌ ടയറില്‍ ഇട്ടു, പഴയത്‌ ഒരു സ്റ്റെപ്പിനി ആയി സൂക്ഷിച്ചു.

വീണ്ടും സൈക്കിളില്‍ ഐസ്‌ ഫാക്റ്ററിയിലെത്തി.

വീല്‍ പിടിപ്പിച്ചു. വീണ്ടും യാത്ര ആയി.

ആലപ്പുഴ ഇരിമ്പു പാലം കഴിഞ്ഞു അല്‍പം പോയപ്പോഴാണ്‌ ചേട്ടനൊരു സംശയം
എടാ നീ ആ സൈക്കിള്‍ തിരികെ കൊണ്ടു കൊടുത്തോ

ഇല്ല ചേട്ടന്‍ കൊണ്ടു കൊടുത്തൊ?

ഇല്ല

ദൈവമെ.

വണ്ടി തിരികെ വിട്ടു വീണ്ടും ഐസ്‌ ഫാക്റ്ററിയില്‍ എത്തി.

അവിടെ എവിടെ കാണാന്‍ സൈക്കിള്‍.

ഫാക്റ്ററിക്കാരനോട്‌ അന്വേഷിച്ചു.
മെഡിക്കല്‍ കോളേജില്‍ പഠിക്കുന്നവനാണെന്നറിയാമായിരുന്നതു കൊണ്ടോ അയാളുടെ നല്ല സ്വഭാവം കാരണമൊ അയാല്‍ ആ സൈക്കിള്‍ കടക്കാരനു കൊടുത്ത വിവരം മാത്രമെ പറഞ്ഞുള്ളു

ഒരു പൂരപ്പാട്ടു കേള്‍ക്കുവാന്‍ തയ്യാറായിരുന്നു ഞങ്ങള്‍ രണ്ടു പേരും

തിരികെ മാടക്കടക്കാരനെ കണ്ടു ക്ഷമ പറയാതെ പോകുന്നതു ശരിയല്ല എന്നു തോന്നിയതു കൊണ്ട്‌ അവിടെ ചെന്നു.

അയാളും വളരെ മാന്യമായി തന്നെ പെരുമാറി. സൈക്കിള്‍ വാടകയ്ക്കൊപ്പം ഒരു പത്തു രൂപ കൂടി പ്രായശ്ചിത്തമായി നല്‍കിയിട്ട്‌ വീണ്ടും യാത്ര.

8 മണിയ്ക്കു ജോലിയില്‍ കയറേണ്ടതാണ്‌ ചേട്ടന്‌.
പക്ഷെ ഈ പ്രകടനങ്ങള്‍ ഒക്കെ കഴിഞ്ഞപ്പോള്‍ തന്നെ മണി 8 ആയി. ഞങ്ങള്‍ എത്തിയത്‌ ആലപ്പുഴ വരെയും

അവിടെ നിന്നും നല്ല റോഡ്‌.

ആലപ്പുഴ ടൗണ്‍ വിട്ടു കലവൂര്‍ എത്തി.
അപ്പോള്‍ ചേട്ടന്‍ ചോദിച്ചു. ഇനി ഞാന്‍ ഒന്ന്‌ ഓടിക്കട്ടെ ഒരു പരിചയവും ആകുമല്ലൊ

ചേട്ടനും പണ്ട്‌ സ്കൂട്ടര്‍ ഓടിച്ച പരിചയമെ ഉള്ളു

അങ്ങനെ ഡ്രൈവര്‍ മാറി ചേട്ടന്‍ ഡ്രൈവറായി ഞാന്‍ പിന്നിലിരുന്നു.

സുഖകരമായി വണ്ടി പോകുന്നു.
ചേര്‍ത്തല ബൈപാസ്‌ എത്തി.

ക്രമേണ എന്നിലെ ഗുരു ഉണര്‍ന്നു. ചേട്ടനെ പഠിപ്പിക്കുവാന്‍ തുടങ്ങി

പഞ്ചറായാല്‍ വണ്ടി പാളും , പക്ഷെ പേടിക്കരുത്‌ പേടിച്ചാല്‍ വീഴും ഇല്ലെങ്കില്‍ തനിയെ വേഗത കുറയുമ്പോള്‍ കാലു കുത്താന്‍ പാകം നോക്കിയാല്‍ മാത്രം മതി എന്നെല്ലാം ക്ലാസെടുത്തു കൊണ്ടിരിക്കുന്നു.

ചേട്ടന്‍ എല്ലാം മൂളിക്കേട്ടു തലകുലുക്കുന്നു
പിന്നെ എന്താണുണ്ടായതെന്നു ഇപ്പോഴും വലിയ പിടുത്തമൊന്നും ഇല്ല. പക്ഷെ പിന്നെ ഉള്ള ഓര്‍മ്മ ഞാന്‍ റോഡിന്റെ ഒരരികില്‍ കിടക്കുന്നു ചേട്ടന്‍ മറ്റൊരിടത്തു കിടക്കുന്നു വണ്ടി ഇനിയും ഒരിടത്തു കിടക്കുന്നു.

വേഗത അധികം ഇല്ലാതിരുന്നതു കൊണ്ട്‌ ശരീരത്തിനു കേടുപാടൂകളൊന്നും സംഭവിച്ചില്ല.

മുന്നില്‍ നിന്നൊ പിന്നില്‍ നിന്നൊ മറ്റു വാഹനങ്ങള്‍ ഒന്നും വരാതിരുന്നതു കൊണ്ട്‌ ജീവനും അപകടമൊന്നും സംഭവിച്ചില്ല.

വണ്ടി പൊക്കി എടുത്ത്‌ നോക്കി . പിന്നെയും പഞ്ചര്‍.

പുതിയ റ്റ്യൂബ്‌ അതും പഞ്ചര്‍.

ചേര്‍ത്തല ബൈപാസ്‌ 82 ല്‍ ഓര്‍ത്തു നോക്കിയേ, ആഭാഗത്തെങ്ങുമൊരു കുന്തവും ഇല്ല. നല്ല വെയിലും.

വീല്‍ അഴിച്ചു വച്ചിട്ട്‌ ഓടൊ നോക്കി നിന്നു.

കുറെ നേറം കഴിഞ്ഞപ്പോള്‍ ഒരെണ്ണം കിട്ടി അതില്‍ ചേര്‍ത്തല ടൗണിലെത്തി.
വീണ്ടും പന്ഴര്‍ ഒട്ടിച്ചു. പഴയ റ്റ്യൂബ്‌ തിരികെ ഇട്ടു.

അടുത്ത ഓടൊയില്‍ ബൈക്കിനടൂത്തെത്തി.

അത്‌ ഇട്ടു കഴിഞ്ഞ്‌ പക്ഷെ ചേട്ടനും ഓടിക്കണം എന്നുള്ള താല്‍പര്യം നഷ്ടപ്പെട്ടിരുന്നു.

വിജയകരമായ യാത്ര പൂര്‍ത്തിയാക്കി വൈകുന്നേരം 4 മണീയ്ക്ക്‌ ഞങ്ങള്‍ ചേട്ടന്റെ Quarters ല്‍ എഹ്തിയപ്പോള്‍ ചേട്ടത്തിയമ്മയ്ക്കൊരു സംശയം ഇതെന്താ കാലത്തു വരുമെന്നു പറഞ്ഞിട്ട്‌ ഇത്ര താമസിച്ചെ

ഹേയ്‌ ഞങ്ങള്‍ അങ്ങനെ ആസ്വദിച്ചു വരികയല്ലായിരുന്നൊ.

പക്ഷെ എന്റെ പാന്റിന്റെ ഒരു ഭാഗം എന്താ കീറിയത്‌ എന്നതിനു മാത്രം ഉത്തരം അതായിരുന്നില്ല

പിന്നെ കുറെ നാളത്തേയ്ക്ക്‌ ആ വണ്ടി ചേട്ടന്റെ ക്വാര്‍ട്ടടിലിരുന്ന് എനിക്കു പൈസ
ഉണ്ടാകുകയായിരുന്നു - എന്തിനാ പിന്നീട്ട്‌ ഒന്നിച്ചു വിഴുങ്ങാന്‍
അക്കഥ അടുത്തതില്‍

വണ്ടിപുരാണം തുടര്‍ച്ച ഒന്ന്‌

2011-07-22T09:37:00.001-07:00

എഞ്ചിന്‍ പണി കഴിഞ്ഞിറക്കിയ വണ്ടി കണ്ടാല്‍ സുന്ദരന്‍.
പക്ഷെ ഓട്ടത്തില്‍ നിന്നു പോകും. അതൊരു പതിവായി. ഒരിക്കലും സമയത്ത്‌ എത്തിച്ചേരേണ്ടിടത്ത്‌ എത്തുകയില്ല.

അതോടൊപ്പം മറ്റൊരു കുഴപ്പം കൂടി കാണിച്ചു തുടങ്ങി.

ഒരു ദിവസം തിരികെ വരുന്ന വഴി റോഡിനു നടൂവില്‍ വച്ച്‌ സര്‍ക്കസ്‌ കളിക്കുന്നതു പോലെ ഒരു ഡാന്‍സ്‌. പാളിപ്പാളി ഒടുവില്‍ നിന്നു. വീണില്ല ദൈവാധീനം. തല്‍ക്കാലം രണ്ടു വശത്തു നിന്നും മറ്റു വണ്ടികളൊന്നും വരാഞ്ഞതു കൊണ്ട്‌ NH 47 ല്‍ വച്ച്‌ രക്ഷപെട്ടു എന്നുതന്നെ പറയാം

നോക്കിയപ്പോള്‍ പിന്നിലത്തെ ടയര്‍ പഞ്ചര്‍.

അവിടെ നിന്നും അഞ്ചു കിലോമീറ്റര്‍ ദൂരത്ത്‌ ഒരു സൈക്കിളില്‍ പോയി ആളെ വിളിച്ചു കൊണ്ടു വന്ന് ശരിയാക്കി എടൂത്തു. സാധാരണ ആണികയറിയാലാണ്‌ പെട്ടെന്നു കാറ്റു പോകുക. ഇതില്‍ എത്ര നോക്കിയിട്ടും ആണിയുടെ ലക്ഷണമൊന്നും ഇല്ല.

അങ്ങനെ സമാധാനമായി പോകുന്ന കാലം. സമാധാനം എന്നു പറഞ്ഞാല്‍ എന്നെടുത്താലും വണ്ടി ഒന്നുകില്‍ വഴിയില്‍ പഞ്ചര്‍ ആകും അല്ലാത്ത ദിവസം എഞ്ചിന്‍ നിന്നു പോകും പിന്നെ ഒരു അര മണിക്കൂര്‍ അതും ഇതും ഒക്കെ ചെയ്തു തന്നെ സ്റ്റാര്‍ട്ടാകും.

അതോടു കൂടി വണ്ടിയുടെ പെട്ടിയില്‍ ചക്രം അഴിക്കാനുള്ള ടൂള്‍സ്‌ കൂടി ഞാന്‍ കരുതാന്‍ തുടങ്ങി.

വെറുതെ രണ്ടു തവണ വര്‍ക്‌ ഷോപ്പുകാരനെ ബുദ്ധിമുട്ടിക്കേണ്ടല്ലൊ. എവിടെ വച്ചു പഞ്ചറകുന്നുവോ അവിടെ നിന്നും ചക്രം അഴിക്കുക അടുത്ത കടയില്‍ നിനും സൈക്കിള്‍ എടൂത്ത്‌ അതും, കൊണ്ട്‌ വര്‍ക്‌ ഷോപ്പ്‌ അന്വേഷിക്കുക

ആഹാ എന്തു സുന്ദര ജീവിതം അല്ലെ

അതെ ഞാന്‍ അങ്ങനെ ഒരുപാട്‌ സുഖിച്ചു

അങ്ങനെ ഇരിക്കുമ്പോള്‍ ആ വണ്ടിയുടെ ആദ്യത്തെ ഉടാസ്ഥന്‍ തിരികെ ആല്ലപ്പുഴയില്‍ സ്ഥലം മാറ്റം കിട്ടി എത്തി.

വന്നതിന്റെ അടുത്ത ദിവസം അയാള്‍ എന്നെ കാണാന്‍ വന്നു.

ആ വണ്ടി അയാള്‍ക്കു തിരികെ കൊടുക്കുന്നോ എന്നറിയാന്‍. ഞാന്‍ കൊടൂത്ത വില തന്നേക്കാം എന്നും.

പാവം അയാള്‍ക്കുണ്ടോ വണ്ടിയുടെ അപ്പൊഴത്തെ സ്ഥിതി വല്ലതും അറിയുന്നു.

ഞാന്‍ പറഞ്ഞു
"ഹേയ്‌ ഞാന്‍ ആ വണ്ടി പണിതു കുട്ടപ്പനാക്കി."

അപ്പോള്‍ അയാള്‍ അതിനു ചെലവായ തുക പറഞ്ഞാല്‍ മതി അതും തരാം എന്നായി

അയാളെ അറിഞ്ഞു കൊണ്ട്‌ പറ്റിക്കുവാന്‍ എനിക്കിഷ്ടമായിരുന്നില്ല അതു കൊണ്ട്‌ ഞാന്‍ പറഞ്ഞു "ഇല്ല ഞാന്‍ ആ വണ്ടി വില്‍ക്കുന്നില്ല"

അയാള്‍ എന്തു വിചാരിച്ചൊ എന്തൊ തിരികെ പോയി.

ഏതായാലും അതോടു കൂടി ഒരു കാര്യം ഉറപ്പായി

ജീവിക്കാന്‍ നാലു ചക്രം ഉണ്ടാക്കാന്‍ ഒരു വഴി ആകുമല്ലൊ എന്നു കരുതി ആണ്‌ ഈ പൊല്ലാപ്പ്‌ എടുത്തു തലയില്‍ വച്ചത്‌. ആ പണി ഏതായലും നടക്കില്ല.

ഇനി എന്തു ചെയ്യും കയ്യിലിരുന്നതല്ല കഷ്ടപ്പെട്ട്‌ കടം വാങ്ങിയുണ്ടാക്കിയ കാശും പോയിക്കിട്ടി.

അക്കാലത്ത്‌ എന്റെ ഒരു ചേട്ടന്‌ ജോലിയില്‍ ചെറിയ ഉയര്‍ച്ച ഉണ്ടായി. ഒരു ഇരുകാലിവണ്ടിക്കുള്ള അലവന്‍സ്‌ കിട്ടാന്‍ അര്‍ഹത ആയി.

ഞങ്ങള്‍ ആലോചിച്ചു.

ഈ വണ്ടി ചേട്ടന്റെ പേരിലാക്കി അവിടെ വയ്ക്കാം. അപ്പോള്‍ മാസം തോറും 200 രൂപ കിട്ടുമല്ലൊ. അത്‌ എനിക്കു തരാം എന്നു ചേട്ടന്‍. (നന്ദിയോടു കൂടി ഓര്‍ക്കട്ടെ - അദ്ദേഹം ഇല്ലായിരുന്നു എങ്കില്‍ ഈ ഞാനൊന്നും ഒന്നും ആകില്ലായിരുന്നു- ഈ വണ്ടി കൊടൂക്കാത്തപ്പോഴും അദ്ദേഹം മാസാമാസം തരുമായിരുന്ന രൂപ കൊണ്ടാണ്‌ അതു വരെ എത്തിയതും)

ചേട്ടന്‍ FACT യില്‍ ആണ്‌ ജോലി ചെയ്യുന്നത്‌.

അദ്ദേഹം അവധിക്കു വന്നിട്ട്‌ പോകുമ്പോള്‍ ആ വണ്ടിയില്‍ പോകാം എന്നും അതവിടെ എത്തിച്ചിട്ട്‌ ഞാന്‍ തിരികെ പോരാം എന്നും പ്ലാനിട്ടു - കാരണം പഴയതു തന്നെ ചേട്ടന്‍ ജാവ ഓടിക്കാന്‍ അറിയില്ല സ്കൂട്ടറെ ഓടിച്ചിട്ടുള്ളു.

അങ്ങനെ ഒരു ദിവസം കാലത്ത്‌ നാലു മണിക്ക്‌ ഞങ്ങള്‍ ഹരിപ്പാടു നിന്നും യാത്ര തിരിച്ചു . 8 മണിക്ക്‌ കമ്പനിയില്‍ ഡ്യൂട്ടിയ്ക്കെത്താനുള്ള യാത്ര

അതൊരു ഒന്നൊന്നര യാത്ര ആയിരുന്നു അത്‌ അടുത്തതില്‍

വണ്ടിപുരാണം

2011-07-21T04:35:00.000-07:00

മനോജ്‌ വണ്ടി വാങ്ങാന്‍ ഉപദേശം കൊടുത്ത പോസ്റ്റ്‌ ഇട്ടതു കണ്ടില്ലേ?

അതു വായിച്ചപ്പോള്‍ തോന്നിയതാണ്‌ എന്റെ അനുഭവം ഒന്ന് എഴുതാം എന്ന്

ഇതെന്റെ സ്വന്തം അനുഭവം ഒരു തുള്ളി വെള്ളം പോലും ചേര്‍ക്കാതെ.

ഹരിപ്പാട്ട്‌ താമസം വണ്ടാനം വരെ പോയി വരണം ദിവസവും. കുടുംബം പോറ്റാന്‍ വരുമാനം വേണം എങ്കില്‍ വീടിനടുത്ത്‌ ഒരു ചെറിയ ചികില്‍സാസ്ഥാപനം നടത്തണം.

അതുണ്ടായാലും സര്‍ക്കാരിന്റെ ആനവണ്ടിയില്‍ യാത്ര തുടരുന്നിടത്തോളം കാലം പ്രവര്‍ത്തനം അസാധ്യം

അറിയാമല്ലൊ ഞങ്ങളുടെ ദിനചര്യ

കാലത്ത്‌ ആറര മണിക്കെങ്കിലും വീട്ടില്‍ നിന്നും പുറപ്പെടണം. ബസ്‌ സ്റ്റാന്‍ഡില്‍ എത്തിയാല്‍ എങ്ങനെ എങ്കിലും ഒരു ബസ്‌ കിട്ടും അതില്‍ 8 മണിയാകുമ്പോഴേക്കും വണ്ടാനത്ത്‌ എത്താം

പക്ഷെ തിരികെ വരവ്‌ ആണ്‌ പ്രശ്നം

നാലു മണിക്ക്‌ റോഡില്‍ ഇറങ്ങി നില്‍ക്കും.

മെഡിക്കല്‍ കോളേജിനു മുന്നിലുള്ള ഏകദേശം അര കിലോമീറ്റര്‍ നീളം റോഡിന്റെ വടക്കു മുതല്‍ തെക്കു വരെയും പിന്നെ തെക്കു മുതല്‍ വടക്കു വരെയും ഓരോ ബസ്‌ വരുമ്പോഴും ഓടുക എന്നതാണ്‌ പിന്നെ ഏഴു മണി വരെ ജോലി.

എന്താ ഒരു ആരോഗ്യം അതൊരു കാലമായിരുന്നെ? നമ്മുടെ സര്‍ക്കാരിനു നമ്മുടെ ആരോഗ്യത്തില്‍ അതീവ ശ്രദ്ധയുണ്ടായിരുന്നെന്നു അന്ന് അറിയില്ലായിരുന്നു ഇപ്പൊഴല്ലെ പിടി കിട്ടിയത്‌

അങ്ങനെ എപ്പൊഴെങ്കിലും ഒരു ബസ്‌ കിട്ടും എട്ടു മണിയോടു കൂടി വീട്ടിലെത്തും

പിന്നെ എവിടെ ചികില്‍സാ സമയം

അതു കൊണ്ട്‌ ഒരു ഇരുകാലി വാങ്ങണം എന്നു തീരുമാനിച്ചു.

പുതിയതു വാങ്ങാനുള്ള നിവൃത്തി ഇല്ലാത്തതു കൊണ്ട്‌ ഒരു പഴയവനെ തപ്പി.

ഒരു തരത്തില്‍ ഒരു സുഹൃത്ത്‌ 64 മോഡല്‍ ജാവ സംഘടിപ്പിച്ചു.

അതിന്റെ ഉടമസ്ഥന്‍ സ്ഥലം മാറ്റം കിട്ടി ആലപ്പുഴയില്‍ നിന്നും പാലക്കാടിനു പോകുന്നു. അതുകാരണം ആണ്‌ വില്‍ക്കുന്നത്‌.

കണ്ടാല്‍ ഭംഗിയൊന്നും ഇല്ല. വാഹനത്തിന്റെ ആദ്യ ഉടമസ്ഥന്‍ അദ്ദേഹം തന്നെ. അതു തുടയ്ക്കുന്ന തരം വൃത്തികെട്ട സ്വഭാവം ഒന്നും അദ്ദേഹത്തിനില്ലായിരുന്നു.

തുരുമ്പിച്ച്‌ പിന്നിലത്തെ മഡ്ഗാര്‍ഡ്‌ പകുതിയെ ഉള്ളു. മറ്റു പലയിടവും അപ്പോള്‍ എങ്ങനെ ആയിരുന്നിരിക്കും എന്നൂഹിക്കാമല്ലൊ.

പക്ഷെ പുറമെ നിന്നുള്ള കാഴ്ച്ച പോലെ അല്ല അകം

എഞ്ജിന്‍ പക്കാ കണ്ടിഷന്‍. സുഹൃത്തിനു നേരിട്ടറിയാവുന്ന വണ്ടി.
അന്നു വരെ യാതൊരു പ്രശ്നവും ഉണ്ടാക്കാത്ത വണ്ടി

ഞാന്‍ ഏതായാലും അതു വാങ്ങിക്കുവാന്‍ തന്നെ തീരുമാനിച്ചു.

അതിനു മുന്‍പ്‌ എനിക്ക്‌ ആകെ സ്കൂട്ടര്‍ ഓടിച്ച പരിചയമെ ഉള്ളു. അതും വളരെ കുറച്ച്‌.

അതിനാല്‍ എന്നെ പിന്നില്‍ ഇരുത്തി സുഹൃത്ത്‌ ഓടിച്ച്‌ കോളേജ്‌ കാമ്പസില്‍ എത്തിച്ചു.

ഒരു ദിവസം അവിടെ വച്ച്‌ ഞാന്‍ ഒന്ന് ഓടിച്ചു . ഇനി വൈകുന്നേരം അത്‌ ഹരിപ്പാട്ടെത്തിക്കണം.

എനിക്കു ലൈസന്‍സ്‌ ഇല്ല.
എന്തു ചെയ്യും?
ഒരു കൂട്ടുകാരനെ തപ്പി. അയാള്‍ക്കു ലൈസന്‍സ്‌ ഉണ്ട്‌ പക്ഷെ ഓടിക്കാന്‍ അറിയില്ല.

സന്തോഷം

അയാളെ തന്നെ പിടികൂടി . നീ പോരെ, പിന്നില്‍ ഇരുന്നാല്‍ മതി ഞാന്‍ ഓടിച്ചോളാം.

ഒരു എല്ലും ഒക്കെ വച്ച്‌ പോയാല്‍ മതിയല്ലൊ പോലീസ്‌ പിടിച്ചാലും രക്ഷപ്പെടാം

അങ്ങനെ ഞങ്ങള്‍ യാത്രയായി. അപകടമൊന്നും കൂടാതെ വീട്ടിലെത്തി.

അടുത്ത ദിവസം മുതല്‍ അതില്‍ തന്നെ യാത്രയാക്കാന്‍ തീരുമാനിച്ചു.

കാലത്ത്‌ കുളിച്ചു കുട്ടപ്പനായി വണ്ടിയില്‍ കയറി ഇരുന്നു.

ഒരു ചവിട്ട്‌, രണ്ടു ചവിട്ട്‌, മൂന്നു, നാല്‌

ങേ ഹേ വണ്ടി സ്റ്റാര്‍ട്ടാകാന്‍ ഉള്ള മട്ടൊന്നും ഇല്ല

സ്കൂട്ടര്‍ ചവിട്ടുന്നതു പോലെ ചവിട്ടുന്നതു കണ്ട ഭൈമി കളിയാക്കി
" ഇതെന്തോന്നാ ഈ കാണിക്കുന്നത്‌? പമ്പ്‌ ചെയ്തു ചവിട്ട്‌ അപ്പോള്‍ സ്റ്റാര്‍ട്ടാകും"
അവരുടെ ചിറ്റപ്പന്‌ ജാവ ബൈക്കുണ്ടായിരുന്നു അതു സ്റ്റാര്‍ട്‌ ചെയ്യുന്നതു കണ്ട്‌ പരിചയം ഉണ്ട്‌ പോലും

ഹും എന്നെ പഠിപ്പിക്കാനോ?

ഞാന്‍ ആര്‌

"പൂരുവംശത്തില്‍ പിറന്നു വളര്‍ന്നോരു
പൂരുഷശ്രേഷ്ഠന്‍ വൃകോദരനെന്നൊരു
ധീരനെ കേട്ടറിവില്ലെ നിനക്കെടൊ
വീരനാമദ്ദേഹമിദ്ദേഹമോര്‍ക്ക നീ"

എന്നു പറഞ്ഞതു പോലെ ഞാന്‍ ഞെളിഞ്ഞു നിന്നു പിന്നെയും ഒറ്റ ഒറ്റ ചവിട്ടുകള്‍ പാസാക്കി കൊണ്ടിരുന്നു

അല്‍പനേരം കഴിഞ്ഞപ്പോഴേക്കും ഇട്ടിരുന്ന വേഷമൊക്കെ വിയര്‍പ്പില്‍ നനഞ്ഞ്‌ ഒട്ടി, ശ്വാസം പതുക്കെ കൂടൂതല്‍ കൂടൂതല്‍ തള്ളിത്തുടങ്ങി

എന്നാലും സ്ത്രീകള്‍ പറയുന്നതു അനുസരിക്കാനുള്ള ഒരു മടി. അല്ല അവര്‍ക്കുണ്ടൊ വിവരം. കൊക്കെത്ര കുളം കണ്ടതാ അല്ലെ

ഞാന്‍ തീരുമാനിച്ചു ഈ വണ്ടി പ്രശ്നക്കാരനാ
അതിന്റെ ഡോക്റ്ററെ തന്നെ കാണാം

ഒരു സൈക്കിളും എടുത്ത്‌ വര്‍ക്ക്‌ ഷോപ്പ്‌ നോക്കി യാത്രയായി.

ഹരിപ്പാട്‌ ബസ്‌ സ്റ്റാന്റിനു തെക്കു വശം ഒരു മുരുകന്‍ ഉണ്ടായിരുന്നു അന്ന്

അവിടെ എത്തി

പ്രശ്നം അവതരിപ്പിച്ചു.
അവനെയും കൂട്ടി വീട്ടിലെത്തി

എത്തിയ ഉടന്‍ തന്നെ അദ്ദേഹം വണ്ടിയുടെ കാര്‍ബൊറേറ്റര്‍ അഴിച്ചു

കൂട്ടത്തില്‍ എനിക്കു വണ്ടിയെ കുറിച്ചു കുറെ ഏറെ ഉപദേശങ്ങളും തന്ന്‌ ഒപ്പം കാര്‍ബൊറേറ്റര്‍ വൃത്തിയാകി തിരികെ പിടിപ്പിച്ചു.

പമ്പ്‌ ചെയ്തു സ്റ്റാര്‍ട്ടാക്കി കയ്യില്‍ തന്നു

ഭാര്യയെ നോക്കി ഇപ്പൊ കണ്ടോടീ എന്നൊരു ആക്കിയ ചിരിയും ചിരിച്ചിട്ട്‌ ഞാന്‍ യാത്രയായി

അടുത്ത ദിവസവും കാലത്ത്‌ ഇതു തന്നെ വണ്ടി എന്തു ചെയ്താല്‍ സ്റ്റാര്‍ട്ടാവില്ല.
അപ്പൊഴും ഭാര്യ ഉപദേശിച്ചു ചേട്ടാ പമ്പ്‌ ചെയ്തു അടിക്കൂ --

എവിടെ ഞാന്‍ വീണ്ടും വര്‍ക്‌ ഷോപ്പിലേക്ക്‌

വീണ്ടും പയ്യന്‍ വന്നു കാര്‍ബൊറേറ്റര്‍ അഴിച്ചു ഉപദേശിച്ചു

ഇത്തവണ ഉപദേശം അല്‍പം കൂടി നീണ്ടു "സാറെ വണ്ടിയുടെ എഞ്ചിന്‍ പണിയാറായി അതാ"

അതു ശരി അതാ കാരണം
ഏതായാലും ഇപ്പൊ വേണ്ടാ കാശുണ്ടാകട്ടെ. ഞാനും വിചാരിച്ചു.

ഞാന്‍ എന്തു പൊട്ടനാ

കാലത്തു കൊണ്ടുപോയാല്‍ വൈകുന്നേരം തിരികെ എടുക്കുമ്പോഴും ഒരു പ്രശ്നവും ഇല്ല, ഓട്ടത്തിലും ഒരു പ്രശ്നവും ഇല്ല കാലത്തു മാത്രമേ പ്രശ്നമുള്ളു
ഇതൊന്നും ആലോചിക്കാനുള്ള ബുദ്ധി ഭഗവാന്‍ തന്നില്ലല്ലൊ

അതുകൊണ്ട്‌ ഏകദേശം ഒരു മാസത്തോളം ഇപ്പരിപാടി തുടര്‍ന്നപ്പോള്‍ ഞാനും വിശ്വസിച്ചു വണ്ടിയുടെ എഞ്ചിന്‍ പണിയണം.
എങ്ങനെ വിശ്വസിക്കാതിരിക്കും
എല്ലാ ദിവസവും കാര്‍ബൊറേറ്റര്‍ അഴിക്കുന്ന മേസ്തിരി ഉരുവിട്ടു തരുന്നതല്ലെ.

അത്‌ അവന്റെ വയറ്റിപ്പ്പാടിനുള്ള വഴിയാണെന്ന്‌ എന്റെ കൊച്ചു ബുദ്ധിയില്‍ തോന്നിയില്ല. എന്നാല്‍ അത്രയും കാലവും അതൊന്നു പമ്പ്‌ ചെയ്തു അടിക്കാനുള്ള ബുദ്ധി ഉദിച്ചും ഇല്ല. പ്രത്യേകിച്ചും ഭാര്യ പറഞ്ഞ അണി ചെയ്താല്‍ നമ്മുടെ അഭിമാനം ഇടിഞ്ഞു പൊളിഞ്ഞ്‌ വീഴുന്ന ആ വീഴ്ച്ച താങ്ങാന്‍ പറ്റുമൊ?

അങ്ങനെ കുറച്ചു നാള്‍ കൂടി കൊണ്ടു നടന്ന - കാശ്‌ ഒക്കുന്നതു വരെ -- വണ്ടി പണീയാന്‍ കൊടൂത്തു. കൂട്ടത്തില്‍ പറഞ്ഞു അതിന്റെ പൊളിഞ്ഞ സാധനങ്ങള്‍ ഒക്കെ മാറ്റി കുട്ടപ്പനാക്കിയേരെ

അന്ന് 1500 രൂപ മുടിച്ച്‌ അവന്‍ അതു പണിഞ്ഞു.

1982 ല്‍ അഴിച്ചപ്പോള്‍ അതിനകത്തുള്ള ബെയറിംഗ്‌ Made in czeckozlovakia 1964. ഞാന്‍ നോക്കിയിട്ട്‌ അതിന്‌ ഒരു കുഴപ്പവും ഇല്ല. പക്ഷെ അവന്‍ പറഞ്ഞു ഹെയ്‌ സാറെ എഞ്ചിന്‍ അഴിച്ചാല്‍ ബെയറിംഗ്‌ മാറണം. രണ്ട്‌ ബെയറിങ്ങും മാറ്റി. പക്ഷെ പഴയത്‌ അവനു ഞാന്‍ കൊടൂത്തില്ല വീട്ടില്‍ കൊണ്ടു വന്നു ഒന്നുകില്‍ Paper Weight ആയെങ്കിലും ഉപയോഗിക്കാമല്ലൊ.

പഴയ പൊളിഞ്ഞ സാധനം ഒക്കെ മാറ്റി കുട്ടപ്പനാക്കി വണ്ടി തന്നു.
ആഹാ കണ്ടാല്‍ എന്തു ചന്തം

പക്ഷെ ആ വണ്ടി പിന്നീട്‌ ഒരിക്കലും ഓടിച്ച്‌ എനിക്ക്‌ ഉദ്ദേശിച്ച സ്ഥലത്ത്‌ എത്താന്‍ കഴിഞ്ഞിട്ടില്ല എന്നത്‌ ഒരു സത്യം മാത്രം. ( അക്കഥകള്‍ പിന്നെഴുതാം)

അതു വരെ എന്റെ വിവരക്കേടു കൊണ്ട്‌ ചവിട്ടി സ്റ്റാര്‍ട്ടാക്കാന്‍ പറ്റിയില്ല എന്നെ ഉണ്ടായിരുന്നുള്ളൂ. പക്ഷെ ഇതിനു ശേഷം വണ്ടി ഓടത്തില്ല് എന്നെ ഉള്ളു മറ്റൊരു കുഴപ്പവും ഇല്ല

അപ്പൊ പറഞ്ഞു വന്നത്‌ വണ്ടി ഓടിക്കാന്‍ അറിയാവുന്ന സുഹൃത്തുക്കളുടെ വാക്കുകളൊ ഭാര്യയുടെ വാക്കുകളൊ പോലും വളരെ കാര്യമായി ശ്രദ്ധിക്കുക അനുസരിക്കുക

മാല

2011-07-16T01:07:00.000-07:00

വടക്കെ ഇന്ത്യയിലെ സ്ത്രീകള്‍ അണിയുന്ന ഒരു തരം മാല

അതിന്റെ നാണയത്തില്‍ ഉര്‍-ഉദുവില്‍ എന്തൊ എഴുതിയിരിക്കുന്നു എന്നാണ്‌ പറഞ്ഞത്‌ എനിക്കറിയില്ല ഉറുദു അറിയാവുന്നവര്‍ പറയുമായിരിക്കും

ഈ പോസ്റ്റ്‌ കണ്ടില്ലെ?

2011-07-10T01:31:00.000-07:00

ദാ ഈ പോസ്റ്റ്‌ കണ്ടില്ലെ?

Our Great MPs by Pritish Nandy

2011-06-28T05:57:00.000-07:00

Our MPs - A Thought-Provoking Blog By Pritish Nandy.
An Interesting blog by Pritish Nandy

I was an MP not very long ago. I loved those six years. Everyone called me sir, not because of my age but because I was an MP. And even though I never travelled anywhere by train during those years, I reveled in the fact that I could have gone anywhere I liked, on any train, first class with a bogey reserved for my family. Whenever I flew, there were always people around to pick up my baggage, not because I was travelling business class but because I was a MP. And yes, whenever I wrote to any Government officer to help someone in need, it was done. No, not because I was a journalist but because I was an MP.
The job had many perquisites, apart from the tax free wage of Rs 4,000. Then the wages were suddenly quadrupled to Rs 16,000, with office expenses of Rs 20,000 and a constituency allowance of Rs 20,000 thrown in. I could borrow interest free money to buy a car, get my petrol paid, make as many free phone calls as I wanted. My home came free. So did the furniture, the electricity, the water, the gardeners, the plants. There were also allowances to wash curtains and sofa covers and a rather funny allowance of Rs 1,000 per day to attend Parliament, which I always thought was a MP's job in the first place! And, O yes, we also got Rs 1 Crore a year (now enhanced to Rs 2 Crore) to spend on our constituencies. More enterprising MPs enjoyed many more perquisites best left to your imagination. While I was embarrassed at being vastly overpaid for the job I was doing, they kept demanding more.

Today, out of 543 MPs in Lok Sabha, 315 are Crorepatis. That's 60%. 43 out of the 54 newly elected Rajya Sabha MPs are also millionaires. Their average declared assets are over Rs 25 Crore each. That's an awfully wealthy lot of people in whose hands we have vested our destiny. The assets of your average Lok Sabha MP have grown from Rs 1.86 Crore in the last house to Rs 5.33 Crore. That's 200% more. And, as we all know, not all our MPs are known to always declare all their assets. Much of these exist in a colour not recognised by our tax laws. That's fine, I guess. Being a MP gives you certain immunities, not all of them meant to be discussed in a public forum.
If you think it pays to be in the ruling party, you are dead right: 7 out of 10 MPs from the Congress are Crorepatis. The BJP have 5. MPs from some of the smaller parties like SAD, TRS and JD (Secular) are all Crorepatis while the NCP, DMK, RLD, BSP, Shiv Sena, National Conference and Samajwadi Party have more Crorepatis than the 60% average. Only the CPM and the Trinamool, the two Bengal based parties, don't field Crorepatis. The CPM has 1 correlate out of 16 MPs; the Trinamool has 7 out of 19. This shows in the state-wise average. West Bengal and Kerala have few correlate MPs while Punjab and Delhi have only correlate MPs and Haryana narrowly misses out on this distinction with one MP, poor guy, who's not a correlate.

Do MPs become richer in office? Sure they do. Statistics show that the average assets of 304 MPs who contested in 2004 and then re-contested last year grew 300%. And, yes, we're only talking about declared assets here. But then, we can't complain. We are the ones who vote for the rich. Over 33% of those with assets above Rs 5 Crore won the last elections while 99.5% of those with assets below Rs 10 lakhs lost! Apart from West Bengal and the North East, every other state voted for correlate MPs. Haryana grabbed first place with its average MP worth Rs 18 Crore. Andhra is not far behind at 16.

But no, this is not enough for our MPs. It's not enough that they are rich, infinitely richer than those who they represent, and every term makes them even richer. It's not enough that they openly perpetuate their families in power. It's not enough that all their vulgar indulgences and more are paid for by you and me through back breaking taxes. It's not enough that the number of days they actually work in Parliament are barely 60 in a year.
The rest of the time goes in squabbling and ranting. Now they want a 500%pay hike and perquisites quadrupled. The Government, to buy peace, has already agreed to a 300% raise but that's not good enough for our MPs. They want more, much more.

And no, I'm not even mentioning that 150 MPs elected last year have criminal cases against them, with 123 serious, very serious cases ranging from rape to murder. Do you really think these people deserve to earn 104 times what the average Indian does.
God Bless You...India

" Vande Matharam "

ശലഭമല്ല moth

2011-06-22T01:35:00.000-07:00

പുതിയതായി ജന്മം എടുത്തു വന്നതെ ഉള്ളു എങ്ങനെയോ ചിറകിന്റെ ഒരറ്റം മുറിഞ്ഞ്‌ എന്റെ സുഹൃത്തിന്റെ മുന്നിലെത്തി. ശലഭത്തിന്റെ പീന്നാലെ ആണല്ലൊ ഞാന്‍ അതറിയാവുന്നതു കൊണ്ട്‌ എനിക്കു തന്നു സുഹൃത്ത്‌.
ശലഭമല്ല moth ആണ്‌ എന്ന് മറ്റൊരാള്‍ ആ എനിക്കറിയില്ല നിങ്ങള്‍ക്കറിയുമൊ?

പടം വലുതാകും കേട്ടൊ ക്ലിക്കിയാല്‍

പിശുക്കു

2011-06-20T19:00:00.000-07:00

ഇവന്‍ തൊണ്ണൂറാന്‍ സ്റ്റീരിയൊ

ഇവന്‍ അഞ്ഞൂറാന്‍ മോണൊ

പിശുക്കുകാണിക്കുന്നതു കൊള്ളാം, പക്ഷെ ചിലപ്പോള്‍ ഇങ്ങനെ ഇരിക്കും

കണ്ടാല്‍ എന്തു സുന്ദരനായിരുന്നു സ്റ്റീരിയൊ മൈക്‌ വെറും 90 രൂപ മറ്റവനോ മോണോ രൂപ 500

നമുക്ക്‌ തൊണ്ണൂറാന്‍ മതി
കൊണ്ടു വന്നു രണ്ടു തവണ കുത്തിക്കഴിഞ്ഞപ്പോള്‍ ശബ്ദം ഒന്നും കേള്‍ക്കുന്നില്ല

മറ്റേ മൈക്‌ കുത്താന്‍ നോക്കിയിട്ടു അതു ആ തുളയിലേക്കു കയറുന്നുമ്ലില്ല
കണ്ടില്ലെ സുന്ദരന്റെ മുന ഒടിഞ്ഞു അകത്തിരിക്കുകയാണ്‌

ദൈവാധീനം Front Panel ല്‍ മൈക്‌ കുത്താനുള്ള സംവിധാനം ഉണ്ട്‌ അല്ലെങ്കില്‍ മദര്‍ ബോര്‍ഡും കൂടി മാറ്റാമായിരുന്നു എന്തൊരു ലാഭം

മാങ്ങ

2011-06-16T17:23:00.000-07:00

ഈ മാന്തോട്ടത്തില്‍ മാങ്ങ വാങ്ങുവാന്‍ പോയതായിരുന്നു - അവിടെ കണ്ട കാവല്‍ക്കാരനായിരുന്നു മുന്‍പു കണ്ട പട്ടിക്കുട്ടി

12 ഏക്കര്‍ സ്ഥലത്ത്‌ 1200 മാവുകള്‍

ഇടയ്ക്കു കൂടി നടന്നപ്പോള്‍ പുല്ലിനിടയില്‍ പാമ്പു വല്ലതും കാണുമോ എന്നു ഭയന്നു പക്ഷെ ഒന്നും കണ്ടില്ല അതെങ്ങനാ സാക്ഷാല്‍ പരമശിവനല്ലെ നടൂക്ക്‌ ഇരിക്കുന്നത്‌.

ആമ്രഫലി, ഗിരിജ, ദസേറി, അച്ചാര്‍മാങ്ങ, ബൈംഗന്‍ ഫലി, തോത്താഫലി എന്നു തുടങ്ങി ഒരുപാടു പേരുകള്‍ പറഞ്ഞുതന്നു ഓരോന്നും പടം പിടിക്കുമ്പൊ വിചാരിച്ചു ഓര്‍ത്തിരിക്കും എന്ന് ഏതായാലും ഇപ്പോള്‍ പേരു മാത്രം ഇത്രയും ഓര്‍മ്മയുണ്ട്‌.

എല്ലാതരവും കൂട്ടിക്കുഴച്ച്‌ 10 കിലോ 300 രൂപ എന്തായാലെന്താ വിഷം പുരട്ടാത്ത മാങ്ങ തിന്നാമല്ലൊ

നിലം മുട്ടി മാങ്ങകള്‍ കിടക്കുന്നതുകാണുമ്പോള്‍ കൊതി.

മാവിനും ഉയരം അധികം ഇല്ല ഒരാള്‍ക്ക്‌ നിന്നു പറിക്കാവുന്ന അത്ര ഉയരമെ ഉള്ളു.

വിളവെടുപ്പ്‌ മിക്കവാറും കഴിഞ്ഞ ഘട്ടമാണ്‌ ഇത്‌.
ഇനി ഒരു ഒന്നരലക്ഷം രൂപയുടെമാങ്ങയെ ഉള്ളു എന്നാണു പറഞ്ഞത്‌

ആണുങ്ങള്‍ അധ്വാനിക്കുമെങ്കില്‍ നമുക്കു മാങ്ങയും തിന്ന് സിന്ദാബാദ്‌ വിളിച്ചു നടന്നാല്‍ മതിയല്ലൊ അല്ലെ?

കുത്തൊം സെ സാവ്‌ധാന്

2011-06-16T02:37:00.000-07:00

ഗേറ്റില്‍ "കുത്തൊം സെ സാവ്‌ധാന്‍" എന്നൊക്കെ കണ്ടു പേടിച്ചു പേടിച്ചാണു പോയത്‌ എന്നാലും അവന്‍ ഇത്ര ഭീകരനായിരിക്കും എന്നു സ്വപ്നത്തില്‍ പോലും കരുതിയില്ല

50 രൂപ മൂ--

2011-06-15T18:55:00.000-07:00

മാര്‍കറ്റില്‍ വലിയ കുമ്പളങ്ങ കണ്ടപ്പോള്‍ വല്യ സന്തോഷം ആയി കാരണം ഇവിടങ്ങളില്‍ ആളുകള്‍ കുമ്പളങ്ങ വില്‍ക്കാറില്ല . അത്‌ അവര്‍ ബഡി എന്നു പറയുന്ന ഒരു മധുരപദാര്‍ത്ഥം ഉണ്ടാക്കാന്‍ വച്ചേക്കും.
പലയിടത്തും നോക്കി കൊതിച്ചു തിരികെ പോരേണ്ടി വന്നു.

ഇതിപ്പോള്‍ കിട്ടിയതില്‍ സന്തോഷിച്ചതില്‍ തെറ്റില്ലല്ലൊ അല്ലെ
വീട്ടില്‍ കൊണ്ടുവന്നു മുറിച്ചു അപ്പൊഴോ

ദാ ഇങ്ങനെ

അബദ്ധങ്ങള്‍ ഇങ്ങനെയും പറ്റുമോ?

50 രൂപ മൂ--
മൂക്കിപ്പൊടി മേടിച്ചാല്‍ മതിയായിരുന്നു

നിങ്ങളുടെ പേസ്റ്റില്‍ ത്രിഫലയുണ്ടോ?

2011-06-14T18:30:00.000-07:00

ടി വിയില്‍ പേസ്റ്റിന്റെ പരസ്യം കാണുമ്പോള്‍ അവര്‍ വയറ്റു പിഴപ്പിനു വേണ്ടി ചെയ്യുന്നതല്ലെ എന്നോര്‍ത്ത്‌ അതില്‍ വല്ലകലയും ഉണ്ടൊ എന്നു മാത്രം നോക്കിയിരിക്കും.

പക്ഷെ കാണുന്നത്‌ കൊച്ചു പെണ്‍പിള്ളേര്‍ വന്നുകെട്ടിപ്പിടിക്കുന്നത്‌. വായ്‌നാറ്റം ഇല്ല എങ്കില്‍ ഓടിവന്നു കെട്ടിപ്പിടിക്കും.

എന്തരോ എന്തൊ

വായനാറ്റം വായില്‍ പുണ്ണ്‌ ഇവയും കൊണ്ട്‌ ധാരാളം ആളുകള്‍ വരാറുണ്ട്‌.

ആരോട്‌ ചോദിച്ചാലും ലോകത്തുള്ള മിക്ക പേസ്റ്റുകളും ഉപയോഗിച്ചതായി പറയും.

വായില്‍ പുണ്ണിനു പലകാരണങ്ങള്‍ ഉണ്ട്‌. അതിനൊക്കെ അതിന്റേതായ ചികില്‍സയും വേണം പക്ഷെ ആശുപത്രിയില്‍ പോകുന്നതിനു മുമ്പ്‌ - പറ്റുമെങ്കില്‍ വായില്‍ പുണ്ണ്‌ വരുന്നതിനും മുമ്പു തന്നെ ഉപയോഗിക്കാം അതായിരിക്കും കൂടുതല്‍ നല്ലത്‌ - ഇതൊന്നു പരീക്ഷിച്ചു കൂടേ?

ത്രിഫല എന്നു കേട്ടിട്ടുണ്ടോ?

ശാസ്ത്രീയമായി പഠിക്കുന്ന പുതിയ ശാസ്ത്രീയ തലമുറ കേട്ടുകാണാന്‍ സാധ്യത കുറവാണ്‌ അല്ലെ. സാരമില്ല ഇപ്പോള്‍ കേട്ടോളൂ

നെല്ലിക്ക താന്നിക്ക കടൂക്ക ഇവ മൂന്നും കൂട്ടി ഉപയോഗിക്കുന്നതിന്റെ പേരാണ്‌ ത്രിഫല.

ത്രിഫലപ്പൊടി കൊണ്ട്‌ കുറച്ചു ദിവസം രണ്ടു നേരം പല്ലു തേയ്ക്കുക. - കാലത്തും രാത്രി കിടക്കാന്‍ നേരവും.

ത്രിഫലപ്പൊടി തന്നെ ഓരോ സ്പൂണ്‍ വീതം രണ്ടു നേരവും സേവിക്കുകയും ചെയ്യുക. തേനില്‍ ചേര്‍ത്തും കഴിക്കാം.

ശാസ്ത്രീയക്കാരാരും ചെയ്യല്ലെ അവര്‍ക്കു വേണ്ട സ്പെഷ്യല്‍ പേസ്റ്റുകള്‍ കടകളില്‍ കിട്ടും അവര്‍ അതു വച്ചു തേച്ചുകൊള്ളൂക- ഇതൊക്കെ വെറും പഴഞ്ചന്‍ മൂരാച്ചി സ്വഭാവങ്ങള്‍ ആണ്‌. നിങ്ങള്‍ അതു കഴിഞ്ഞ്‌ ആശുപത്രികളില്‍ വരിക ഞങ്ങള്‍ കാത്തിരിക്കുന്നുണ്ട്‌. ഞങ്ങള്‍ക്കും ജീവിക്കണ്ടേ?

നാളെ മുതല്‍ നിങ്ങളുടെ പേസ്റ്റില്‍ ത്രിഫലയുണ്ടോ? എന്നു ചോദിക്കുന്ന സുന്ദരിയെ കണ്ടാല്‍ അത്ഭുതപ്പെടേണ്ട കേട്ടൊ

സംഗീതം: സംഗീതപാഠം ഏഴ്‌

2011-06-01T18:21:00.000-07:00

സംഗീതം: സംഗീതപാഠം ഏഴ്‌: "മുന്‍പത്തെ പാഠം പഠിച്ചു കഴിഞ്ഞു അല്ലെ ഇനി വേറൊന്നു നോക്കാം സ്വരങ്ങളും chords ഉം അവ തന്നെ വായിക്കുന്ന രീതി സ സ ഗ ഗ പ ഗ ധ ധ മ മ പ ഗ പ നി..."

നീ എന്റെ ഉള്ളില്‍ തന്നെ ഉണ്ട്‌

2011-05-28T00:30:00.000-07:00

മുകളില്‍കാണുന്ന പടം ഡൊ ജയന്റെ ബ്ലോഗില്‍ നിന്നെടുത്തത്‌

ഒരു മുറിയില്‍ ഒരു കിടക്കയില്‍ കിടന്നുറങ്ങിയ കൂട്ടുകാരന്‍, ഒരു കലത്തില്‍ ചോറു വച്ച്‌ ഒന്നിച്ചുണ്ടു വളര്‍ന്നവന്‍, ഇത്ര ദൂരത്തായിരുന്നിട്ടും ഇത്രകാലവും ഒപ്പം ഉണ്ടായിരുന്നവന്‍.

അവനു പോകാന്‍ സമയം അല്‍പം നേരത്തെ ആയിപ്പോയി.

ഇവിടെ ഒക്കെ അവനെ പലതവണ ഞാന്‍ ഓര്‍മ്മിച്ചിട്ടുണ്ട്‌. -- ആ ചികില്‍സ ഒക്കെ ചെയ്തത്‌ അവന്‍ അയിരുന്നു - സാമാന്യരീതിയില്‍ പലരും ധൈര്യപ്പെടാത്ത ചികില്‍സാരീതികള്‍

ഞങ്ങള്‍ക്കു മാത്രമല്ല ആയുര്‍വേദത്തിനു തന്നെ ഒരു തീരാനഷ്ടമാണ്‌ അവന്റെ വേര്‍പാട്‌.

ഇനി ഒരു ജന്മമുണ്ടെങ്കില്‍ അന്നും അവനെ എനിക്കു കൂട്ടായി കിട്ടണെ എന്നു പ്രാര്‍ത്ഥിച്ചു കൊണ്ട്‌

കണ്ണാ കാര്‍മുകില്‍ വര്‍ണ്ണാ

2011-05-22T05:07:00.001-07:00

സംഗീതം: സംഗീതപാഠം - അഞ്ച്‌

2011-05-11T02:25:00.000-07:00

സംഗീതം: സംഗീതപാഠം - അഞ്ച്‌: "വിരലുകളുടെ വ്യായാമം തുടരുന്നതോടൊപ്പം കയ്ക്കു മൊത്തം ഉള്ള ഒരു വ്യായാമം കൂടി ആവശ്യമുണ്ട്‌ കയ്യുടെ റിസ്റ്റ്‌ താഴെക്കാണുന്നതു പോലെ ഇളക്കാന്‍ വേ..."

പൂച്ചപുരാണം -രണ്ട്‌

2011-05-10T05:18:00.000-07:00

അങ്ങനെ അന്നു രാത്രി സമാധാനമായി(?) കിടന്നുറങ്ങി (?) പിന്നീട്‌ റ്റോര്‍ച്ചില്ലാതെ സന്ധ്യ കഴിഞ്ഞാല്‍ നടക്കുന്ന പ്രശ്നം ഇല്ല. ഒരു ചുവടു വയ്ക്കുന്നതിനു മുമ്പ്‌ ചുറ്റും നാലുപ്രാവശ്യം എങ്കിലും റ്റോര്‍ച്ചടീച്ചു നോക്കും. പതിയെ പതിയെ പേടി കുറഞ്ഞു വന്നു റ്റോര്‍ച്ചില്ലാതെയും നടക്കാം എന്നായി. അങ്ങനൊരു ദിവസം പതിവു പോലെ പാലുകുടിയ്ക്കാന്‍ പൂച്ചക്കുഞ്ഞിനെ കാണുന്നില്ല.

പഴയ ഓര്‍മ്മവച്ച്‌ ആ വാതില്‍പ്പടിയില്‍ പോയി നോക്കി. അവിടെ ഇല്ല.
അതിനടുത്തുള്ള പടിയില്‍ ആ മതിലിനെതിരായുള്ളതില്‍ ഇരിക്കുന്നു കക്ഷി.

ഇത്തവണ നോട്ടം മതിലിലേയ്ക്കാണ്‌. ആ ശ്രദ്ധയോ ? ഞാന്‍ വന്നതൊന്നും അറിഞ്ഞിട്ടേ ഇല്ല. വളരെ സൂക്ഷിച്ച്‌
ചെവികള്‍ കൂര്‍പ്പിച്ചു പിടിച്ച്‌ അനക്കം ഇല്ലാതെ ഇരിപ്പ്‌

അതിന്റെ നോട്ടം എത്തുന്നിടത്ത്‌ നോക്കി. ഇത്തവണ ഒരു പാറ്റ Cockroach ആ മതിലില്‍ മുകളില്‍ നിന്നും താഴേയ്ക്ക്‌ പതിയെ വരുന്നു.

അഴകുള്ള മറ്റൊരു പൂച്ചമ്മയായിരുന്നു എങ്കില്‍ ഈ പൂച്ചക്കുഞ്ഞിന്റെ നോട്ടം എനതായിരുന്നിരിക്കുമോ?
ഏതായാലും മുഖത്ത്‌ യാതൊരു ഭാവവും ഇല്ല.

വരട്ടെ താഴെ വരട്ടെ എന്ന വിചാരത്തിലാണ്‌ ഇരിപ്പ്‌ എന്നു തോന്നി.

പൂച്ച ഇരികുന്നിടത്തു നിന്നും ഏകദേശം പത്തടി ദൂരത്തിലാണ്‌ മതില്‍. പാറ്റ ആ സമയം 8-10 അടി ഉയരത്തിലും.

ഞാനും ഏതായാലും അവിടെ തന്നെ കാത്തു നിനു എന്തൊക്കെ ആണ്‌ സംഭവിക്കുക എന്നറിയില്ലല്ലൊ.

പുതിയ പുതിയ അനുഭവങ്ങള്‍ എപ്പോഴും ഒരു ഹരമല്ലെ?

അങ്ങനെ നമ്മുടെ പാറ്റ താഴേക്കു വന്നു കൊണ്ടിരിക്കുന്നു.

ഞാന്‍ പൂച്ചയെ നോക്കണോ പാറ്റയെ നോക്കണൊ എന്നറിയാതെ കുഴങ്ങി വേഗം വേഗം മാറിമാറി നോക്കിക്കൊണ്ടിരിക്കുകയാണ്‌. എവിടെയാണ്‌ എന്താണ്‌ സംഭവിക്കുക എന്നറിയില്ലല്ലൊ

പാറ്റ നിലത്തു നിന്നും ഏകദേശം ഒരടിയോളം എത്തിക്കാണും ഞാന്‍ ആ നേരം നമ്മുടെ പൂച്ചയെ നോക്കിയിരിക്കുകയായിരുന്നു.

പെട്ടെന്ന് പൂച്ച ഇരുന്ന ഇരിപ്പില്‍ ഒരു ചാട്ടം. മുന്നോട്ടല്ല മുകളിലേയ്ക്ക്‌. തിരികെ അത്‌ ഇരുന്നിടത്തു തന്നെ ലാന്‍ഡ്‌ ചെയ്തു.

കണ്ണുകള്‍ തുറിപ്പിച്ച്‌ എന്തോ അവിശ്വസനീയമായ കാഴ്ച്ച കണ്ടതുപോലെ നോക്കി നില്‍ക്കുന്നു.
ഞാന്‍ അവിടെയ്ക്കു നോക്കി.

നമ്മുടെ പാറ്റയെ ഒരു മാക്രി(തവള) അവിടെ വച്ചു തന്നെ ഒരു ചാട്ടത്തിനു വായിലാക്കിയിരിക്കുന്നു.

അങ്ങനെ ഒരു കുരിശ്‌ അവിടെ കാണും എന്ന് പാറ്റയോ പൂച്ചയോ പോയിട്ട്‌ ഞാന്‍ പോലും വിചാരിച്ചിരുന്നില്ല

പൂച്ച ഇളിഭ്യനായി നോക്കുന്നതു കണ്ടപ്പോള്‍ അതിന്റെ ഉടമസ്ഥന്‍ എന്ന നിലയില്‍ എനിക്കു പോലും നാണമായി.

പോട്ടെ പുല്ല്‌ എന്ന ഭാവത്തില്‍ പൂച്ച വേഗം എന്റെ കാലില്‍ മുട്ടിയുരുമ്മി പാലിനായി പോന്നു. പാറ്റയെ നാസ്തയടിക്കാം എന്നു വിചാരിച്ചത്‌ കാക്ക- സോറി മാക്രി- കൊണ്ടുപോയില്ലെ

പോകുന്ന വഴി ഞാന്‍ ആലോചിക്കുകയായിരുന്നു. നമുടെ പൂൂൂര്‍വികര്‍ പണ്ട്‌ കാട്ടില്‍ താമസിച്ചപ്പോഴും ഇതുപോലെ ഒക്കെ ആയിരുന്നിരിക്കും അല്ലേ?

അവര്‍ നടക്കുന്ന വഴികളില്‍ ഒക്കെ
എവിടെ എങ്കിലും ഒക്കെ ഓരോ പുലിയോ സിംഹമോ കടുവയോ ഒക്കെ നോക്കിയീക്കും അടുത്തു വരട്ടെ അപ്പോള്‍ പിടിച്ചാല്‍ മതിയല്ലൊ എന്തിനാ വേറുതെ ഓടിയും ചാടിയും മെനക്കെടുന്നത്‌ എന്നും വിചാരിച്ച്‌.

എന്തായിരുന്നിരിക്കും അവരുടെ ഒക്കെ ജീവിതം?

അതിഫയങ്കര കണ്ടിപിടിത്തം

2011-05-08T09:01:00.000-07:00

ഒരു "അതിഫയങ്കര കണ്ടിപിടിത്തം" ഇവിടെ വായിക്കാം
"പ്ലാന്‍േറഷന്‍ കോര്‍പറേഷന്റെ കശുമാവിന്‍ തോട്ടങ്ങളില്‍ തേയിലക്കൊതുകിനെതിരെ പ്രയോഗിച്ച് ദുരന്തം വിതച്ച എന്‍ഡോസള്‍ഫാന്‍ കീടനാശിനിക്ക് പ്രകൃതിദത്ത ബദലായി പുളിയുറുമ്പുകളെ ഉപയോഗിക്കാമെന്ന് ഇന്ത്യന്‍ കാര്‍ഷിക ഗവേഷണ കൗണ്‍സില്‍ (ഐ.സി.എ.ആര്‍) കണ്ടെത്തി. ഐ.സി.എ.ആറിനു കീഴിലുള്ള കാസര്‍കോട് സി.പി.സി.ആര്‍.ഐയുടെ അനുബന്ധസ്ഥാപനമായി കര്‍ണാടക പുത്തൂരില്‍ പ്രവര്‍ത്തിക്കുന്ന ദേശീയ കശുമാവ് ഗവേഷണ കേന്ദ്രത്തിന്റെ തോട്ടത്തിലാണ് ഇതിനുള്ള വിജയകരമായ പരീക്ഷണം നടക്കുന്നത്."

നോബല്‍ സമ്മാനം എങ്കിലും കോടുക്കണം

58. ഇന്‍ഡ്യാഹെറിറ്റേജ്‌:Indiaheritage has left a new comment on your post "ടെറസ്സിൽ ഒരു കൃഷിപാഠം; അദ്ധ്യായം3":

പാവല് പോലെ ഉള്ളവയില് പുഴു പിടിക്കാതിരിക്കാന് എന്റെ അമ്മാവന് ചെയ്തിരുന്ന ഒരു വിദ്യ പാവല് വള്ളിയില് തന്നെ നീര് എന്നു ഞങ്ങള് വിളിക്കുന്ന പുളിയുറുമ്പ് - ചുവപ്പു നിറത്തിലുള്ള ഒരുതരം ഉറുമ്പിന്റെ കൂട് കൊണ്ടു വയ്ക്കുകയായിരിന്നു. കീടങ്ങളെ ഒക്കെ അവര് തിന്നോളും, പാവയ്ക്ക നമുക്കും കിട്ടും.

റിട്ടയര് ആയി വരട്ടെ എനിക്കും ഇതു തന്നെ പ്ലാന്
http://mini-minilokam.blogspot.com/2010/12/3.html

this was a comment I put last year.

People used to practise anything which is in line with nature.
But the so called "SCIENTISTS" !!!

പാമ്പുപുരാണം -3

2011-05-07T18:37:00.000-07:00

ഇതിന്റെ തുടര്‍ച്ച--

ചെക്കന്റെ ഒരു കയ്യില്‍ ഞാന്‍ കൊടുത്ത മുളവടി. മറുകയ്യില്‍ വെട്ടുകത്തി. സഹോദരി റ്റോര്‍ച്ച്‌ അടിച്ചു കൊടുക്കുന്നു.

അമ്മയും അച്ഛനും കുളിമുറിയ്ക്കകത്തു നിന്നു ശ്രദ്ധിക്കുന്നു. ശര്‍മ്മ ഒരു വശത്ത്‌. ഞാന്‍ ധൈര്യം കൂടുതലുള്ള ആളായതു കൊണ്ട്‌ അവന്റെ അച്ഛന്റെ പിന്നില്‍ നിന്നു അയാളുടെ തോളിനുമുകളിലൂടെ എത്തിനോക്കുന്നു.

അവന്‍ പതിയെ പതിയെ കട്ടളയുടെ അടിഭാഗം ദ്രവിച്ചതെല്ലാം വെട്ടിമാറ്റി.

അതിനടുത്തു പാകിയിരിക്കുന്ന കല്ലും പതിയെ പൊട്ടിച്ചു കൊണ്ടിരിക്കുന്നു.
മുളവടി അവന്‍ ഉലക്ക പിടിക്കുന്ന രീതിയില്‍ ആണ്‌ പിടിച്ചിരിക്കുന്നത്‌ അതിന്റെ താഴത്തെ അറ്റം , കൊത്തിപ്പൊളിക്കുന്ന ഭാഗത്തിനു തൊട്ടു മുകളില്‍ വരത്തക്കവണ്ണം.

ഏതായാലും കല്ലിന്റെ ഒരു കഷനം തെറിക്കലും അടിയില്‍ നിന്നും ചീറ്റിക്കൊണ്ട്‌ പാമ്പ്‌ മുകളിലേക്കു വരലും ഒന്നിച്ചു കഴിഞ്ഞു.

പക്ഷെ കോബ്ര ഫൈറ്റര്‍ എന്ന അവന്റെ പേര്‍ എത്ര അന്വര്‍ത്ഥമാണെന്ന് അപ്പോള്‍ ഞങ്ങള്‍ മനസിലാക്കി. ഒരു ഞൊടിയിടയില്‍ അവന്റെ കയ്യിലിരുന്ന മുളവടി ഉലക്ക ഇടിക്കുന്ന രീതിയില്‍ തന്നെ താഴേക്ക്‌ അവന്‍ ഇടിച്ചു. ആ പാമ്പിന്റെ തലയില്‍ തന്നെ. തല ചതഞ്ഞരഞ്ഞ അതിനെ അവന്‍ പിടിച്ചു വലിച്ചു മുഴുവന്‍ പുറത്തിട്ടു . അതേ ഏകദേശം ആറടി നീളമുള്ള ഒരു മൂര്‍ഖന്‍.

ശര്‍മ്മാജി ഏതായാലും മൂത്രം ഒഴിച്ചില്ല എന്നാണു തോന്നുന്നത്‌. അതെങ്ങനാ ഒന്നുകില്‍ തന്നെ പോയിക്കാണുമായിരിക്കും അല്ലെങ്കില്‍ ആവിയായി പോയിക്കാണും ആ ടെന്‍ഷനില്‍ അല്ലെ?

സംഗീതം: സംഗീതപാഠം നാല്‌

2011-05-07T01:16:00.000-07:00

സംഗീതം: സംഗീതപാഠം നാല്‌: "ഇടതു കൈ കൊണ്ടും വലതു കൈകൊണ്ടും ഇത്രയും ഒക്കെ പരിശീലിച്ചു കഴിഞ്ഞു എങ്കില്‍ ഇനി നമുക്കു പഠിക്കാനുള്ളത്‌ രണ്ടു കൈകളും ഒന്നിച്ച്‌ ഉയോഗിക്കുന്ന വ..."

സംഗീതം: സംഗീതപാഠം മൂന്ന്‌

2011-05-06T04:52:00.000-07:00

സംഗീതം: സംഗീതപാഠം മൂന്ന്‌: "ഇനി നമുക്ക്‌ സരിഗമപധനിസ എന്ന സ്വരങ്ങള്‍ മുഴുവന്‍ വായിക്കുവാന്‍ പരിശീലിക്കാം വലതു കൈ ഉപയോഗിക്കുമ്പോള്‍ അതില്‍ ആദ്യത്തെ മൂന്നു സ്വരങ്ങല്‍ കഴി..."

പാമ്പുപുരാണം -2

2011-05-03T00:30:00.000-07:00

പാമ്പുപുരാണം-1 ഇവിടെ വായിക്കാം

അങ്ങനെ കട്ടിലില്‍ കാലും കയറ്റി വച്ച്‌ ഇരുന്ന കാര്യം എഴുതിയപ്പോഴാണ്‌ മറ്റു പലരും
ഉണ്ട്‌ ഇതുപോലെ എന്നോര്‍മ്മ വന്നത്‌

ഒരിക്കല്‍ നാട്ടില്‍ പോയപ്പോള്‍ , അന്ന്‌ എന്റെ മകന്‍ മഹേശ്‌ ചെറിയ കുട്ടിയാണ്‌,
അവനെ എന്റെ ഏറ്റവും മൂത്ത ജ്യേഷ്ഠന്റെ വീട്ടില്‍ വിട്ടു.

ചേട്ടത്തിയമ്മ ആണെങ്കില്‍ എന്നെക്കാള്‍ വളരെ ധൈര്യശാലി. രാത്രി കിടക്കുന്നതിനു
മുമ്പ്‌ മുറിയുടെ ജനാലയുടെ കതകിന്റെ ഇടയ്ക്കെ വിടവു മാത്രമല്ല വശത്തുള്ള ഓവു പോലും
തുണി വച്ച്‌ അടച്ചിട്ടെ കിടക്കൂ ഇനി അതില്‍ കൂടി എങ്ങാനും പാമ്പ്‌ വന്നാലോ?

അവര്‍ അന്നു വൈകിട്ട്‌ കാസെറ്റ്‌ എടുത്ത്‌ ആനക്കോണ്ടയുടെ പടം കണ്ടു.
പടം കണ്ടു കഴിഞ്ഞപ്പോള്‍ ചേട്ടത്തിയമ്മ മഹേശിനോടു പറഞ്ഞു മോന്‌ പേടി ആണെങ്കില്‍
വല്യമ്മയുടെ കൂടെ കിടന്നോ. ഒറ്റയ്ക്കു കിടക്കാതിരിക്കാന്‍ ഒരു വഴി നോക്കിയിരുന്ന
അവന്‍ സമ്മതിച്ചു.
പക്ഷെ ഒരുറക്കമായപ്പോള്‍ മഹേശ്‌ സ്വപ്നം കണ്ടിട്ട്‌ ചാടി എഴുനേറ്റിരുന്നു
ചേട്ടത്തിയമ്മയുടെ കാലില്‍ പിടികൂടിയിട്ട്‌ വിളിച്ചു കൂവി "വല്യമ്മെ ദാ ആനക്കോണ്ട
വന്നു."
ഞെട്ടിയുണര്‍ന്ന ചേട്ടത്തിയമ്മ കാലില്‍ പിടികൂടിയത്‌ ആനക്കോണ്ട തന്നെ എന്നു
വിചാരിച്ച്‌ വിയര്‍ത്തു കുളിച്ച്‌ നോക്കുമ്പോള്‍ കാലില്‍ നിന്നും പിടി വിടാതെ
പകുതിയുറക്കത്തില്‍ നമ്മുടെ മഹേശ്‌.

കാളരാത്രി എന്നായിരുന്നു അടുത്ത ദിവസം ചേട്ടത്തിയമ്മ ആ രാത്രിയെ പറ്റി എന്നോടു
പറഞ്ഞത്‌.

ആ അതിരിക്കട്ടെ

അങ്ങനെ എട്ടു മണി ആയി. ശര്‍മ്മാജി വന്നു. "ഹ ഇതെന്താ എന്റെ മുറിയില്‍ ലൈറ്റ്‌
ഇല്ലാത്തെ"?

നല്ല കാര്യം ഞാന്‍ പതുക്കെ പറഞ്ഞു "അതേ കാലത്തേതിന്റെ ബാക്കി വല്ലതും
അകത്തിരിപ്പുണ്ടൊ എന്നറിയില്ലല്ലൊ . അതുകൊണ്ട്‌ ഞാന്‍ അങ്ങോട്ടു പോയില്ല. ബാ
നമുക്കു രണ്ടു പേര്‍ക്കും കൂടി പോകാം എന്നു പറഞ്ഞ്‌ റ്റോര്‍ച്ചും തെളിച്ചു
പിടിച്ച്‌ പോയി സ്വിച്ചിട്ടു
ഭാഗ്യം യാതൊരു കുഴപ്പവും ഇല്ല.

ഇനി അടൂക്കള . അതിന്റെ കതകിന്റെ താഴത്തെ പടിയില്‍ നല്ല ഒരു വിടവുണ്ട്‌ അതിനകത്ത്‌
ഒരു പൂച്ചയ്ക്കു കയറിയിരിക്കാം പിന്നാ പാമ്പിന്‌. അതിനകത്തെല്ലാം റ്റോര്‍ച്ചടിച്ചു
നോക്കി അടൂക്കളയില്‍ എത്തി. ആഹാരം ഒക്കെ റെഡിയാക്കി അത്താഴം കഴിച്ചു. തിരികെ
പാത്രമെല്ലാം കഴുകിവച്ചിട്ട്‌ മുന്‍ വശത്തെത്തി.

അല്‍പം വാചകമടിയും വിശ്രമവും എല്ലാം കഴിഞ്ഞു. ശര്‍മ്മാജിക്കു പോകാറായി.

ശര്‍മ്മ പറഞ്ഞു ഞാന്‍ ഒന്നു മൂത്രമൊഴിച്കിട്ടു വരാം
പുള്ളിക്കാരന്‌ ഒരു സ്വഭാവം ഉണ്ട്‌ കക്കൂസില്‍ പോയേ മൂത്രമൊഴിക്കൂ.
ഞാന്‍ പറഞ്ഞു "താന്‍ പോകുന്ന വഴിക്ക്‌ വഴിയിലെവിടെയെങ്കിലും അങ്ങു സാധിക്ക്‌ . ഇനി
ഈ രാത്രിയില്‍ ആ കക്കൂസിന്റവിടെ പോകണ്ടാ"

എവിടെ ? പറഞ്ഞാല്‍ കേള്‍ക്കുന്ന സ്വഭാവം ഉണ്ടെങ്കിലല്ലെ.
പുള്ളി കക്കൂസിലേക്കു തന്നെ പോകും എന്ന് നിര്‍ബന്ധം.

ഞാന്‍ വീണ്ടും പിന്തിരിപ്പിക്കാന്‍ നോക്കി. അവസാനം പറഞ്ഞു "ഒരു കാര്യം ചെയ്യ്‌
റ്റോര്‍ച്ചു കൊണ്ട്‌ പോ സൂക്ഷിച്ച്‌ എല്ലായിടവും നോക്കിയേ പോകാവൂ."

അങ്ങനെ റ്റോര്‍ച്ചും പിടിച്ച്‌ ശര്‍മ്മ കക്കൂസു ലക്ഷ്യമാക്കി യാത്രയായി

കുളിമുറിയില്‍ എത്തിയ ശേഷം അവിടെ നിന്നൊരു വിളി "വൈദ്യരമ്മാവാ ഓടി വാ ദാ പാമ്പ്‌"

അതെന്നെ കളിയാക്കാനാണെന്ന് എനിക്കുടനെ തന്നെ മനസ്സിലായി. ഇത്രയധികം പേടിപ്പിച്ചാല്‍
ആരാണെങ്കിലും വിടുമോ. "ഒന്നു പോടെ" ഞാന്‍ പറഞ്ഞു "വേഗം മൂത്രമൊഴിച്ചിട്ടു വാ"

ശര്‍മ്മ വീണ്ടും പറഞ്ഞു "അല്ല വൈദ്യരമ്മാവാ സത്യമാ പാമ്പ്‌ ദാ ഇവിടുണ്ട്‌"

ഇനി വേറെ വല്ല വഴിക്കും കൂടി എന്റടുത്തേക്കും വരുന്നതിനു മുന്‍പ്‌ ശര്‍മ്മയുടെ
അടൂത്തു തന്നെ പോകുന്നതാണ്‌ നല്ലത്‌ എന്നെനിക്കു തൊന്നി. അവിടെ ചെന്നു
നോക്കുമ്പൊഴോ?

ഞങ്ങളുടെ കുളിമുറിയുടെ വാതിലിന്റെ കട്ടളയുടെ അടീഭാഗത്തെ തടി മുഴുവന്‍ ദ്രവിച്ചു
പോയതാണ്‌. കതകുകള്‍ താഴെ മുട്ടുകയില്ല. ശര്‍മ്മ റ്റോര്‍ച്ചടിച്ചു നോക്കുമ്പോള്‍
കതകിനു താഴെ സാധാരണ കാണേണ്ട വിടവില്ല. അവിടേയ്ക്കു തന്നെ റ്റോര്‍ച്ചടിച്ചു
പിടിച്ചിരിക്കയാണ്‌ ശര്‍മ്മ . സൂക്ഷിച്ചു നോക്കിയപ്പോള്‍ ആ നീളം മുഴുവനും ഒരു
പാമ്പിനെ ശരീരം കൊണ്ടു നിറഞ്ഞിക്കുന്നു.

അശ്രദ്ധമായി അഥവാ അവിടെ ചെന്നു വാതില്‍ തുറന്നു ചവിട്ടി ഇരുന്നു എങ്കില്‍ !!!

ഞാന്‍ പറഞ്ഞു "ശര്‍മ്മാജി നോക്കി നിന്നൊ ഞാന്‍ ഇപ്പൊ പോയി അവനെ വിളിച്ചോണ്ടു വരാം"

പാമ്പ്‌ ഇപ്പോള്‍ അവിടെയാണ്‌ എന്നുറപ്പായതു കൊണ്ട്‌ എനിക്കു വെളിയിലേക്കിറങ്ങി
ഓടാന്‍ ഒരു ഭയവും ഇല്ല. ഞാന്‍ ഓടി വീണ്ടു അവനെ വിളിച്ചു.

അവന്‍ എന്തോ അതു കേള്‍ക്കാന്‍ കാത്തിരുന്നതു പോലെ എല്ലാവരും പഴയതു പോലെ ഓടി എത്തി .
ഇത്തവണ ഒരു വലിയ ലൈറ്റും കൂടി ഉണ്ട്‌ - പെട്ടിപോലെ നാലു ബാറ്ററി ഇട്ടു കത്തിക്കുന്ന
ഒരു ടോര്‍ച്ച്‌.

എല്ലാവരും കുളിമുറിയുടെ അകത്തെ വാതിലിനടുത്തെത്തി.

ശര്‍മ്മ ഇമവെട്ടാതെ റ്റോര്‍ച്ചണയ്ക്കാതെ അതിനെ തന്നെ നോക്കി നില്‍ക്കുകയായിരുന്നു
അതുവരെ.

മൂത്രം അവിടെ എങ്ങാനും പോയോ എന്ന് അറിയില്ല ആ തെരക്കില്‍ അതു ചോദിക്കാനും
വിട്ടുപോയി

വലിയ റ്റോര്‍ച്ചിന്റെ വെളിച്ചത്തില്‍ വ്യക്തമായി കണ്ടു ആ റ്റോര്‍ച്ചിന്റെ ബോഡിയോളം
മുഴുപ്പുള്ള പാമ്പിന്റെ ശരീരം. പക്ഷെ വാലും തലയും കാണാനില്ല.

അപ്പോള്‍ ചെക്കന്‍ തോക്ക്‌ അവന്റെ അച്ഛ്ഹന്റെ കയ്യില്‍ കൊടൂത്തു എന്നിട്ടു പറഞ്ഞു.
"ഞാന്‍ പുറമെ പോയി അതിനെ കമ്പു കൊണ്ടു കുത്തി ചാടിക്കാം അച്ഛന്‍ വെടിവച്ചോ"

തോക്ക്‌ അവന്‍ അവന്റെ അച്ഛന്റെ കയ്യില്‍ കൊടൂക്കുന്നതു കണ്ടപ്പോള്‍ തന്നെ
എനിക്കെന്റെ പാതി ജീവന്‍ പോയി.

ദൈവമേ കഞ്ചാവടിച്ച്‌ ലെവലില്ലാതെയാണ്‌ ഞാന്‍ അയാളെ മിക്കവാറും കണ്ടിട്ടുള്ളത്‌
ഇയാള്‍ ഇനി എന്താണാവൊ കാണിക്കുന്നത്‌.

ഏതായാലും ഞങ്ങള്‍ ആത്മരക്ഷാര്‍ത്ഥം - വല്ല പട്ടിയോ മറ്റൊ വന്നാല്‍ ഓടിക്കാന്‍ എന്നെ
അര്‍ത്ഥമുള്ളു - സൂക്ഷിച്ചിരുന്ന ഒരു രണ്ടര അടി നീളമുള്ള മുളവടിയും ലൈറ്റും കൊണ്ട്‌
ചെക്കന്‍ പുറമെ പോയി.

കതകു തുറന്നു കൊടൂത്ത്‌ അവിടെ എത്തിക്കാന്‍ ഞാനും കൂടെ പോയി എങ്കിലും
അവന്റെ കയ്യില്‍ തോക്കില്ലാത്തതുകൊണ്ട്‌ ഞാന്‍ തിരികെ അകത്തേക്കു തന്നെ പോന്നു.

ആ കതകിന്റെ പുറം ഭാഗത്ത്‌ പാകിയിരുന്ന കരിങ്കല്‍ പാളികള്‍ അല്‍പം ഉയര്‍ന്നിരുന്നതു
കൊണ്ട്‌ അവന്‌ എത്ര ശ്രമിച്ചിട്ടും ആ മുളവടിയുടെ അറ്റം പാമ്പിന്റെ ശരീരത്തോട്‌
അടുപ്പിക്കന്‍ കഴിഞ്ഞില്ല.
അവിടെ ഉള്ള വിടവ്‌ അതിനും മാത്രം വലിയതല്ലായിരുന്നു.

കുറച്ചു നേരം നോക്കിയിട്ടും ഒന്നും നടക്കുന്നില്ല എന്നു കണ്ടപ്പോള്‍ അവന്റെ അച്ഛന്‍
ചോദിച്ചു " എടാ ഞാന്‍ ഇവിടെ നിന്നു തന്നെ അങ്ങു കാച്ചിയേക്കട്ടെ . കതകിന്റെ
അടിയില്‍ കാണുന്ന ശരീരം ഛിന്നഭിന്നമായാലും മതിയല്ലൊ പാമ്പ്‌ ചാകില്ലെ?
"
അവന്‍ സമ്മതിച്ചു . കതകിനു പിന്നില്‍ നിന്നും മാറിയിട്ട്‌ അച്ഛന്‍ വെടിവച്ചൊ "
എന്ന് അനുവാദം കൊടുത്തു.

ഠേ-

പഴയതുപോലെ പുകയും ശബ്ദവും ബഹളവും . കതകുകള്‍ തമ്മില്‍ ചേരുന്നിടത്ത്‌ ഒരു പാളിയുടെ
മൂല പൊട്ടിത്തെറിച്ചു വെളിയില്‍ വീണു.

ഒപ്പം അടിയില്‍ കിടന്നിരുന്ന പാമ്പ്‌ ഇഴഞ്ഞിഴഞ്ഞ്‌ ആ കട്ടിളയുടെ അടീല്‍
ഉണ്ടായിരുന്ന ഒരു വിടവിലേക്ക്‌ ഇറങ്ങാനും തുടങ്ങി.

ആദ്യത്തെ വെടി കൊണ്ടില്ല എന്നു മനസ്സിലായപ്പോള്‍ തന്തപ്പടി രണ്ടാമത്തെ കുഴലില്‍
നിന്നും വെടി പൊട്ടിച്ചു

അതു തന്നെ മറ്റേ കതകിന്റെയും അടിയിലത്തെ മൂല തെറിച്ചു പോയി പാമ്പിനെ കാണാനും ഇല്ല.

പാമ്പ്‌ മറഞ്ഞു എന്നു കണ്ടപ്പോള്‍ ചെക്കാന്‍ അകത്തു വന്നു അവിടെ പോയി കതകു തുറന്നു.
അതിനടിയില്‍ ഒരു വലിയ അളയുണ്ട്‌ പക്ഷെ കരിങ്കല്ലു പാകിയിരിക്കുന്നതു കൊണ്ട്‌
പെട്ടെന്നൊന്നും ഒന്നും ചെയ്യാന്‍ പറ്റില്ല. അവന്‍ പറഞ്ഞു ആ അതു പോയല്ലൊ ഇനി പോയി
കിടന്നുറങ്ങിക്കൊ

അപ്പോള്‍ ഞാന്‍ ഇടപെട്ടു . ഒരു കാര്യം ചെയ്യ്‌ നിങ്ങള്‍ എല്ലാവരും ഇവിടെ കിടന്നൊ
ഞങ്ങള്‍ നിങ്ങളുടെ വീട്ടില്‍ കിടന്നോളാം.

നല്ല കാര്യമായി ഒരെണ്ണത്തിനെ കൊന്നു അതിനെ അന്വേഷിച്ചു വന്നതിനെ വെടിവച്ചു
പേടിപ്പിച്ചു വിട്ടിരിക്കുന്നു ഇനി അവിടെ കിടന്നാലത്തെ കാര്യം

ഞാന്‍ തീര്‍ത്തു പറഞ്ഞു

ഒന്നുകില്‍ എന്തു ചെയ്താണെങ്കിലും അതിനെ ഇല്ലാതാക്കുക അല്ലെങ്കില്‍ താമസം മാറുക
.

അതോടു കൂടി അവനും വാശിയായി കോബ്ര ഫൈറ്റര്‍ അല്ലെ
അവന്‍ എന്നോട്‌ വെട്ടുകത്തിയും വാങ്ങി പതിയെ ആ കട്ടളയുടെ താഴ്ഭാഗം
കൊത്തിപൊട്ടിക്കാന്‍ തുടങ്ങി.

പാമ്പുപുരാണം 1

2011-05-01T22:30:00.000-07:00

ആദ്യഭാഗം ഇവിടെ വായിക്കാം പാമ്പുപുരാണം 2 ഇവിടെ വായിക്കാം

പൂച്ചപുരാണം രണ്ടാംഭാഗത്തിനു മുന്‍പ്‌ വേറൊരു പാമ്പുപുരാണം ഉണ്ട്‌

ഞങ്ങള്‍ താമസിച്ചിരുന്ന വീടിനെ കുറിച്ചല്‍പം. ഞങ്ങള്‍ എന്നു പറഞ്ഞാല്‍ ഞാനും ഒരു ശര്‍മ്മയും -(ഒരു കമ്പനിയില്‍ എഞ്ജിനീയര്‍) ഒന്നിച്ചായിരുന്നു താമസം

ആ വീടിന്റെ മുന്‍ വശം മതില്‍ ഉണ്ടാക്കിയിരിക്കുന്നത്‌ പലക പോലെ ഉള്ള കരിങ്കല്‍ പാളികള്‍ കുത്തി നിര്‍ത്തിയാണ്‌ (സ്ഥലം കര്‍ണ്ണാടകയില്‍ ആയിരുന്നു കേട്ടൊ) ഏകദേശം ഇരുപതടി നീളം മതില്‍ അതിനു പിന്നില്‍ ഒരു പത്തടി വീതിയില്‍ മുറ്റം ആ മുറ്റം മുഴുവനും കറുത്ത കല്ല്‌ പാകിയിരിക്കുന്നു.

ഈ മതിലിന്റെ കല്ലുകള്‍ക്കിടയിലും പാകിയിരിക്കുന്ന കല്ലുകള്‍ക്കിടയിലും ആവശ്യത്തിനു വിടവും ഉണ്ട്‌.

വീടിന്റെ മുന്‍ വശം net അടിച്ചു മറച്ച ഒരു കോലായ. അതിന്റെ ഒരു വശത്തായി ഒരു മുറി - ഞാന്‍ ഉപയോഗിക്കുന്നത്‌.

കോലായയ്ക്കു പിന്നില്‍ വലിയ ഒരു മുറി ശര്‍മ്മയ്ക്ക്‌ അതിനു പിന്നില്‍ സ്റ്റോര്‍ . ഞാന്‍ ഉപയോഗിക്കുന്ന മുറിയ്ക്കു പിന്നില്‍ ശര്‍മ്മയുടെ മുറിയ്ക്കു സമമായ സ്ഥലം ഒരു മുറിയും അടൂക്കളയും ആയിതിരിച്ചിരിക്കുന്നു. അടുക്കളക്കു പിന്നില്‍ കുളിമുറി

കുളിമുറിയില്‍ നിന്നും വെളിയിലേയ്ക്ക്‌ ഒരു വാതില്‍ ഉണ്ട്‌ അതില്‍ നിന്നും പത്തടി പോയാല്‍ കക്കൂസ്‌

ആ പത്തടി വരുന്ന സ്ഥലത്തിന്റെ വശം ഒരു പൊക്കമുള്ള മതില്‍

നിലം മുഴുവന്‍ കടപ്പ കല്ലു പാകിയിരിക്കുന്നു.

വാതിലുകളുടെ കട്ടളയുടെ എല്ലാം താഴത്തെ പടികള്‍ ദ്രവിച്ചത്‌- അതില്‍ തന്നെ ദ്വാരങ്ങള്‍ ഉള്ളത്‌. കെട്ടിടത്തിന്റെ തറയിലും അതുപോലെ പല പല ദ്വാരങ്ങള്‍ അങ്ങനെ ഭാര്‍ഗ്ഗവീ നിലയം എന്നു വിളിക്കാന്‍ പറ്റില്ല അത്തരം ഒരു വീട്‌.

അങ്ങനെ ഒരു ദിവസം ഞാന്‍ കാലത്ത്‌ വൈദ്യശാലയിലേക്കു പോകാന്‍ തുടങ്ങുന്നു.

ശര്‍മ്മാജി Night Duty കഴിഞ്ഞു വന്ന്‌ കിടന്നുറങ്ങാന്‍പോകുന്നു

എന്നെ യാത്രയാക്കി വാതില്‍ അടയ്ക്കാന്‍ ശര്‍മ്മ പുറത്തെ വാതിലിനടൂത്തു നില്‍ക്കുന്നു ഞാന്‍ ഗേറ്റിനടൂത്തു നിന്ന് വെറുതെ ചുറ്റും നോക്കിയതാണ്‌. അപ്പോള്‍ ഞങ്ങളുടെ മുറ്റത്തിന്റെ കിഴക്കുവശത്തെ മതിലായി നാട്ടിയിരിക്കുന്ന കരിങ്കല്‍പാളികളുടെ ഇടയില്‍ എന്തോ ഒന്നനങ്ങുന്നു.

സൂക്ഷിച്ചു നോക്കിയപ്പോള്‍ ഒരു വലിയ മഞ്ഞച്ചേരയുടെ തലപോലെ തോന്നി.

ഞാന്‍ ശര്‍മ്മയെ വിളിച്ചു പറഞ്ഞു " ശര്‍മ്മാജി ഞാന്‍ എന്നാല്‍ പോട്ടെ തന്റെ കൂട്ടുകാരന്‍ വന്നു. ഇനി നിങ്ങള്‍ സൊറ പറഞ്ഞോണ്ടിരി"

ഇതും പറഞ്ഞ്‌ ഞാന്‍ അതിനെ ശര്‍മ്മയ്ക്കു കാണിച്ചു കൊടൂത്തു.

പതിയെ ആ പാമ്പ്‌ ഇഴഞ്ഞിഴഞ്ഞ്‌ മുറ്റത്തേക്കിറങ്ങി.

പക്ഷെ തലയുടെ പിന്‍ഭാഗം കണ്ടപ്പോഴല്ലെ നെഞ്ചിനകത്ത്‌ ഒരാന്തല്‍. എന്റമ്മോ മൂര്‍ഖന്‍ . അതിനു മുന്‍പ്‌ ഞാന്‍ മൂര്‍ഖനെ കണ്ടിരിക്കുന്നത്‌ ഏകദേശം ഒരു പെന്‍സിലിന്റെ വലിപ്പമുള്ളതായിരുന്നു. ഇതോ ഞാന്‍ കണ്ടിട്ടുള്ള ഏറ്റവും വലിയ മഞ്ഞച്ചേരയെക്കാള്‍ വലുത്‌.

പെട്ടെന്നു ശര്‍മ്മയെ വിളിച്ചു പറഞ്ഞു എടോ കതകടച്ച്‌ ചാടി വെളിയില്‍ പോരെ

ഞങ്ങളുടെ വീട്ടുടമസ്ഥന്‍ താമസിക്കുന്നത്‌ ഞങ്ങളുടെ വീടിന്റെ വശത്തു തന്നെ ഉള്ള സ്വന്തം വീട്ടില്‍ ആണ്‌.

അവര്‍ നാലുപേര്‍ - അച്ഛനും അമ്മയും മകനും മകളും.

അച്ഛന്‍ ഒരു വ്യാജ ഡോക്റ്റര്‍ . പക്ഷെ അതിന്റെ അഹംഭാവം ഒന്നുമില്ല. കഞ്ചാവടിച്ച്‌ മിക്കവാറൂം നല്ല നിലയില്‍ ആയിരിക്കും.

പക്ഷെ മകന്‍ മിടുക്കന്‍ അവനെ ആ നാട്ടുകാര്‍ വിളിച്ചിരുന്നത്‌ "കോബ്ര ഫൈറ്റര്‍" എന്നായിരുന്നു. കാരണം മൂര്‍ഖന്‍ പാമ്പിനെ കാണിച്ചു കൊടുത്താല്‍ പിന്നെ അതിനെ കൊല്ലാതെ അവന്‍ ആ ഭാഗത്തു നിന്നു പോരികയില്ല.

ഒരിക്കല്‍ ഒരു പാടത്ത്‌ രണ്ടു ദിവസം തുടര്‍ച്ചയായി ഇരുന്നു . അവന്റെ പെങ്ങള്‍ ആഹാരവും മറ്റും കൊണ്ടു കൊടുക്കും - അവസാനം ആ കണ്ട പാമ്പിനെയും കൊണ്ടെ തിരികെ പോന്നുള്ളു.

പിന്നെ കാശിനു പഞ്ഞമില്ലാത്തവര്‍ ആയതു കൊണ്ട്‌ അവര്‍ക്ക്‌ അതൊക്കെ തമാശകള്‍ മാത്രം.

ഇവരുടെ വീട്ടില്‍ ആണ്‌ താമസം എന്നതുകൊണ്ട്‌ കോബ്ര ഞങ്ങള്‍ക്കും ഒരു പ്രശ്നമല്ലായിരുന്നു.

അപ്പോള്‍ ഞാന്‍ ശര്‍മ്മയെ വിളിച്ചു പറഞ്ഞു "ശര്‍മ്മാജി താന്‍ ഇവിടെ നിന്നു നോക്കിക്കോ അതെങ്ങോട്ടാ പോകുന്നത്‌ എന്ന്. ഞാന്‍ പോയി അവനെ വിളിച്ചോണ്ടു വരാം"

പറയലും ഓട്ടവും എല്ലാം ഒപ്പം കഴിഞ്ഞു. ശര്‍മ്മ കതകടച്ചിട്ടിട്ട്‌ പാമ്പിനു കാവലായി നിന്നു.

ഉടമസ്ഥന്റെ വീട്ടിലെത്തിയ ഞാന്‍ കതകില്‍ മുട്ടി.

8.45 ആയിട്ടും ഉറക്കം തെളിഞ്ഞിട്ടില്ല. ചെറുക്കന്‍ (അന്നവന്‌ ഏതാണ്ട്‌ 16-17 വയസ്‌) കതകു തുറന്നു

ഞാന്‍ കിതച്ചു കൊണ്ട്‌ പറഞ്ഞു വീട്ടില്‍ പാമ്പ്‌

അവന്‍ പറഞ്ഞു വല്ല ചേരയുമായിരിക്കും അങ്ങു പൊക്കോളും - അവന്‍ ഉറക്കം തുടരാനുള്ള തിരക്കാണേ

അല്ല മൂര്‍ഖനാ ഞാന്‍ പറഞ്ഞു

"മൂര്‍ഖന്‍" എന്ന ശബ്ദം കേട്ടതും അവനിലെ ഫൈറ്റര്‍ ഉണര്‍ന്നു.
ഒരു ചാട്ടത്തിന്‍ അവരുടെ ഇരട്ടക്കുഴല്‍ തോക്കും കയ്യിലാക്കി അവന്‍ എന്നെക്കാള്‍ മുന്നില്‍ എന്റെ വീട്ടിലെത്തി. എവിടെ പാമ്പ്‌ ?

ഞാനും പിന്നാലെ
ഞങ്ങളുടെ രണ്ടുപേരുടെയും പിന്നാലെ അവന്റെ പെങ്ങളും അമ്മയും അച്ഛനും എല്ലാം.

ഞങ്ങള്‍ ഗേറ്റിലെത്തുമ്പോഴേക്കും നമ്മുടെ പാമ്പന്‍ ചേട്ടന്‍ ഇഴഞ്ഞിഴഞ്ഞ്‌ മുറ്റത്തിന്റെ പകുതിയോളം എത്തിയിരുന്നു.

ചെക്കന്‍ തോക്ക്‌ അലസമായി പിടിച്ച്‌ ഒരു വെടി

അതിനു മുമ്പ്‌ ഞാന്‍ കണ്ടിട്ടുള്ളത്‌ ചൂരല്‍ കൊണ്ട്‌ വെടിമരുന്നു നിറച്ച്‌ മുണ്ടിയെ വെടിവയ്ക്കുന്ന പരിപാടി മാത്രം. അതുകാരണം ഈ ശബ്ദം കേട്ടപ്പോള്‍ ഒരടി ചാടിപ്പോയി എന്റെ തൊട്ടടുത്തു നിന്നാണെ.

ശബ്ദത്തോടൊപ്പം പുകകാരണം ഒന്നും കാണാനും വയ്യ
ദൈവമേ വെടി അതിനിട്ടു കൊണ്ടിട്ടില്ലെങ്കില്‍ - കാണിച്ചു കൊടൂത്തവന്‍ ഞാനായതു കൊണ്ട്‌ അതെന്റെ നേരെ തന്നെ വരുമല്ലൊ എന്നു പേടിച്ചു ഞാന്‍ റോഡിലേക്കോടി.

വെടിവച്ച ചെക്കനാകട്ടെ ഒരു കൂസലുമില്ലാതെ പാമ്പിനെ കണ്ടഭാഗത്തേക്കും.

റോഡിലേക്കു ചാടിയ ഞാന്‍ തിരികെ വന്ന് അവനെ പിന്നോട്ട്‌ വലിച്ചു.

എവിടെ? അവന്‍ എന്റെ പിടി വിടുവിച്ച്‌ മുന്നോട്ടു തന്നെ

അപ്പോഴേക്കും പുക അടങ്ങിത്തുടങ്ങി. അവന്‍ നേരെ ചെന്ന് പാമ്പിന്റെ വാലില്‍ പിടിച്ചു തൂക്കി കൊണ്ടു വന്നു.

പൊക്കി കാണിച്ചു അതിന്റെ തല ഇല്ല

കഴുത്തിന്റെ ഭാഗം വിടര്‍ത്തി ആ പത്തിയുടെ അടയാളം ഞങ്ങളെ ഒക്കെ കാണിച്ചു തന്നു.

ങാ ഇനി എല്ലാവര്‍ക്കും പോകാം

പക്ഷെ എനിക്കൊരു സംശയം.

ഇതിനെകൊണ്ട്‌ ഇനി കുഴപ്പം ഇല്ല പക്ഷെ കഥകളില്‍ കേട്ടിരിക്കുന്നത്‌ ഇതിന്റെ ഇണ വരുമെന്നല്ലേ?

അതിനെന്തു ചെയ്യും ദയനീയമായി ഞാന്‍ അവനോടു തന്നെ ചോദിച്ചു.

അവന്‍ എന്നെ ആക്കിയ ഒരു നോട്ടം നോക്കി.

എന്നിട്ട്‌ ഉറക്കെ ഒരു ചിരിയും

മറ്റു നിവൃത്തികള്‍ ഒന്നും ഇല്ലാതിരുന്നതു കൊണ്ട്‌ ഞാന്‍ അതൊക്കെ അങ്ങു സഹിച്ചു പക്ഷെ പിന്നെയും ചോദിച്ചു അല്ല അങ്ങനെ എങ്ങാനും ഇനി വന്നാലൊ?

ഓ വന്നാല്‍ അപ്പൊ വിളിച്ചാല്‍ മതി
അങ്ങനെ പറഞ്ഞ്‌ അവര്‍ പോയി

അന്നത്തെ പകല്‍ അങ്ങനെ കഴിഞ്ഞു പകല്‍ ധൈര്യമായി ഞങ്ങള്‍ അടുക്കളയില്‍ പോയി ചോറു
വച്ചു വിളമ്പി ഉണ്ടു. രാത്രിയിലേക്കുള്ള ഭക്ഷണം എല്ലാം തയ്യാറാക്കി വച്ചു.

വൈകുന്നേരം നാലുമണിയ്ക്കു ശര്‍മ്മാജി ജോലിക്കു പോകും പിന്നീട്‌ 8 മണിക്ക്‌ ഊണു കഴിക്കാന്‍ വരും അതു കഴിഞ്ഞു പോയാല്‍ പിന്നെ കാലത്തു വരും അതാണ്‌ പതിവ്‌
ഉച്ചയ്ക്കു ശേഷം 3 മണീയ്ക്ക്‌ വൈദ്യശാലയില്‍ പോയാല്‍ 7 മണിയ്ക്കു ഞാന്‍ തിരികെ വരും.

പകല്‍ വെളിച്ചം ഒക്കെ ഉണ്ടായിരുന്നതു കൊണ്ട്‌ എനിക്ക്‌ അപാര ധൈര്യം ആയിരുന്നു. പക്ഷെ 7 മണിക്കു വീട്ടില്‍ വന്നു കയറിയശേഷം ഒരു ചെറിയ ഭയം

ചെറിയ എന്നു പറഞ്ഞാല്‍ വളരെ ചെറിയത്‌ അതായത്‌ കോലായ്ക്കു പിന്നിലുള്ള മുറിയില്‍ കയറാന്‍ തോന്നുന്നില്ല അതിന്റെ സ്വിച്ച്‌ മുറിയുടെ നടൂക്കാണ്‌ അവിടം വരെ ഇരുട്ടത്തു പോണം. അതു പറ്റുന്നില്ല അല്ലാതെ വല്യ പേടി ഒന്നും ഇല്ല.

അതുകൊണ്ട്‌ സാധാരണ ചെയ്യുന്നതുപോലെ ഉച്ചയ്ക്കലത്തെ ആഹാരം ഒന്നുകൂടി ശരിയാക്കി വിളമ്പി വയ്ക്കുന്ന പതിവു വേണ്ട തല്‍ക്കാലം 8 മണീയ്ക്ക്‌ ശര്‍മാജി കൂടെ വന്നിട്ട്‌ ആഹാരമൊക്കെ തയ്യാറാക്കിയാല്‍ മതി എന്നു തീരുമാനിച്ച്‌ കട്ടിലിനു മുകളില്‍ കാലുകള്‍ കയറ്റി വച്ച്‌ കാത്തിരുന്നു അതും പേടിച്ചിട്ടൊന്നും അല്ല വെറുതെ എന്തിനാ നമ്മളായി ഓരോ ജോലി ഉണ്ടാക്കുന്നത്‌ എന്നു വിചാരിച്ച്‌.

എങ്ങനെ എങ്കിലും ഒന്ന്‌ 8 മണീയാകണെ എന്നായിരുന്നു അപ്പോഴത്തെ പ്രാര്‍ത്ഥന - ശര്‍മ്മാജി വരുമല്ലൊ, പക്ഷെ അതു കഴിഞ്ഞ്‌ ഊണും കഴിച്ച്‌ ശര്‍മ്മാജി പോകുമല്ലൊ എന്നുള്ളത്‌ പിന്നത്തേക്കു വച്ചതായിരുന്നു. പിന്നെ പേടിക്കേണ്ടത്‌ എന്തിനാ ഇപ്പോഴേ പേടിച്ചു തീര്‍ക്കുന്നത്‌ അല്ലെ?

തുടരും

ജന്തുലോകത്തിലെ അത്ഭുതക്കാഴ്ച

2011-04-30T04:55:00.001-07:00

അടുത്ത ഭാഗം വായിക്കാന്‍ ഇവിടെ ഞെക്കുക

(ചിത്രം നമ്മുടെ സജ്ജീവേട്ടന്റെ വക )

ഇത്‌ ചെറുപ്പത്തില്‍ ഞാന്‍ കണ്ട ഒരു കാഴ്ച്ചയാണ്‌. അന്നുകാലത്ത്‌ ഇന്നത്തെ പോലെ ഒരു വിഡിയൊ ക്യാമറ എങ്ങാനും ഉണ്ടായിരുന്നു എങ്കില്‍ --

ഇല്ലാതിരുന്നതു കൊണ്ട്‌ ഞാന്‍ അത്‌ അതുപോലെ വിശദീകരിക്കാന്‍ ശ്രമിക്കാം

എനിക്കു പണ്ടേ പൂച്ചകളെ ഇഷ്ടമാണ്‌ (പൂച്ചകളെ മാത്രമല്ല പട്ടികളെയും പശുക്കളെയും എല്ലാം എല്ലാം ഇഷ്ടമാണ്‌ കേട്ടൊ)

അങ്ങനെ ഞാന്‍ ആയുര്‍വേദവൈദ്യനായി ഒരിടത്ത്‌ പ്രാക്റ്റീസ്‌ ചെയ്യുന്ന കാലം.

എനിക്കൊരു പൂച്ചക്കുഞ്ഞിനെ കിട്ടി.
അതിനെ താമസസ്ഥലത്തു കൊണ്ടു വന്ന്‌ വളര്‍ത്തി.

കാലത്തു പാലുവാങ്ങിച്ചാല്‍ അതു ചായ തിളപ്പിക്കുന്നതിനു മുന്‍പ്‌ പൂച്ചയ്ക്കുള്ളത്‌ അതിനു വേണ്ടി ഒരു കൊച്ചു പാത്രം ഉള്ളതില്‍ ഒഴിച്ചു കൊടുക്കും. പൂച്ചയും വളരെ പെട്ടെന്നു പഠിച്ചു. കാലില്‍ മുട്ടി ഉരുമ്മി ആ പാല്‍ ക്കാരന്‍ വരുന്നതു മുതല്‍ എന്റെ ഒപ്പം കാണും.

അങ്ങനെ വളര്‍ന്നു വളര്‍ന്ന്‌ അതിന്റെ ശരീരം ഒരു താറാവിന്‍ മുട്ടയുടെ വലിപ്പം വച്ചു.

ഒരു ദിവസം പാല്‍ക്കാരന്‍ വന്നിട്ടും പൂച്ച എന്റടുത്തു വന്നില്ല.

പാല്‍ പാത്രത്തില്‍ ഒഴിച്ചു വച്ചിട്ട്‌ വിളിച്ചു നോക്കി എന്നിട്ടും കാണുന്നില്ല. ഇതെവിടെ പോയി എന്നറിയാതെ ഞാന്‍ ചുറ്റും നോക്കി നാന്നു.

വീടിന്റെ പിന്നില്‍ ഒരു വശത്ത്‌ എത്തിയപ്പോള്‍ അവിടെ വാതിലിന്റെ ഉമ്മറപ്പടിയില്‍ ഇരിപ്പുണ്ട്‌ കക്ഷി.
ഞാന്‍ വന്നതൊന്നും അറിഞ്ഞിട്ടില്ല അഥവാ അറിഞ്ഞ ഭാവം ഇല്ല. ചെവികള്‍ കൂര്‍പ്പിച്ച്‌ ഇമവെട്ടാതെ അകലേയ്ക്കു നോക്കി ഇരിക്കുകയാണ്‌

ഇതെന്തു നോക്കി ഇരിക്കുന്നു എന്നറിയാന്‍ ഞാനും അതിന്റെ നോട്ടം ചെല്ലുന്ന സ്ഥലത്തേയ്ക്കു നോക്കി.

അവിടെ ഏകദേശം ഒരു ചാണ്‍ നീളം ( 6 ഇഞ്ച്‌ സ്കെയിലിന്റെ നീളം)ഉള്ള ഒരു പാമ്പിന്‍ കുഞ്ഞ്‌ ഇഴഞ്ഞു പോകുന്നു.

പൂച്ചക്കുഞ്ഞ്‌ ഇരിക്കുന്നിടത്തു നിന്നും ഒരു പത്തു പന്ത്രണ്ടടി ദൂരത്താണ്‌ അത്‌.

അതിനപ്പുറം ആയുര്‍വേദമരുന്നുകള്‍ കൊണ്ടു വരുന്ന പഴയ വീഞ്ഞപ്പെട്ടികള്‍ അടുക്കി വച്ചിട്ടുണ്ട്‌.

അതിനടിയിലേക്കാണ്‌ പാമ്പിന്‍ കുഞ്ഞിന്റെ പോക്ക്‌

അത്‌ ഇഴഞ്ഞിഴഞ്ഞ്‌ ആ പെട്ടികളുടെ അടുത്തെത്തി.

അതിന്റെ തല പെട്ടിയുടെ അടിയില്‍ ആയതും ഒരു മിന്നായം പോലെ ആ പൂച്ചക്കുഞ്ഞ്‌ അതിനടുത്തെത്തി കൈ കൊണ്ട്‌ മാന്തി അതിനെ തിരികെ ഒരു അഞ്ചാറടി പിന്നിലാക്കി ,ശേഷം അതേ പോലെ തിരികെ വാതിലിന്റെ പടിയില്‍ എത്തി പഴയതു പോലെ ഇരിപ്പായി.

ഇതൊന്നും പ്രതീക്ഷിക്കാതെ ആയതിനാല്‍ ആദ്യം എനിക്കു ശരിക്കങ്ങു മനസ്സിലായില്ല. പക്ഷെ ഇതേ കൃത്യം ഒരു മൂന്നു നാലു തവണ കണ്ടപ്പോള്‍ - Action Replay എല്ലാം അതിവേഗതയില്‍ ആണെങ്കിലും രണ്ടു ജന്തുക്കളുടെയും ഉള്ളിലിരിപ്പ്‌ മനസ്സിലായി.

എന്നാല്‍ ഇനി അടൂത്തതാണ്‌ അതിലും അതിശയം.

പലതവണ രക്ഷപ്പെടാന്‍ ശ്രമിച്ചിട്ടും നടക്കാത്തതിനാല്‍ പാമ്പിന്‍ കുഞ്ഞും എന്തോ തീരുമാനിച്ചുറച്ചു കാണണം അതല്ലെങ്കില്‍ ഇങ്ങനെ സംഭവിക്കില്ലല്ലൊ.

പക്ഷെ അതും എനിക്കു പ്രതീക്ഷയിലില്ലാതിരുന്നതു കൊണ്ട്‌ അത്ര വ്യക്തമായി കാണാന്‍ സാധിച്ചില്ല

ആ അവസാനത്തെ പ്രാവശ്യം പൂച്ച പാമ്പിന്‍ കുഞ്ഞിനെ പിന്നിലേക്കു മാന്തിയിടാന്‍ ശ്രമിച്ചു. പക്ഷെ അതിനു ശേഷം ഞാന്‍ കാണുന്ന കാഴ്ച

പൂച്ചക്കുഞ്ഞ്‌ നിലത്തിരിക്കുന്നു. അതിന്റെ മുന്‍ വശത്തെ ഒരു കയ്ക്കടിയില്‍ പാമ്പിന്‍ കുഞ്ഞിന്റെ തല അമര്‍ത്തിപിടിച്ചിരിക്കുന്നു.

പാമ്പിന്റെ ഉടല്‍ പൂച്ചക്കുഞ്ഞിന്റെ കഴുത്തില്‍ മുറുകിയിരിക്കുന്നു.

പരമശിവന്റെ അവതാരം !!

പൂച്ച ശ്വാസം കിട്ടാന്‍ ബുദ്ധിമുട്ടുന്നതുപോലെ വായ പിളര്‍ന്നു പിടിച്ചിരിക്കുന്നു.

ഇവിടം കൊണ്ടും തീരുന്നില്ല. അടൂത്ത കാഴ്ച്ച വര്‍ണ്ണിക്കുവാന്‍ ആണ്‌ പ്രയാസം.

കഴുത്തില്‍ ചുറ്റിയ ചുറ്റ്‌ അഴിക്കുവാന്‍ വേണ്ടി അതിനെതിരായ ദിശയില്‍ പൂച്ച കറങ്ങുന്നു - അതിവേഗതയില്‍. നാം ശയനപ്രദക്ഷിണം നടത്തില്ലെ അത്‌ ഊഹിച്ചാല്‍ മതി -പൂച്ചക്കുഞ്ഞ്‌ പലപ്രാവശ്യം അതുപോലെ കറങ്ങും, പക്ഷെ അതു നിര്‍ത്തുമ്പോള്‍ പഴയതു പോലെ തന്നെ പാമ്പിന്‍ കുഞ്ഞിന്റെ തല അതിന്റെ കയ്ക്കടിയിലും കാണും കഴുത്തിലെ ചുറ്റ്‌ അതുപോലെ തന്നെയും കാണും.

രണ്ടു മൂന്നു തവണ ആയപ്പോഴേക്കും പൂച്ചക്കുഞ്ഞിന്റെ വായ കൂടൂതല്‍ കൂടൂതല്‍ തുറന്നു വരുന്നതു കണ്ട്‌ ഞാന്‍ ഇടപെട്ടു. ഒരു കമ്പെടുത്ത്‌ ആദ്യമായി ഒരു പാമ്പിനെ യമപുരിയ്ക്കയച്ചു.

അതിനുശേഷം പലപ്രാവശ്യം ഞാന്‍ പരീക്ഷണം നടത്തി - തുണി കോണ്ടുള്ള ഒര്‍ നാടയായാലും മുകളില്‍ നിന്ന് ആ പൂച്ച ക്കുഞ്ഞിന്റെ കഴുത്തില്‍ മുട്ടിച്ചാല്‍ അത്‌ പമ്പരം പോലെ കറങ്ങിത്തുടങ്ങും.

എന്നാല്‍ മറ്റ്‌ ഒരു പൂച്ചയും അങ്ങനെ ചെയ്തു കണ്ടില്ല എല്ലാ പൂച്ചയുടെയും കഴുത്തില്‍ പരിശോധിച്ചു കേട്ടൊ

പാമ്പ്‌ കഴുത്തില്‍ ചുറ്റിയപ്പോള്‍ ഇങ്ങനെ കറങ്ങിയാല്‍ അതഴിയാന്‍ സാധ്യത ഉണ്ടെന്ന്‌ ഈ പൂച്ചക്കുഞ്ഞിന്‌ തോന്നിയത്‌ എങ്ങനെ ആണാവോ
യുക്തിവാദികളോട്‌ ചോദിച്ചാല്‍ പറയുമായിരിക്കും "ഠപ്പേ ന്നൊരു പരിണാമം നമ്മുടെ Big Bang പോലെ, പാമ്പാ ചുറ്റി പരിണാമമാ വന്നു" അല്ലേ

ഇതേ പൂച്ചയുടെ തന്നെ ഒന്നു രണ്ടു കഥകള്‍ കൂടി ഉണ്ട്‌ പതുക്കെ ആകാം
അടുത്ത ഭാഗം വായിക്കാന്‍ ഇവിടെ ഞെക്കുക

സംഗീതം: സംഗീതപാഠം രണ്ട്‌

2011-04-27T22:10:00.000-07:00

സംഗീതം: സംഗീതപാഠം രണ്ട്‌: "ആദ്യത്തെ പാഠം തുടങ്ങിക്കഴിഞ്ഞെങ്കില്‍, താളത്തില്‍ വിരലുകള്‍ അല്‍പം കൂടി വേഗതയില്‍ ചലിപ്പിക്കുവാന്‍ വേണ്ടി ഇക്കാണുന്ന പാഠങ്ങള്‍ ചെയ്യുക അഞ്ച..."

സംഗീതം: ആദ്യത്തെ പാഠം

2011-04-26T20:06:00.000-07:00

സംഗീതം: ആദ്യത്തെ പാഠം: "ഇനി അല്‍പം പരിശീലനം തുടങ്ങാം അല്ലെ സ്വരസ്ഥാനം ഏതൊക്കെ ആണെന്നും അവ സ്റ്റാഫില്‍ എവിടെ ഒക്കെ എഴുതും എന്നും എത്ര നേരം നീട്ടി വായിക്കണം എന്നും..."

സംഗീതം: Time Signature

2011-04-23T04:29:00.000-07:00

സംഗീതം: Time Signature: "താളം കുറിക്കുന്ന വിദ്യ ആണ്‌ ഇത്‌. സ്റ്റാഫിന്റെ ഇടതു വശത്ത്‌ , Key Signature കഴിഞ്ഞാല്‍ താളം കൂടി എഴുതണം ഓരോ നാലു മാത്രയിലും എത്ര Quarter N..."

Our Country - Forwarded Mail

2011-04-22T08:33:00.000-07:00

Fw: amazing corruption and the nation of india
...
From:
desh avi [Chat now]
...
View Contact
To:

--- On Fri, 4/22/11, Lt.Col. Ashok Shirgaonkar wrote:

From: Lt.Col. Ashok Shirgaonkar
Subject: amazing corruption and the nation of india
To:
Date: Friday, April 22, 2011, 1:20 AM

----- Forwarded Message -----d
From: Vasant Thatte
To:
Sent: Monday, April 18, 2011 9:08 AM
Subject: Fw: amazing corruption and the nation of india

Hi Everybody,
I am forwarding this mail to you to know what the country has by these congressmen. I am saying this about the congress party because I had been pressurised by the the then Home Minister in year 1961-62 saying dO NOT touch him he is our man, when I had caught the Local Congress Pradesh President with the Telecommunication Copper Wires stolen by his gang and sold to the small scale industries in Udhna-Surat Dist. area. This was the case when I was working as the Police Station Officer of the Sachin Police Station about 13 kms. from Surat in Gujarat State. Congress Party was in full majority in the country. When I refused to agree, I was harrased and put to torturous way which made me to think of changing my career. Added to that the Police Higher ups inthose days were also highly corrupt. I left the Police Service in just a small span of 2 and half years. Corruption is not new to Congress. Let Digvijaysingh or any body else speak any thing. The country is being ruined and looted by these congress men. Please pass on this information abouit the scams to every one you know. Thanks.
V.G.THATTE

Subject: Fwd: amazing corruption and the nation of india
From: sanat60@gmail.com
Date: Sat, 16 Apr 2011 20:33:03 +0530
To: vgthatte@hotmail.com

Sanat Kulkarni

Begin forwarded message:

From: Ranganath
Date: 16 April 2011 0:46:53 GMT+05:30
To: msranganath2003@yahoo.com
Subject: amazing corruption and the nation of india

Total Scam Money (approx) Since 1992:

Rs. 73000000000000 Cr.
(73 Lakh Crore)

Hard to digest ?
Just check the below given details

1992 -Harshad Mehta securities scam Rs 5,000 cr

1994 -Sugar import scam Rs 650 cr

1995 -Preferential allotment scam Rs 5,000 cr
Yugoslav Dinar scam Rs 400 cr
Meghalaya Forest scam Rs 300 cr

1996: -Fertiliser import scam Rs 1,300 cr
Urea scam Rs 133 cr
Bihar fodder scam Rs 950 cr

1997 -Sukh Ram telecom scam Rs 1,500 cr
SNC Lavalin power project scam Rs 374 cr
Bihar land scandal Rs 400 cr
C.R. Bhansali stock scam Rs 1,200 cr

1998 -Teak plantation swindle Rs 8,000 cr

2001 -UTI scam Rs 4,800 cr
Dinesh Dalmia stock scam Rs 595 cr
Ketan Parekh securities scam Rs 1,250 cr

2002 -Sanjay Agarwal Home Trade scam Rs 600 cr

2003 -Telgi stamp paper scam Rs 172 cr

2005 -IPO-Demat scam Rs 146 cr
Bihar flood relief scam Rs 17 cr
Scorpene submarine scam Rs 18,978 cr

2006 -Punjab's City Centre project scam Rs 1,500 cr,
Taj Corridor scam Rs 175 cr

2008 -Pune billionaire Hassan Ali Khan tax default Rs 50,000 cr
The Satyam scam Rs 10,000 cr
Army ration pilferage scam Rs 5,000 cr
The 2-G spectrum swindle Rs 60,000 cr
State Bank of Saurashtra scam Rs 95 cr
Illegal monies in Swiss banks, as estimated in 2008 Rs 71,00,000 cr

2009: -The Jharkhand medical equipment scam Rs 130 cr
Rice export scam Rs 2,500 cr
Orissa mine scam Rs 7,000 cr
Madhu Koda mining scam Rs 4,000 cr"

SC refuses to quash PIL against Mayawati in Taj corridor scam
Orissa mine scam could be worth more than Rs 14k cr

CORRUPTION, MONEY LAUNDERING SCAM, Koda discharged from hospital, arrest imminent
'A Cover-Up Operation':
"It's a scam involving close to Rs 60,000 crores"
Spectrum scam: How govt lost Rs 60,000 crore

India's biggest scams 1, Ramalinga Raju, Rs. 50.4 billion
India's biggest scams 2, Harshad Mehta, Rs. 40 billion
India's biggest scams 3, Ketan Parekh, Rs. 10 billion
India's biggest scams 4, C R Bhansali, Rs. 12 billion
India's biggest scams 5, Cobbler scam
India's biggest scams 6, IPO Scam
India's biggest scams 7, Dinesh Dalmia, Rs. 5.95 billion
India's biggest scams 8, Abdul Karim Telgi, Rs. 1.71 billion
India's biggest scams 9, Virendra Rastogi, Rs. 430 million
India's biggest scams 10, The UTI Scam, Rs. 320 million
India's biggest scams 11, Uday Goyal, Rs. 2.1 billion
India's biggest scams 12, Sanjay Agarwal, Rs. 6 billion
India's biggest scams 13, Dinesh Singhania, Rs. 1.2 billion

1, Jeep Purchase (1948) :- Free India's corruption graph begins. V. K. Krishna Menon, then the Indian high commissioner to Britain, bypassed protocol to sign a deal worth Rs 80 lakh with a foreign firm for the purchase of army jeeps. The case was closed in 1955 and soon after Menon joined the Nehru cabinet.

2, Cycle Imports (1951) :- S.A. Venkataraman, then the secretary, ministry of commerce and industry, was jailed for accepting a bribe in lieu of granting a cycle import quota to a company.

3, BHU Funds (1956) :- In one of the first instances of corruption in educational institutions, Benaras Hindu University officials were accused of misappropriation of funds worth Rs 50 lakh.

4, MUNDHRA SCANDAL (1957):- It was the media that first hinted there might be a scam involving the sale of shares to LIC, Feroz Gandhi sources the confidential correspondence between the then Finance Minister T.T. Krishnamachari and his principal finance secretary, and raised a question in Parliament on the sale of 'fraudulent' shares to LIC by a Calcutta-based Marwari businessman named Haridas Mundhra. The then Prime Minister, Jawaharlal Nehru, set up a one-man commission headed by Justice M.C.Chagla to investigate the matter when it becomes evident that there was a prima facie case. Chagla concluded that Mundhra had sold fictitious shares to LIC, thereby defrauding the insurance behemoth to the tune of Rs. 1.25 crore. Mundhra was sentenced to 22 years in prison. The scam also forced the resignation of T.T.Krishnamachari.

6, Teja Loans (1960):- Shipping magnate Jayant Dharma Teja took loans worth Rs 22 crore to establish the Jayanti Shipping Company. In 1960, the authorities discovered that he was actually siphoning off money to his own account, after which Teja fled the country.

7, Kairon Scam (1963):- Pratap Singh Kairon became the first Indian chief minister to be accused of abusing his power for his own benefit and that of his sons and relatives. He quit a year later.

8, Patnaik's Own Goal (1965) :- Orissa Chief Minister Biju Patnaik was forced to resign after it was discovered that he had favoured his privately-held company Kalinga Tubes in awarding a government contract.

9, Maruti Scandal (1974) :- Well before the company was set up, former Prime Minister Indira Gandhi's name came up in the first Maruti scandal, where her son Sanjay Gandhi was favoured with a license to make passenger cars.

10, Solanki Exposé (1992) :- At the World Economic Forum, Madhavsinh Solanki, then the external affairs minister, slipped a letter to his Swiss counterpart asking their government to stop the probe into the Bofors kickbacks. Solanki resigned when India Today broke the story.

11, Kuo Oil Deal (1976):- The Indian Oil Corporation signed an Rs 2.2-crore oil contract with a non-existent firm in Hong Kong and a kickback was given. The petroleum and chemicals minister was directed to make the purchase.

12, Antulay Trust (1981) :- With the exposure of this scandal concerning A.R. Antulay, then the chief minister of Maharashtra, The Indian Express was reborn. Antulay had garnered Rs 30 crore from businesses dependent on state resources like cement and kept the money in a private trust.

13, HDW Commissions (1987) :- HDW, the German submarine maker, was blacklisted after allegations that commissions worth Rs 20 crore had been paid. In 2005, the case was finally closed, in HDW's favour.

14, Bofors Pay-Off (1987) :- A Swedish firm was accused of paying Rs 64 crore to Indian bigwigs, including Rajiv Gandhi, then the prime minister, to secure the purchase of the Bofors gun.

15, St Kitts Forgery (1989) :- An attempt was made to sully V.P. Singh's Mr Clean image by forging documents to allege that he was a beneficiary of his son Ajeya Singh's account in the First Trust Corp. at St Kitts, with a deposit of $21 million.

16, Airbus Scandal (1990) :- Indian Airlines's (IA) signing of the Rs 2,000-crore deal with Airbus instead of Boeing caused a furore following the crash of an A-320. New planes were grounded, causing IA a weekly loss of Rs 2.5 crore.

17, Securities Scam (1992) :- Harshad Mehta manipulated banks to siphon off money and invested the funds in the stock market, leading to a crash. The loss: Rs 5,000 crore.

18, Indian Bank Rip-off (1992) :- Aided by M. Gopalakrishnan, then the chairman of the Indian Bank, borrowers-mostly small corporates and exporters from the south-were lent a total of over Rs 1,300 crore, which they never paid back.

19, Sugar Import (1994) :- As food minister, Kalpnath Rai presided over the import of sugar at a price higher than that of the market, causing a loss of Rs 650 crore to the exchequer. He resigned following the allegations.

20, MS SHOES SCAM (1994) :- Anyone who war old enough in 1994 to read will remember the advertisements- tens of them intriguingly headlined: 'Who is Pawan Sachdeva?' For the record, it was the peak of the public issued-led advertising boom and the ads were created by the Delhi branch of Rediffusion. Sachdeva, the promoter of MS Shoes, allegedly used company funds to buy shares (of his own company) and rig prices, prior to a public issue. He is alleged to have colluded with officials in the Securities Exchange Board of India (SEBI) and SBI Caps, which lead-managed the issue, to dupe the public into investing in his Rs. 699-crore public-***-rights issue. Sachdeva was later acquitted

21, JMM Bribes (1995) :- Jharkhand Mukti Morcha leader Shailendra Mahato testified that he and three party members received bribes of Rs 30 lakh to bail out the P.V. Narasimha Rao government in the 1993 no-confidence motion.

22, In a Pickle (1996) :- Pickle baron Lakhubhai Pathak raised a stink when he accused former Prime Minister P.V. Narasimha Rao and godman Chandraswami of accepting a bribe of Rs 10 lakh from him for securing a paper pulp contract.

23, Telecom Scam (1996) :- Former minister of state for communication Sukh Ram was accused of causing a loss of Rs 1.6 crore to the exchequer by favouring a Hyderabad- based private firm in the purchase of telecom equipment. He, along with two others, was convicted in 2002.

24, Fodder Scam (1996) :- The accountant general's concerns about the withdrawal of excess funds by Bihar's animal husbandry department unveiled a Rs 950-crore scam involving Lalu Prasad Yadav, then the state chief minister. He resigned a year later.

25, Urea Deal (1996) :- C.S. Ramakrishnan, MD, National Fertiliser, and a group of businessmen close to the P.V. Narasimha Rao regime fleeced the government and took Rs 133 crore from the import of two lakh tonne of urea, which was never delivered.

26, Hawala Diaries (1996) :- The scandal surfaced following CBI raids on hawala operators in Delhi in 1991. But it was S.K. Jain's diaries that had heads rolling.

27, CRB SCAM (1997) :- Another scam forged by greed and discovered through accident. Chain Roop Bhansali, a smart-talking entrepreneur, created a pyramid financial empire based on high-cost financing. At its peak, his Rs. 1,000-crore financial conglomerate had in its ranks a mutual fund, a financial services company into fixed deposits, and a merchant bank. That Bhansali knew how to work the system became evident when he also managed to secure a provisional banking license. Then his luck ran out. An executive in the State Bank of India Inadvertently discovered that some interest warrants issued by Bhansali were not backed by cash. The bubble finally burst in May 1997, but by that time investors had lost over Rs. 1,000 crore. This was among the first retail scams in India and it was played out, in smaller avatars, across the country-especially in the South where financial services companies promised returns in excess of 20 per cent and decamped with the principal. Bhansali was arrested for a few weeks and released later on bail.

28, MEHTA'S SECOND COMING (1998) :- The Big Bull returned to the bourses. This time, he allegedly colluded with the promoters of BPL, Videocon International, and Sterile Industries to rig the share prices of these companies. The inevitable collapse happened sooner than planned, Harshad Mehta orchestrated a cover-up operation that included a high=jinks effort by officials of Bombay Stock Exchange to (illegally ) open the trading system in the middle of the night to set things right, but the damage had been done. SEBI finally passed its ruling on the scam in 2001, banning the three companies concerned from tapping the market-BPL, for two years. Mehta was debarred for life form dealing in Securities Appellate Tribunal (SAT) in October 2001

29, VANISHING COMPANIES SCAM (1998) :- A passing remark heard by then Finance Minister Palaniappan Chidambaram resulted in a furore over what was badly-kept secret on Dalal street. Chidambaram was told that hundreds of companies had disappeared after raising moneys form the public. An informal scrutiny revealed that perhaps over 600 companies were missing. Chidambaram ordered a probe by SEBI. The SEBI probe conducted in May 1998 revealed that while many companies are not traded on the bourses at least 80 companies that had rises Rs.330.78 crore were simply missing. Later that year, the Department of Company Affairs (DCA) was asked to probe and penalize these companies. DCA still investigating. Investigations continue to this day.

30, PLANTATION COMPANIES SCAM (1999) :- It was as innovative a swindle as any effected in the world. Savvy entrepreneurs convinced gullible investors that given the right irrigation and fertilizer inputs, teak, strawberries, and anything else that could be grown, would grow anywhere in the country. The promoters could afford to collect money from investors and not worry about retribution (or returns, for that matter). For, plantation companies fell under the purview of neither SEBI nor Reserve Bank of India. Indeed, they didn't even come under the scope of the Department decided to change things in 1999, enough investors had been gulled: 653 companies, between them, had raised Rs. 2,563 crore from investors. To date, not many investors have got their principals back, just another affirmation of the old saying about money not growing on trees.

31, Match Fixing (2000) :- Mohammed Azharuddin, till then India's cricket captain, was accused of match-fixing. He and Ajay Sharma were banned from playing, while Ajay Jadeja and Manoj Prabhakar were suspended for five years.

32, KETAN PAREKH SCAM (2001) :- Ketan Parekh's modus operandi wasn't very different from Harshad Mehta's. If Mehta used banker's receipts, then Parekh used pay orders to ramp up the prices of his favourite scrips (the K-10). Apart from money form the banking system Parekh also rerouted money from corporated like HFCL (Rs. 425 crore), and Zee (Rs. 340 crore) to good effect. He was caught when pay-orders issued by Madhavpura Mercantile Cooperative Bank bounced. Although the total amount involved in the scam was just Rs. 137 crore, the impact was far greater.

Apparently, when a bear cartel sensed Parekh was in trouble, it stepped in and leveraged a dip in the NASDAQ to bear down stock prices. The resultant slump in the markets happened soon after Finance Minister Yashwant Sinha presented what he considered his best budget ever. Under pressure from the government, SEBI investigated the scam and heads began to roll. Among them: the entire management team of BSE, including its president Anand Rathi, CSFB, First Global, and, in an indirect connection, P.S.Subramanyam, the Chairman of UTL Evidently, for the 18 months that PSS was Chairman of UTI, the Trust had mirrored the actions of the bull cartel. The result? When the market tanked, so did the NAV of its holy cow, the US-64.

33, Tehelka Sting (2001) :- Tehelka, an online news portal, used spycams to catch army officers and politicians accepting bribes, in their sting operation called Operation Westend. Investigative journalism turned another corner in the country.

34, Stockmarket Scam (2001) :- The mayhem that wiped off over Rs 1,15,000 crore in the markets in March 2001 was masterminded by the Pentafour bull Ketan Parekh. He was arrested in December 2002 and banned from acccessing the capital market for 14 years.

35, Home Trade Scam (2002) :- Under the pretext of gilt trading, Rs 600 crore was swindled from over 25 cooperative banks in Maharashtra and Gujarat by a Navi Mumbai-based brokerage firm Home Trade. Sanjay Agarwal, CEO of the firm, was arrested in May 2002.

36, Stamp Paper Scam (2003) :- The sheer magnitude of the racket was shocking-it caused a loss of Rs 30,000 crore to the exchequer. Disclosures of the mastermind behind it, Abdul Karim Telgi, implicated top police officers and bureaucrats.

37, Oil-for-Food Scandal (2005) :- K. Natwar Singh was unceremoniously dropped from the Cabinet when his name surfaced in the Volcker Report on the Iraq oil-for-food scam.
What India Could Do With Rs 73 Lakh Crore?

Build: 2.4 crore primary healthcare centres. That’s at least 3 for every village, at a cost of Rs 30 lakh each.

Build: 24.1 lakh Kendriya Vidyalayas at a cost of Rs 3.02 crore each, with two sections from Class VI to XII.

Construct: 14.6 crore low-cost houses assuming a cost of Rs 5 lakh a unit.
Set up: 2,703 coal-based power plants of 600 MW each. Each costs Rs 2,700 crore.

Supply: 12 lakh CFL bulbs. That’s enough light for each of India’s 6 lakh villages

Construct: 14.6 lakh km of two-lane highways. That’s a road around India’s perimeter 97 times over.

Clean up: 50 major rivers for the next 121 years, at Rs 1,200 crore a river every year.

Launch: 90 NREGA-style schemes, each worth roughly Rs 81,111 crore.
Announce: 121 more loan waiver schemes. All of them worth Rs 60,000 crore.

Give: Rs 56,000 to every Indian. Even better, give Rs 1.82 lakh to 40 crore Indians living BPL.

Hand out: 60.8 crore Tata Nanos to 60.8 crore people. Or four times as many laptops.

Grow the GDP: The scam money is 27% more than our GDP of Rs 53 lakh crore."
Greed, graft, politics, bribery, dirty money. Just another day in the life of a nation still rated among the most corrupt in the world. Scan the scams that have grabbed headlines, destroyed reputations and left many people poorer.

Action Points :-
1) Don't Delete this email, Circulate as much as you can!!
2) Take a resolution for New Year 2011 that you don’t vote for any corrupted Leader!!

സംഗീതം: Key Signature

2011-04-20T23:09:00.000-07:00

സംഗീതം: Key Signature: "കര്‍ണ്ണാടക സംഗീതം രാഗം അടിസ്ഥാനപ്പെടുത്തി ഉള്ളതാകയാല്‍ നമ്മുടെ ആവശ്യം ഇത്രയും കൊണ്ട്‌ നടക്കും. എന്നാലും എഴുതി തുടങ്ങിയ സ്ഥിതിയ്ക്ക്‌ പാശ്ച..."

അണ്ണാ ഹശാരെ

2011-04-17T08:59:00.000-07:00

ഒരു പഴയ കഥയാണ്‌

ഒരു രാജാവ്‌ നാടു ചുറ്റാന്‍ ഇറങ്ങി.
നാട്ടിലെ കഥകള്‍ അറിയാന്‍ വേഷം മാറിയുള്ള യാത്ര.

യാത്രയില്‍ രാജ്യത്തെ പല കഥകളും രാജാവിന്റെ ചെവിയില്‍ എത്തി

കൈക്കൂലി, കോഴ എന്നു വേണ്ട എല്ലാതരം അഴിമതികളും

രാജാവിനു ദുഃഖമായി

അദ്ദേഹം മന്ത്രിയെ വിളിച്ചു

എന്താണിതിനൊരു പോംവഴി?

നമുക്കൊരു കാര്യം ചെയ്യാം

അഴിമതിൂണ്ടൊ എന്നു നോക്കാനും അതു നിരോധിക്കാനും ആയി ഒരാളെ നിയമിക്കാം.

ഏതു പ്രശ്നത്തിനും അയാളേ കണ്ടാല്‍ കൈക്കൂലിക്കാരനെ കയ്യോടു പിടികൂടി, പ്രശ്നം തീര്‍ക്കണം അത്ര തന്നെ

ആഹാ

എന്തൊരു സുന്ദര തീരുമാനം രാജാവു മന്ത്രിയെ തോളില്‍ തട്ടി അഭിനന്ദിച്ചു.

മന്ത്രിയുടെ ബന്ധു അഴിമതിനിരോധന പ്രധാനിയായി നിയമിക്കപ്പെട്ടു.

കുറച്ചു കാലം രാജാവ്‌ നേരിട്ടു തന്നെ റിപ്പോര്‍ട്ടുകള്‍ പരിശോധിച്ചു

എല്ലാം ഭദ്രം

നാട്‌ സ്വര്‍ഗ്ഗം യാതൊരു അഴിമതിയും ഇല്ല.

മാസാമാസം ഉള്‍ല റിപോര്‍ട്ടുകള്‍ അതാണു സൂചിപ്പിക്കുന്നത്‌

വീണ്ടും രാജാവ്‌ വേഷപ്രഛന്നനായി ഇറങ്ങി

പണ്ടു പരാതി പറഞ്ഞ ഓരോരുത്തരെയും കണ്ടു

എങ്ങനെ ഉണ്ട്‌ ഇപ്പ്പ്പോള്‍? ഒരു പ്രശ്നവും ഇല്ലല്ലൊ.

അവര്‍ പറഞ്ഞു
ഹേയ്‌ ഇപ്പോള്‍ ഒരു പ്രശ്നവും ഇല്ല. പണ്ട്‌ ഒരാള്‍ക്കു കൊടൂത്താല്‍ മതിയായിരുന്നു.
ഇപ്പോള്‍ ചെലവ്‌ ഇരട്ടിയായി പഴയതു പോലെ എല്ലാവര്‍ക്കും കൊടൂക്കണം അതിനു തുല്യമായ തുക പുതിയ ആള്‍ക്കു വേറെയും കൊടുക്കണം, എങ്കിലെ അഴിമതിയില്ല എന്നു തെളിവാകൂ അത്ര തന്നെ

അണ്ണാ ഹശാരെ അല്ല അയാളുടെ മുത്തപ്പന്‍ വന്നാലും നമ്മുടെ രഷ്ട്രീയക്കാര്‍ എന്ന നാറികള്‍ നന്നാകുമോ?

ഈ നിയമം പാസാക്കി കഴിഞ്ഞാല്‍ പിന്നെ പണ്ടത്തെതിന്റെ പിന്നത്തെ അതായിരിക്കില്ലെ?

ഇവനെ ഒക്കെ പിടിച്ചു മുക്കാലിയില്‍ കെട്ടി മുന്നൂറടി കൊടുത്ത്‌ വല്ല അഫ്ഘാനിസ്ഥാനിലേക്കും കടത്തിയാല്‍ നാടു രക്ഷപ്പെടും

സംഗീതം notations നോക്കി പഠിക്കുവാന്‍

2011-04-16T22:09:00.000-07:00

സംഗീതം notations നോക്കി പഠിക്കുവാന്‍ താല്‍പര്യമുള്ളവര്‍ക്കു വേണ്ടി ഒരു പുതിയ ബ്ലോഗ്‌ തുടങ്ങി
http://sangeeetham.blogspot.com/2011/04/blog-post.html

വായിച്ച്‌ അഭിപ്രായം പറയുമല്ലൊ

നാരദരെയും ഓടിക്കാം

2011-04-15T21:51:00.000-07:00

നാട്ടിന്‍പുറത്ത്‌ ചുറ്റുപാടും നടക്കുന്ന വിവരങ്ങള്‍ എല്ലായിടത്തും എത്തിക്കുക എന്ന മഹത്തായ കര്‍മ്മം നിര്‍വഹിക്കുന്ന ചിലര്‍ ഏതു നാട്ടിനും ഒഴിച്ചുകൂടാനാകാത്തവരാണല്ലൊ.
അതിന്‍പ്രകാരം ഞങ്ങളുടെ നാട്ടിലും ഉണ്ടായിരുന്നു ഒന്നു രണ്ടു പേര്‍

അവിടെയുള്ള കാര്യം ഇവിടെയും ഇവിടെയുള്ള ആര്യം അവിടെയും എത്തിക്കുക അവരുടെ ധര്‍മ്മം ആയി കരുതിയ പാവങ്ങള്‍.

ഇവരുടെ ഈ പ്രവൃത്തി കൊണ്ട്‌ എനിക്കനുഭവിക്കേണ്ടി വന്ന ഒരു വിഷമം കേള്‍ക്കണ്ടേ?

എന്റെ അച്ഛന്‍ ഇവരുടെ വരവു ദൂരെ നിന്നു കാണുമ്പോള്‍ തന്നെ എന്നെ അടുത്തു വിളിക്കും

അച്ഛന്‍ അന്നൊക്കെ തിണ്ണയില്‍ ഇട്ടിരിക്കുന്ന ഒരു ചാരുകസേരയില്‍ വിശ്രമിക്കുന്ന നേരം നോക്കിയാകും ഇവരുടെ വരവ്‌ - പക്ഷെ ആ കിടപ്പില്‍ ദൂരെ വരമ്പില്‍ കൂടി വരുന്ന ആളെ നേരത്തെ കാണാന്‍ സാധിക്കും

അച്ഛന്‍ കിടക്കുന്ന കസാലയ്ക്കു മുകളില്‍ അച്ഛന്റെ വായന പുസ്തകങ്ങള്‍ വച്ചിട്ടുണ്ട്‌ . അവയില്‍ നിന്നും , ബാലഗംഗാധരതിലകന്റെ ഗീതാരഹസ്യം എന്ന പുസ്തകം ഏടുത്ത്‌ എന്റെ കയ്യില്‍ തന്നിട്ട്‌ അതിലേ ഏതെങ്കിലും ഒരു ഭാഗം തുറന്നിട്ട്‌ ഉറക്കെ വായിക്കാന്‍ പറയും.

നിങ്ങള്‍ വായിച്ചിട്ടുണ്ടോ?

(ഇല്ലെങ്കില്‍ ഒന്നു വായിച്ചു നോക്കണം കേട്ടൊ - പിന്നെ എന്നെ അടിക്കാനൊന്നും വരരുത്‌ അത്ര ബോറാണ്‌)

അതിന്റെ രണ്ടു പേജ്‌ ഒറ്റ ഇരുപ്പില്‍ വായിക്കാന്‍ സാധിക്കുന്നവര്‍ക്ക്‌ വേണമെങ്കില്‍ നോബല്‍ സമ്മാനം വല്ലതും ഉണ്ടാക്കി കൊടുക്കണം - ക്ഷമയ്ക്കുള്ളത്‌. അത്ര വിശേഷം ആണ്‌ പ്രത്യേകിച്ചും 10-12 വയസ്സുള്ള പിള്ളേര്‍ക്ക്‌

അപ്പോള്‍ പറഞ്ഞു വന്നത്‌ -
നമ്മുടെ കഥാനായകന്‍ വീട്ടിലെത്തുമ്പോഴേക്കും എന്റെ ഗീതാരഹസ്യത്തിന്റെ ചിലവരികള്‍ അദ്ദേഹത്തിന്റെ കാതിലും എത്തിയിരിക്കും

അപ്പൊഴാണ്‌ അച്ഛന്റെ വക
"ഹ ഇരിക്കു രാമന്‍പിള്ളേ നല്ല സമയത്താണ്‌ വന്നത്‌ ദാ കേട്ടേ , മോനെ അല്‍പം കൂടി ഉറക്കെ വായിച്ചേ -"

ഒരു മൂന്നു നാലു വാചകങ്ങള്‍ ആകുമ്പോഴേക്കും ഇതു നിര്‍ത്താനല്ല തുടരാനാണെങ്കില്‍ എങ്ങനെ എങ്കിലും രക്ഷപെട്ടാല്‍ മതി എന്ന് അദ്ദേഹത്തിനും മനസ്സിലാകും.

പതുക്കെ അദ്ദേഹം പറയും
"അതേ നാറാപിള്ളചേട്ടാ എനിക്കൊരല്‍പം തെരക്കുണ്ടായിൂന്നു പിന്നെ വന്നു കേള്‍ക്കാം "

അച്ചന്‍ ഒന്നു കൂടി ശ്രമിക്കും "ഹ കുറച്ചു കൂടി കേട്ടിട്ടു പോകാം എന്താ ഒരു രസം "

പക്ഷെ അപ്പോഴേക്കും അദ്ദേഹം പതുക്കെ എണീറ്റു യാത്ര തുടങ്ങിയിട്ടുണ്ടാകും

ഇതിന്റെ ഗുട്ടന്‍സ്‌ ആദ്യം അറിയില്ലായിരുന്നു.
പക്ഷെ ഒരിക്കല്‍ ഇതുപോലെ ഒരാള്‍ പോയി കഴിഞ്ഞപ്പോള്‍, എന്റെ കയ്യില്‍ നിന്നും പുസ്തകം തിരികെ വാങ്ങിയ അച്ഛന്റെ വായില്‍ നിന്നും വീണ ഈ വാക്കുകള്‍ " ക- മോന്മാര്‍ നേരം വേളുക്കുമ്പോ ഇറങ്ങിക്കോളും ഓരോ കൊതിയും നുണയും പറയാന്‍"

അപ്പൊഴാ മനസിലായത്‌ അച്ഛന്‍ അഞ്ജു കഥപറഞ്ഞ പോലെ കാണിച്ചതാണെന്ന്

10 things to learn from Japan

2011-03-23T04:54:00.000-07:00

10 things to learn from Japan

1. THE CALM
Not a single visual of chest-beating or wild grief. Sorrow itself has been elevated.

2. THE DIGNITY
Disciplined queues for water and groceries. Not a rough word or a crude gesture.

3. THE ABILITY
The incredible architects, for instance. Buildings swayed but didn’t fall.

4. THE GRACE
People bought only what they needed for the present, so everybody could get something.

5. THE ORDER
No looting in shops. No honking and no overtaking on the roads. Just understanding.

6. THE SACRIFICE
Fifty workers stayed back to pump sea water in the N-reactors. How will they ever be repaid?

7. THE TENDERNESS
Restaurants cut prices. An unguarded ATM is left alone. The strong cared for the weak.

8. THE TRAINING
The old and the children, everyone knew exactly what to do. And they did just that.

9. THE MEDIA
They showed magnificent restraint in the bulletins. No silly reporters. Only calm reportage.

10. THE CONSCIENCE
When the power went off in a store, people put things back on the shelves and left quietly!

ശാസ്ത്രജ്ഞന്മാരെ രാഷ്ട്രീയക്കാരെ നെഗളിച്ചോളൂ നിങ്ങള്‍ ജയിച്ചു

2011-03-21T04:09:00.000-07:00

ജപ്പാനിലെ ആണവ അപകടം കണ്ടെങ്കിലും നമ്മുടെ രാഷ്ട്രീയപിശാചുക്കളുടെ ദുര്‍ബുദ്ധി ഒന്നു തെളിഞ്ഞെങ്കില്‍

അതെങ്ങനെ തെളിയാനാ അവന്റെ ഒക്കെ വിചാരം അവനൊക്കെ എന്നെന്നും ജീവിച്ചിരിക്കും എന്നല്ലെ. അതിനായി കാശു സമ്പാദിച്ച്‌ സ്വിസ്‌ ബാങ്കില്‍ ഇടാനല്ലെ.

Any foreign company WILL NOT be held liable for any nuclear accidents on Indian soil, whatsoever They WILL NOT pay any Compensation We CAN NOT sue them in Indian or Foreign courts
നമ്മുടെ സര്‍ക്കാര്‍ നമുക്കുണ്ടാക്കി തന്ന Nuclear Civil Liabilities Bill പറയുന്നതാണ്‌.

ഇടതനും വലതനും മധ്യമനും എല്ലാം -- നാറികള്‍ അവനൊക്കെ ഇരിക്കുന്ന പാര്‍ലമെന്റിന്റെയും അസംബ്ലിയുടെയും നടുക്കു കൊണ്ട്‌ സ്ഥാപിക്കാന്‍ പറ ആ നിലയമൊക്കെ

പക്ഷെ എന്നാലും രക്ഷയുണ്ടോ?

ഒരപകടം നടന്ന ചേര്‍ണൊബില്‍ ഭാഗത്ത്‌ 1ലക്ഷം ചതുരശ്രകിലൊമീറ്റര്‍ സ്ഥലം ഇനിയൊരു 20000 കൊല്ലത്തേക്ക്‌ ജനവാസയോഗ്യം അല്ല

അതെങ്ങനാ സായിപ്പു വച്ചു നീട്ടുന്ന എച്ചില്‍ക്കാശിന്നു പിന്നാലെ പോകുന്ന നാറികള്‍ ഭരിക്കാനുള്ളപ്പോള്‍ - അമേരിക്കയിലെയും മറ്റും General Electrics, Westinghouse,Areva ഇവരുടേയൊക്കെ കോണകം നക്കാനാണല്ലൊ നമുക്കു പ്രധാനമന്ത്രിയും മറ്റു മന്ത്രിമാരും എം പിമാരും എമ്മെല്ലെമാരും ഒക്കെ ഉള്ളത്‌.

ആസ്റ്റ്രേലിയയില്‍ ഒരൊറ്റ ആണവപദ്ധതി പോലും ഇല്ല എന്നാണറിയുനത്‌, അവര്‍ക്കു വിവരം ഉണ്ടേ. പക്ഷെ എന്തിനാ നാമ്മള്‍ പോരെ അവരെയും ഇല്ലാതാക്കാന്‍.

ഇനി കുറച്ചു പടങ്ങള്‍ കൂടി കണ്ടു രസിക്കൂ- നാം നമ്മുടെ മക്കള്‍ക്കും കൊച്ചുമക്കള്‍ക്കും ഒക്കെ വേണ്ടി തയ്യാറക്കിയിരിക്കുന്ന ലോകത്തില്‍ അവരെ കാത്തിരിക്കുന ചിത്രങ്ങള്‍

--ഝാര്‍ഖണ്ഡിലെ ജാദുഗുഡ യുറേനിയം മയിന്‍ പ്രദേശത്തുനിന്ന്

--രാജസ്ഥനിലെ കോട്ടയ്ക്കടുത്തുള്ള റാവത്ഭാട്ട പ്ലാന്റ്‌ നടുത്ത്‌

--റഷ്യയിലെ nuclear testing site

--ഇറാക്കിലെ Depleted Uranium Bombing

ചേര്‍ണൊബില്‍

ബൂലോകത്തിലെ ശാസ്ത്രജ്ഞന്മാരെ നെഗളിച്ചോളൂ നിങ്ങള്‍ ജയിച്ചു
ഈ രാഷ്ട്രീയക്കാരുടെ ഒക്കെ മക്കളെയും മറ്റും ഈ രീതിയില്‍ ഒന്നു സങ്കല്‍പ്പിച്ചു നോക്കൂ

കണക്കുകള്‍ കാണീക്കുന്ന പ്രകാരം ഇന്ത്യയുടെ വൈദ്യുതി ആവശ്യത്തിന്റെ വെറും 10% ആണ്‌ പദ്ധതിയിലുള്ള എല്ലാ റിയാക്റ്ററുകളും പ്രവര്‍ത്തിച്ചാല്‍ ഉണ്ടാകുന്നത്‌ എന്നു സര്‍ക്കാര്‍ തന്നെ പറയുന്നു.

ഈ ഇരുപത്തി ഒന്നാം നൂറ്റാണ്ടില്‍ പോലും Nuclear Waste Disposal ഒരു ബാലികേറാമല തന്നെ.

സാരമില്ല അമേരിക്കയെ പോലെ ഉള്ളവര്‍ അതുകൊണ്ട്‌ ബോംബുണ്ടാക്കി ഇറാക്കില്‍ ഇട്ടപോലെ എവിടെ എങ്കിലും ഇട്ടോളും. അപ്പോള്‍ നമ്മുടെ Waste അവര്‍ മേടിക്കുമായിരിക്കും

എന്റെ സംഗീതാന്വേഷണപരീക്ഷണങ്ങള്‍ 1Repost

2011-03-19T22:46:00.000-07:00

സംഗീതം മാസ്മരികശക്തിയുള്ള ഒരു കലയാണ്‌ സംശയമില്ല. അത്‌ ഒരു വരദാനമായി കിട്ടിയിട്ടുള്ള ഭഗ്യവാന്മാര്‍ കുറവും.

എന്നാല്‍ അത്‌ ആസ്വദിക്കാനുള്ള കഴിവുണ്ടാകുന്നതും ഒരു ഭാഗ്യം തന്നെയാണേ.

ഞങ്ങളുടെ ചെറുപ്പത്തില്‍ അടുത്തുള്ള ഏതെങ്കിലും വീട്ടില്‍ കല്ല്യാണം നടക്കുമ്പോള്‍ മൈക്‌ വച്ചു കേള്‍പ്പിക്കുന്ന ചില സിനിമാപാട്ടുകളല്ലാതെ മറ്റൊന്നും കേള്‍ക്കുവാനുള്ള സൗകര്യം ഇല്ലായിരുന്നു.

റേഡിയോ പോലും അപൂര്‍വം ചില വീടുകളിലേ ഉള്ളു. ഞങ്ങളുടെ അയല്‍ വീട്ടില്‍ ഒരു റേഡിയൊ കൊണ്ടുവന്നത്‌ അദ്ദേഹം ഞങ്ങള്‍ക്കൊക്കെ കേള്‍ക്കത്തക്കവണ്ണം ഫുള്‍ വോള്യും വച്ചു തന്നിരുന്നു. അതില്‍ സിലോണ്‍ വിവിധഭാരതിയൊക്കെ വല്ലപ്പോഴുംകേള്‍ക്കാന്‍ സാധിക്കും. നിങ്ങള്‍ ആവശ്യപ്പെട്ട ഗാനം ആകാശവാണി തരും . പക്ഷെ ഞങ്ങള്‍ക്കാവശ്യപ്പെട്ടതല്ലല്ലൊ മറ്റുള്ളവര്‍ ആവശ്യപ്പെട്ടതല്ലെ.

അങ്ങനെ ചില പാട്ടൊക്കെ കേട്ടു മാത്രമിരുന്ന കാലത്താണ്‌ എന്റെ ഏറ്റവും മൂത്ത ജ്യേഷ്ഠന്‌ എന്റെ സംഗീതവാസന കണ്ടുപിടിക്കുവാന്‍ ഒരു ആഗ്രഹം ഉണ്ടായത്‌.
അന്നു നാലാം ക്ലാസില്‍ പഠിക്കുന്ന സമയം.
അദ്ദേഹം എന്നെ വിളിച്ചിരുത്തി
"മന്ദാനിലനില്‍ വൃന്ദാവനസുമസുന്ദരിമാര്‍ നടമാടുമ്പോള്‍

രാധാരമണന്‍ മുരളീ മോഹന ഗീതത്താല്‍ മഹി മൂടൂമ്പോള്‍"

എന്നു തുടങ്ങുന്ന ഒരു ലളിതഗാനം (?) പഠിപ്പിക്കുവാന്‍ തുടങ്ങി.

ഞാനാരാ യേശുദാസല്ലേ. കേട്ട പാതി കേള്‍ക്കാത്ത പാതി പാട്ടു തുടങ്ങി
ഏതായാലും ജ്യേഷ്ഠന്‍ എന്നെ പാട്ടു പഠിപ്പിക്കല്‍ അതോടു കൂടി നിര്‍ത്തി.
പ്രായശ്ചിത്തമായി ബോംബേയ്ക്കു വണ്ടി കയറി

സംഗീതത്തിന്റെ സ്വിച്ച്‌ ഓഫ്‌ ചെയ്യാതെ പോയതിനാലാകും ഞാന്‍ ദാ ഇപ്പോഴും അങ്ങനൊക്കെ തന്നെ.

അപ്പോള്‍ പറഞ്ഞു വന്നത്‌ അവനവന്‍ പാടൂന്നത്‌ റെകോര്‍ഡ്‌ ചെയ്തു തിരികെ കേള്‍ക്കുവാനുള്ള സംവിധാനമൊന്നും അന്നില്ലാ ( ടേപ്പ്‌ റേകോര്‍ഡര്‍ ഇല്ല എന്നേ ഉദ്ദേശിക്കുന്നുള്ളൂ) ത്തതു കൊണ്ട്‌ എന്റെ വിചാരം ഞാന്‍ പാടുന്നത്‌ യേശുദാസിനെക്കാളൊക്കെ വളരെ മെച്ചമായിട്ടാണെന്നായിരുന്നിരിക്കണം.

ഒരിക്കലെങ്കിലും അതു കേള്‍ക്കാനുള്ള അവസരം അന്നു കിട്ടിയിരുന്നെങ്കില്‍ ഈ പാതകം ഞാന്‍ തുടരുമായിരുന്നില്ല.

പക്ഷെ എന്തു ചെയ്യാം "ചെറുപ്പകാലങ്ങളിലുള്ള ശീലം --" എന്നല്ലെ ചൊല്ല്.

ജ്യേഷ്ഠന്‍ പോയതിനു ശേഷം പിന്നീടാരും എന്നെ സംഗീതം പഠിപ്പിച്ചുകളയാം എന്നു വിചാരിക്കാന്‍ ധൈര്യപ്പെട്ടില്ല. അതുകൊണ്ട്‌ പ്രി ഡിഗ്രി വരെ അങ്ങനെ ഒക്കെ അങ്ങു പോയി.

പക്ഷെ പ്രി ഡിഗ്രി എത്തിയപ്പോള്‍ അവിടെയും ഉണ്ട്‌ തമാശ.

എന്റെ ജൂനിയര്‍ ആയി ഒരു വിദ്വാന്‍ - ഗായകന്‍ എന്നാല്‍ അയാളെ പോലെ ആകണം. അത്ര നല്ല ശബ്ദം, പാട്ട്‌ - അദ്ദേഹം അടച്ചിട്ട ഒരു മുറിയില്‍ ഇരുന്നു പാടൂന്നത്‌ പുറമെ നിന്നു കേട്ടാല്‍ യേശുദാസിന്റെ പാട്ട്‌ റെകോര്‍ഡില്‍ നിന്നും കേള്‍ക്കുകയാണെന്നേ തോന്നൂ.

എങ്ങനെയോ ഞങ്ങള്‍ രണ്ടു പേരും കൂട്ടുകാരായി.

അദ്ദേഹം എപ്പോള്‍ സ്റ്റേജില്‍ പാടിയാലും എന്നെ കൂട്ടിനു വിളിച്ചിരുത്തി ഇടയ്ക്കു പാടിയ്ക്കും -

( ഇപ്പോഴല്ലേ മനസ്സിലായത്‌ -- പാല്‍പ്പായസം കുടിയ്ക്കുന്നതിനിടയില്‍ നാരങ്ങ തൊട്ടു കൂട്ടിയാല്‍ പായസത്തിന്റെ മാധുര്യം കൂടുമെന്നു അദ്ദേഹത്തിനറിയാമായിരുന്നു - അതുകൊണ്ടല്ലേ അദ്ദേഹത്തിനു കയ്യടിയും എനിക്കു കൂവലും നിറയെ കിട്ടിക്കൊണ്ടിരുന്നത്‌.)

അങ്ങനെ അങ്ങനെ കോളേജ്‌ ഡെ വന്നു.

ഗാനമേളക്ക്‌ ഞാനും പാടുവാന്‍ കൂടണം എന്നു സുഹൃത്ത്‌. ഞാന്‍ എത്ര കൂവലു കിട്ടിയാലും മനസ്സിലാക്കാത്ത വിഡ്ഢി. സമ്മതിച്ചു.

പശ്ചാത്തലസംഗീതക്കാര്‍ എത്തി. റിഹേഴ്സല്‍ തുടങ്ങി.

സുഹൃത്തിന്റെ വക -
ലങ്കാദഹനത്തിലെ "സ്വര്‍ഗ്ഗനന്ദിനി --" കേള്‍ക്കുവാന്‍ തടിച്ചുകൂടൂന്ന ജനത്തിനെ ണിയന്ത്രിക്കുവാന്‍ തന്നെ അധികൃതര്‍ക്ക്‌ പാട്‌
(അതിന്‌
എന്നെ ക്കൊണ്ടൊന്നു പാടിച്ചാല്‍ മതി എന്നവര്‍ക്കറിയില്ലല്ലൊ ഹ ഹ ഹ )

അടുത്തത്‌ എന്റെ പാട്ടു നോക്കം എന്നായി. ഏതു പാട്ടാണ്‌
" നിന്‍ മണിയറയിലെ നിര്‍മ്മലശയ്യയിലെ " എന്ന പാട്ടു എന്നു ഞാന്‍

ഹാര്‍മോണിസ്റ്റ്‌ പാട്ടിന്റെ ആദ്യം വായിക്കുന്ന മ്യൂസിക്‌ വായിച്ചു തുടങ്ങി.

എനിക്കു തോന്നിയസ്ഥലം എത്തിയപ്പോള്‍ ഞാന്‍ പാട്ടു തുടങ്ങി.

ഹാര്‍മോണിസ്റ്റ്‌ നിര്‍ത്തിച്ചു. പതിയെ പറഞ്ഞു തരാന്‍ തുടങ്ങി. മോനേ ദാ ഞാന്‍ ഇത്രയും വായിച്ചു കഴിഞ്ഞ്‌ പാട്ടു തുടങ്ങണം ദാ ഇങ്ങനെ എന്നു പറഞ്ഞു പാടി കേള്‍പ്പിച്ചു.

ഒക്കെ ശരി എന്നു ഞാന്‍. പക്ഷെ എനിക്കുണ്ടൊ താളം തബല ഇതു വല്ലതും അറിയുന്നു. ഹാര്‍മോണിയം ശബ്ദിച്ചു തുടങ്ങിയാല്‍ ഞാന്‍ പാടിത്തുടങ്ങും.

പാട്ട്‌ ഒരു വഴി, താളം വേറൊരു വഴി, ശ്രുതി ഇനിയൊരു വഴി -- ആകെ സംഗീതസാന്ദ്രം
ഇതൊന്നും എനിക്കു മാത്രമേ മനസ്സിലാകാത്തതുള്ളു എന്നതു അത്ര അത്ഭുതമൊന്നുമല്ല അല്ലേ?

കുറെ തവണ ആയപ്പോള്‍ എല്ലാവര്‍ക്കും സഹികെട്ടു.

പക്ഷെ അതോടൂ കൂടി അവിടെ ഉണ്ടായിരുന്ന തിരക്കൊഴിഞ്ഞു എന്നു പ്രത്യേകിച്ചു പറയേണ്ടല്ലൊ.

ഹാര്‍മോണിസ്റ്റ്‌ പറഞ്ഞു മോനെ മോന്റെ പാട്ട്‌ പിന്നീട്‌ നോക്കാം ബാക്കിയുള്ളവരുടെ കഴിയട്ടെ.

എനിക്കെന്തു പ്രശ്നം? അല്ലെങ്കിലും വല്ല്യ വല്ല്യ ആളുകള്‍ക്കൊന്നും റിഹേഴ്സല്‍ തന്നെ വേണ്ടല്ലൊ

എന്തിനു പറയുന്നു പിന്നീട്‌ എന്റെ റിഹേഴ്സല്‍ ഉണ്ടാകാതിരിക്കുവാന്‍ അവര്‍ പ്രത്യേകിച്ചു ശ്രദ്ധിച്ചുകാണും.

അവസാനം ഗാനമേള സമയം എത്തി. സുഹൃത്ത്‌ എന്നെ കൂടെ തന്നെ കൊണ്ടു നടക്കുകയാണ്‌ (എടാ ഭയങ്കരാ !!)

സ്റ്റേജില്‍ അവന്റെ ഒപ്പം തന്നെ ഇരുത്തി.
"സ്വര്‍ഗ്ഗനന്ദിനി " എന്ന ഗാനത്തോടെ പരിപാടി തുടങ്ങി.

സമയം പോയതറിഞ്ഞില്ല . ചെകിടടപ്പിക്കുന്ന കരഘോഷം മുഴക്കി സദസ്സു മുഴുവന്‍ ഇളകി മറിഞ്ഞു.

അടുത്ത ഗാനം.

സുഹൃത്ത്‌ എന്നെ കൊണ്ടു തന്നെ പാടിക്കുവാന്‍ ഹാര്‍മോണിസ്റ്റിനോടു പറഞ്ഞു. ഏതു പാട്ട്‌? തയ്യാറില്ലല്ലൊ

ഏതെങ്കിലും പാട്‌

അപ്പോള്‍ നിന്‍ മണിയറയിലെ ഒക്കുകയില്ല എന്നെനിക്കും മനസ്സിലായി. ഞാന്‍ മറ്റൊന്നു പറഞ്ഞു "ഓമലാളെ കണ്ടൂ ഞാന്‍ പൂങ്കിനാവില്‍ --"

ഹാര്‍മോണിസ്റ്റിന്റെ മുഖം വിളറിയതു ഞാന്‍ ഇപ്പോള്‍ ഓര്‍ക്കുന്നു.
വീണ്ടും പഴയതു പോലെ.
ഹാര്‍മോണിസ്റ്റ്‌ വായന തുടങ്ങി, എനിക്കു തോന്നിയപ്പോള്‍ ഞാന്‍ പാട്ടു തുടങ്ങി, പാട്ടു ഒരു വഴി , താളം വേറൊരു വഴി, മേളം ഇനിയൊരു വഴി, ജനം മറ്റൊരു വഴി--

പക്ഷെ ഇപ്പൊഴും ജനം ഇളകി മറിഞ്ഞു -- കൂവിക്കൊണ്ടായിരുന്നു എന്നു മാത്രം

1972 ല്‍ നങ്ങ്യാര്‍കുളങ്ങര TKMM കോളെജില്‍ നടന്ന സംഭവം തന്നെയാണ്‌ കേട്ടോ - ഒരു വാക്കു പോലും കൂടുതലുമില്ല കുറവുമില്ല.

അടുത്ത സംഭവം അടുത്തതില്‍ പറയാം

ചാണകത്തില്‍ ചവിട്ടിയാല്‍ --

2011-03-15T21:43:00.000-07:00

കാലത്തു നടക്കാനിറങ്ങിയപ്പോള്‍ ഇളം പുല്ലില്‍ കൂടി ചെരുപ്പില്ലാതെ നടക്കുന്നതു നല്ലതല്ലെ അതുകൊണ്ട്‌ അല്‍പനേരം അങ്ങനെ ആകട്ടെ എന്നു വച്ചു.

അധികം നടന്നില്ല കാലില്‍ ഒരു പളപളപ്പ്‌ ചവിട്ടിയത്‌ ചാണകത്തില്‍

എവിടെ മുരിങ്ങ ?

ചാണകത്തില്‍ ചവിട്ടിയാല്‍ മുരിങ്ങയില്‍ നോക്കണം

കുഞ്ഞായിരുന്നപ്പോള്‍ പള്ളിക്കൂടത്തില്‍ പോകുന്ന വഴിയില്‍ ചാണകം ചവിട്ടിയാല്‍ ഉള്ള നിയമം ആണ്‌ ഇല്ലെങ്കിലോ? അന്ന് അടി ഉറപ്പ്‌.
അടിയില്‍ നിന്നും രക്ഷപ്പെടാന്‍ ഇതു മാത്രമല്ല വഴി

കൈതയുടെ ഇലയുടെ തുഞ്ചം കെട്ടിയിട്ടാലും മതി പക്ഷെ ആരും കാണാതെ വേണം എന്നു മാത്രം. ആരെങ്കിലും കണ്ടാല്‍ അതിന്റെ ഫലം പോകും. അടികിട്ടതെ വന്നാല്‍ വൈകുന്നേരം മടങ്ങുന്ന വഴി ആ കെട്ടഴിച്ചു കൊടുക്കുകയും വേണം

വെറുതേ ഓര്‍ത്തുപോയി ബാല്യം അതെത്ര സുന്ദരം ആയിരുന്നു

ഇതെന്തു പൂവ്‌

2011-03-14T04:19:00.000-07:00

പൂക്കള്‍ ഏതായാലും ഭംഗി തന്നെ
ഇതെന്തു പൂവ്‌ ആണെന്നു വല്ല ഊഹവും ഉണ്ടോ?
അയ്യോ ബ്ലോഗിന്റെ ആകൃതി കാരണം പൂ മുറിഞ്ഞു പോയി. സാരമില്ല ക്ലിക്കിയാല്‍ മുഴുവന്‍ കാണാം

മിനിറ്റീച്ചര്‍ പേരു പറഞ്ഞതുകൊണ്ട്‌ മരത്തിന്റെ പടവും കൂടി ദാ

ഉപ്പൂപ്പായ്ക്കൊരാനയുണ്ടാര്‍ന്നു

2011-03-04T07:37:00.000-08:00

അവനവന്‍ ചെയ്യാനുള്ളതു ചെയ്താല്‍
അവനവന്‍ പുരോഗമിക്കും

ഉപ്പൂപ്പായ്ക്കൊരാനയുണ്ടാര്‍ന്നു എന്നു വിചാരിച്ചാല്‍
ഉപ്പൂപ്പാടെ മുതുകില്‍ തഴമ്പു കാണും

ചൈനക്കാരുടെ ഒരു അക്രോബാറ്റിക്‌ ഷോ കാണൂ

http://www.vidsage.com/performances-talents/45-performances-talents/1173-unbelievable-performance-of-chinese-acrobats.html